ഐഐടി ബോംബെയുടെ ഇ-സമ്മിറ്റ് 2025-ൽ, കേന്ദ്ര വാർത്താ വിതരണ പ്രക്ഷേപണ മന്ത്രാലയവുമായി സഹകരിച്ച് സിറ്റി ക്വസ്റ്റിനെ നയിക്കുന്ന ഇ ഗെയിമിംഗ് ഫെഡറേഷൻ (EGF) ഗെയിമിംഗ്, സ്റ്റാർട്ടപ്പുകൾ, ഉയർന്നുവരുന്ന സാങ്കേതികവിദ്യ എന്നിവയെക്കുറിച്ചുള്ള പ്രധാന ചർച്ചകൾക്ക് നേതൃത്വം നൽകി. ആധുനിക സംരംഭകത്വത്തിൽ ഗെയിമിംഗ് വ്യവസായവും നൂതന സാങ്കേതികവിദ്യകളും വഹിക്കുന്ന പ്രധാന പങ്കിനെ ഈ സെഷനുകൾ എടുത്തുകാണിച്ചു.

 നന്ദൻ നിലേകനി, അനുപം മിത്തൽ, സോനം വാങ്ചുക്ക് തുടങ്ങിയ പ്രമുഖർ ഉച്ചകോടിയിൽ പങ്കെടുത്തു . വരാനിരിക്കുന്ന ലോക ദൃശ്യ ശ്രവ്യ വിനോദ ഉച്ചകോടി 2025-നെക്കുറിച്ചും ക്രിയേറ്റ് ഇൻ ഇന്ത്യ സീസൺ 1 മത്സരത്തെക്കുറിച്ചും സിറ്റി ക്വസ്റ്റ് പരിപാടി ഐഐടിബി വിദ്യാർത്ഥികളുടെയും സന്ദർശകരുടെയും ശ്രദ്ധ ആകർഷിച്ചു.

ഐഐടി ബോംബെയിൽ സംവേദനാത്മക കഥ പറച്ചിലിലൂടെ SDG ഇടപെടൽ

ഇന്ത്യൻ നഗരങ്ങളെക്കുറിച്ചുള്ള സംവേദനാത്മക കഥപറച്ചിലിലൂടെയും SDG ആഗോള റാങ്കിംഗിൽ ഇന്ത്യയുടെ പ്രകടനം ഗണ്യമായി ഉയർത്തുന്നതിൽ ദൈനംദിന പ്രവർത്തനങ്ങളിലൂടെ ഇന്ത്യൻ പൗരന്മാരുടെ സജീവ പങ്കാളിത്തത്തിന്റെ പ്രാധാന്യത്തെക്കുറിച്ചും സിറ്റി ക്വസ്റ്റ് വിദ്യാർത്ഥികൾക്ക് ഒരു ആഴത്തിലുള്ള അനുഭവം പ്രദാനം ചെയ്തു.

സിറ്റി ക്വസ്റ്റ് ട്രംപ് കാർഡുകളിലൂടെ സ്വന്തം നഗരങ്ങളുടെ ബ്രാൻഡ് അംബാസഡർമാരായി, പരസ്പരം മത്സരിക്കുന്ന വിദ്യാർത്ഥികൾക്കിടയിൽ ആവേശകരമായ മറ്റു മത്സരങ്ങളും സംഘടിപ്പിച്ചു. തിരഞ്ഞെടുക്കപ്പെട്ട വിജയികൾക്ക് ദിവസത്തിലെ ഓരോ മണിക്കൂറിലും സിറ്റി ക്വസ്റ്റ് ഡെക്കുകളുടെ ഒരു പ്രത്യേക പതിപ്പ് സമ്മാനിച്ചു.

