প্রধান মন্ত্রী শ্রী নরেন্দ্র মোদীনা ঙসি তমিল নাদুগী রামেস্বরমদা লুপা করোর 8300 হেনবগী রেল অমসুং লম্বীগী প্রোজেক্ত কয়া জাতিদা কত্থোকখ্রে অমসুং উরেপ উয়ুং তমখ্রে। অঙনবদা, মহাক্না অনৌবা পমবন রেল ব্রিজ - ভারতকী অহানবা ভর্তিকল লিফ্ত সি ব্রিজ শঙ্গাখি অমসুং রোদ ব্রিজদগী ত্রেন অমসুং জহাজ অমা লমথাখি অমসুং থোং অসি মথৌ পাংথোকপা উবা ফংখি। মহাক্না রামেস্বরমদা লৈবা রামনাথস্বামী মন্দিরদসু দর্শন অমসুং পুজা পাংথোকখি। থৌরম অদুদা মীয়াম তিনখিবা অদুদা ৱা ঙাংলদুনা শ্রী মোদীনা হায়খি মদুদি ঙসি অসি শ্রী রাম নবমীগী য়াইফরবা নুমিৎনি। মহাক্না হায়খি মদুদি ঙসি অয়োধ্যাদা লৈবা অচৌবা রাম মন্দিরদা নুমিৎকী মতিক লৈরবা মঙালনা রাম লল্লাবু অচৌবা তিলাক অমনা লৈতেংবিখি। “শ্রী রামগী পুন্সি অমসুং মহাক্কী নিংথৌ ওইবগী মতমদগী অফবা লৈঙাক পায়বগী ইথিল অসি লৈবাক শেমগৎপদা মরু ওইবা য়ুম্ফম অমা ওইরি”, হায়না মহাক্না হায়খি। তমিল নাদুগী সঙ্গম মতমগী সহিত্যানসু ভগৱান শ্রী রামগী মতাংদা পনখি হায়না মহাক্না মখা তাখি, মহাক্না রামেস্বরমগী অশেংবা লমদমদগী শ্রী রাম নবমীগী থৌরম অসিদা প্রজা পুম্নমক্তা নুংঙাইবা ফোংদোকখি।

শ্রী মোদীনা হায়খি, "ঐহাক্না ঙসি রামনাথস্বামী মন্দিরদা লাই খুরুম্বা ফংজবা অসিদা নুংঙাইবা ফাওই।" মহাক্না হায়খি, অখন্নবা নুমিৎ অসিদা লুপা করোর 8,300গী চাউখৎ-থৌরাংগী প্রোজেক্তশিং খুৎশিন্নবগী খুদোংচাবা ফংখি। রেল অমসুং লম্বীগী প্রোজেক্তশিং অসিনা তমিল নাদুদা কন্নেক্তিবিতী য়াম্না হেনগৎহল্লগনি হায়না মহাক্না অকনবা ৱাফম থমখি। অহোংবা পুরক্নবা থৌরাংশিং অসিগীদমক মহাক্না তমিল নাদুগী মীয়ামদা নুংঙাইবা ফোংদোকখি।

রামেস্বরম অসি ভারত রত্ন, দা. কলামগী লমনি, মহাক্কী পুন্সিনা সাইন্স অমসুং স্পিরিচুএলিতি অমনা অমবু মতৌ করম্না মপুং ফাহল্লকপগে হায়বদু উৎখি হায়না পল্লদুনা প্রধান মন্ত্রীনা হায়খি, "রামেস্বরমদা লৈবা অনৌবা পমবন ব্রিজ অসিনা তেক্নোলোজী অমসুং ত্রেদিসনগী অপুনবগী শক্তম ওইরি।" চহি লিশিং কয়াগী মমাংদগী লৈরক্লবা শহর অমা হৌজিক 21শুবা চহি চাগী ইঞ্জিনীয়রিংগী অঙকপা থৌওং অমনা শম্নহল্লে হায়না মহাক্না ফোংদোকখি। মহাক্না ইঞ্জিনীয়রশিং অমসুং থবক শুরিবা মীওইশিংদা মখোয়গী থৌনা অমসুং কন্না হোৎনবগীদমক থাগৎপা ফোংদোকখি। শ্রী মোদীনা হায়খি মদুদি থোং অসি ভারতকী অহানবা ভর্তিকল লিফ্ত রেলৱে সি ব্রিজনি, মসিনা অচৌবা জহাজশিংবু মসিগী মখাদা চৎপা য়াহল্লগনি অদুগা ত্রেনগী খোঙচৎসু হেন্না খোঙজেল য়াংহল্লগনি। ঙসি অঙনবা মতমদা অনৌবা ত্রেন সর্বিস অমসুং জহাজ অমা লমথাখিবগী মতাংদা মহাক্না পনখি অমসুং মিল নাদুগী মীয়ামদা অখন্নবা প্রোজেক্ত অসিগীদমক নুংঙাইবা ফোংদোকখি ফোংদোকখি।

