ਵੇਵਸ 2025 ਦੇ 'ਕ੍ਰਿਏਟ ਇਨ ਇੰਡੀਆ ਚੈਲੇਂਜ ਸੀਜ਼ਨ-1' ਦੇ ਹਿੱਸੇ ਵਜੋਂ ਆਯੋਜਿਤ ਕੀਤੇ ਜਾ ਰਹੇ ਐਨੀਮੇਸ਼ਨ ਫਿਲਮ ਮੇਕਰਜ਼ ਮੁਕਾਬਲੇ (ਏਐੱਫਸੀ) ਦੇ ਫਾਈਨਲਿਸਟਾਂ ਦਾ ਐਲਾਨ ਕਰ ਦਿੱਤਾ ਗਿਆ ਹੈ। ਐਨੀਮੇਸ਼ਨ ਦੇ ਸਮੁੱਚੇ ਸਪੈਕਟ੍ਰਮ ਵਿੱਚ ਮੂਲ ਕਥਾ ਵਾਚਨ 'ਤੇ ਕੇਂਦ੍ਰਿਤ ਸਭ ਤੋਂ ਵਧੀਆ 42 ਪ੍ਰੋਜੈਕਟ, ਰਵਾਇਤੀ ਐਨੀਮੇਸ਼ਨ, ਵੀਐੱਫਐਕਸ, ਔਗਮੈਂਟੇਡ ਰਿਐਲਿਟੀ (ਏਆਰ)/ਵਰਚੁਅਲ ਰਿਐਲਿਟੀ (ਵੀਆਰ), ਅਤੇ ਵਰਚੁਅਲ ਪ੍ਰੋਡਕਸ਼ਨ ਨੂੰ ਸ਼ਾਮਲ ਕਰਦੇ ਹੋਏ, ਫਾਈਨਲ ਦੌਰ ਵਿੱਚ ਜਗ੍ਹਾ ਬਣਾ ਲਈ ਹੈ। ਇਨ੍ਹਾਂ ਪ੍ਰਤਿਭਾਸ਼ਾਲੀ ਭਾਗੀਦਾਰਾਂ ਨੂੰ ਹੁਣ 1-4 ਮਈ, 2025 ਨੂੰ ਮੁੰਬਈ ਵਿੱਚ ਹੋਣ ਵਾਲੇ ਵੇਵਸ ਸਮਿਟ ਦੌਰਾਨ ਆਪਣੇ ਅਸਲ ਪ੍ਰੋਜੈਕਟ ਪੇਸ਼ ਕਰਨ ਦਾ ਮੌਕਾ ਮਿਲੇਗਾ। ਚੋਟੀ ਦੇ 3 ਜੇਤੂਆਂ ਨੂੰ ਹਰੇਕ ਨੂੰ 5 ਲੱਖ ਰੁਪਏ ਤੱਕ ਦਾ ਨਕਦ ਇਨਾਮ ਮਿਲੇਗਾ।

ਚੋਟੀ ਦੇ 42 ਫਾਈਨਲਿਸਟਾਂ ਦੀ ਚੋਣ ਵੇਵਸ ਟੀਮ ਦੇ ਸਹਿਯੋਗ ਨਾਲ ਡਾਂਸਿੰਗ ਐਟਮਸ ਟੀਮ ਦੀ ਅਗਵਾਈ ਵਿੱਚ ਨੌਂ ਮਹੀਨਿਆਂ ਦੀ ਸਖ਼ਤ ਮੁਲਾਂਕਣ ਪ੍ਰਕਿਰਿਆ ਦਾ ਨਤੀਜਾ ਸੀ। ਭਾਗੀਦਾਰਾਂ ਦੇ ਸਮਰਪਿਤ ਯਤਨਾਂ ਨੂੰ ਰਾਸ਼ਟਰੀ ਅਤੇ ਅੰਤਰਰਾਸ਼ਟਰੀ ਜਿਊਰੀ ਮੈਂਬਰਾਂ ਦੇ ਇੱਕ ਮਾਣਯੋਗ ਪੈਨਲ ਦੀ ਸਮਝਦਾਰ ਮੁਹਾਰਤ ਨਾਲ ਪੂਰਕ ਬਣਾਇਆ ਗਿਆ ਸੀ, ਜਿਸ ਵਿੱਚ ਸ਼ਾਮਲ ਹਨ:

