প্রধানমন্ত্রীগী লোইশঙ
মুস্লিম ৱার্ল্দ লিগকী সেক্রেতরি জেনেরেলনা প্রধান মন্ত্রী উনখ্রে
Posted On:
23 APR 2025 2:23AM by PIB Imphal
ঙসি জেদাহদা মুস্লিম ৱার্ল্দ লিগকী সেক্রেতরি জেনেরেল সৈখ দোক্তর মোহমদ বিন অবদুলকারিম অল-ইসানা প্রধান মন্ত্রী শ্রী নরেন্দ্র মোদী উনখ্রে। মহাক্না জম্মু অমসুং কাস্মিরগী তেরোরিস্তশিংগী মীহাৎ কন্না য়ানিংদবা ফোঙদোকখি অমসুং মরাল লৈতবা মীওই কয়া লৈখিদবদা থম্মোয় শোক্না অৱাবা ফোঙদোকখি।
ন্যু দিল্লিদা জুলাই ২০২৩ দা সেক্রেতরি জেনেরেলগা মহাক্কা উনখিবা অদু প্রধান মন্ত্রীনা নিংশিংখি। খাংবা কনবগী গুনশিং য়োকখৎনবা, ময়াই ওইবা কাংলোন অমসুং খুন্নাই পুন্না অমসুং নুংশিন্না হিংমিন্নবা হেনগৎহন্নবা হোৎনবদা মুস্লিম ৱার্ল্দ লিগনা লৌরিবা থৌদাং প্রধান মন্ত্রীনা থাগৎপা ফোঙদোকখি। মালেম অসি ইমুং অমনি হায়বা চহি কয়া শুরবা ভারতকী ৱাঙুলোন নিংশিংলদুনা, প্রধান মন্ত্রীনা হায়খি ভারত অসি নাৎ কয়া লৈবা, লোল কয়া ঙাংবা, ফুরুপ কয়া লৈবা, লাইনিং কয়া চৎপা খুন্নাই অমনি অমসুং খেন্নবশিংগী অপুনবা শক্তম অমা উবা ফংলি। ভারতকী খেন্নবশিং অসি মমল য়াম্লবা পাঙ্গল অমা ওইনা লৈবাক অসিগী খুন্নাই অমসুং লৈঙাক্কী ফিবম অমা শেম্লি। কা হেনবা নিতি চৎপা, তেরোরিজম অমসুং হিংশাগী ময়োক্ত মুস্লিম লিগ ৱার্ল্দনা চেৎনা লেপ্লিবা অসিদা মহাক্না থাগৎপা ফোঙদোকখি।
প্রধান মন্ত্রীনা হায়খি মদুদি ঙসি তোঙান তোঙানবা হিরম কয়াদা মতম কুইরবা মরী অমা ওইরক্লবা ভারতনা সাউদি অরাবিয়াগা লৈনরিবা মরীশিং ভারতনা মরুওইনা লৌরি। লৈনরিবা মরী অসিদা খুন্নাই অমসুং নাৎকী মরীশিং অসিনা মরুওইবা শক্তম অমা ওইরি।
****
(Release ID: 2123669)
Visitor Counter : 38
Read this release in:
Malayalam
,
English
,
Urdu
,
Marathi
,
Hindi
,
Nepali
,
Bengali-TR
,
Assamese
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada