প্রধান মন্ত্রী মুদ্রা য়োজনা (PMMY), প্রধান মন্ত্রী, শ্রী নরেন্দ্র মোদীনা ২০১৫গী এপ্রিল ৮দা হৌদোকখিবা অসিনা ভারত শিনবা থুংনা স্মোল অমসুং মাইক্রো-এন্ত্রপ্রেনরশিংবু এমপাৱর তৌরকপগী মাইপাক্না চহি ১০ মপুং ফারবদা নুংঙাইবা ফোংদোকখ্রে।ফাইনান্সিয়েল ইনক্লুসনবু য়োকখৎপগী পান্দম থমদুনা, PMMYনা কোরপোরেত নত্তবা অমসুং ফার্মগী নত্তবা ইনকম তানবা থবক-থৌরমশিংগীদমক্তা লুপা লাখ ১০ ফাওবগী কোলেতরেল-ফ্রী লোনশিং য়াম্না কোম্না পীরি। থৱাই য়াওবা এন্ত্রপ্রেনরশিংগীদমক্তা সপোর্ত হেনগৎহন্নবা, ফাইনান্স মন্ত্রীনা ২০২৪গী জুলাই ২৩দা ২০২৪-২৫কী কেন্দ্রগী বেজত্তা লোনগী লিমিৎ অদু লুপা লাখ ২০ ফাওবা হেনগৎনবা লাওথোকখ্রে। মসিগী অনৌবা লিমিৎ অসি ২০২৪গী ওক্তোবর ২৪দগী চৎনবা হৌখ্রে। মসিগী লোনশিং অসি বেঙ্কশিং, NBFCশিং, MFIশিং, অমসুং অতোপ্পা ফাইনান্সিয়েল ইনস্তিত্যুশনশিংগী খুত্থাংদা পীরি।  

নৌনা লাওথোকখিবা লোনগী কাতেগোরী, তরুন প্লস, অসি তরুন কেতেগোরী মখাদা মমাংদা লোনশিং লৌখিবা অমসুং মাইপাক্না শিংগৎখিবশিংগীদমক্তা লুপা লাখ ১০দগীনা লাখ ২০ ফাওবগী ফন্দিং অমুক লৌথবা য়াবগী খুদোংচাবা পীনবগীদমক্তা অখন্ননা শেমখিবনি। মসিগী মথক্তা, ক্রেদিৎ গেরেন্তী ফন্দ ফোর মাইক্রো য়ুনিৎস (CGFMU) না হৌজিক্তি মসিগী হেনগৎহল্লবা লোনশিং অসিগীদমক্তা গেরেন্তী কোভরেজ পীরগনি, মসিনা ভারত্তা অচৌবা এন্ত্রপ্রেনরগী ওইবা ইকোসীস্তেম অমা শেমগৎনবা সরকারগী ফিরেপ অদুবু হেন্না চেৎশিনহল্লি।

মাইক্রো, স্মোল অমসুং মীদিয়ম এন্তরপ্রাইজশিং (MSMEশিং)না অচৌবা ইন্দস্ত্রীশিংবু মতেং পাংলিবা অন্সিলরী য়ুনিৎশিং ওইনা য়াম্না মরুওইবা থৌদাং লৌরি অমসুং লৈবাক অসিগী ইনক্লুসিব ইন্দ্সত্রীয়েল গ্রোথ পুরকপদা য়াম্না চাউনা শরুক য়ারি। মসিগী এন্তরপ্রাইজশিং অসিনা দোমেস্তিক অমসুং ইন্তর্নেস্নেল মার্কেতকী দিমান্দশিং অদুবু পীবা ঙম্নবা তোঙান-তোঙানবা মখল-মখা কয়াগী পোৎলমশিং অমসুং সর্বিসশিং পীদুনা ইকোনোমী অসিগী তোঙান-তোঙানবা সেক্তর কয়া অমদা পাকথোক-চাউথোক্তুনা শন্দোরকপা হেনগৎলক্লি। 