● ਅਨੂ ਸਿੰਘ

● ਫਾਰੂਖ ਢੋਂਡੀ

● ਡੈਨ ਸਰਟੋ

● ਜੇਮਸ ਨਾਈਟ

● ਜੇਨ ਨਗੇਲ

● ਗਿਆਨਮਾਰਕੋ ਸੇਰਾ

● ਇੰਦੂ ਰਾਮਚੰਦਾਨੀ

ਜਿਨ੍ਹਾਂ ਪ੍ਰਤਿਭਾਸ਼ਾਲੀ ਫਾਈਨਲਿਸਟ ਨੂੰ ਹੁਣ ਮੁੰਬਈ ਵਿੱਚ ਆਪਣੇ ਅਸਲ ਪ੍ਰੋਜੈਕਟਾਂ ਨੂੰ ਪੇਸ਼ ਕਰਨ ਦਾ ਮੌਕਾ ਮਿਲੇਗਾ, ਉਹ ਹਨ: ਅਭਿਜੀਤ ਸਕਸੈਨਾ, ਅਨੀਕਾ ਰਾਜੇਸ਼, ਅਨਿਰਬਾਨ ਮਜੂਮਦਾਰ, ਅਨੁਜ ਕੁਮਾਰ ਚੌਧਰੀ, ਅਰੁੰਧਤੀ ਸਰਕਾਰ, ਅਤਰੇਈ ਪੋਦਾਰ, ਭਗਤ ਸਿੰਘ ਸੈਣੀ, ਭਾਗਿਆਸ਼੍ਰੀ ਸਤਪੱਤੀ, ਬਿਮਲ ਪੋਦਾਰ, ਕੈਥਰੀਨਾ ਡਿਆਨ ਵਿਰਾਸਵਤੀ ਐੱਸ, ਗਾਰਗੀ ਗਾਵਥੇ, ਹਰੀਸ਼ ਨਰਾਇਣ ਅਈਅਰ, ਹਰਸ਼ਿਤਾ ਦਾਸ, ਹੀਰਕ ਜੋਤੀ ਨਾਥ, ਈਸ਼ਾ ਚੰਦਨਾ, ਜੈਕਲੀਨ ਸੀ ਚਿੰਗ, ਜਯੋਤੀ ਕਲਿਆਣ ਸੂਰਾ, ਖੰਬੋਰ ਬੱਤੀਈ ਖਰਜਨਾ, ਕਿਸ਼ੋਰ ਕੁਮਾਰ ਕੇਦਾਰੀ, ਕਿਰੂਥਿਕਾ ਰਾਮਸੁਬਰਾਮਣੀਅਨ, ਮਕਮ ਨੇਹਾ, ਮਾਰਤੰਡ ਆਨੰਦ ਉਗਲਮੁਗਲੇ, ਨੰਦਨ ਬਾਲਾਕ੍ਰਿਸ਼ਨਨ, ਪੀਯੂਸ਼ ਕੁਮਾਰ, ਪ੍ਰਸ਼ਾਂਤ ਕੁਮਾਰ ਨਾਗਦਾਸੀ, ਪ੍ਰਸੇਨਜੀਤ ਸਿੰਘਾ, ਰਿਚਾ ਭੂਟਾਨੀ, ਰਿਸ਼ਵ ਮੋਹੰਤੀ, ਰੋਹਿਤ ਸਾਂਖਲਾ, ਸੰਧਰਾ ਮੈਰੀ, ਸੰਗੀਤਾ ਪੋਦਾਰ, ਸੇਗੁਨ ਸੈਮਸਨ, ਸ਼੍ਰੇਯਾ ਵਿਨਾਯਕਪੋਰੇ, ਸ਼੍ਰੇਯਾ ਸਚਦੇਵ, ਸ਼੍ਰੀਕਾਂਤ ਐੱਸ ਮੈਨਨ, ਸ਼੍ਰੀਕਾਂਤ ਭੋਗੀ, ਸ਼ੁਭਮ ਤੋਮਰ, ਸ਼ਵੇਤਾ ਸੁਭਾਸ਼ ਮਰਾਠੇ, ਸੁੰਦਰ ਮਹਾਲਿੰਗਮ, ਸੁਕੰਕਨ ਰਾਏ, ਤ੍ਰਿਪਰਨਾ ਮੈਤੀ, ਤੁਹੀਨ ਚੰਦਾ, ਵਾਮਸੀ ਬੰਡਾਰੂ, ਵੇਤਰੀਵੇਰੇ।