মসিগী থোং অসিগী দিমান্দ অসি দিকেদ কয়াদগী লৈরক্লি হায়না পল্লদুনা শ্রী মোদীনা হায়খি মদুদি, মীয়ামগী য়াইফ-পাউজেলগা লোয়ননা মসিগী থবক অসি লোইশিনবগী খুদোংচাবা ফংলে। মহাক্না অকনবা ৱাফম থমখি মদুদি পমবন ব্রিজ অসিনা ইজ ওফ দুইং বিজিনেস অমসুং ইজ ওফ ত্রেবেল অনিমক মতেং পাংলি। মসিনা মীওই লাখ কয়াগী পুন্সিদা অফবা শাফু অমা পীরি। প্রধান মন্ত্রীনা হায়খি মদুদি অনৌবা ত্রেন সর্বিস অসিনা রামেস্বরমদগী চেন্নাই অমসুং লৈবাক অসিগী অতোপ্পা মফমশিংদা কন্নেক্তিবিতী হেনগৎহল্লগনি। চাউখৎ থৌরাং অসিনা তমিল নাদুদা ললোন-ইতিক অমসুং তুরিজমদা কান্নবা ফংহল্লগনি অমসুং নহারোলশিংগীদমক অনৌবা থবক অমসুং ললোন-ইতিক্কী খুদোংচাবা লৈহল্লগনি হায়না মহাক্না মখা তাখি।

“হৌখিবা চহি 10দা ভারতনা শেন্মিৎলোনগী পাক চাউবা শরুক অনি হেনগৎহনখ্রে”, হায়না শ্রী মোদীনা হায়খি। মহাক্না হায়খি মদুদি খোঙজেল য়াংনা চাউখৎলকপগী মরুওইবা মরমশিংগী মরক্তা অমা লৈবাক অসিগী শিংথানিংঙাই ওইবা মোদর্ন ইনফ্রাস্ত্রকচরনি। হৌখিবা দিকেদ অমদা, রেলৱেজ, লম্বী-থোং, এয়রপোর্ত, পোর্ত, ইলেক্ত্রিসিতী, ঈশিং অমসুং গ্যাস পাইপলাইনগুম্বা ইনফ্রাস্ত্রকচরগীদমক বজেৎ অসি চাউরাক্না শরুক তরুক হেনগৎলে হায়না মহাক্না ফোংদোকখি। “ঙসিদি লৈবাক শীনবা থুংনা মেগা প্রোজেক্তশিং খোঙজেল য়াংনা মাংলোমদা চংশিল্লি," ফোংদোক্লদুনা মহাক্না হায়খি মদুদি অৱাংথংবা লমদমদা, জম্মু অমসুং কাশ্মীরদা মালেমগী খ্বাইদগী ৱাংবা রেলগী থোংশিংগী মরক্তা অমা ওইরিবা চেনাব ব্রিজ অসি শাখ্রে। মহাক্না মখা তাখি মদুদি নোংচুপ থংবা মুম্বাইদা হৌজিক লৈবাক অসিগী খ্বাইদগী শাংবা সমুদ্রগী থোং, অতল সেতু লৈরে। মহাক্না মখা তারদুনা হায়খি, নোংপোক থংবা শরুকদা, আসামগী বোগিবেল ব্রিজ অসি চাউখৎপগী খুদম অমা ওইরি। অদুগা খাদা, মালেমগী ভর্তিকল লিফ্ত ব্রিজ খরগী মনুংদা অমা ওইরিবা পমবন ব্রিজ অসি লোইশিনখ্রে। ইস্তর্ন অমসুং ৱেস্তর্ন দেদিকেতেদ ফ্রাইৎ কোরিদোরশিং অসি লোইশিল্লক্লবনি হায়না প্রধান মন্ত্রীনা মখা তানা ফোংদোকখি। লৈবাক অসিগী অহানবা বুলেৎ ত্রেনগী থবক য়াম্না থুনা চত্থরি হায়না মহাক্না অকনবা ৱাফম থমখি অমরোমদনা ভন্দে ভারত, অমৃত ভারত অমসুং নমো ভারতকুম্বা মোদর্ন ত্রেনশিংনা রেল নেৎৱার্ক অসি হেন্না চাউখৎহল্লে।

