وزیراعظم کا دفتر
وزیر اعظم 28 فروری کو نئی دہلی میں جہانِ خسرو 2025 میں شرکت کریں گے
یہ عظیم الشان صوفی موسیقی پر مبنی میلہ اس سال اپنی 25ویں سالگرہ منا رہا ہے
یہ میلہ امیر خسرو کے ورثے کا جشن منانے کے لیے دنیا بھر کے فنکاروں کو اکٹھا کر رہا ہے
Posted On:
27 FEB 2025 6:30PM by PIB Delhi
وزیر اعظم جناب نریندر مودی 28 فروری کو نئی دہلی میں واقع سندر نرسری میں شام تقریباً ساڑھے سات بجے ، عظیم الشان صوفی موسیقی پر مبنی میلے جہانِ خسرو 2025 میں شرکت کریں گے۔
وزیر اعظم ملک کے متنوع فن اور ثقافت کو فروغ دینے کے زبردست حامی رہے ہیں۔ اسی سلسلے میں، موصوف جہانِ خسرو میلے میں شرکت کریں گے جو کہ صوفی موسیقی، شاعری اور رقص کے لیے کلی طور پر وقف ایک بین الاقوامی میلہ ہے۔ یہ میلہ امیر خسرو کے ورثے کا جشن منانے کے لیے دنیا بھر کے فنکاروں کو اکٹھا کر رہا ہے۔ رومی فاؤنڈیشن کے زیر اہتمام، اس میلے کا آغاز معروف فلم ساز اور فنکار مظفر علی کے ذریعہ 2001 میں کیا گیا تھا ۔یہ میلہ اس سال اپنی 25ویں سالگرہ منائے گا اور اس میلے کا اہتمام 28 فروری سے 2 مارچ تک کیاجائے گا۔
میلے کے دوران، وزیر اعظم تہہ بازار (تہہ- ہاتھ سے تیار اشیاء کا بازار) کا بھی دورہ کریں گے جس میں ملک بھر سے ایک ضلع ایک پروڈکٹ کے تحت دستکاری اور دیگر مختلف شاندار نوادرات، دستکاری اور ہتھ کرگھے سے متعلق مختصر فلمیں، اور دیگر چیزیں شامل ہوں گی۔
**********
(ش ح –ا ب ن)
U.No:6453
(Release ID: 2106708)
Visitor Counter : 63
Read this release in:
Odia
,
English
,
Marathi
,
Hindi
,
Bengali
,
Assamese
,
Punjabi
,
Gujarati
,
Tamil
,
Telugu
,
Kannada
,
Malayalam