ਉਨ੍ਹਾਂ ਦੇ ਪ੍ਰੋਜੈਕਟਾਂ ਦਾ ਸੰਭਾਵੀ ਆਰਥਿਕ ਪ੍ਰਭਾਵ ਮਹੱਤਵਪੂਰਨ ਹੈ, ਹਰੇਕ ਐਨੀਮੇਟਿਡ ਵੀਐੱਫਐਕਸ ਫੀਚਰ ਫਿਲਮ 100-300 ਵਿਅਕਤੀਆਂ ਲਈ ਰੋਜ਼ਗਾਰ ਪੈਦਾ ਕਰਨ ਦੇ ਸਮਰੱਥ ਹੈ। ਵੇਵਸ ਏਐੱਫਸੀ 2025 ਭਾਰਤ ਦੀ ਸਿਰਜਣਾਤਮਕ ਪ੍ਰਤਿਭਾ ਵਿੱਚ ਇੱਕ ਮਹੱਤਵਪੂਰਨ ਨਿਵੇਸ਼ ਨੂੰ ਦਰਸਾਉਂਦਾ ਹੈ, ਜੋ ਰੋਜ਼ਗਾਰ ਸਿਰਜਣ ਅਤੇ ਆਲਮੀ ਮੌਕਿਆਂ ਨੂੰ ਉਤਸ਼ਾਹਿਤ ਕਰਦਾ ਹੈ। ਇਸ ਮੁਕਾਬਲੇ ਦਾ ਉਦੇਸ਼ ਅੰਤਰਰਾਸ਼ਟਰੀ ਸਹਿ-ਉਤਪਾਦਨ ਨੂੰ ਉਤਸ਼ਾਹਿਤ ਕਰਨਾ ਹੈ।

ਸੂਚਨਾ ਅਤੇ ਪ੍ਰਸਾਰਣ ਮੰਤਰਾਲੇ ਵਲੋਂ ਸਮਰਥਤ ਅਤੇ ਡਾਂਸਿੰਗ ਐਟਮਜ਼ ਨਾਲ ਸੰਚਾਲਿਤ ਇਹ ਬੇਮਿਸਾਲ ਵਿਸ਼ਵਵਿਆਪੀ ਪਹਿਲਕਦਮੀ ਪਹਿਲੀ ਵਾਰ ਏਵੀਜੀਸੀ ਖੇਤਰ ਦੇ ਸਾਰੇ ਚਾਰ ਖੇਤਰ ਆਪਣੀ ਕਿਸਮ ਦੇ ਮੁਕਾਬਲੇ ਵਿੱਚ ਇੱਕ ਛੱਤਰੀ ਹੇਠ ਨੁਮਾਇੰਦਗੀ ਕਰ ਰਹੇ ਹਨ।