ভারতকী মফম খুদিংমক অমগা অমগা শম্নরকপা মতমদা, চাউখৎলবা লৈবাক অমা ওইবগী লম্বী অসি মপাঙ্গল কনখৎহল্লি হায়না পল্লদুনা, শ্রী মোদীনা হায়খি মদুদি মালেমগী চাউখৎলবা লৈবাক অমসুং মফম খুদিংমক্তা অসিগুম্বা থৌওং অসি থোক্লি। মহাক্না হায়খি মদুদি ভারতকী রাজ্য খুদিংমক শম্নরকপগা লোয়ননা লৈবাক অসিগী অপুনবা পোতেন্সিএল অদু মপুং ফানা খঙবা ঙম্লে। মসিগী কন্নেক্তিবিতী অসিনা তমিল নাদু য়াওনা লৈবাক অসিগী মফম খুদিংমক্তা কান্নবা পীরি হায়না মহাক্না ফোংদোকখি।

প্রধান মন্ত্রীনা তমিল নাদুগী পোতেন্সিএল হেনগৎলকপগা লোয়ননা ভারতকী গ্রোথ অসি হেন্না খুমাং চাউশিল্লগনি হায়না ফোংদোক্লদুনা হায় “তমিল নাদুনা চাউখৎপা ভারত অমা ওইনা ভারতকী খোঙচৎ অসিদা মরু ওইবা থৌদাং অমা লৌরি”। মহাক্না অকনবা ৱাফম থমখি মদুদি হৌখিবা দিকেদ অমদা, সেন্ত্রেল গবর্নমেন্তনা তমিল নাদুগী চাউখৎ-থৌরাংগীদমক 2014গী মমাংগী মতমগা চাংদম্নবদা শরুক অহুম হেনবা শেনফম থাদোকখ্রে। হেনগৎলক্লিবা শেনফম অসিনা তমিল নাদুগী শেন্মিৎলোন অমসুং ইন্দস্ত্রীগী চাউখৎপদা চাউনা মতেং পাংলি হায়না মহাক্না ফোংদোকখি।

তমিল  নাদুদা ইনফ্রাস্ত্রকচর দিবেলপমেন্ত অসি ভারত সরকারগী মরুওইবা অমনি হায়না পল্লদুনা শ্রী মোদীনা হায়খি মদুদি হৌখিবা চহি তরা অসিদা তমিল নাদুগী রেলৱেজকী বজেৎ অসি শরুক তরেৎ হেনগৎখ্রে। মহাক্না মখা তাখি মদুদি 2014গী মমাংদা তমিল নাদুদা রেল প্রোজেক্তশিংদা চহিগী ওইনা লুপা করোর 900 খক্তমক ফংখি, অদুগা চহি অসিদা তমিল নাদুগী রেলৱেজকী বজেৎ অসি লুপা করোর 6,000 হেনখ্রে। রামেস্বরম স্তেসন য়াওনা রাজ্য অসিগী রেলৱে স্তেসন 77 ভারত সরকারনা মোদর্নাইজ তৌরি হায়না মহাক্না মখা তানা ফোংদোকখি।