MSMEশিংগীদমক্তা ক্রেদিৎ ফংহনবা অসিবু তেক্নোলোজী চাউখৎলকপা অমসুং দেতা-দ্রিবন লেন্দিং প্রক্তিসশিংনা মরম ওইরগা লেপ্তনা শাহৌ লাকপা ওইনা উই। MSMEশিংবু ক্রেদিৎকী এক্সেস ফংহল্লিবা মমিং লৈরবা সরকারগী অনৌবা থৌরাং অদুদি প্রধান মন্ত্রী মুদ্র য়োজনানি, মসিবু “ফন্দিং দ অনফন্দেদ”গীদমক্তা অখন্নবা স্কীম অমা ওইনা মশক তাক্লি।  

PMMYগী মাইপাকপগী চহি ১০ মপুং ফাবগী থৌরমদা, কেন্দ্রগী ফানিনান্স অমসুং কোর্পোরেত এফিয়র্সকী মন্ত্রী, শ্রীমতি নির্মলা সিতারামন্না হায়খি, “প্রধান মন্ত্রী মুদ্র য়োজনা (PMMY) অসি কন্না হোৎনজবা মাইক্রো-এন্তরপ্রাইজশিং অমসুং ফর্স-জেনেরেশন এন্ত্রপ্রেনরশিংবু এমপাৱর তৌনবগী মিসন অমগা লোইননা প্রধান মন্ত্রী, শ্রী নরেন্দ্র মোদীনা হৌদোকখিবনি। প্রধান মন্ত্রীগী “ফন্দিং দ অনফন্দেদ” হায়বা ভিজন অসিগা লোইননা, স্কীম অসিনা ফোর্মেল ইনস্তিত্যস্নেল ক্রেদিৎ ফংবদা অৱাবা মায়োক্নরিবা অপিকপা এন্তরপ্রাইজশিংগীদমক্তা মতম চানা অমসুং অফোর্দেবল ফাইনান্সিংদা লৈরিবা গেপ অদুবু মানশীন্নবা কোলেতরেল-ফ্রী ওইবা লোনশিং পীরি।”

মী কয়া কয়াবু এমপাৱর তৌবা অমসুং ইনক্লুসিব গ্রোথকী ভিজন অদুবু মঙফাওনহনবদা PMMYনা লৌরিবা থৌদাং অদুবু ফোংদোক্লদুনা কেন্দ্রগী ফাইনান্স মন্ত্রীনা হায়রকখি, “মুদ্রা লোন একাউন্ত করোর ৫২ হেনবদা লুপা করোর লাখ ৩৩.৬৫কী মথক্তা সেঙ্কশন তৌখিবগা লোইননা, স্কীম অসি এন্ত্রপ্রেনর করোর কয়া অমদা, মরুওইনা খুনাই অসিগী খ্বাইদগী হেন্না শোত্থরবা কাংলুপশিংদা মখোয়না নিংজরিবশিং অদুবু মঙফাওনহনবদা য়াম্না মরুওইবা মাইপাকপা অমনি।

২০১৫দগী লুপা করোর লাখ ১১.৫৮কী মুদ্রা লোনশিং সেদ্যুল কাস্তশিং, সেদ্যুল ত্রাইবশিং অমসুং OBCশিংগী মনুং চনবা ময়ামদগী শোত্থরবা কম্যুনিতীশিংদা সেঙ্কশন তৌদুনা পি.এম. ‘সবকা সাথ, সবকা ৱিকাস, সবকা বিস্বাস অমসুং সবকা প্রয়াস’কী মন্ত্রা অসিবু মঙফাওনহল্লি।”

কেন্দ্রগী ফাইনান্স মন্ত্রী, শহরীমতি নির্মলা সিতারামন্না মুদ্রা: নুপীশিংগী এন্ত্রপ্রেনরশীপ অমসুং শেন্মিৎলোনদা শাহৌ পুরকপদা ঈনোৎ হাপ্লিবা স্কীম অসিনা পুরক্লিবা অহোংবা অসিবু থাগৎলদুনা হায়খি মদুদি, “তাবদা য়াম্না নুংঙাইবা ৱাফম অমনা মুদ্রা লোন অকাউন্তশিংগী অপুনবা মশিং অদুগী ৬৯% রোমদি নুপীশিংদা সেঙ্কশন তৌদুনা এমপাৱরমেন্ত খুৎলাই অমা ওইরি অমসুং লৈবাক অসিগী শেনমীৎলোনদা নুপীশিংবুশু য়াহনবা ঙমহল্লি, অমসুং নুপী এন্ত্রপ্রেনরশিংগী মথংগী মীরোলশিংবুশু পুক্নিং থৌগৎলি।