ਵੇਵਸ ਏਐੱਫਸੀ 2025 ਨੂੰ ਇੱਕ ਸ਼ਾਨਦਾਰ ਹੁੰਗਾਰਾ ਮਿਲਿਆ ਹੈ, ਜਿਸ ਵਿੱਚ ਦੁਨੀਆ ਭਰ ਵਿੱਚ ਸ਼ੌਕੀਆ ਉਤਸ਼ਾਹੀਆਂ, ਪ੍ਰਤਿਭਾਸ਼ਾਲੀ ਵਿਦਿਆਰਥੀਆਂ ਅਤੇ ਤਜਰਬੇਕਾਰ ਪੇਸ਼ੇਵਰਾਂ ਤੋਂ ਲਗਭਗ 1900 ਰਜਿਸਟ੍ਰੇਸ਼ਨਾਂ ਅਤੇ 419 ਵਿਭਿੰਨ ਐਂਟਰੀਆਂ ਪ੍ਰਾਪਤ ਹੋਈਆਂ। ਇਹ ਉਤਸ਼ਾਹੀ ਭਾਗੀਦਾਰੀ ਐਨੀਮੇਸ਼ਨ ਉਦਯੋਗ ਦੇ ਅੰਦਰ ਤਾਜ਼ੀਆਂ ਰਚਨਾਤਮਕ ਆਵਾਜ਼ਾਂ ਦੀ ਪਛਾਣ ਕਰਨ ਅਤੇ ਪੋਸ਼ਣ ਵਿੱਚ ਮੁਕਾਬਲੇ ਦੀ ਮਹੱਤਵਪੂਰਨ ਭੂਮਿਕਾ ਨੂੰ ਉਜਾਗਰ ਕਰਦੀ ਹੈ।

