২০২৫ চনৰ ১০ ফেব্ৰুৱাৰীত প্ৰধানমন্ত্ৰী শ্ৰী নৰেন্দ্ৰ মোদীয়ে নতুন দিল্লীৰ সুন্দৰ নাৰ্চাৰীত পৰীক্ষা পে চৰ্চা (পিপিচি)ৰ অষ্টম সংস্কৰণৰ প্ৰথম খণ্ডত শিক্ষাৰ্থীসকলৰ সৈতে মত-বিনিময় কৰে। অনানুষ্ঠানিক যদিও অন্তর্দৃষ্টিসম্পন্ন এই অধিৱেশনত প্ৰধানমন্ত্ৰীগৰাকীয়ে সমগ্ৰ দেশৰ শিক্ষাৰ্থীসকলৰ সৈতে বিভিন্ন বিষয়ত আলোচনা কৰে। প্ৰধানমন্ত্ৰীৰ পৰা উপস্থিত ৩৬ গৰাকী শিক্ষাৰ্থীয়ে পুষ্টি আৰু সুস্থতাৰ বিষয়ে মূল্যৱান পাঠ; চাপ নিয়ন্ত্ৰণ কৰা; নিজকে প্ৰত্যাহ্বান জনোৱা; নেতৃত্বৰ কলা; কিতাপৰ বাহিৰেও ৩৬০° বিকাশ; ইতিবাচকতাৰ সন্ধান আৰু বহু বিষয় শিকিছিল। এই মত বিনিময় অনুষ্ঠানত শিক্ষাৰ্থীসকলক আত্মবিশ্বাস আৰু বিকাশৰ মানসিকতাৰে শৈক্ষিক প্ৰত্যাহ্বানসমূহৰ মোকাবিলা কৰিবলৈ মূল্যৱান অন্তৰ্দৃষ্টি আৰু ব্যৱহাৰিক কৌশল প্ৰদান কৰা হৈছিল।

আজি সম্প্ৰচাৰিত তৃতীয় খণ্ডত টেকনিকেল গুৰুজী নামেৰে জনপ্ৰিয় গৌৰৱ চৌধুৰী আৰু এডেলৱেইছ মিউচুৱেল ফাণ্ডৰ পৰিচালন সঞ্চালক তথা মুখ্য কাৰ্যবাহী বিষয়া ৰাধিকা গুপ্তাই ছাত্ৰ-ছাত্ৰীসকলক কৃত্ৰিম বুদ্ধিমত্তা আৰু যন্ত্ৰ শিক্ষণৰ মৌলিক বিষয়সমূহৰ সৈতে পৰিচয় কৰাই দিয়ে। তেওঁলোকে শ্বাটজিপিটি আৰু এআই ইমেজ-জেনেৰেশ্যন সঁজুলিৰ ব্যৱহাৰিক প্ৰয়োগসমূহ অন্বেষণ কৰিছিল। টেকনিকেল গুৰুজীয়ে শিক্ষাৰ্থীসকলক কাৰ্যকৰীভাৱে প্ৰযুক্তি ব্যৱহাৰ কৰাৰ ক্ষেত্ৰত পথ প্ৰদৰ্শন কৰিছিল, যাতে ই তেওঁলোকৰ অধ্যয়নত বিভ্ৰান্তিৰ পৰিৱৰ্তে তেওঁলোকৰ আটাইতকৈ ডাঙৰ শক্তি হৈ পৰে। তেওঁ স্মাৰ্ট অধ্যয়ন এপ, ডিজিটেল নোট আৰু অনলাইন শিক্ষণ মঞ্চৰ সুবিধাসমূহৰ ওপৰত আলোকপাত কৰে, যাতে শিক্ষাৰ্থীসকলে তেওঁলোকৰ শৈক্ষিক যাত্ৰাত প্ৰযুক্তি একত্ৰিত কৰাত সহায়ক হয়। তেওঁ শিক্ষাৰ্থীসকলক এআইক সম্পূৰ্ণৰূপে ইয়াৰ ওপৰত নিৰ্ভৰ কৰাৰ পৰিৱৰ্তে এটা সঁজুলি হিচাপে ব্যৱহাৰ কৰিবলৈ পৰামৰ্শ দিয়ে আৰু তেওঁলোকক প্ৰযুক্তিৰ বাহিৰেও বাস্তৱ-জীৱনৰ অভিজ্ঞতাসমূহ গ্ৰহণ কৰিবলৈ উৎসাহিত কৰে।

