سرکاری زبان سے متعلق پارلیمانی کمیٹی کے اراکین نے 22 اپریل 2025 بروز منگل  ممبئی میں نیشنل فلم ڈیولپمنٹ کارپوریشن(این ایف ڈی سی)اور نیشنل میوزیم آف انڈین سنیما(این ایم آئی سی) کا دورہ کیا ۔

اس وفد میں ممبران پارلیمنٹ جناب شنکر لال وانی (اندور لوک سبھا حلقہ)،جناب ہری بھائی پٹیل (مہسانہ لوک سبھا حلقہ)،جناب کلدیپ اندورا (گنگا نگر لوک سبھا حلقہ)،ڈاکٹر سمیر سنگھ سولنکی (راجیہ سبھا )،جناب ضیاء الرحمان (سنبھل لوک سبھا حلقہ) کے ساتھ سکریٹری (کمیٹی) جناب پریم نارائن شامل تھے ۔

پارلیمانی کمیٹی کے اراکین کا این ایف ڈی سی کے جنرل منیجر جناب ڈی رام کرشنن اور دیگر سینئر عہدیداروں نے استقبال کیا ۔مرکزی وزارت اطلاعات و نشریات کے سینئر اقتصادی مشیر جناب رویندر کمار جین بھی اس موقع پر موجود تھے ۔

میوزیم کے دورے کا اہتمام محترمہ جیتا گھوش ، منیجر-مارکیٹنگ اینڈ پبلک ریلیشنز ، این ایم آئی سی ، اور جناب ستیہ جیت منڈلے ، ڈپٹی جنرل منیجر اور کیوریٹر نے کیا ۔سرکاری زبان سے متعلق کمیٹی کے اراکین نے ہندوستانی سنیما کے تاریخی سفر ، تکنیکی ترقی ، نایاب پوسٹرز اور کیوریٹڈ کلیکشنز کا بصیرت انگیز جائزہ حاصل کیا ۔

ممبران نمائشوں سے بہت متاثر ہوئے اور انہوں نے ہندوستانی سنیما کے ثقافتی ورثے کے تحفظ اور نمائش کے لیے میوزیم کی تعریف کی۔ انہوں نے بتایا کہ یہ دورہ نہ صرف  بصیرت انگیز اور معلوماتی تھا بلکہ جذباتی کرنے والا بھی تھا ، جو ہندوستانی سنیما کی روح سے ایک منفرد تعلق پیش کرتا ہے ۔انہوں نے مستقبل میں میوزیم کو دوبارہ دیکھنے کے اپنے ارادے کا بھی اظہار کیا ۔

یہ این ایم آئی سی اور این ایف ڈی سی دونوں کے لیے ایک قابل فخر کا لمحہ تھا ، کیونکہ ہندوستانی سنیما کی پائیدار میراث کو ملک کے کلیدی پالیسی سازوں نے تسلیم کیا اور سراہا ۔********

ش ح۔م ش۔م ش

U-162