ਪ੍ਰਤਿਭਾ ਨੂੰ ਪ੍ਰਦਰਸ਼ਿਤ ਕਰਨ ਤੋਂ ਇਲਾਵਾ, ਪਹਿਲਕਦਮੀ ਨੇ ਸਾਰੇ ਪੜਾਵਾਂ 'ਤੇ ਸਲਾਹ-ਮਸ਼ਵਰੇ ਨੂੰ ਤਰਜੀਹ ਦਿੱਤੀ ਹੈ। ਸਾਰੇ ਪ੍ਰਤੀਯੋਗੀਆਂ ਨੇ, ਆਪਣੀ ਅੰਤਿਮ ਚੋਣ ਦੀ ਪਰਵਾਹ ਕੀਤੇ ਬਿਨਾਂ, ਅਕਾਦਮੀ ਅਵਾਰਡ ਜੇਤੂ ਗੁਨੀਤ ਮੋਂਗਾ, ਮੰਨੇ-ਪ੍ਰਮੰਨੇ ਨਿਰਮਾਤਾ ਸ਼ੋਬੂ ਯਾਰਲਾਗੱਡਾ, ਅਤੇ ਸਰਸਵਤੀ ਬੁਯਾਲਾ ਵਰਗੇ ਪ੍ਰਸਿੱਧ ਉਦਯੋਗ ਨੇਤਾਵਾਂ ਦੀ ਅਗਵਾਈ ਵਿੱਚ ਅਨਮੋਲ ਮਾਸਟਰ ਕਲਾਸਾਂ ਦਾ ਲਾਭ ਲਿਆ। ਇਹ ਸੈਸ਼ਨ ਪਿਚਿੰਗ ਹੁਨਰਾਂ ਨੂੰ ਸੁਧਾਰਨ ਅਤੇ ਉਦਯੋਗ ਦੀਆਂ ਜਟਿਲਤਾਵਾਂ ਨੂੰ ਨੈਵੀਗੇਟ ਕਰਨ 'ਤੇ ਕੇਂਦ੍ਰਿਤ ਸਨ। ਇਹ ਪ੍ਰੋਜੈਕਟ ਵੱਖ-ਵੱਖ ਓਟੀਟੀ ਪਲੈਟਫਾਰਮਾਂ ਅਤੇ ਮੁੱਖ ਉਦਯੋਗ ਖਿਡਾਰੀਆਂ ਅੱਗੇ ਪੇਸ਼ ਕੀਤੇ ਜਾਣਗੇ। ਡਾਂਸਿੰਗ ਐਟਮਸ ਸਟੂਡੀਓਜ਼ ਦੀ ਸੰਸਥਾਪਕ ਸਰਸਵਤੀ ਬੁਯਾਲਾ ਇਨ੍ਹਾਂ ਚੋਟੀ ਦੇ 42 ਪ੍ਰੋਜੈਕਟਾਂ ਲਈ ਸਹਿਯੋਗ ਦੀ ਸਹੂਲਤ ਲਈ 17 ਦੇਸ਼ਾਂ (ਆਸਟ੍ਰੇਲੀਆ, ਬੰਗਲਾਦੇਸ਼, ਬ੍ਰਾਜ਼ੀਲ, ਕੈਨੇਡਾ, ਚੀਨ, ਕੋਲੰਬੀਆ, ਫਰਾਂਸ, ਜਰਮਨੀ, ਇਜ਼ਰਾਈਲ, ਇਟਲੀ, ਕੋਰੀਆ, ਨਿਊਜ਼ੀਲੈਂਡ, ਪੋਲੈਂਡ, ਪੁਰਤਗਾਲ, ਰੂਸ, ਸਪੇਨ, ਯੂਨਾਈਟਿਡ ਕਿੰਗਡਮ) ਦੇ ਦੂਤਘਰਾਂ ਨਾਲ ਸਰਗਰਮੀ ਨਾਲ ਜੁੜ ਰਹੀ ਹੈ। ਇਨ੍ਹਾਂ ਪ੍ਰੋਜੈਕਟਾਂ ਨੂੰ ਉਤਸ਼ਾਹਿਤ ਕਰਨ ਲਈ, ਪ੍ਰਮੁੱਖ ਵਿਤਰਕਾਂ ਨਾਲ ਮੀਟਿੰਗਾਂ ਵੀ ਤੈਅ ਕੀਤੀਆਂ ਜਾ ਰਹੀਆਂ ਹਨ। ਚੋਟੀ ਦੇ 42 ਪ੍ਰੋਜੈਕਟ ਇੱਕ ਵਿਭਿੰਨ ਸਪੈਕਟ੍ਰਮ ਨੂੰ ਦਰਸਾਉਂਦੇ ਹਨ, ਜਿਸ ਵਿੱਚ 12 ਫੀਚਰ ਫਿਲਮਾਂ, 9 ਟੀਵੀ ਸੀਰੀਜ਼, 3 ਏਆਰ/ਵੀਆਰ ਅਨੁਭਵ, ਅਤੇ 18 ਲਘੂ ਫਿਲਮਾਂ ਸ਼ਾਮਲ ਹਨ, ਜੋ ਸੰਭਾਵੀ ਦਰਸ਼ਕਾਂ ਅਤੇ ਸਹਿਯੋਗੀਆਂ ਲਈ ਇੱਕ ਸਮ੍ਰਿੱਧ ਵਿਭਿੰਨਤਾ ਦੀ ਪੇਸ਼ਕਸ਼ ਕਰਦੀਆਂ ਹਨ।