২০২৪-২৫ বজেত্তা লাউথোকখিবা অদুগী মতুং ইন্না হৌখিবা চহিদা লোন লিমিৎ লুপা লাখ ২০দা হেনগৎহনবগা লোইননা তরুন-প্লস কেতেগোরী হৌদোকখিবা অসিনা নিংথিজনা মথৌ তৌরিবা এন্ত্রপ্রেনরশিংবু হেন্না চাউথোকহনবদা অমসুং মখোয়গী অরৈবা মতিক অদু ফুদোক্নবদা মতেং পাংলগনি।”

থৌরম অদুদা, কেন্দ্রগী ফাইনান্সকী রাজ্য মন্ত্রী (MoS), শ্রী পঙ্কজ চৌধরীনা হায়খি, “প্রধান মন্ত্রী মুদ্রা য়োজনা (PMMY) অসি ভারত খক্তা নত্তনা মালেমগী ওইনা খ্বাইদগী হেন্না শিংথানিংঙাই ওইবা অনৌবা থৌরাংশিংগী মনুংদা অমনি, মসিনা এন্ত্রপ্রেনরশিপপু য়োকখৎনবগী পান্দম থম্লি। ফাইনান্সিয়েল ইনক্লুসন অসি সরকারগী খ্বাইদগী মরুওইবশিংগী মনুংদা অমনি, মরমদি মসিনা ইনক্লুসিব গ্রোথ পুরকপদা য়াম্না মরু ওইবা থৌদাং লৌরি। PMMYনা বেঙ্কশিং, NBFCশিং, অমসুং MFIশিংদগী লোনগী সপোর্ত ফংনবা অপিকপা এন্ত্রপ্রেনরশিংগীদমক্তা প্লেতফোর্ম অমা পীরি।”

“স্কীম অসি হৌদোকপা মতমদা, প্রধান মন্ত্রীনা হায়খি মদুদি ভারতকী অপিকপা এন্ত্রপ্রেনরশিং সপোর্ত তোবা হায়বসি ভারতকী ইকোনোমীবু চাউখৎহনবদা অমসুং ফগৎহনবদা মতেং পাংনবগী খ্বাইদগী হেন্না ফবা পাম্বৈশিংগী মনুংদা অমনি। স্কীম অসিনা এন্ত্রপ্রেনর কয়া অমদা মরুওইবা শেলগী তেংবাং পীদুনা মখোয়বু শেমগৎপদা অমসুং মখোয়গী বিজনেসশিং অদুবু মথৌ তৌহনবদা মতেং পাংলি অমসুং মখোয়দা ফাইনান্সিয়েল সেক্যুরিতী ৱাখল্লোন অমা ফাওহল্লি।

মসিনা সেদ্যুল কাস্তশিং/ত্রাইবশিং, অদর বেকৱার্দ ক্লাসশিং (লোন বেনিফিসরিশিংগী ৫০%), অমসুং নুপীশিং (লোন বেনিফিসরীশিংগী ৬৮%) য়াওনা মরুওইনা খুনাই অসিগী খ্বাইদগী হেন্না শোত্থরবা কাংলুপশিংগীদমক্তা লৈবাক শিনথুংনা মশা-মথন্তা থবক পীজবগী খুদোংচাবশিং পীরি।” হায়না MoSনা মখা তাখি।

মুদ্রানা পুরক্লিবা অহোংবশিং অদুগী মতাংদা পল্লদুনা MoSনা হায়খি, “মুদ্রা য়োজনাগী খ্বাইদগী মরুওইবা পান্দমদি “ফন্দিং দ অনফন্দেদ” হায়বসিনি। স্কীম অসিনা ভারতকী স্মোল এন্ত্রপ্রেনরশিংবু ইনফোর্মেল লেন্দরশিংনা এক্সপ্লোইত তৌবীববু মাইপাক্না থিংবা ঙমখি, মসিনা লোন করোর ৫২.৩৭গী খুত্থাংদা লুপা করোর লাখ ৩৩.৬৫ পীদুনা বোরোৱরশিংগী মরক্তা অনৌবা থাজবা অমা ফাওহনখি। ফাইনান্সিয়েল ইনক্লুসন্না মরম ওইরগা ইনক্লুসিব গ্রোথ পুরক্তুনা ২০৪৭ ফাওবদা ভারতপু চাউখৎপা লৈবাক অমা ওইহন্নবগী মাইকৈদা মখোয়না হোৎনরিবশিং অমসুং খোংচৎ অসিবু হেন্না খোংজেল য়াংখৎহন্নবা সরকার অসিনা লেপ্লিবা ফিরেপ অদুবু ময়েক শেংনা উৎলি।”

