প্রধানমন্ত্রীগী লোইশঙ
প্রধান মন্ত্রী শ্রী নরেন্দ্র মোদী অমসুং মাউরিসিয়সকী প্রধান মন্ত্রী নবিনচন্দ্র রামগুলামনা পুন্না মাউরিসিয়সতা অতাল বিহারি বাজপায় ইন্সতিতুৎ ওফ পব্লিক সর্বিস এন্দ ইন্নোবেসন শঙ্গাখ্রে
Posted On:
12 MAR 2025 3:13PM by PIB Imphal
ঙসি প্রধান মন্ত্রী শ্রী নরেন্দ্র মোদী অমসুং মাউরিসিয়সকী প্রধান মন্ত্রী নবিনচন্দ্র রামগুলামনা পুন্না মাউরিসিয়সতা অতাল বিহারি বাজপায় ইন্সতিতুৎ ওফ পব্লিক সর্বিস এন্দ ইন্নোবেসন শঙ্গাখ্রে। ভারত-মাউরিসিয়স দিবলপমেন্ত পার্তনরশিপকী মখাদা পায়খৎপা শিংথানিঙাই ওইরবা প্রোজেক অসিনা ভারতনা মাউরিসিয়সতা কেপাসিতি হেনগৎহন্নবা থবকশিং পায়খৎকনি।
২০১৭ দা লৈখিবা এম.ও.য়ু অমগী মখাদা য়ু.এস দোল্লর মিল্লিয়ন ৪.৭৪ গী গ্রান্ত অমগী খুৎথাংদা, অনৌবা মহৈলোয়শঙ অসিনা মাউরিসিয়সকী মিনিস্ত্রিশিং, সরকারগী ওফিসশিং, পেরাষ্টাতাল বোদিশিং অমসুং সরকারগী ইন্তরপ্রাইজশিংদা থবক তৌরিবশিংদা দরকার ওইবা ত্রেনিং পীগনি। ত্রেনিংগী মথক্ত, মহৈলোয়শঙ অসিনা লৈবাক ঙাকপা, থিজিনবা, সরকারগী থবকশিং নৈনবা অমসুং মহৈলোয়শঙশিং ভারতকা মরী লৈনবগী মতাংদা অফবা মফম অমা ওইনা থবক তৌগনি।
থৌরম অদুদা, মমাঙদা ভারত্ত ত্রেনিং তৌখিবা অমসুং লাইরিক তমখিবা, আই.তি.ই.সি অমসুং ভারত সরকারগী স্কোলারশিপ ফংলবশিংগা উনখি। হায়রিবা কেপাসিতি হেনগৎহন্নবা থবকশিং অসিনা লৈবাক অনিগী মরক্ত লৈনরিবা মীগা মীগা লৈনবা মরীশিং হেন্না ফগৎহল্লে।
গ্লোবেল সাউথতা ভারতনা থাজবা পীবগা লোয়ননা, ভারত মহাসাগর লমদমদা থাজবা য়াবা মরুপ অমা ওইনা ভারতনা লৌরিবা থৌদাং অমসুং ভারত-মাউরিসিয়সকী মরী ফগৎনবা লৈবাক অসিনা পায়খৎলিবা থবকশিং মহৈলোয়শঙ অসিদা মমি তারে।
****
(Release ID: 2110869)
Visitor Counter : 82
Read this release in:
Malayalam
,
English
,
Urdu
,
Marathi
,
Hindi
,
Assamese
,
Bengali
,
Bengali-TR
,
Punjabi
,
Gujarati
,
Odia
,
Tamil
,
Telugu
,
Kannada