ਸੂਚਨਾ ਅਤੇ ਪ੍ਰਸਾਰਣ ਮੰਤਰਾਲੇ ਦਾ ਮਹੱਤਵਪੂਰਨ ਸਮਰਥਨ ਏਐੱਫਸੀ ਵੇਵਸ 2025 ਨੂੰ ਇਸ ਦੇ ਮੌਜੂਦਾ ਪੱਧਰ ਤੱਕ ਉੱਚਾ ਚੁੱਕਣ ਵਿੱਚ ਮਹੱਤਵਪੂਰਨ ਰਿਹਾ ਹੈ। ਐਨੀਮੇਸ਼ਨ, ਵੀਐੱਫਐਕਸ, ਏਆਰ/ਵੀਆਰ ਅਤੇ ਵਰਚੁਅਲ ਉਤਪਾਦਨ ਖੇਤਰਾਂ ਵਿੱਚ ਅਸਲੀ ਕਹਾਣੀ ਸੁਣਾਉਣ ਨੂੰ ਉਤਸ਼ਾਹਿਤ ਕਰਨ ਦੇ ਸਮਰਪਣ ਨੇ ਅਨਮੋਲ ਸਰੋਤ ਅਤੇ ਮਾਨਤਾ ਪ੍ਰਦਾਨ ਕੀਤੀ ਹੈ, ਜਿਸ ਨੇ ਇੱਕ ਮਹੱਤਵਪੂਰਨ ਪਲੈਟਫਾਰਮ 'ਤੇ ਉੱਭਰ ਰਹੀ ਪ੍ਰਤਿਭਾ ਨੂੰ ਸਸ਼ਕਤ ਬਣਾਇਆ ਹੈ। ਇਹ ਮੁਕਾਬਲਾ ਅਤੇ ਇਸ ਦੀਆਂ ਸਖ਼ਤ ਸਕ੍ਰੀਨਿੰਗ ਪ੍ਰਕਿਰਿਆਵਾਂ ਅਤੇ ਸਿੱਖਣ ਦੇ ਮੌਕਿਆਂ ਨੂੰ ਸਮ੍ਰਿੱਧ ਬਣਾਉਣਾ, ਐਨੀਮੇਸ਼ਨ ਦੀ ਗਤੀਸ਼ੀਲ ਦੁਨੀਆ ਵਿੱਚ ਭਾਰਤ ਦੀ ਰਚਨਾਤਮਕ ਸੰਭਾਵਨਾ ਨੂੰ ਪੋਸ਼ਣ ਦੇਣ ਲਈ ਸਰਕਾਰ ਦੀ ਵਚਨਬੱਧਤਾ ਨੂੰ ਉਜਾਗਰ ਕਰਦਾ ਹੈ। ਹਰੇਕ ਚੁਣੀ ਗਈ ਐਂਟਰੀ ਇੱਕ ਵਿਲੱਖਣ ਬਿਰਤਾਂਤ ਪੇਸ਼ ਕਰਦੀ ਹੈ ਅਤੇ ਵਿਭਿੰਨ ਰਚਨਾਤਮਕ ਪਹੁੰਚਾਂ ਨੂੰ ਪ੍ਰਦਰਸ਼ਿਤ ਕਰਦੀ ਹੈ, ਜਿਸ ਵਿੱਚ ਦਿਲਚਸਪ ਅੰਤਰਰਾਸ਼ਟਰੀ ਸਪੁਰਦਗੀਆਂ ਸ਼ਾਮਲ ਹਨ। ਅੱਗੇ ਵਧਦੇ ਹੋਏ, ਐਨੀਮੇਸ਼ਨ, ਵੀਐੱਫਐਕਸ, ਏਆਰ/ਵੀਆਰ ਅਤੇ ਵਰਚੁਅਲ ਪ੍ਰੋਡਕਸ਼ਨ ਕਥਾ ਵਾਚਨ ਦਾ ਭਵਿੱਖ ਵੇਵਸ ਏਐੱਫਸੀ 2025 ਵਿੱਚ ਸਾਹਮਣੇ ਆਵੇਗਾ।

ਵੇਵਸ ਬਾਰੇ

ਇਹ ਮੀਡੀਆ ਅਤੇ ਮਨੋਰੰਜਨ (ਐੱਮ ਅਤੇ ਈ) ਖੇਤਰ ਲਈ ਇੱਕ ਮੀਲ ਪੱਥਰ ਸਮਾਗਮ  ਹੈ, ਜੋ ਪਹਿਲਾ ਵਿਸ਼ਵ ਆਡੀਓ ਵਿਜ਼ੁਅਲ ਅਤੇ ਮਨੋਰੰਜਨ ਸੰਮੇਲਨ (ਵੇਵਸ), ਭਾਰਤ ਸਰਕਾਰ ਦੁਆਰਾ ਮੁੰਬਈ, ਮਹਾਰਾਸ਼ਟਰ ਵਿੱਚ 1 ਤੋਂ 4 ਮਈ, 2025 ਤੱਕ ਆਯੋਜਿਤ ਕੀਤਾ ਜਾਵੇਗਾ।