প্রধান মন্ত্রী মুদ্রা য়োজনা (PMMY)গী য়ুম্বী অহুমগী খুত্থাংদা ফাইনান্সিয়েল ইনক্লুসন পীদুনা মাইপাক্না চহি ১০ মপুং ফাবগী নুংঙাইবা ফোংদোকপগা লোইননা স্কীম অসিগী মরুওইবা ফীচরশিং অমসুং মাইপাকপশিং অদুবু মীৎয়েং তাসি:

লৈবাক অসিদা ফাইনান্সিয়েল ইনক্লুজন প্রোগ্রাম ইমপ্লিমেন্ত তৌবা অসি য়ুম্বি অহুম অসিদা য়ুমফম ওই, মিং ওইনা পল্লবদা,

১. বেঙ্কিং দ অনবেঙ্ক

২. সেক্যুরিং দ অনসেক্যুর্দ অমসুং

৩. ফন্দিং দ অনফন্দেদ

মথক্তা পনখ্রিবা পান্দম অহুম অসি তেক্নোলোজী শিজিন্নদুনা অমসুং মলতি-স্তেকহোলদরশিংগী কোলাবোরেতিব এপ্রোচ শিজিন্নদুনা সেবা ফংখিদবাশিং অমসুং সেবা নিংথিনা থৌবীখিদবশিংগী সেবা তৌবা মতমদা ফংবা ঙম্লিবনি।

FIগী মরুওইবা য়ুম্বী অহুম অদুগী মনুংদা অমা ওইরিবা - ফন্দিং দ অনফন্দেদ অসি PMMYগী খুত্থাংদা ফাইনান্সিয়েল ইনক্লুজন ইকোসীস্তেমদা উবা ফংঙি, মসিবু স্মোল/মাইক্রো এন্ত্রপ্রেনরশিংগীদমক্তা ক্রেদিৎতা কোলেতরেল ফ্রী এক্সেস ফংহন্নবগী পান্দমদা পাইখৎখিবনি। 

PMMY গী মরু ওইবা ফীচরশিং:

1. মুদ্রা লোনশিং অসি হৌজিক্তি কেতেগোরী মরি মিং ওইনা পল্লবদা, ‘শিশু’, ‘কিশোর’, ‘তরুন’, অমসুং নৌনা হাপচিল্লকপা কেতেগোরী ‘তরুন প্লস’  অসিদা ফংলগনি, মসিনা বোরোৱরশিংগী গ্রোথ নত্রগা দেবেলপমেন্ত অমসুং ফন্দিংগী তঙাইফদবশিং অদুগী তাঙ্ককশিং অদুবু তাক্লি:-

• শিশু: লুপা ৫০,০০০/- ফাওবগী লোনশিং কোভর তৌবা
• কিশোর: লুপা ৫০,০০০/- হেনবা অমসুং লুপা লাখ ৫ ফাওবগী লোনশিং কোভর তৌবা
• তরুন : লুপা লাখ ৫ হেনবা অমসুং লুপা লাখ ১০ ফাওবগী লোনশিং কোভর তৌবা
• তরুন প্লস: লুপা লাখ ১০ অমসুং লুপা লাখ ২০ ফাওবা

2. লোনশিং অসিনা পোলত্রী, দেরি অমসুং বীকীপিংগুম্বা এগ্রিকলচরগা মরি লৈনাবা থবক-থৌরমশিং অসি য়াওনা মেন্যুফেকচরিং, ত্রেদিং অমসুং সর্বিস সেক্তরশিংদা তর্ম ফাইনান্সিং অমসুং ৱার্কিং কেপিতল কোভর তৌই।
3. ইন্তরেস্তকী চাং অদু RBIগী গাইদলাইনশিংগী মখাদা লৈ, ৱার্কিং কেপিতলগী খুদোংচাবশিংগা লোইননা ফ্লেক্সিবল ওইবা রিপেমেন্ত তর্মশিং।

