তথ্য আৰু সম্প্ৰচাৰ মন্ত্ৰালয়
ৱেভছ বাজাৰ
বিশ্বব্যাপী অন্বেষণ, সংযোগ বৃদ্ধিৰে ব্যৱসায়ৰ সম্প্ৰসাৰণ কৰক
Posted On:
01 APR 2025 6:44PM by PIB Guwahati
বিশ্বব্যাপী অন্বেষণ, সংযোগ বৃদ্ধিৰে ব্যৱসায়ৰ সম্প্ৰসাৰণ কৰক
পাতনি
ৱেভছ বাজাৰ হৈছে বিশ্বব্যাপী মনোৰঞ্জন উদ্যোগৰ পেছাদাৰী, ব্যৱসায়ী আৰু সমল সৃষ্টিকৰ্তাসকলক সংযোগ কৰা এক অভিনৱ অনলাইন বজাৰ। এয়া ২০২৫ চনৰ ২৭ জানুৱাৰীত নতুন দিল্লীৰ ৰাষ্ট্ৰীয় সংবাদ মাধ্যম কেন্দ্ৰত কেন্দ্ৰীয় তথ্য আৰু সম্প্ৰচাৰ, ৰে'লৱে, আৰু ইলেক্ট্ৰনিকছ তথা তথ্য প্ৰযুক্তি দপ্তৰৰ মন্ত্ৰী শ্ৰী অশ্বিনী বৈষ্ণৱ আৰু কেন্দ্ৰীয় সাংস্কৃতিক আৰু পৰ্যটন দপ্তৰৰ মন্ত্ৰী শ্ৰী গজেন্দ্ৰ সিং শ্বেখাৱাটে আনুষ্ঠানিকভাৱে মুকলি কৰিছিল।
ৱেভছ বাজাৰ হৈছে ৱেভছ শীৰ্ষ সন্মিলনৰ এটা মূল অংশ, যাক বিশ্ব অডিঅ’ ভিজুৱেল আৰু মনোৰঞ্জন শীৰ্ষ সন্মিলন বুলিও কোৱা হয়। ই এক বিশেষ মঞ্চ, য’ত উদ্যোগৰ পেছাদাৰীসকলে সংযোগ, সহযোগিতা আৰু নতুন ব্যৱসায়িক সুযোগ আৱিষ্কাৰ কৰিবলৈ একত্ৰিত হয়৷ ২০২৫ চনৰ ১–৪ মে’লৈ মুম্বাইৰ জিঅ’ ৱৰ্ল্ড কনভেনশ্যন চেণ্টাৰ এণ্ড জিঅ’ ৱৰ্ল্ড গাৰ্ডেনত অনুষ্ঠিত হ’বলগীয়া ৱেভছ শীৰ্ষ সন্মিলনত ৱেভছ বাজাৰক বিশ্বব্যাপী মনোৰঞ্জন ক্ষেত্ৰৰ বিনিময়ৰ এক গুৰুত্বপূৰ্ণ কেন্দ্ৰ হিচাপে গঢ়ি তুলিব।
ৱেভছ বাজাৰ: এক বিশ্বজনীন ব্যৱসায়ৰ ক্ষেত্ৰ
ৱেভছ বাজাৰ হৈছে এখন একক ই-বজাৰ যিয়ে সমগ্ৰ মিডিয়া আৰু মনোৰঞ্জন ক্ষেত্ৰৰ অংশীদাৰসকলক একত্ৰিত কৰে—য'ত চলচ্চিত্ৰ, টেলিভিছন, এনিমেচন, গেমিং, বিজ্ঞাপন, এক্সআৰ, সংগীত, শব্দ ডিজাইন,ৰেডিঅ'কে ধৰি আন বহুতো বিষয় অন্তৰ্ভুক্ত হৈ আছে।
