প্রধানমন্ত্রীগী লোইশঙ
লম্লক্কী শা-উচেকশিং ঙাক-শেনবা, কনবা অমসুং খুন্দা-লৈতাহনবগী অঙকপা থবক বন্তারা প্রধান মন্ত্রীনা শঙ্গাখ্রে
Posted On:
04 MAR 2025 4:05PM by PIB Imphal
ঙসি প্রধান মন্ত্রী শ্রী নরেন্দ্র মোদীনা গুজরাতকী জামনগরদা লম্লক্কী শা-উচেকশিং ঙাক-শেনবা, কনবা অমসুং খুন্দা-লৈতাহনবগী অঙকপা থবক বন্তারা শঙ্গাখ্রে। শ্রী অনন্ত অম্বানি অমসুং মহাক্কী কাংবুগী থবকশিং থাগৎলদুনা, প্রধান মন্ত্রীনা হায়খি মদুদি তুংকোইনা চৎনবা য়াগদবা অকোয়বগী ফিবম অমসুং লম্লক্কী শা-উচেক য়াইফনবা থবক পুক্নিং থৌগৎপগা লোয়ননা বন্তারানা লম্লক্কী শাশিংগী নুংঙাইরবা চঙজফম অমা পীরি।
এক্সতা তোখায়বা পোস্ত অমদা, মহাক্না হায়খি;
“তুংকোইনা চৎনবা য়াগদবা অকোয়বগী ফিবম অমসুং লম্লক্কী শা-উচেক য়াইফনবা থবক পুক্নিং থৌগৎপগা লোয়ননা বন্তারানা লম্লক্কী শাশিংগী নুংঙাইরবা চঙজফম অমা পীরিবা লম্লক্কী শা-উচেকশিং ঙাক-শেনবা, কনবা অমসুং খুন্দা-লৈতাহনবগী অঙকপা থবক বন্তারা শঙ্গারে। থবক অসিগীদমক ঐনা অনন্ত অম্বানি অমসুং মহাক্কী কাংবু ঐনা থাগৎচরি”।
“বন্তারাগী থবক অসি তশেংনা থাগৎনিঙাইনি, ঐখোয়গী গ্রহ অসিদা হিংমিন্নরিবশিং ঙাক-শেন্নবগী চহি চা কয়া শুরবা ঐখোয়গী চৎনবীশিংগী খুদম অমনি…”।
“ঐনা জামনগরদা বন্তারা য়েংলুবগী শক্তম খর লৈজরে”।
“বন্তারাদা, ঐনা এসিদনা শোকহল্লবা শামু অমা উখি। শামু অদু য়াম্না চেকশিন্না লায়েংখি। মখোলগী মহুতশিংনা মমীৎ তাংহল্লবা অতোপ্পা শামুশিংশু লৈরমখি। শামু অমদি য়াংনা থৌরকপা ত্রক অমনা থোমজিল্লমখি। মীওইবা অসি কয়া য়াম্না চেকশিন্দবগে অমসুং মীনুং খঙদবগে হায়বা মসিনা মরুওইবা ৱাহং অমা হংলি। অসিগীগুম্বা দাইত্ব লৈতবা থবক অসি ঐখোয় তোক্লসি অমসুং শাশিংগী য়াইফনবা পুক্নিং চঙলসি”।
“অতোপ্পা থৌদোকশিং থেংনখি। নোংশা অমোম অমা গারি অমনা থেংবদগী য়াংলেন শরু শাথিনা শোকখি। মহাক ফজনা লায়েংখি। মহাক্কী ইমুং-মনুংনা হুন্দোকপীরম্লবা কবো কৈ মচা অমা ফজনা পীজদুনা অনৌবা মপোক অমা ফংখি। অসিগুম্বা শা কয়া য়েংশিনবগীদমক ঐন আ বন্তারাগী কাংবু থাগৎপা ফোঙদোকচরি”।
****
(Release ID: 2108167)
Visitor Counter : 40
Read this release in:
Odia
,
Malayalam
,
English
,
English
,
Khasi
,
Urdu
,
Hindi
,
Nepali
,
Marathi
,
Assamese
,
Bengali
,
Punjabi
,
Gujarati
,
Tamil
,
Telugu
,
Kannada