ਸਾਰੇ ਖੇਤਰਾਂ ਵਿੱਚ ਸੰਤੁਲਿਤ ਵਿਕਾਸ ਦੀ ਗਤੀ ਵਿੱਚ ਤੇਜ਼ੀ ਲਿਆ ਕੇ 'ਸਬਕਾ ਵਿਕਾਸ' ਨੂੰ ਹਕੀਕਤ ਵਿੱਚ ਬਦਲਣ ਦੀ ਆਪਣੀ ਯਾਤਰਾ ਵਿੱਚ, ਨਿਰਯਾਤ ਭਾਰਤ ਦੀ ਵਿਕਾਸ ਗਾਥਾ ਦਾ ਇੱਕ ਸ਼ਕਤੀਸ਼ਾਲੀ ਇੰਜਣ ਬਣ ਗਿਆ। ਕੇਂਦਰੀ ਵਿੱਤ ਅਤੇ ਕਾਰਪੋਰੇਟ ਮਾਮਲੇ ਮੰਤਰੀ ਸ਼੍ਰੀਮਤੀ ਨਿਰਮਲਾ ਸੀਤਾਰਮਣ ਦੁਆਰਾ ਅੱਜ ਸੰਸਦ ਵਿੱਚ ਪੇਸ਼ ਕੀਤੇ ਗਏ ਕੇਂਦਰੀ ਬਜਟ 2025-26 ਦਾ ਉਦੇਸ਼ ਘਰੇਲੂ ਮੈਨੂਫੈਕਚਰਿੰਗ  ਵਿੱਚ ਪਰਿਵਰਤਨਸ਼ੀਲ ਸੁਧਾਰ ਸ਼ੁਰੂ ਕਰਨਾ ਅਤੇ ਭਾਰਤ ਦੀ ਅਰਥਵਿਵਸਥਾ ਨੂੰ ਗਲੋਬਲ ਸਪਲਾਈ ਚੇਨਾਂ ਨਾਲ ਜੋੜਨਾ ਹੈ।

ਭਾਰਤਟ੍ਰੇਡਨੈੱਟ

ਅੰਤਰਰਾਸ਼ਟਰੀ ਵਪਾਰ ਦੇ ਲਈ ਡਿਜੀਟਲ ਜਨਤਕ ਬੁਨਿਆਦੀ ਢਾਂਚਾ, 'ਭਾਰਤਟ੍ਰੇਡਨੈੱਟ' (ਬੀਟੀਐੱਨ) ਵਪਾਰ ਦਸਤਾਵੇਜ਼ੀਕਰਣ ਅਤੇ ਵਿੱਤੀ ਸਮਾਧਨਾਂ ਦੇ ਲਈ ਇੱਕ ਸੰਯੁਕਤ ਪਲੈਟਫਾਰਮ ਦੇ ਰੂਪ ਵਿੱਚ 'ਭਾਰਤਟ੍ਰੇਡਨੈੱਟ' ਦੀ ਸਥਾਪਨਾ ਕਰਨ ਦਾ ਪ੍ਰਸਤਾਵ ਹੈ। ਆਪਣੇ ਬਜਟ ਭਾਸ਼ਣ ਵਿੱਚ  ਸ਼੍ਰੀਮਤੀ ਸੀਤਾਰਮਣ ਨੇ ਕਿਹਾ, “ਇਹ ਬੀਟੀਐੱਨ ਇੰਟੀਗ੍ਰੇਟਿਡ ਲੌਜਿਸਟਿਕਸ ਇੰਟਰਫੇਸ ਪਲੈਟਫਾਰਮ ਵਿੱਚ ਸਹਾਇਤਾ ਪ੍ਰਦਾਨ ਕਰੇਗਾ ਅਤੇ ਬੀਟੀਐੱਨ ਨੂੰ ਅੰਤਰਰਾਸ਼ਟਰੀ ਕਾਰਜਪ੍ਰਣਾਲੀ ਦੇ ਨਾਲ ਸੁਸੰਗਤ (ਅਨੁਕੂਲ)  ਬਣਾਇਆ ਜਾਵੇਗਾ।

ਭਾਰਤ ਦੀ ਅਰਥਵਿਵਸਥਾ ਨੂੰ ਗਲੋਬਲ ਸਪਲਾਈ ਚੇਨਸ ਨਾਲ ਜੋੜਨਾ

ਵਿੱਤ ਮੰਤਰੀ ਨੇ ਕੇਂਦਰੀ ਬਜਟ 2025-26 ਵਿੱਚ ਐਲਾਨ ਕੀਤਾ ਕਿ ਘਰੇਲੂ ਮੈਨੂਫੈਕਚਰਿੰਗ ਸਮਰੱਥਾਵਾਂ ਵਿਕਸਿਤ ਕਰਨ ਲਈ ਸਹਾਇਤਾ ਪ੍ਰਦਾਨ ਕੀਤੀ ਜਾਵੇਗੀ ਤਾਕਿ ਭਾਰਤੀ ਅਰਥਵਿਵਸਥਾ ਨੂੰ ਗਲੋਬਲ ਸਪਲਾਈ ਚੇਨਸ ਨਾਲ ਜੋੜਿਆ ਜਾ ਸਕੇ। ਇਸ ਦਿਸ਼ਾ ਵਿੱਚ, ਖੇਤਰਾਂ ਦੀ ਪਹਿਚਾਣ ਉਦੇਸ਼ ਮਾਪਦੰਡਾਂ ਦੇ ਅਧਾਰ 'ਤੇ ਕੀਤੀ ਜਾਵੇਗੀ।