এজন ব্যক্তি সহযোগী বিচৰা সমল সৃষ্টিকৰ্তাই হওক, সঠিক প্লেটফৰ্ম বিচৰা ব্যৱসায়েই হওক, বিনিয়োগকাৰীৰ সন্ধান কৰা ডেভেলপাৰেই হওক বা বিশ্বব্যাপী দৰ্শকৰ আগত নিজৰ কাম প্ৰদৰ্শন কৰিব বিচৰা শিল্পীয়েই হওক, ৱেভছ বাজাৰে উদ্যোগৰ এইসকল পেছাদাৰী ব্যক্তিক সঠিক নেটৱৰ্ক, সহযোগিতা আৰু ব্যৱসায় বৃদ্ধি কৰিবলৈ এক উপযুক্ত স্থান প্ৰদান কৰিব। আৰম্ভণিৰ পিছৰে পৰা আজিলৈকে ইয়াত মিডিয়া আৰু মনোৰঞ্জন উদ্যোগৰ বিভিন্ন ক্ষেত্ৰৰ ৫৫০০ গৰাকী ক্ৰেতা, ২০০০তকৈ অধিক বিক্ৰেতা আৰু প্ৰায় ১০০০ টা প্ৰকল্পৰ পৰ্টেলত পঞ্জীয়ন কৰা হৈছে।
ey Features of WAVES Bazaa
উলম্ব ৱেভছ বাজাৰ
ৱেভচ বজাৰ একাধিক উলম্বত গঠন কৰা হৈছে, সেই অংশসমূহ প্ৰতিটো মিডিয়া আৰু মনোৰঞ্জন উদ্যোগৰ এক নিৰ্দিষ্ট ক্ষেত্ৰৰ বাবে প্ৰস্তুত কৰা হৈছে। এইবোৰৰ ভিতৰত আছে:
- ফিল্ম আৰু টিভি/ৱেব ছিৰিজ: আপোনাৰ বিষয়বস্তু প্ৰদৰ্শন কৰিবলৈ গ্লোবেল বিতৰক, অ'টিটি প্লেটফৰ্ম আৰু উৎসৱৰ প্ৰগ্ৰেমাৰৰ সৈতে সংযোগ স্থাপন কৰা।
- গেমিং আৰু ই-স্প'ৰ্টছ: বিনিয়োগকাৰী, ক্ৰেতা, আৰু প্ৰকাশন প্লেটফৰ্মসমূহৰ সন্মুখত গেমৰ ধাৰণা, আইপি আৰু সমলৰ বিষয়ে উপস্থাপন কৰা।
- এনিমেচন আৰু ভিএফএক্স: বিভিন্ন সৃষ্টিশীল প্ৰকল্পৰ বাবে শীৰ্ষ-স্তৰৰ এনিমেচন আৰু ভিএফএক্স সেৱা আগবঢ়াৱা।
- কমিক্স/ই-বুক: বিশাল মাত্ৰাৰ দৰ্শকৰ মাজলৈ যাবলৈ ষ্ট'ৰীবৰ্ড, প্ৰকাশন আৰু বিষয়বস্তু সৃষ্টিৰ বজাৰ সৃষ্টি কৰা।
ৰেডিঅ' আৰু পডকাষ্ট: স্বতন্ত্ৰ অডিঅ' সমল সৃষ্টিকৰ্তাসকলক পৃষ্ঠপোষকতা নিশ্চিত কৰিবলৈ আৰু তেওঁলোকৰ প্ৰসাৰ বৃদ্ধি কৰিবলৈ শক্তিশালী কৰি তোলা।
- সংগীত আৰু শব্দ: অনুজ্ঞাপত্ৰৰ সুযোগসমূহ অন্বেষণ কৰক আৰু সংগীতৰ উৎপাদন, শব্দ ডিজাইন তথা এইক্ষেত্ৰত পৰ্যাপ্ত সহযোগিতা লাভ কৰক।
-
লাইভ ইভেন্ট আৰু প্ৰভাৱশালী বিপণন: লাইভ ইভেন্টৰ জৰিয়তে পৃষ্ঠপোষকতা, ব্ৰেণ্ড অংশীদাৰিত্ব আৰু দৰ্শকৰ নিয়োজিয়তাক উদ্বুদ্ধ কৰা ।