২১.০৩.২০২৫ ফাওবদা প্রধান মন্ত্রী মু্দ্রা য়োজনা (PMMY)গী মাইপাকপশিং

• নুপী বোরোৱরশিং: পুন্না শিশুগী মখাদা থাদোকখিবা শেনফম অদু লুপা করোর লাখ ৮.৪৯, কিশোরগী মখাদা লুপা করোর লাখ ৪.৯০ অমসুং তরুনগী মখাদা লুপা করোর লাখ ০.৮৫  ওইখি।

• মাইনোরিতী বোরোৱরশিং: পুন্না শিশুগী মখাদা থাদোকখিবা শেনফম অদু লুপা করোর লাখ ১.২৫, কিশোরগী মখাদা লুপা করোর লাখ ১.৩২ অমসুং তরুনগী মখাদা লুপা করোর লাখ ০.৫০ ওইখি।

• অনৌবা এন্ত্রপ্রেনরশিং/একাউন্তশিং:
  • শিশু কেতেগোরী: সেঙ্কশন তৌখিবা শেনফম লুপা করোর লাখ ২.২৪ অমসুং থাদোকখিবা শেনফম লুপা করোর লাখ ২.২০গা লোইননা লুপা করোর ৮.২১গী একাউন্ত।
  • কিশোর কাতেগোরী: সেঙ্কশন তৌখিবা শেনফম লুপা করোর লাখ ৪.০৯ অমসুং থাদোকখিবা শেনফম লুপা করোর লাখ ৩.৮৯ গা লোইননা লুপা করোর ২.০৫গী একাউন্ত।
  • তরুন কেতেগোরী: সেঙ্কশন তৌখিবা শেনফম লুপা করোর লাখ ৩.৯৬ অমসুং থাদোকখিবা শেনফম লুপা করোর লাখ ৩.৮৩ গা লোইননা লুপা করোর ৪৫গী একাউন্ত।

কেতেগোরীগী মতুং ইন্না খাইদোকপা: (লোনগী মশিং অমসুং সেঙ্কশন তৌখিবা শেনফম)

স্কীম অসি হেক হৌদোরকপদগী থমখিবা তার্গেতশিং অদু লোইনা ফংখি, তৌইগুম্বশু FY ২০২০-২১ দি কোবিদ-১৯ লাইচৎনা মরম ওইরগা ঙমখিদে।

চহিগী মতুং ইন্না সেঙ্কশন তৌখিবা শেনফম অদু মখাদা পীরি:-

অখন্নবা অনৌবা থৌরাংশিং:

• ক্রেদিৎ গেরেন্তী ফন্দ ফোর মাইক্রো য়ুনিৎস (CGFMU) অসি PMMYগী মখাদা লোনশিং লৌনবা ২০১৬দা লিংখৎখিবনি।
• আত্মা নির্ভর ভারত অভিয়ানগী মখাদা FY ২০২০-২১দা শিশু লোনশিংদা ২%গী ইন্তরেস্ত সবভেন্সন পীখি, মসিনা মতিক চাবা বোরোৱরশিংদা ক্রেদিৎকী কোস্ত হন্থহল্লি।

ভারতনা PMMYগী মাইপাক্না চহি ১০ মপুং ফাবগী নুংঙাইবা ফাওদোকপগা লোইননা সরকার অসিনা “বেঙ্কিং দ অনবেঙ্ক”, “সেক্যুরিং দ অনসেক্যুর্দ” অমসুং “ফন্দিং দ অনফন্দেদ”কীদমক্তা লেপ্লিবা ফিরেপ অদুবু অমুক্কশূ হন্না থাজবা পীরদুনা ফাইনান্সিয়েল ইনক্লুসনবু য়োকখৎপা অমসুং এন্ত্রপ্রেনরশিংগী মঙলান অদুবু মঙফাওনহন্নবা মতেং পাংলি।

****