மத்திய ஊரக வளர்ச்சி அமைச்சர் திரு சிவராஜ் சிங் சௌஹான் இன்று தேசிய அளவிலான மக்கள் தொடர்பு இயக்கமான நீர் பயன்பாடு யாத்திரையைத் தொடங்கி வைத்தார். இது மக்களின் பங்களிப்பை உருவாக்கவும், பிரதமரின் வேளாண் நுண்ணுயிர் பாசன திட்டத்தின் கீழ் மேற்கொள்ளப்படும் நீர் பயன்பாடு நடவடிக்கைகள் குறித்த விழிப்புணர்வை ஏற்படுத்தவும், கலப்பின முறையில் தொடங்கப்பட்டுள்ளது. மத்திய ஊரக வளர்ச்சி இணையமைச்சர்கள், டாக்டர் சந்திர சேகர் பெம்மாசானி, திரு கமலேஷ் பாஸ்வான் ஆகியோர் கலந்து கொண்டு, நீர்வடிப்பகுதி யாத்திரையின் தொடக்க நிகழ்வில் உரையாற்றினர். தொடர்புடைய மாநில, யூனியன் பிரதேச அரசுகளின் அமைச்சர்கள், உயர் அதிகாரிகள், அந்தந்த மாநிலங்களில் நேரடியாகப் பங்கேற்று, தங்கள் மாநிலங்கள், யூனியன் பிரதேசங்களில் ஒரே நேரத்தில் யாத்திரையைத் தொடங்கி வைத்தனர். மொத்தம் சுமார் 800 கிராம பஞ்சாயத்துகளைச் சேர்ந்த ஒரு லட்சத்திற்கும் மேற்பட்ட மக்கள் நீர் பயன்பாடு யாத்திரை தொடக்க நிகழ்ச்சியில் பங்கேற்றனர்.

மக்களின் தற்போதைய மற்றும் எதிர்காலத் தேவைகளுக்கு மண் மற்றும் நீர் பாதுகாப்பின் முக்கியத்துவத்தையும், நாடு முழுவதும் வேளாண் நுண்ணுயிர் பாசனத் திட்டங்களை திறம்படவும், வெற்றிகரமாகவும் செயல்படுத்துவதில் சமூக பங்களிப்பின் முக்கியத்துவத்தையும் மத்திய அமைச்சர் திரு சிவராஜ் சிங் சௌஹான் தனது உரையில் வலியுறுத்தினார். அதன்படி, யாத்திரையில் மக்கள் முழு மனதுடன் பங்கேற்று வெற்றியை உறுதி செய்யுமாறு அவர் வலியுறுத்தினார்.

இதன் கீழ், அரசு நிதி மற்றும் பொதுமக்கள் பங்களிப்பு மூலம் திட்டப் பகுதிகளில் செய்யப்படும் பணிகள் மாநில அளவில் மதிப்பீடு செய்யப்படும். மேலும் சிறந்த மற்றும் குறிப்பிடத்தக்க பணிகளைச் செய்யும் திட்டங்களுக்கு ஒரு திட்டத்திற்கு ரூ. 20 லட்சம் கூடுதல் வெகுமதி வழங்கப்படும். இதற்காக மொத்தம் ரூ. 70.80 கோடி ஒதுக்கீடு செய்யப்பட்டுள்ளது, இது ஒவ்வொரு ஆண்டும் 177 திட்டங்களுக்கு பயனளிக்கும். இந்த ஆண்டு போட்டிக்கான திட்டங்களின் மதிப்பீடு ஏப்ரல் மாதத்தில் மேற்கொள்ளப்படும்.

நாடு முழுவதும் உள்ள இளைஞர்களுடன் இணைவதற்கும் அவர்களை ஈடுபடுத்துவதற்கும் மை பாரத் இணையதளத்தில் நீர் பயன்பாடு யாத்திரைக்கான ஒரு பெரிய நிகழ்வு உருவாக்கப்பட்டுள்ளது.

மேலும் விவரங்களுக்கு இந்த ஆங்கிலச் செய்திக் குறிப்பைக் காணவும்: https://pib.gov.in/PressReleasePage.aspx?PRID=2100092   

***

TS/IR/RJ/DL