অৱাং নোংপোক লমদম চাউখৎ থৌরাং মন্ত্রালয়না মপু ওইদুনা চেন্নৈদা য়ুমশকৈশা নুমিৎতা নোর্থ ইস্ত ইনভেস্তমেন্ত রোদশো হৌদোকখ্রে। রোদশো অসিনা অৱাং নোংপোক রাজ্যশিংদা খুদোংচাবা কয়া থিদোকপা পাম্বা ইনভেস্তরশিংদগী অপাম্বা উৎনখি। থৌরম অসিদা ইকাইখুম্নজরিবা অৱাং নোংপোক লমদম চাউখৎ থৌরাং মন্ত্রী অমসুং কম্ম্যুনিকেসনগী মন্ত্রী শ্রী জ্যোতিরঅদিত্য এম সিন্দিয়াগা লোইননা, পু লালঙিংলোবা মার, ইকাইখুম্নজরিবা স্পোর্তস অমসুং য়ুথ সর্ভিসেসকী মন্ত্রী, মিজোরম সরকার, এমদোনরদগী মকোক থোংবা ওফিসিএলশিং, নোর্থ ইস্তর্ন কাউন্সিল অমসুং অৱাং নোংপোক রাজ্যশিংনা শরুক য়াখি।

ইকাইখুম্নজরিবা এমদোনর মন্ত্রীনা হায়খি মদুদি ইকাইখুম্নজরিবা প্রধান মন্ত্রীনা অৱাং নোংপোকপু ইন্দস্ত্রিএলাইজেসনগী ভারতকী অস্থলক্সমিনি হায়না শিংথারি। মহাক্না অৱাং নোংপোক লমদমদা ইকাইখুম্নজরিবা প্রধান মন্ত্রীগী লুচিং মখাদা হৌখিবা চহি ১০ রোম অসিদা নোংথক্কী লম্বী, মখা লম্বী, রেল লম্বী অমসুং ঈশিংগী লম্বী পাকথোক চাউথোকহনবতা নত্তনা ইনফ্রাস্ত্রকচরগী ফিভম হেন্না ফগৎহন্নবা খোঙথাং কয়া লৌখৎখ্রে। ইকাইখুম্নজরিবা দোনর মন্ত্রীনা ফোংদোকখি মদুদি অৱাং নোংপোককী রাজ্য নিপান অসিদা পাঙ্গল, রিসোর্স অমসুং খুদোংচাবা কয়া লৈ, মসিনা লমদম অসিবু ভারতকী লন অমা ওইহল্লি। মসিদা লৈরিবা ইনাক কৈরাক খুল্লবা মহৌশাগী ফজবা কয়াগা লোইননা অৱাং নোংপোক লমদম অসিনা লৈবাক অসিগী শেন্মিৎলোনগী পাৱরহাউজ অমা ওইরক্নবগী শক্তি লৈ। খানোংপোক থংবা এসিয়াগী লৈবাকশিংগা নক্ননা লৈবনা অৱাং নোংপোক লমদম অসিনা খা নোংপোক এসিয়াগী লৈবাকশিংগা ফাওননবগী থোংজিন ওইরদুনা ভারতকী এক্ত ইস্ত পোলিসীগা চুন্ননা চৎলি। মহাক্না ফোঙদোকখি মদুদি অৱাং নোংপোক রাজ্যশিংনা তুরিজম অমসুং হোস্পিতালিতী, এগ্রি অমসুং মরী লৈনবা ইন্দস্ত্রী, হকশেল, ইন্তর্তেন্মেন্ত, হেন্দলুম অমসুং হেন্দিক্রাফ, এনর্জী অসিনচিংবা হীরমশিংদা শক্তি লৈ। মহাক্না ইনভেস্তরশিংদা থাজবা পীখি, মদুদি লমদম অসিগী নহাশিংদা লিতরেসী রেত ৱাংবা অমসুং মহৌশাগী রিসোর্সশিং মরাং কায়না ফংবনা ইনভেস্তমেন্তকী অফবা মফম অমা ওইগনি। ইকাইখুম্নজরিবা মন্ত্রীনা চেন্নৈবু ৱাংনা থাংগৎলদুনা "ভারতকী আই তিগী পাৱরহাউজনি অমসুং শেন্মিৎলোন চাউখৎনবগী মফম অমনি" হায়না ফোংদোকখি। মহাক্না শহর অসিগী ইনাক খুল্লবা হেরিতেজ, অনৌবা তেক্নোলোজী, অমসুং মতীক লৈরবা ইন্দস্ত্রিএল ইকোসিস্তেম অসিবু শিংথাখি। অৱাং নোংপোক লমদমগী লৌউশিংউ, ফুদ প্রোসেসিং, তুরিজম, অমসুং মেন্যুফেকচরিংগী শক্তিগী মতাংদা পল্লদুনা মহাক্না চেন্নৈগী ওন্ত্রপ্রিনরশিংবু সেক্তরশিং অসিদা ইনভেস্ত তৌবীনবা পুক্নিং চিংশিনখি। মহাক্না পনখি মদুদি অৱাং নোংপোক লমদমদা ভারতকী ৱাগী রিসোর্সকী ৩৮% লৈ, মসিনা চেন্নৈগী ফর্নিচর ইন্দস্ত্রীদা খুদোংচাবা পীগনি। মখা তানা, শীজিন্নদনা লৈরিবা হায়দ্রোকার্বোন রিজর্ব অমসুং হায়দ্রোপাৱরগী শক্তি অসি শুংদোক্কদবনি হায়খি। মহাক্কী লোইশিন ৱারোল থম্লদুনা মহাক্না ইনভেস্তরশিংবু অৱাং নোংপোক লমদমদা পুক্নিং চিংশিনখি অমসুং লমদম অসিগী তুংলমচৎ শেমগৎপদা অচৌবা থৌদাং লৈ হায়খি।

