La pynbna ïa ki nongïashim bynta kiba la poi sha ka phainal jong ka Animation Film Makers Competition (AFC) kaba dang long kum shi bynta jong ka ‘Create in India Challenge Season-1’ jong ka WAVES 2025. Ki 42 tylli ki projek kiba bha tam, kiba pynleit jingmut ha ka jingïathuhkhana tynrai ha kylleng ki bynta baroh ki bynta jong ka kam animation, kaba kynthup ïa ka jingpynwandur tynrai, ka VFX, Augmented Reality (AR)/Virtual Reality (VR), bad virtual production, ki la poi sha ka wat ba khatduh. Kine ki nongiashim bynta kiba don sap mynta kin ioh ia ka lad ban pyni ia ki projek jong ki ha ka WAVE Summit ka ban long ha Mumbai naduh ka 1-4 tarik Jymmang, 2025. Ki 3 ngut kiba jop kin ioh ka khusnam pisa kaba mar 5 lak tyngka.

Ka jingjied ïa ki 42 ngut ki nongiashim bynta ba la poi sha ka phainal ka dei na ka jingbishar bniah kaba la neh khyndai bnai ba la ïalam da ka kynhun Dancing Atoms, ha ka jingïatreilang bad ka kynhun jong ka WAVES. Ia ki jingpyrshang ba aiti lut jong ki nongiashim bynta la ioh jingiarap na ka jingstad jong ka kynhun ba donburom jong ki dkhot nongbishar napoh ka ri bad na kiwei kiwei ki ri, kynthup:

● Anu Singh

● Farrukh Dhondy

● Dan Sarto

● James Knight

● Jan Nagel

● Gianmarco Serra

● Indu Ramchandani

Ki nongiashim bynta ba la poi sha ka phainal, ki ban ioh mynta ka lad ban pyni ia ki projek jong ki ha Mumbai, ki long: Abhijeet Saxena, Anika Rajesh, Anirban Majumder, Anuj Kumar Choudhary, Arundhati Sarkar, Atreyee Poddar, Bhagat Singh Saini, Bhagyashree Satapathy, Bimal Poddar, Catharina Dian Wiraswati S, Gadam Jagadish Prasad Yadav, Gargi Gawthe, Harish Narayan Iyer, Harshita Das, Hirak Jyoti Nath, Isha Chandna, Jacqueline C Ching, Jyothi Kalyan Sura, Khambor Batei Kharjana, Kishore Kumar Kedari, Kiruthika Ramasubramanian, Makam Neha, Martand Anand Ugalmugle, Nandan Balakrishnan, Piyush Kumar, Prasanth Kumar Nagadasi, Prasenjit Singha, Richa Bhutani, Rishav Mohanty, Rohit Sankhla, Sandhra Mary, Sangeeta Poddar, Segun Samson, Shreeyaa Vinayak Pore, Shreya Sachdev, Shrikant S Menon, Srikanth Bhogi, Shubham Tomar, Shweta Subhash Marathe, Sundar Mahalingam, Sukankan Roy, Triparna Maiti, Tuhin Chanda, Vamsi Bandaru, Vetriveare.

Ka jingktah ia ka ioh ka kot na ki projek jong ki ka long kaba kongsan, ha kaba kawei pa kawei ka phlim VFX animation ka lah ban pynmih ki lad ioh kam na ka bynta 100-300 ngut ki briew. Ka WAVES AFC 2025 ka pyni ia ka jingbei tyngka kaba kongsan ha ki sap saindur jong ka ri India, kaba kyntiew ia ka lad ioh kam bad ki lad ki lynti ba don kylleng ka pyrthei. Ka jingthmu jong ka jingiakop ka long ruh ban kyntiew ia ki jingiatreilang hapdeng ki ri bapher bapher ban pynmih ia ki prokram.

Kane ka sienjam ha kylleng ka pyrthei, kaba la kyrshan da ka tnad Information & Broadcasting bad kaba lamkhmat da ka Dancing Atoms, ka dei ka sien kaba nyngkong ba baroh saw tylli ki bynta jong ka kam AVGC ba la mihkhmat hapoh kawei ka rynsan ha kum kane ka jingïakob.

Ka WAVES AFC 2025 ka la ïoh ïa ka jingiashim bynta kaba khraw, da kaba ïoh kumba 1900 tylli ki jingpynrung kyrteng bad 419 tylli ki jingkyntiew kyrteng bapher bapher na ki briew ba sngewtynnad ia kane ka kam, ki samla pule kiba don sap, bad ki riew shemphang kiba la tbit ha kylleng ka pyrthei. Kane ka jingïashim bynta shitrhem ka pynpaw ïa ka bynta ba kongsan jong ka jingïakob ha kaba ithuh bad kyntiew ïa ki sur ba thymmai hapoh ka kam shna animation.

