প্রধানমন্ত্রীগী লোইশঙ
প্রধান মন্ত্রীনা বিম্সতেক লৈবাকশিংগী মরক্তা তেংবাংনবগী তোঙান তোঙানবা মায়ওনশিং য়াওবা ২১-পোইন্ত এক্সন প্লান পুথোকখ্রে
Posted On:
04 APR 2025 12:53PM by PIB Imphal
প্রধান মন্ত্রী শ্রী নরেন্দ্র মোদীনা ঙসি বেঙ্কোকো থাইলেন্দদা পাঙথোকপা ৬শুবা বিম্সতেক সম্মিত্তা বিম্সতেক লৈবাকশিংগী তেংবাংনবগী তোঙান তোঙানবা মায়ওনশিং কোনশিনবা ২১-পোইন্ত এক্সন প্লান অমা প্রপোজ তৌখ্রে। মহাক্না বিম্সতেক লৈবাকশিংদা বিজিনেস হেনগৎহন্নবা অমদি আই.তি. সেক্তরশিংগী য়াম্লবা মতিং লোকশিন্নবা ৱাফম ফোঙদোকখি। হন্দক্কী ম্যান্মার অমসুং থাইলেন্দদা শোকহনখিবা য়ুহা হাবগী থৌদোক মতুংদা দিজাস্তর মেনেজমেন্তকী লমদা পুন্না থবক তৌমিন্নবগী তঙায়ফদবা ৱাফমশিংসু মহাক্না থমখি। শ্রী মোদীনা স্পেসকী লমদা থবক পায়খৎনবা অমদি সেক্যুরিতী এপরেতস মপাঙ্গল কনখৎহন্নবা ৱাফমসু থমখি। বিম্সতেকপু পুন্না হোৎনদুনা মতিং হাপ্নবা অমদি মসিবু লুচিংগদবা নহাশিংগী থৌদাংগী মতাঙদা ৱাফম থম্লদুনা, কলচরগী লমদা মরী শাগৎপনা বিম্সতেক লৈবাকশিংবু মখা তানা নকশিন্নহনবা ঙমগনি হায়না মহাক্না থাজবা ফোঙদোকখি।
X তা থাগৎপা থ্রেদ পোস্ত অমদা, মহাক্না ইখি:
“বিম্সতেক অসি মালেমগী ফীভম ফগৎহন্নবা মরুওইবা ফোরম অমনি। মসিবু মপাঙ্গল কনখৎহনবা অমদি ঐখোয় পুন্না থবক তৌমিন্নবা হেনগৎহনবা মথৌ তাই। হীরমসিদা, ঐহাক্না ঐখোয়গী তেংবাংনবগী তোঙান তোঙানবা মায়ওনশিংবু কোনশিনবা ২১-পোইন্ত এক্সন প্লান অমা প্রপোজ তৌজরি।”
“বিম্সতেক লৈবাক থুংনা বিজিনেস হেনগৎহনবা মতম ওইরে!”
“ঐখোয় আই.তি. সেক্তরগী য়াম্লবা মতিংবু লোকশিল্লসি অমদি বিম্সতেকপু তেক্নোলোজীগী লমদাম হেন্না মপাঙ্গল কনহল্লসি।”
“হন্দক্কী ম্যান্মার অমদি থাইলেন্দদা শোকহনখিবা য়ুহা হাবা অদুনা দিজাস্তর মেনেজমেন্তকী লমদা পুন্না থবক পায়খৎমিন্নবগী মথৌ তাবা উৎলি।”
“ঐখোয়গী তেংবাংনবগী মরী অসি স্পেসকী তাইবংদসু পুখৎলসি। ঐখোয়গী সেক্যুরিতী এপরেতস মপাঙ্গল হেন্না কনহল্লসি।”
“বিম্সতেক্তা কেপাসিতী বিল্দিং ফ্রেমৱর্ক্কী অরংবা খুদম অমা ওইহন্নবা মতিং লৈ। ঐখোয় অমনা অমদগী তমশিনসি অমদি মাঙদা চঙশিনসি!”
“ঐখোয় পুন্দুনা বিম্সতেকপু মতিং হাপকদমনি অমদি হীরমসিদা ঐখোয়গী নহাশিংনা লুচিংগনি।”
“লম খরখক্তনা কলচরগুম্না মরী শম্নহনবা ঙম্মি! কলচরগী লমদা মরী শাগত্তুনা বিম্সতেক্কী হেন্না নকশিন্নবা মরী শেমগৎলসি।”
***
(Release ID: 2118729)
Visitor Counter : 36
Read this release in:
Odia
,
English
,
Urdu
,
Marathi
,
Hindi
,
Assamese
,
Bengali
,
Punjabi
,
Gujarati
,
Tamil
,
Telugu
,
Kannada
,
Malayalam