ইকাইখুম্নজরিবা স্পোর্তস অমসুং য়ুথ সর্ভিসেসকী মন্ত্রী, মিজোরম সরকারনা মহাক্কী ৱারোলদা মিজোরম অসি মী মশীং লাখ ১১ খক্তম লৈজরবসু ইনভেস্তমেন্তী অচৌবা খুদোংচাবা লৈ হায়খি। মহাক্না হায়খি মদুদি হোর্তিকলচরগী মখাদা মিজোরমগী লমগী ৫৫% দগী জি আই তেগ তৌরবা শিং, অমসুং মোরোককা লোইননা মেন্দরিন ওরেঞ্জ, অৱাথবী, অমসুং দ্রেগোন ফ্রুত পুথোক্তুনা লৌউশিংউ অমসুং চীঞ্জাক শেম্বগী হীরমদা অচৌবা শক্তি লৈ। রাজ্য অসি ৱা লোকপদসু মাংজিল থারি, মসিসু চাউনা শীজিন্নদনা লৈরি। মহাক্না মখা তারদুনা হায়খি মদুদি মিজোরম অসি হৌজিক শান্নখোৎনবগী পাৱরহাউজনি, অমসুং মসিনা ভারতকী ২০৩৬কী ওলিম্পিক্কী মঙলানগা চুন্ননা চৎলি। মিজোরমনা মকোক থোংবা শান্নরোইশিং পুথোকখ্রে, মরম অসিনা শান্নখোৎনবগী সেক্তর অসিদা ইনভেস্তমেন্তকী অচৌবা মফম লৈ। মহাক্না ইনভেস্তরশিংদা তুরিজম, ইনফ্রাস্ত্রকচর, চীঞ্জাক শেম্বা অসিনচিংবগী হীরমশিংদা মিজোরমদা ইনভেস্তমেন্ত তৌবীনবা পুক্নিং চিংশিনখি।

শ্রী চঞ্চল কুমার, সেক্রেতরী এমদোনরনা মহাক্কী ৱারোলদা অৱাং নোংপোক লমদমদা লৈরিবা ইনভেস্তমেন্তকী খুদোংচাবশিং পনলদুনা মসিবু ইন্নোভেসন, কলচরেল হেরিতেজ অমসুং শেন্মিৎলোনগী হব অমনি হায়খি। মহাক্না পনখি মদুদি হৌখিবা চহি ১০রোম অসিদা, লমদম অসিগী কন্নেক্তিবিতী অসি লম্বী, রেল, নোংথক, ঈশিং অমসুং দিজিতেলবু ওইরো, মসিদা অহোংবা কয়া লাকখ্রে। লমদম অসিগী শেন্মিৎলোনগী চাউখৎপনা জাতিগী এভরেজদগী হেল্লি, মসিনা লল্লোন ইতীক্কী য়াম্না মতীক চাবা মফম অমা ওইগনি। মখা তানা, অৱাং নোংপোক রাজ্যশিংদা কেন্দ্র সরকারগা য়াম্না তুননা চৎপা পোলিসী কয়া লৈ। মহাক্না পনখি মদুদি সরকার অসিনা তুরিজম সাইত নিপান খঙদোকলে। মহাক্না পনখি, আই তি অমসুং আই তি ইগী সেক্তরশিং অসি অৱাং নোংপোক লমদমদা খোংজেল য়াঙনা চাউখৎলক্লি। মহাক্না হায়খি মদুদি ভারত সরকারনা হৌদোকখিবা উনাতি স্কিম অসিনা অৱাং নোংপোক লমদমদা ইনভেস্তমেন্তকী অচৌবা মীৎয়েং থম্লি। মহাক্না মসিমসু পনখি মদুদি ত্রাইলেতরেল হায়ৱে অমসুং কলাদান প্রোজেক্তকা লোইননা, অৱাং নোংপোকনা মেদিকেল তুরিজমগী অচৌবা মফম অমা ওইগদৌরি অমসুং মসিনা থংনবা লৈবাকশিংদগী মীওই মিলিয়ন ৬০ হেন্না কান্নবা ফংহনগনি। মহাক্না ইনভেস্তরশিংদা চৎতুনা অৱাং নোংপোক লমদম্বু হোংহনবদা মপাং ওইনবা পুক্নিং চিংশিনখি।