സിറ്റി ക്വസ്റ്റിന്റെ സവിശേഷതകൾ : ഭാരതത്തിന്റെ വർണഭേദങ്ങൾ

നൂതനമായ ഗെയിംപ്ലേ: സുസ്ഥിര വികസന ലക്ഷ്യങ്ങൾ കൈവരിക്കുന്നതിന് നഗരങ്ങൾ എങ്ങനെ സംഭാവന നൽകുന്നുവെന്ന് വിലയിരുത്തുന്നതിന് തന്ത്രപരമായ ചിന്ത ഉപയോഗിച്ച് കളിക്കാർ സൗഹൃദ മത്സരങ്ങളിൽ പങ്കെടുക്കുന്നു.ഇത് സാമൂഹ്യ, പൗര അഭിമാനത്തിന്റെ ബോധം വളർത്തിയെടുക്കുന്നു

വിടവുകൾ നികത്തൽ: നയവും പൊതുജന പങ്കാളിത്തവും എങ്ങനെ ഫലപ്രദമായി ബന്ധിപ്പിക്കാൻ കഴിയുമെന്നതിന്റെ ഉദാഹരണമാണ് സിറ്റി ക്വസ്റ്റ്. ഇത് ഇന്ത്യയിലെ യുവാക്കളെ സുസ്ഥിര വികസനത്തെ ക്കുറിച്ച് പഠിപ്പിക്കുന്നതിനും പ്രചോദിതരാക്കുന്നതിനും ആകർഷകമായ ഒരു രീതി വാഗ്ദാനം ചെയ്യുന്നു.

വേവ്സ് 2025

 ലോക ദൃശ്യ ശ്രവ്യ വിനോദ ഉച്ചകോടിയുടെ (വേവ്സ് 2025) തീയതികളും വേദിയും കേന്ദ്ര വാർത്താ വിതരണ പ്രക്ഷേപണ, റെയിൽവേ, ഇലക്ട്രോണിക്സ്, ഐടി മന്ത്രി ശ്രീ അശ്വിനി വൈഷ്ണവ് പ്രഖ്യാപിച്ചു. സർഗ്ഗാത്മക വ്യവസായങ്ങളിൽ ഇന്ത്യയെ ആഗോള നേതൃനിരയിൽ സ്ഥാപിക്കുന്നതിനായി ഒരുക്കിയിരിക്കുന്ന ഈ സുപ്രധാന പരിപാടി 2025 മെയ് 1 മുതൽ 2025 മെയ് 4 വരെ മുംബൈയിൽ നടക്കും.

 ലോകത്തിന്റെ സർഗ്ഗാത്മക ശക്തികേന്ദ്രമാകാനുള്ള രാജ്യത്തിന്റെ അഭിലാഷത്തെ പ്രതിഫലിപ്പിക്കുന്ന ഈ പരിപാടിയെ കുറിച്ച് പ്രധാനമന്ത്രി ശ്രീ. നരേന്ദ്ര മോദിയുമായി വേവ്സ് ഉപദേശക സമിതി ഫലപ്രദമായ യോഗം ചേർന്നു. ലോകത്തിലെ മികച്ച മാധ്യമ സിഇഒമാർ, വിനോദ മേഖലയിലെ പ്രമുഖർ , ലോകമെമ്പാടുമുള്ള സർഗ്ഗാത്മക പ്രതിഭകൾ എന്നിവരെ ഈ ഉച്ചകോടി ഒരുമിച്ച് കൊണ്ടുവരും. മുമ്പൊരിക്കലും ഇല്ലാത്തവിധം വിനോദം, സർഗ്ഗാത്മകത, സംസ്കാരം എന്നിവയെ ഇത് ഏകീകരിക്കുന്നു.
 

ഗൂഗിൾ പ്ലേ വഴി ആൻഡ്രോയിഡ് സംവിധാനങ്ങളിൽ ഗെയിം നിലവിൽ സൗജന്യമായി ലഭ്യമാണ്. ഇത് രാജ്യവ്യാപകമായി പ്രധാന സാമൂഹിക പ്രശ്‌നങ്ങളിൽ ഇടപഴകുന്നതിനും നഗര വളർച്ചയെയും സുസ്ഥിരതയെയും കുറിച്ചുള്ള കൂട്ടായ ധാരണയ്ക്ക് സംഭാവന നൽകുന്നതിനും ഒരു പ്രവേശന ക്ഷമമായ വേദി നൽകുന്നു.