হৌখিবা চহি 10দা রুরেল রোদ অমসুং হায়ৱেজ শেমগৎপদা চাউনা খুমাং চাউশিল্লকপগী মতাংদা পল্লদুনা প্রধান মন্ত্রীনা হায়খি মদুদি 2014দগী হৌদুনা কেন্দ্র সরকারগী মতেংগা লোয়ননা তমিল নাদুদা কিলোমীতর 4,000গী লম্বী শেমগৎখ্রে। মহাক্না হায়খি মদুদি চেন্নাই পোর্তকা শম্নহল্লিবা এলিভেতেদ কোরিদোর অসি শীংথানীংঙাই ওইরবা ইনফ্রাস্ত্রকচরগী অতোপ্পা খুদম অমা ওইরগনি।  ঙসি চাউরাক্না লুপা করোর 8,000গী লম্বীগী প্রোজেক্তশিংগী উরেপ উয়ুং তমখ্রে অমসুং শঙ্গাখ্রে হায়না মহাক্না মখা তাখি। মহাক্না হায়খি মদুদি প্রোজেক্তশিং অসিনা তমিল নাদুগী তোঙান তোঙানবা জিলাশিংদা কন্নেক্তিবিতী হেনগৎহল্লগনি অমসুং অন্ধ্র প্রদেশকা মরীসু ফগৎহল্লগনি।

প্রধান মন্ত্রীনা পনখি মদুদি চেন্নাই মেত্রোগুম্বা মোদর্ন পব্লিক ত্রান্সপোর্ত সিস্তেম্না তমিল নাদুদা চৎথোক-চৎশিন তৌবদা হেন্না নুংঙাইহল্লি। পাক-শন্না ইনফ্রাস্ত্রকচর চাউখৎহনবনা সেক্তর কয়াদা অনৌবা থবকশিং ফংহল্লগনি হায়না মহাক্না অকনবা ৱাফম থমখি।

হৌখিবা চহি তরাগী মনুংদা ভারত্তা সোসিএল ইনফ্রাস্ত্রকচরদা রেকোর্দ ওইবা ইনবেস্তমেন্ত তৌবগী মতাংদা পল্লদুনা শ্রী মোদীনা তমিল নাদুগী ইমুং করোর কয়া অমা মসিগী ইনিসিয়েতিবশিং অসিদগী কান্নবা ফংবা অসিদা নুংঙাইবা ফোংদোকখি। মহাক্না হায়খি মদুদি হৌখিবা চহি 10দা লৈবাক শিনবা থুংনা লায়রবা ইমুংশিংদা পক্কা য়ুম করোর 4 হেন্না ফংহনখ্রে। মসিগী মনুংদা পি.এম. আৱাস য়োজনাগী মখাদা তমিল নাদুদা পক্কা য়ুম লাখ 12 হেন্না শাখ্রে। মহাক্না মখা তারদুনা হায়খি মদুদি হৌখিবা চহি তরা অসিদা, খুঙ্গংগী ইমুং করোর 12রোমদা অহানবা ওইনা তোতি ঈশিং ফংহনখ্রে। মহাক্না হায়খি মদুদি মসিগী মনুংদা তমিল নাদুগী ইমুং করোর 1গা লাখ 11 য়াওরি, মখোয়না হৌজিক অহানবা ওইনা মখোয়গী য়ুমদা থক্নবা ঈশিং ফংলে।

"প্রজাশিংদা মগুন লৈবা অমসুং শেল চংদবা হেল্থকেয়র ফংহনবা অসি ঐখোয়গী সরকারগী অচেৎপা থৌদাং অমনি" হায়না ফোংদোক্লদুনা প্রধান মন্ত্রীনা হায়খি, আয়ুশ্মান ভারত স্কিমগী মখাদা তমিল  নাদুদা লায়েং করোর অমা হেন্না পাংথোকখ্রে, মসিনা রাজ্য অসিগী ইমুংশিংগী লুপা করোর 8,000 কনবা ঙমখ্রে। তমিল নাদুদা জন ঔশধী কেন্দ্র 1400 হেন্না লৈরে, মসিদা হিদাক-লাংথক চাদা 80 ফাওবগী দিস্কাউন্ত ফংলি হায়না মহাক্না মখা তানা ফোংদোকখি। মমল হোংবা হিদাকশিং অসিনা মীয়ামদা লুপা করোর 700 কনবা ঙম্লে হায়না মহাক্না পনখি।

