Ha ka 10 tarik Rymphang 2025, u Myntri Rangbah duh Narendra Modi u la iakren bad ki samla pule ha Sunder Nursery, New Delhi, ha ka episode ba nyngkong jong ka bynta kaba 8 jong ka Pariksha Pe Charcha (PPC). Ha kane ka jingialang, u Myntri Rangbah duh u la iakren bad ki samla pule na kylleng ka ri, bad iamir jingmut halor ki phang bapher bapher. Ki 36 ngut ki samla pule ki la ioh jinghikai ba kongsan na u Myntri Rangbah duh halor ka bam kaba tei bad ka koit ka khiah; ka jinglait na ka jingkhuslai; ka jingbuh thong ialade; ka sap ban long nongialam; ym tang ha ki kot – ka jingkiew kaba 360º; ka jinglap ia ki bynta kiba bha bad kiwei kiwei. Kane ka jingiakren ka la ai mynsiem bad ai jingmut ia ki samla pule bad halor ki rukom pynbeit ia ki jingeh ha ka jingpule da ka jingskhem jingmut bad ka rukom pyrkhat kaba iar.

Ha ka bynta kaba lai ba la pyni mynta ka sngi, u Gaurav Chaudhary, ba ju tip ruh kum u Technical Guruji, bad ka Radhika Gupta, MD & CEO jong ka Edelweiss Mutual Fund, ki la wanrah hakhmat ki samla pule ia ki bynta ba kongsan jong ka Artificial Intelligence bad Machine Learning. Ki la peit bniah ia ki application jong ka ChatGPT bad ki lad pynmih dur da ka AI. U Technical Guruji u la ai jingmut ia ki samla pule shaphang ka jingpyndonkam ia ka teknoloji, ha kaba u la pynthikna ba kalong ka bor ba khraw jong ki ha ka jaka ban long ka jingpynwit ia ka jingpule jong ki. U la kren shaphang ki jingmyntoi jong ki smart study app, ki digital note, bad ki rynsan ioh jinghikai online, kaba iarap ia ki samla pule ban pyniasoh ia ka teknoloji bad ka jingpule jong ki. U la ai jingmut ia ki samla pule ban pyndonkam ia ka AI kum ka atiar yn ban shaniah pura ha ka bad pynshlur ia ki ban pdiang ia ki jingshem ba shisha ha ka jingim palat ia ka teknoloji.

Ka Radhika Gupta ka la ban jur halor ka jingkiew ka jingkongsan ka AI, Data Science, bad Coding. Ka la batai kumno ka bynta jong ka teknoloji kan bteng ban iar, bad long kaba kongsan ia ki samla pule ban sngewthuh bad pyndonkam ia ka ha ka rukom kaba dei. Haba jubab ia ka jingkylli jong ki samla pule, ka la batai kumno lah ban pyniaoshlang ia ka AI ha ki jingiamir jingmut ha ki kamra pule ban kham pynsngewtynnad ia ka jingpule. Ka la ban jur ia ka jingkongsan ban pyndonkam ia ka teknoloji kum ka atiar, pynthikna ba ka ai jingshakri ia ki yn ban pyniaid ia ki.

Ki samla pule na Doha, Qatar, bad Kuwait ruh ki la buh jingkylli shaphang ki AI application bad ka jingktah jong ki. Ki nongiashim bynta ki la iadon bynta ruh ha ka jingialehkai kaba iadei bad ka AI ban ai jinghikai ia ki samla pule ia ki buit jong ka Prompt Engineering. Ki la shna ia ka dur na ka AI jong u President barim jong ka India bad u scientist ba pawnam, Dr. APJ Abdul Kalam.

Ki la pynpaw ka jingsngewnguh ia u Myntri Rangbah duh Narendra Modi na ka bynta ka jingwanrah ia ka prokram kum ka Pariksha Pe Charcha, kaba ai mynsiem ia ki samla pule ban pdiang ia ka teknoloji na ka bynta ka jingkiew shaphrang jong ki. Ki la kren ruh shaphang ka kot jong u Myntri Rangbah duh, The Exam Warrior, kaba don ki jingai jingmut ba kongsan ban pyndonkam ia ka teknoloji.

Ha kaba kut jong kane ka prokram, ki samla pule ki la iasam ia ki jingioh jingmyntoi jong ki na ka prokram, kynthup ki jinghikai kum ka “shim ia la ki jong ki rai” bad “ialeh ban ioh ka thiah kaba biang”

Ka bynta ba 8 jong ka PPC ka buh ia ka nuksa ba thymmai. Palat 5 klur ki nongiashim bynta, ka prokram mynta u snem ka pyni ia ka kyrdan jong ka kum ka Jan Andolan, ai mynsiem ia ka jingrakhe ia ka jingioh jingnang jingstad. Ha ka bynta bad u Myntri Rangbah duh, 36 ngut ki samla pule na baroh ki Jylla bad UT kidei kiba la jied na ki skul sorkar Jylla/UT, Kendriya Vidyalaya, Sainik School, Eklavya Model Residential School, CBSE bad Navodaya Vidyalaya. Ka Pariksha Pe Charcha 2025 kan don sa san tylli ki bynta, ki ban iadon lang ki riewpawkhmat na ki bynta bapher bapher ban ai jingmut ia ki samla pule halor ki bynta ba kongsan jong ka jingim bad ka jingioh jinghikai. Man ka bynta kin don ki phang pdeng ba kongsan.

Ha ka 12 tarik Rymphang 2025 ka actor ba pawnam, Deepika Padukone ka la iakren bad kumba 60 ngut ki samla pule ha ka bynta kaba ar jong ka episode ba 8 jong ka Pariksha Pe Charcha. Ka Deepika ka la iasam shaphang kumno ka jingweng ia ki jingeh ba iadei bad ka koit ka khiah ha ka bor pyrkhat ka lah ban pynkupbor bad ka la kren shaphang ki jinghikai ba kongsan ba ka ioh na la ki jong ki jingiakhun.

Ka Link ban peit ia ka bynta ba 1: https://www.youtube.com/watch?v=G5UhdwmEEls

Ka Link ban peit ia ka bynta ba 2: https://www.youtube.com/watch?v=DrW4c_ttmew

Ka Link ban peit ia ka bynta ba 3: https://www.youtube.com/watch?v=wgMzmDYShXw

*****