Nalor ka jingpyni ia ka sap, kane ka sienjam ka la buh hakhmat eh ia ka jinghikai ha baroh ki kyrdan. Baroh ki nongiashim bynta, khlem da khein ia ka jingjied kaba khatduh jong ki, ki la ioh jingmyntoi na ki jinghikai ba kordor ba la ialam da ki nongialam ba pawkhmat jong ka kam kum u Guneet Monga u nongjop ia ka Academy Award, u nongpynmih phlim ba pawnam u Shobu Yarlagadda, bad ka Saraswathi Buyyala. Kine ki jingïalang ki la pynleit jingmut ha kaba pynbha ïa ki sap ban peit ia ki bynta bapher bapher jong ka kam. Ia kine ki projek yn pyni ha ki rynsan OTT bapher bapher bad ki briew ba kongsan ha ka kam. Ka nongseng jong ka Dancing Atoms Studios ka Saraswathi Buyyala ka dang ïatreilang bad ki embassy na 17 tylli ki ri (Australia, Bangladesh, Brazil, Canada, China, Colombia, France, Germany, Israel, Italy, Korea, New Zealand, Poland, Portugal, Russia, Spain, United Kingdom) ban pynsuk ïa ki jingïatreilang na ka bynta kine ki projek ba hakhmat eh. Khnang ban kyntiew ia kine ki projek, la buh por ruh ban iakynduh bad ki nongsam ba pawnam. Ki 42 tylli ki projek kiba pawnam ki pyni ia ka jinglong bapher bapher, kynthup ia 12 tylli ki feature film, 9 tylli ki TV series, 3 tylli ki jingshem AR/VR, bad 18 tylli ki phlim lyngkot, kiba don bun ki nongpeitkai bad ki nongiatreilang.

Ka jingkyrshan jong ka tnad Information and Broadcasting ka long ka atiar ban kyntiew ia ka AFC WAVES 2025 sha ka kyrdan kaba mynta. Ka jingaiti ban kyntiew ia ka jingiathuhkhana tynrai hapoh ki bynta jong ka animation, VFX, AR/VR, bad ka virtual production ka la ai ki lad jingiarap bad jingithuh kiba kordor, kaba ai bor ia ki sap kiba dang mih ha ka rynsan kaba kongsan. Kane ka jingiakop bad ki rukom jied kaba bun bynta bha ha ryngkat ki lad kiba bun kiba ka pynmih, ka pynpaw ia ka jingkut jingmut jong ka sorkar ban kyntiew ia ka jinglah jong ka India ban saindur ha ka kam animation kaba kylla sted. Kawei pa kawei ka jingkyntiew kyrteng ba la jied ka ai ïa ka jingïathuhkhana kaba kyrpang bad ka pyni ïa ki rukom saindur bapher bapher, kynthup ïa ki jingai ba pynhun na ki ri bad na kylleng ka pyrthei. Haba phai shakhmat, ka lawei jong ka animation, VFX, AR/VR, bad ka jingiathuh khana lyngba ka virtual production yn pyni ha ka WAVES AFC 2025.

Shaphang ka WAVES

Ka World Audio Visual & Entertainment Summit (WAVES) kaba nyngkong, kaba dei ka jingïalang kaba kongsan bha na ka bynta ka kam Media & Entertainment (M&E), yn pynlong da ka Sorkar India ha Mumbai, Maharashtra, naduh ka 1 haduh ka 4 tarik Jymmang, 2025.

Lada phi dei u nongtrei ha ka kam, u nongbei tyngka, u nongthaw, ne nongsaindur

thymmai, ka Summit ka ai ka rynsan kaba pawnam ha ka pyrthei ban pynïasoh,

ïatreilang, saindur bad noh synñiang sha ka kam M&E.

Ka WAVES ka la buh ban kyntiew ïa ka bor saindur jong ka India, ban pynkhraw ïa

ka kyrdan jong ka kum ka jaka pdeng ban thaw ïa ki prokram, ka jingdon jingem ha

ka liang ka jingstad, bad ka jingsaindur thymmai ia ka teknoloji. Ki karkhana bad ki

bynta ba la pynleit jingmut ki kynthup ïa ka jingpynbna khubor, Print Media,

Television, Radio, Films, Animation, Visual Effects, Gaming, Comics, Sound and

Music, Advertising, Digital Media, Social Media Platforms, Generative AI, Augmented

Reality (AR), Virtual Reality (VR), bad Extended Reality (XR).

Don jingkylli? Peit ia ki jubab hangne

To bud ryntih ia ki jingpynbna ba thymmai na ka PIB Team WAVES

Pynrung kyrteng na ka bynta ka WAVES mynta.

***