তমিল নাদুদা হৌখিবা চহিশিংদা অনৌবা মেদিকেল কোলেজ 11 ফংখ্রে হায়না পল্লদুনা শ্রী মোদীনা হায়খি মদুদি নহা ওইরিবা ভারত মচাশিংনা দোক্তর ওইনবগীদমক মপান্দা চৎপগী তঙাইফদবা লৈহনদবা হায়বা অসিদা সরকারনা থাজবা থম্লি। মহাক্না তমিল নাদু সরকারদা তমিল  লোলদা মেদিকেল এজুকেসনগী কোর্সশিং হৌদোক্নবা তকশিনখি। মসিনা লায়রবা ইমুংশিংগী অঙাং কয়াদা মতেং পাংগনি।

“অফবা লৈঙাক্না তেক্সপেয়রশিংনা থাদরিবা লুপা খুদিংমক্না খ্বাইদগী লায়রবা প্রজাশিং ফাওবা কান্নবা ফংহন্নবা হোৎনৈ" হায়না প্রধান মন্ত্রীনা ফোংদোক্লদুনা হায় পি.এম. কিসান সম্মান নিধিগী মখাদা তমিল নাদুদা অপীকপা লৌমীশিংনা লুপা করোর 12,000গী ময়াদা ফংলে হায়না মহাক্না ফোংদোকখি। তমিল নাদুগী লৌমীশিংসু পি.এম. ফাসল বিমা য়োজনাগী কান্নবা ফংলি লোয়ননা ক্লেমশিং অসি লুপা করোর 14,800 ওইরি হায়না মহাক্না মখা তাখি।

শ্রী মোদীনা হায়খি, "ভারতকী ব্ল্যু ইকনোমীনা লৈবাক অসিগী চাউখৎপদা মরুওইবা থৌদাং অমা লৌগনি, অমসুং সেক্তর অসিদা তমিল নাদুগী মপাঙ্গল অসি মালেমগী ওইনা শকখঙলগনি।" মহাক্না তমিল  নাদুগী ঙামী কাংলুপনা কন্না হোৎনবগী মতাংদা পনখি অমসুং রাজ্য অসিগী ফিসরিজ ইনফ্রাস্ত্রকচর মপাঙ্গল কনখৎহন্নবা কেন্দ্র সরকারনা মথৌ তাবা মতেং পুম্নমক পীরি হায়না অকনবা ৱাফম থমখি। হৌখিবা চহি মঙাদা তমিল নাদুদা পি.এম. মৎস্যা সমপদা য়োজনাগী মখাদা শেল য়াম্না ফংলে হায়না মহাক্না ফোংদোকখি। সিৱীদ পার্কশিং, ফিসিং হার্বরশিং অমসুং লেন্দিং সেন্তরশিংদা লুপা করোর চাম্মগী শেল থাদবা য়াওনা ঙামীশিংগীদমক মোদর্ন ফেসিলিতীশিং ফংহন্নবা সরকারনা হোৎনরি হায়না মহাক্না ফোংদোকখি। শ্রী মোদীনা মখা তানা ঙামীশিংগী সেফতী অমসুং সেক্যুরিতীগীদমক সরকারগী অচেৎপা ফিরেপ অদু পনখি। হৌখিবা চহি তরা অসিদা, ঙামী 3700 হেন্না শ্রী লঙ্কাদগী পুরকখ্রে, মসিগী মনুংদা হৌখিবা চহি অমখক্তদা 600 হেনখি হায়না মহাক্না হায়খি।