শ্রী শান্তনু, জোইন্ত সেক্রেতরী এম দোনরনা মহাক্কী ৱারোলদা অৱাং নোংপোক লমদমদা শীজিন্নদ্রিবা শক্তি কয়া লৈ হায়খি। মহাক্না পনখি হৌখিবা চহি তরারোম অসিদা অৱাং নোংপোক লমদমগী লম্বী থোং য়াম্না ফগৎলে। হৌখিবা চহি তরারোম অসিদা সরকার অসিনা লোইশিন্দনা লৈরকপা প্রোজেক্ত কয়া মায় পাক্না লোইশিনখ্রে, মসিনা লমদম অসিগী মীয়ামদা কান্নবা পীখ্রে। মহাক্না পনখি মদুদি অৱাং নোংপোক লমদমগী ফগৎলবা ইনফ্রাস্ত্রকচর, স্ত্রেতেজিক কন্নেক্তিবিতী, থবক শুবা মীওইগী চহি হেনগৎপা অমসুং ইংলিশ ঙাংবা হৈবা শিন্মীশিংনা খা নোংপোক থংবা এসিয়াগী কৈথেলদা লল্লোন ইতীক্কী মফম অমা কনবা ঙমগনি। মহাক্না লমদম অসিগী আই তি, আই তি ই এস, হকশেল, এগ্রি অমসুং মরী লৈনবা থবকশিং, এজুকেসনমসুং স্কিল দিবেলপমেন্ত শান্নখোৎনবা, তুরিজম অমসুং হোস্পিতালিতী, ইনফ্রাস্ত্রকচর অমসুং লোজিস্তিক্স; তেক্সতাইল, হেন্দলুম অমসুং হেন্দিক্রাফ, অমসুং এনর্জীদা খুদোংচাবা কয়া লৈ হায়খি।

কম্মর্স অমসুং ইন্দস্ত্রী মন্ত্রালয়গী মখাদা দিপার্মেন্ত ওব প্রোমোসন ওব ইন্দস্ত্রী অমসুং ইন্তর্নেল ত্রেদ (দি.পি.আই.আই.তি.)গী মীহুৎশিংনা উন্নাতি স্কিমগী মতাংদা মরীক চুম্বা ৱাফম থম্লদুনা তিল্লিবশিংদা কান্নবশিং খঙহনখি। মহাক্না হায়খি, উন্নাতি স্কিম অসিনা অৱাং নোংপোক লমদমদা ইন্দস্ত্রিএলাইজেসন অমসুং একনোমিক্কী ওইবা চাউখৎপা পুরক্নবা পান্দম থম্লি। স্কিম অসিনা ইনভেস্তরশিং অমসুং মেন্যুফেকচরিং কম্পেনীশিং চিংশিল্লি, অমসুং এক্ত ইস্ত পোলিসীবু শৌগৎলি।

অৱাং নোংপোক লমদমগী মহুত শিন্দুনা লাক্লিবা মকোক থোংবা ওফিসিএলশিংনা হীরমশিং অসিদা পায়খৎপা য়াবা থবকশিং পুখৎখি। চেন্নৈগী রোদশো অসিদা ইন্দস্ত্রী লিদরশিংগী পুকনিং চিংশিনখি। থৌরম অসিদা বি ২ জি মীফমশিং পাঙথোক্তুনা ইনভেস্তরশিংদা মখোয়গী ওইবা অৱাং নোংপোক লমদমগী প্লানশিং খন্ননবা ফম্বাক অমা থমখি।

চেন্নৈ রোদশো অসি অফবা ৱাফমশিংগা লোইননা শরুক য়াখিবশিংনা অৱাং নোংপোক লমদম হেন্না শেমগৎনিংবগী অপাম্বা ফোংদোক্নখি। থৌরম অসিনা পাঙথোকপা য়াবা থবকশিং পুখৎনখিবদা নত্তনা তুং কোইনা চৎপা য়াবা চাউখৎপা পুরক্নবগী মতাংদা খন্নখি। থৌরম অসিনা ভারত্তা পাঙথোকপা মায় পাক্লবা রোদশোশিংগী ওইবা অচৌবা তাংক অমা শেমখিবগা লোইননা অৱাং নোংপোক লমদমগী শীজিন্নদনা লৈরিবা শক্তি উৎখি।

***************