ৰাধিকা গুপ্তাই এআই, ডাটা ছায়েন্স আৰু কোডিঙৰ বৰ্ধিত চাহিদাৰ ওপৰত গুৰুত্ব আৰোপ কৰে। তেওঁ বৰ্ণনা কৰে যে কেনেদৰে প্ৰযুক্তিৰ ভূমিকা সম্প্ৰসাৰিত হৈ থাকিব, যাৰ ফলত শিক্ষাৰ্থীসকলে ইয়াক সঠিকভাৱে বুজি পোৱা আৰু ব্যৱহাৰ কৰাটো অত্যাৱশ্যকীয় হৈ পৰিব। এগৰাকী শিক্ষাৰ্থীৰ প্ৰশ্নৰ উত্তৰ দি তেওঁ কেনেদৰে শ্ৰেণীকোঠাৰ আলোচনাত এ. আই.ক অন্তৰ্ভুক্ত কৰি শিক্ষণক অধিক আকৰ্ষণীয় আৰু সমৃদ্ধ কৰি তুলিব পাৰি সেই বিষয়ে আলোচনা কৰে। তেওঁ প্ৰযুক্তিক এটা সঁজুলি হিচাপে ব্যৱহাৰ কৰাৰ প্ৰয়োজনীয়তাৰ ওপৰতো গুৰুত্ব আৰোপ কৰে, যাতে ই তেওঁলোকক নিয়ন্ত্ৰণ কৰাৰ পৰিৱৰ্তে সেৱা আগবঢ়ায়।

ডোহা, কাটাৰ আৰু কুৱেইটৰ শিক্ষাৰ্থীসকলেও এআই এপ্লিকেচন আৰু ইয়াৰ প্ৰভাৱৰ বিষয়ে প্ৰশ্ন উত্থাপন কৰিছিল। অতিথিসকলে শিক্ষাৰ্থীসকলক প্ৰম্পট ইঞ্জিনিয়াৰিঙৰ কৌশলবোৰ শিকোৱাৰ বাবে এটা এআই-টুইষ্টেড ডাম্ব চাৰেডছ গেমত নিয়োজিত হৈছিল। তেওঁলোকে ভাৰতৰ প্ৰাক্তন ৰাষ্ট্ৰপতি আৰু প্ৰখ্যাত বিজ্ঞানী ড০ এ. পি. জে. আব্দুল কালামৰ এখন এআই-নিৰ্মিত ছবি সৃষ্টি কৰিছিল।

শিক্ষাৰ্থীসকলক তেওঁলোকৰ বিকাশৰ বাবে প্ৰযুক্তি গ্ৰহণ কৰিবলৈ উৎসাহিত কৰি পৰীক্ষা পে চৰ্চাৰ দৰে এক কাৰ্যসূচীৰ কল্পনা কৰাৰ বাবে তেওঁলোকে প্ৰধানমন্ত্ৰী শ্ৰী নৰেন্দ্ৰ মোদীৰ প্ৰতি কৃতজ্ঞতা প্ৰকাশ কৰে। তেওঁলোকে প্ৰধানমন্ত্ৰীৰ দ্য এক্সাম ৱাৰিয়ৰ গ্ৰন্থখনৰ কথাও উল্লেখ কৰি কাৰ্যকৰীভাৱে প্ৰযুক্তি গ্ৰহণ কৰাৰ ক্ষেত্ৰত ইয়াৰ মূল্যৱান পৰামৰ্শসমূহৰ ওপৰত আলোকপাত কৰে।