ਭਾਵੇਂ ਤੁਸੀਂ ਇੱਕ ਉਦਯੋਗ ਪੇਸ਼ੇਵਰ, ਨਿਵੇਸ਼ਕ, ਸਿਰਜਣਹਾਰ, ਜਾਂ ਇਨੋਵੇਟਰ ਹੋ, ਸੰਮੇਲਨ ਐੱਮ ਅਤੇ ਈ ਲੈਂਡਸਕੇਪ ਵਿੱਚ ਜੁੜਨ, ਸਹਿਯੋਗ ਕਰਨ, ਇਨੋਵੇਟ ਕਰਨ ਅਤੇ ਯੋਗਦਾਨ ਪਾਉਣ ਲਈ ਅੰਤਮ ਗਲੋਬਲ ਪਲੇਟਫਾਰਮ ਦੀ ਪੇਸ਼ਕਸ਼ ਕਰਦਾ ਹੈ।

ਵੇਵਸ ਭਾਰਤ ਦੀ ਰਚਨਾਤਮਕ ਤਾਕਤ ਨੂੰ ਵਧਾਉਣ ਲਈ ਤਿਆਰ ਬਰ ਤਿਆਰ ਹੈ, ਜੋ ਸਮੱਗਰੀ ਸਿਰਜਣਾ, ਬੌਧਿਕ ਅਸਾਸਿਆਂ ਅਤੇ ਟੈਕਨੋਲੋਜੀਕਲ ਇਨੋਵੇਸ਼ਨ ਲਈ ਇੱਕ ਹੱਬ ਵਜੋਂ ਆਪਣੀ ਸਥਿਤੀ ਨੂੰ ਵਧਾ ਰਿਹਾ ਹੈ। ਇਸ ਦੇ ਫੋਕਸ ਵਿੱਚ ਉਦਯੋਗਾਂ ਅਤੇ ਖੇਤਰਾਂ ਵਿੱਚ ਪ੍ਰਸਾਰਣ, ਪ੍ਰਿੰਟ ਮੀਡੀਆ, ਟੈਲੀਵਿਜ਼ਨ, ਰੇਡੀਓ, ਫਿਲਮਾਂ, ਐਨੀਮੇਸ਼ਨ, ਵਿਜ਼ੂਅਲ ਇਫੈਕਟਸ, ਗੇਮਿੰਗ, ਕਾਮਿਕਸ, ਸਾਊਂਡ ਅਤੇ ਸੰਗੀਤ, ਇਸ਼ਤਿਹਾਰਬਾਜ਼ੀ, ਡਿਜੀਟਲ ਮੀਡੀਆ, ਸੋਸ਼ਲ ਮੀਡੀਆ ਪਲੈਟਫਾਰਮ, ਜਨਰੇਟਿਵ ਏਆਈ, ਔਗਮੈਂਟੇਡ ਰਿਐਲਿਟੀ (ਏਆਰ), ਵਰਚੁਅਲ ਰਿਐਲਿਟੀ (ਵੀਆਰ), ਅਤੇ ਐਕਸਟੈਂਡਡ ਰਿਐਲਿਟੀ (ਐਕਸਆਰ) ਸ਼ਾਮਲ ਹਨ।

ਕੀ ਤੁਹਾਡੇ ਕੋਈ ਸਵਾਲ ਹਨ? ਇੱਥੇ ਜਵਾਬ ਲੱਭੋ।

ਪੀਆਈਬੀ ਟੀਮ ਵੇਵਸ ਦੀਆਂ ਨਵੀਨਤਮ ਘੋਸ਼ਣਾਵਾਂ ਨਾਲ ਅਪਡੇਟ ਰਹੋ

ਹੁਣੇ ਵੇਵਸ ਲਈ ਰਜਿਸਟਰ ਕਰੋ।

* * *

ਪੀਆਈਬੀ ਟੀਮ ਵੇਵਸ 2025 | ਸ਼੍ਰੀਯੰਕਾ/ਪਰਸ਼ੂਰਾਮ | 96