ਇਹ ਵੀ ਪ੍ਰਸਤਾਵ ਕੀਤਾ ਗਿਆ ਹੈ ਕਿ ਕੁਝ ਚੁਣੇ ਹੋਏ ਉਤਪਾਦ ਅਤੇ ਸਪਲਾਈ ਚੇਨਾਂ ਦੇ ਲਈ ਸੀਨੀਅਰ ਅਧਿਕਾਰੀਆਂ ਅਤੇ ਉਦਯੋਗ ਦੇ ਪ੍ਰਤੀਨਿਧੀਆਂ ਦੀ ਭਾਗੀਦਾਰੀ ਨਾਲ ਇੱਕ ਸੁਵਿਧਾ ਸਮੂਹ ਗਠਿਤ ਕੀਤਾ ਜਾਵੇਗਾ।

ਸ਼੍ਰੀਮਤੀ ਨਿਰਮਲਾ ਸੀਤਾਰਮਣ ਨੇ ਦੱਸਿਆ ਕਿ ਭਾਰਤ ਦੀ ਨੌਜਵਾਨ ਪੀੜ੍ਹੀ ਦੇ ਕੋਲ ਉੱਚ ਪੱਧਰ ਦਾ ਕੌਸ਼ਲ ਅਤੇ ਪ੍ਰਤਿਭਾ ਹੈ ਜਿਨ੍ਹਾਂ ਦੀ ਉਦਯੋਗ 4.0 ਨਾਲ ਜੁੜੇ ਅਵਸਰਾਂ ਦਾ ਲਾਭ ਉਠਾਉਣ ਦੀ ਜ਼ਰੂਰਤ ਹੈ। "ਸਾਡੀ ਸਰਕਾਰ ਨੌਜਵਾਨਾਂ ਦੇ ਫਾਇਦੇ ਦੇ ਲਈ ਇਸ ਅਵਸਰ ਦਾ ਲਾਭ ਉਠਾਉਣ ਦੇ ਲਈ ਘਰੇਲੂ ਇਲੈਕਟ੍ਰੌਨਿਕਸ ਉਪਕਰਣ ਉਦਯੋਗ ਨੂੰ ਸਹਾਇਤਾ ਪ੍ਰਦਾਨ ਕਰੇਗੀ।"

ਜੀਸੀਸੀ ਦੇ ਲਈ ਰਾਸ਼ਟਰੀ ਫ੍ਰੇਮਵਰਕ

ਕੇਂਦਰੀ ਬਜਟ 2025-26 ਵਿੱਚ ਉਭਰਦੇ ਹੋਏ  ਟੀਅਰ 2 ਸ਼ਹਿਰਾਂ ਵਿੱਚ ਗਲੋਬਲ ਸਮਰੱਥਾ ਕੇਂਦਰਾਂ ਨੂੰ ਹੁਲਾਰਾ ਦੇਣ ਦੇ ਉਦੇਸ਼ ਨਾਲ ਰਾਜਾਂ ਦਾ ਮਾਰਗਦਰਸ਼ਨ ਕਰਨ ਦੇ ਲਈ ਇੱਕ ਰਾਸ਼ਟਰੀ ਫ੍ਰੇਮਵਰਕ  ਤਿਆਰ ਕੀਤਾ ਜਾਵੇਗਾ। ਇਹ ਪ੍ਰਤਿਭਾ ਅਤੇ ਬੁਨਿਆਦੀ ਢਾਂਚੇ ਦੀ ਉਪਲਬਧਤਾ ਨੂੰ ਵਧਾਉਣ, ਬਿਲਡਿੰਗ ਬਾਈਲਾਅਜ਼ ਰਿਫੌਰਮਸ ਦੇ ਲਈ ਉਪਾਵਾਂ ਅਤੇ ਉਦਯੋਗਾਂ ਦੇ ਨਾਲ ਸਹਿਯੋਗ ਲਈ 16 ਉਪਾਅ ਸੁਝਾਏਗਾ।

ਨਿਰਯਾਤ ਬਾਰੇ ਸਬੰਧਿਤ ਜਾਣਕਾਰੀ ਲਈ, ਇੱਥੇ ਕਲਿੱਕ ਕਰੋ -https://pib.gov.in/PressReleasePage.aspx?PRID=2098447

*****

ਐੱਨਬੀ/ਕੇਐੱਸ