লৈবাক অসিগী মরমদা তমনবা অমসুং খঙননবা হোৎনবদা মালেমগী মীয়াম্না ভারতকী মতাংদা পুক্নিং চংলিবা অসিগী মতাংদা পল্লদুনা শ্রী মোদীনা মসিগী মীৎয়েং অসিদা ভারতকী চৎনবী অমসুং সোফ পাৱরগী মরুওইবা থৌদাং অদু পনখি। সরকারনা তমিল লোল অমসুং হেরিতেজ অসি মালেমগী মফম খুদিংমক্তা য়ৌহন্নবা লেপ্পা লৈতনা হোৎনরি হায়না মহাক্না মখা তাখি। 21শুবা চহিচা অসিদা, মসিগী অফবা চৎনবী অসি মখা তানা মাংলোমদা চংশিনবা তাই হায়না মহাক্না থাজবা ফোংদোকখি। রামেস্বরম অমসুং তমিল নাদুগী অশেংবা লমদম অসিনা লৈবাক অসিদা ইথিল অমসুং থৌনা পীদুনা লৈহৌরগনি হায়না মহাক্না থাজবা থমখি।

ঙসি অসি ভারত জনতা পার্তীগী ফাউন্দেসন নুমিৎনি হায়না পল্লদুনা শ্রী মোদীনা হায়খি মদুদি বিজেপিগী শিন্মী খুদিংমক্না কন্না হোৎনদুনা মপাঙ্গল কনবা, চাউখৎপা অমসুং চাউখৎপা ভারত অমা শেমগৎনবা পান্দম থম্লি। মহাক্না হায়খি মদুদি লৈবাক অসিগী মীয়াম্না বিজেপি সরকারশিংগী অফবা লৈঙাকপা অমসুং লৈবাক অসিগী কান্নবগা মরী লৈননা লৌখৎলিবা ৱারেপশিং অদু উবা ফংলি। মহাক্না লৈবাক অসিগী রাজ্য খুদিংমক্তা অমসুং মফম খুদিংমক্তা লৈরিবা BJPগী মীহুৎশিংনা গ্রাসরুতকী লেবেলদা থবক তৌরি অমসুং লায়রবশিংদা মতেং পাংলিবা অসিদা চাউথোকচবা ফোংদোকখি। মহাক্না লোইশিনবদা BJPগী শিন্মী মিলিয়ন কয়াদা মহাক্কী থাগৎপা ফোংদোকখি অমসুং মখোয়দা য়াইফ-পাউজেল পীখি।

তমিল নাদুগী রাজ্যপাল শ্রী আর.এন. রবি, কেন্দ্রগী মন্ত্রী শ্রী অশ্বিনী বৈষ্ণব, কেন্দ্রগী রাজ্য মন্ত্রী দা. এল. মুরুগননা থৌরম অদুদা শরুক য়াখি।

বেকগ্রাউন্দ

প্রধান মন্ত্রীনা ন্যু পমবন রেল ব্রিজ শঙ্গাখি অমসুং রামেস্বরম-তম্বরম (চেন্নাই) অনৌবা ত্রেন সর্বিস লমথাখি। থোং অসি কলচরগী ওইবা মরুওইবা অমা লৈ। রামায়নগী মতুং ইন্না রাম সেতু অসি রামেশ্বরামগী মনাক্তা ধানুশকোদিদগী শাগৎপা হৌখি।

রামেস্বরমবু মেনলেন্দগা শম্নহল্লিবা ব্রিজ অসি মালেমগী থাক্তা ভারতকী ইঞ্জিনীয়রিংগী শিংথানিংঙাই ওইবা মাইপাকপা অমনি। মসি লুপা করোর 700 হেনবগী শেনফম চংনা শাখ্রে। মসিগী অশাংবা অসি কিলোমীতর 2.08নি, স্পেন 99 অমসুং মিতর 72.5গী ভর্তিকেল লিফ্ফ স্পেন্স লৈ অমসুং মসি মিতর 17 ফাওবা ৱাংখৎলি। মসিনা ত্রেনগী ওপরেসন লেপ্পা লৈতনা পাংথোকপগা লোয়ননা জহাজশিং অপনবা লৈতনা চৎথোক-চৎশিন তৌবদা মতেং পাংই। স্তেনলেস স্তীলগী রিএনফোর্সমেন্ত, হায়-গ্রেদ প্রোতেক্তিব পেন্ত, অমসুং মপুং ফানা ৱেল্দ তৌরবা জোইন্তশিং শিজিন্নদুনা শাখিবা, থোং অসি হেন্না মপাঙ্গল কনখৎহল্লি অমসুং য়েংশিনবগী মথৌ তাবা হন্থহল্লি। মসি তুংগী তঙাই ফদবশিং ফংহন্নবা দবল রেল ত্রেকশিংগীদমক দিজাইন তৌবনি। অখন্নবা পোলিসাইলোক্সন কোতিং অমনা মসিবু কোরোজনদগী ঙাকথোকই, মসিনা ময়াক কনবা সমুদ্রগী অকোয়রোনদা মতম শাংনা চৎপা ঙমহল্লি।