ৱেভছ বাজাৰে কিদৰে কাম কৰে
ৱেভছ বাজাৰ ৱেবছাইট চাওক: wavesbazaar.com লৈ গৈ সঠিক প্লেটফৰ্মৰ অন্বেষণ কৰক।
চাইন আপ কৰক আৰু আপোনাৰ প্ৰফাইল সৃষ্টি কৰক: সম্পূৰ্ণ সুযোগসমূহৰ অংশীদাৰ হ'বলৈ ক্ৰেতা, বিক্ৰেতা বা বিনিয়োগকাৰী হিচাপে পঞ্জীয়ন কৰক।
আপোনাৰ সেৱাসমূহ বা প্ৰকল্পৰ প্ৰয়োজনীয়তাসমূহ তালিকাভুক্ত কৰক: আপোনাৰ কাম প্ৰদৰ্শন কৰক বা আপোনাৰ ব্যৱসায়িক আগ্ৰহৰ অনুকূলে উপলব্ধ বিষয়ৰ তালিকাসমূহ অন্বেষণ কৰক।
সংযোগ আৰু সহযোগিতা: উদ্যোগৰ পেছাদাৰীসকলৰ সৈতে নেটৱৰ্ক, বৈঠকৰ সময় নিৰ্ধাৰণ কৰা আৰু সফলভাবে সহযোগিতা লাভ কৰিবলৈ আৰম্ভ কৰা।
আপোনাৰ ব্যৱসায় বৃদ্ধি কৰক: আপোনাৰ বজাৰ সম্প্ৰসাৰণ কৰক, নতুন ৰাজহ সৃষ্টিৰ ধাৰা বিচাৰি উলিয়াওক আৰু দীৰ্ঘম্যাদী অংশীদাৰিত্ব স্থাপন কৰক।
যোগ্যতাঃ ৱেভছ বজাৰৰ সেৱাসমূহ লাভৰ বাবে পঞ্জীয়ন কৰিবলৈ আৰু সেইবোৰ প্ৰয়োগ কৰিবলৈ আপোনাৰ বয়স কমেও ১৮ বছৰ হ’ব লাগিব।
বিভিন্ন পেছাদাৰীৰ বাবে ৱেভছ বাজাৰ
সৃষ্টিশীল উদ্যোগৰ ভিতৰত থকা ক্ৰেতা আৰু বিক্ৰেতা উভয়ৰে বাবে মুকলি ৱেভছ বাজাৰ। উদ্ভাৱনীমূলক বিষয়বস্তু আৰু সেৱাৰে সম্পৰ্কিত ব্যৱসায় আৰু ইয়াৰে জড়িত ব্যক্তিসকলে এই সমল সৃষ্টিকৰ্তাসকলৰ সৈতে অন্বেষণ আৰু সংযোগ স্থাপন কৰিবলৈ ক্ৰেতা হিচাপে পঞ্জীয়ন কৰিব পাৰে। ৱেভছ বাজাৰত যোগদানৰ বাবে কোনো পঞ্জীয়ন দিব নালাগে৷
বিক্ৰেতাৰ বাবে নিৰ্দেশনা
বিক্ৰেতা হিচাপে পঞ্জীয়ন কৰিবলৈ ৱেভছ বাজাৰ ৱেবছাইটত লেভছ ছেলাৰ চাইনআপ পেজ চাওক। নিজৰ সেৱাৰ বিষয়ে প্ৰয়োজনীয় তথ্য প্ৰদান কৰি পঞ্জীয়ন প্ৰ-পত্ৰ সম্পূৰ্ণ কৰক। এবাৰ পঞ্জীয়ন কৰাৰ পিছত আপুনি আপোনাৰ প্ৰকল্পসমূহ প্ৰদৰ্শন কৰিবলৈ আৰু সম্ভাৱ্য ক্ৰেতাসকলৰ সৈতে সংযোগ স্থাপন কৰিবলৈ এটা প্ৰফাইল সৃষ্টি কৰিব পাৰিব।
