سمندری صنعت کو طویل مدتی  مالی مدد فراہم کرنے کے لیےمالیات اور کارپوریٹ امور کی مرکزی وزیر محترمہ نرملا سیتا رمن نے 25,000 کروڑ روپے کا سمندری ترقیاتی فنڈ قائم کرنے کی تجویز پیش کی ہے۔ وزیر خزانہ نے آج پارلیمنٹ میں مرکزی بجٹ 2025-26 پیش کرتے ہوئے کہا کہ یہ فنڈ تقسیم شدہ تعاون فراہم کرے گا اور سمندری صنعت میں مسابقت کی حوصلہ افزائی کرے گا۔ اس میں حکومت 49 فیصد تک حصہ ڈالے گی اور باقی رقم بندرگاہوں اور نجی شعبے سے اکٹھی کی جائے گی۔

وزیر خزانہ نے کہا کہ سرکلر اکانومی کو فروغ دینے کے لیے ہندوستانی یارڈز میں شپ بریکنگ کے لیے کریڈٹ نوٹ سمیت لاگت کے نقصانات کو دور کرنے کے لیے جہاز سازی کی فنانسنگ پالیسی کو از سر نو بنایا جائے گا۔ انفراسٹرکچر ہارمونائزڈ ماسٹر لسٹ (ایچ ایم ایل) میں  دیے گئے سائز سے بڑے جہاز شامل کیے جائیں گے۔ جہاز سازی کے کلسٹرز کو جہازوں کی رینج، زمرہ جات اور صلاحیت کو بڑھانے کے لیے سہولت فراہم کی جائے گی۔ اس میں پورے ایکو سسٹم کو تیار کرنے کے لیے اضافی بنیادی ڈھانچے کی سہولیات، مہارت اور ٹیکنالوجی بھی شامل ہوگی۔ جہاز سازی پر طویل مدتی نظریہ  پیش کرتے ہوئے وزیر خزانہ نے خام مال، پرزہ جات، استعمال کی اشیاء یا بحری جہازوں کی تیاری کے اسپیئرز پر بنیادی کسٹم ڈیوٹی میں چھوٹ کو مزید 10 سال تک جاری رکھنے کی تجویز پیش کی۔ وزیر خزانہ نے شپ بریکنگ کو مزید مسابقتی بنانے کے لیے اسی طرح کی سہولت فراہم کرنے کی تجویز بھی پیش کی ہے۔

علاقائی رابطہ اسکیم -  اُڑان کی تعریف کرتے ہوئے، محترمہ نرملا سیتا رمن نے کہا کہ اُڑان اسکیم نے 1.5 کروڑ متوسط ​​طبقے کے لوگوں کو تیزی سے سفر کرنے کی اپنی خواہشات کو پورا کرنے کے قابل بنایا ہے۔ اس اسکیم نے 88 ہوائی اڈوں کو جوڑا ہے اور 619 راستوں کو فعال  کیا ہے۔ اس کامیابی سے متاثر ہو کر، اگلے 10 سالوں میں 120  نئے مقامات تک علاقائی رابطوں کو بڑھانے کے لیے ایک نظرثانی شدہ اُڑان اسکیم شروع کی جائے گی، جس سے 4 کروڑ مسافروں کو اس طرح کی ٹرانسپورٹ کی سہولت ملے گی۔ یہ اسکیم پہاڑی، خواہش مند اور شمال مشرقی خطے کے اضلاع میں ہیلی پیڈ اور چھوٹے ہوائی اڈوں کے لیے بھی مدد فراہم کرے گی۔ وزیر خزانہ نے ایوان کو یہ بھی بتایا کہ حکومت فضائی کارگو کے لیے انفراسٹرکچر اور گودام کی اپ گریڈیشن میں بھی سہولت فراہم کرے گی، جس میں  اونچی قیمت  کی خراب ہونے والی شجرکاری مصنوعات بھی شامل ہیں۔

بہار میں بنیادی ڈھانچے کو فروغ دینے کے لیے وزیر خزانہ نے تجویز پیش کی ہے کہ ریاست میں گرین فیلڈ ہوائی اڈے فراہم کیے جائیں گے تاکہ وہاں کی مستقبل کی ضروریات کو پورا کیا جا سکے۔ یہ پٹنہ ہوائی اڈے اور بیہٹا کے براؤن فیلڈ ہوائی اڈے کی صلاحیت میں توسیع کے علاوہ ہوں گے۔ مغربی کوشی نہر ای آر ایم پروجیکٹ کے لیے مالی مدد فراہم کی جائے گی جس سے بہار کے متھیلا علاقے میں 50,000 ہیکٹر سے زیادہ زمین پر کاشت کرنے والے کسانوں کی ایک بڑی تعداد کو فائدہ پہنچے گا۔

*********

UR-5911

(ش ح۔    ع و۔ش ب ن)