প্রধান মন্ত্রীনা তমিল নাদুদা লুপা কোতি 8300 হেনবগী রেল অমসুং লম্বীগী প্রোজেক্ত কয়া জাতিদা কত্থোকখি অমসুং উরেপ উয়ুংসু তমখি। প্রোজেক্তশিং অসিগী মনুংদা NH-40দা ৱালাজপেৎ-রানিপেৎ সেক্সনগী কিলোমীতর 28 শাংবা লেন মরিগী উরেপ উয়ুং তম্বা অমসুং NH-332গী লেন 4 ওইবা কিলোমীতর 29 শাংবা ভিলুপপুরম-পুদুচেরী সেক্সন; NH-32গী কিলোমীতর 57 শাংবা পুন্দিয়ানকুপ্পম-সত্তনাথাপুরম সেক্সন অমসুং NH-36গী কিলোমীতর 48 শাংবা চোলাপুরম-থঞ্জাবুর সেক্সন জাতিদা কত্থোকপা য়াওরি। হায়ৱেশিং অসিনা তীর্থ য়াত্রাগী মফমশিং অমসুং তুরিস্তকী মফম কয়া অমগা শম্নহল্লগনি, সহরশিংগী মরক্তা লৈরিবা অরাপ্পা অদু হন্থহল্লগনি অমসুং মেদিকেল কোলেজ অমসুং হোস্পিতাল, পোর্তশিংদা হেন্না থুনা চঙবা ঙম্লগনি। মসিদা নত্তনা লোকেল ফার্মরশিংদা লৌউ-শিংউগী পোত্থোকশিং অকোয়বদা লৈবা কৈথেলশিংদা পুথোক-পুশিন তৌনবা শক্তি পীগনি অমসুং লোকেল লেদর অমসুং স্মোল-স্কেল ইন্দস্ত্রীশিংগী শেন্মিৎলোনগী থবক থৌরমশিং হেনগৎহল্লগনি।

Delighted to be in Rameswaram on the very special day of Ram Navami. Speaking at the launch of development works aimed at strengthening connectivity and improving 'Ease of Living' for the people of Tamil Nadu. https://t.co/pWgStNEhYD

— Narendra Modi (@narendramodi) April 6, 2025

Greetings on the occasion of Ram Navami. pic.twitter.com/qoon91uaO3

— PMO India (@PMOIndia) April 6, 2025

I feel blessed that I could pray at the Ramanathaswamy Temple today: PM @narendramodi pic.twitter.com/kxfmiU5wlS

— PMO India (@PMOIndia) April 6, 2025

The new Pamban Bridge to Rameswaram brings technology and tradition together: PM @narendramodi pic.twitter.com/KAGULgABp3

— PMO India (@PMOIndia) April 6, 2025

Today, mega projects are progressing rapidly across the country: PM @narendramodi pic.twitter.com/QD5ezSWefW

— PMO India (@PMOIndia) April 6, 2025

India's growth will be significantly driven by our Blue Economy. The world can see Tamil Nadu's strength in this domain: PM @narendramodi pic.twitter.com/MXyPcIGPFk

— PMO India (@PMOIndia) April 6, 2025

The government is continuously working to ensure that the Tamil language and heritage reach every corner of the world: PM @narendramodi pic.twitter.com/QwSKlV8ZBG

— PMO India (@PMOIndia) April 6, 2025

***