ক্ৰেতা হিচাপে ৱেভছ বাজাৰত যোগদান কৰক
ক্ৰেতা হিচাপে পঞ্জীয়ন কৰিবলৈ ৱেভছ বাজাৰ ৱেবছাইটৰ ৱেভ বায়াৰ চাইনআপ পেজলৈ যাওক। প্ৰয়োজনীয় বিৱৰণ দি চাইন আপ কৰক। পঞ্জীয়নৰ পিছত, আপুনি বিভিন্ন ধৰণৰ সৃষ্টিশীল প্ৰকল্প আৰু সেৱাসমূহৰ বিষয়ে তথ্য লাভ কৰিব, যাৰ ফলত আপুনি বিক্ৰেতাসকলৰ সৈতে পোনপটীয়াকৈ সংযোগ স্থাপন কৰিব পাৰিব।
ভিউইং ৰুম আৰু মাৰ্কেট স্ক্ৰীনিং
ৱেভছ বাজাৰে এটা উন্নত ভিউইং ৰুম আৰু মাৰ্কেট স্ক্ৰীনিঙৰ বৈশিষ্ট্য প্ৰদান কৰে, যিয়ে নিৰ্বাচন কৰা বিষয়বস্তুৰে সঠিক দৰ্শকৰ মাজলৈ যোৱাটো সম্ভৱ কৰি তোলে৷
· ভিউইং ৰুমে ক্ৰেতাসকলক অধিগ্ৰহণ বা অংশীদাৰিত্বৰ সিদ্ধান্ত লোৱাৰ আগতে ছবি, এনিমেচন, আৰু গেমিং আইপিসমূহৰ প্ৰিভিউ কৰিবলৈ এটা সুৰক্ষিত ডিজিটেল স্থান প্ৰদান কৰে।
· বজাৰ পৰীক্ষণত উচ্চ সম্ভাৱনাপূৰ্ণ প্ৰকল্পসমূহক উজ্জ্বল কৰি তুলিবলৈ ডিজাইন কৰা একচেটিয়া ব্যক্তিগত আৰু ভাৰ্চুৱেল প্ৰদৰ্শন অন্তৰ্ভুক্ত কৰা হৈছে, যিয়ে বিনিয়োগকাৰী আৰু বিতৰকক আকৰ্ষণ কৰিছে।
উপসংহাৰ
ৱেভছ বাজাৰে বিশ্বৰ সংবাদ মাধ্যম আৰু মনোৰঞ্জন উদ্যোগত এক বৈপ্লৱিক পৰিৱৰ্তন আনিছে। ই পেছাদাৰী, ব্যৱসায়ী আৰু সমল সৃষ্টিকৰ্তাসকলৰ বাবে সংযোগ, সহযোগিতা আৰু বিকাশৰ অৰ্থে এখন গতিশীল ডিজিটেল বজাৰ প্ৰদান কৰিছে। বিভিন্ন খণ্ডত সুযোগৰ সৈতে—চলচ্চিত্ৰ আৰু গেমিঙৰ পৰা আৰম্ভ কৰি সংগীত আৰু বিজ্ঞাপনলৈকে—ই নিৰৱচ্ছিন্ন নেটৱৰ্কিং আৰু ব্যৱসায়িক লেনদেন সক্ষম কৰি তুলিছে। ক্ৰেতা আৰু বিক্ৰেতা উভয়কে সেৱা আগবঢ়োৱা ৱেভছ বাজাৰে বিশ্বব্যাপী মনোৰঞ্জন বিনিময় আৰু সৃষ্টিশীল সহযোগিতাৰ এক নতুন যুগ সৃষ্টিৰ বাবে মঞ্চ তৈয়াৰ কৰিছে।
WAVES BAZAAR
******
Santosh Kumar/ Ritu Kataria/ Kamna Lakaria/DM
(Release ID: 2117811)
Visitor Counter : 8