অনুষ্ঠানৰ শেষত, শিক্ষাৰ্থীসকলে "নিজৰ সিদ্ধান্ত নিজে লওক" আৰু "পৰ্যাপ্ত টোপনি যাওক"ৰ দৰে পাঠকে ধৰি এই কাৰ্যসূচীৰ পৰা লাভ কৰা গুৰুত্বপূৰ্ণ দিশবোৰ ভাগ-বতৰা কৰিছিল।

পি. পি. চি.ৰ অষ্টম সংস্কৰণে এক নতুন মাত্ৰা স্থাপন কৰিছিল। ৫ কোটিৰো অধিক অংশগ্ৰহণকাৰীৰ সৈতে, এই বছৰৰ কাৰ্যসূচীয়ে এক জন আন্দোলন হিচাপে ইয়াৰ স্থিতিৰ উদাহৰণ দাঙি ধৰে, যি শিক্ষাৰ সামূহিক উদযাপনক অনুপ্ৰেৰণা যোগায়। প্ৰধানমন্ত্ৰীৰ সৈতে অনুষ্ঠিত খণ্ডটোৰ বাবে ৰাজ্য/কেন্দ্ৰীয় শাসিত ব'ৰ্ডৰ চৰকাৰী বিদ্যালয়, কেন্দ্ৰীয় বিদ্যালয়, সৈনিক বিদ্যালয়, একলব্য আদৰ্শ আৱাসিক বিদ্যালয়, চি. বি. এছ. ই. আৰু নৱোদয় বিদ্যালয়ৰ পৰা সকলো ৰাজ্য আৰু কেন্দ্ৰীয় শাসিত অঞ্চলৰ ৩৬ গৰাকী  ছাত্ৰ-ছাত্ৰীক বাছনি কৰা হৈছিল। পৰীক্ষা পে চৰ্চা ২০২৫-ত অতিৰিক্ত পাঁচটা অন্তর্দৃষ্টিসম্পন্ন খণ্ড পৰিৱেশন কৰা হ'ব, যাৰ দ্বাৰা জীৱন আৰু শিক্ষণৰ অত্যাৱশ্যকীয় দিশসমূহৰ ওপৰত শিক্ষাৰ্থীসকলক পথ প্ৰদৰ্শন কৰিবলৈ বিভিন্ন ক্ষেত্ৰৰ প্ৰসিদ্ধ ব্যক্তিসকলক একত্ৰিত কৰা হ'ব। প্ৰতিটো খণ্ডই মূল বিষয়বস্তুবোৰ সম্বোধন কৰিব।

২০২৫ চনৰ ১২ ফেব্ৰুৱাৰীত পৰীক্ষা পে চৰ্চাৰ অষ্টম সংস্কৰণৰ দ্বিতীয় খণ্ডত প্ৰখ্যাত অভিনেত্ৰী দীপিকা পাডুকনে প্ৰায় ৬০গৰাকী শিক্ষাৰ্থীৰ সৈতে মত বিনিময় কৰিছিল। দীপিকাই মানসিক স্বাস্থ্যৰ প্ৰত্যাহ্বানসমূহ মোকাবিলা কৰাটো কেনেদৰে শক্তিশালী হ'ব পাৰে সেই বিষয়ে শ্বেয়াৰ কৰিছিল আৰু তেওঁ নিজৰ সংগ্ৰামৰ পৰা শিকা মূল্যৱান পাঠসমূহৰ বিষয়ে কৈছিল।

প্ৰথম খণ্ড চাবলৈ লিংক  : https://www.youtube.com/watch?v=G5UhdwmEEls

দ্বিতীয় খণ্ড চাবলৈ লিংক : https://www.youtube.com/watch?v=DrW4c_ttmew

তৃতীয় খণ্ড চাবলৈ লিংক : https://www.youtube.com/watch?v=wgMzmDYShXw

*****

MV/AK/KD

MOE/PPC/12 February 2025/8