மத்திய நிதி மற்றும் பெருநிறுவன விவகாரங்கள் அமைச்சர் திருமதி நிர்மலா சீதாராமன் இன்று நாடாளுமன்றத்தில் தாக்கல் செய்த 2024-25-ம் ஆண்டுக்கான பொருளாதார ஆய்வறிக்கையின் முன்னுரையானது முன்னெப்போதும் இல்லாத உலகளாவிய சவால்களுக்கு மத்தியில் பொருளாதார வளர்ச்சி மற்றும் வேலைவாய்ப்பை விரைவுபடுத்த விதிமுறைகளை கணிசமாகக் குறைத்து நிர்வாகத்திற்கான தத்துவார்த்த அணுகுமுறையை ஆதரிக்கிறது.

2024-ம் ஆண்டு உலகம் எதிர்பார்த்ததை விட வேகமாக வளர்ச்சியடைந்து வருவதாகவும், குறிப்பாக ஐரோப்பா முழுவதும் அரசியல் மற்றும் பொருளாதார நிச்சயமற்ற தன்மைகள் காணப்படுவதாகவும், இந்தியா, அமெரிக்கா மற்றும் இந்தோனேசியா ஆகிய மூன்று பெரிய ஜனநாயக நாடுகளில் தேர்தல்கள் நடைபெற்றதாகவும் ஆய்வறிக்கையின் முன்னுரை கூறுகிறது.

"வழியிலிருந்து விலகி வணிகங்கள் தங்கள் முக்கிய பணியில் கவனம் செலுத்த அனுமதிப்பது, புதுமைகளை வளர்ப்பதற்கும் போட்டித்தன்மையை மேம்படுத்துவதற்கும் நாடு முழுவதும் உள்ள அரசுகள் செய்யக்கூடிய குறிப்பிடத்தக்க பங்களிப்பாகும்" என்று பொருளாதார ஆய்வறிக்கை வாதிடுகிறது.

ஆபத்து அடிப்படையிலான விதிமுறைகளை அரசு ஏற்றுக்கொள்ள வேண்டும் என்றும், 'நிரபராதி என நிரூபிக்கப்படும் வரை குற்றவாளி' என்பதிலிருந்து 'குற்றம் நிரூபிக்கப்படும் வரை நிரபராதி' என விதிமுறைகளின் செயல்பாட்டுக் கொள்கையை மாற்ற வேண்டும் என்றும் ஆய்வறிக்கை மேலும் வாதிடுகிறது. துஷ்பிரயோகத்தைத் தடுக்க கொள்கைகளில் செயல்பாட்டு நிலைமைகளின் அடுக்குகளைச் சேர்ப்பது அவற்றைப் புரிந்துகொள்ள முடியாததாக ஆக்குகிறது என்பதுடன், விதிமுறைகள்‌ தேவையில்லாமல் சிக்கலாக்குகின்றன, அவற்றின் அசல் நோக்கங்கள் மற்றும் நோக்கங்களிலிருந்து அவற்றை மேலும் விலக்கி எடுத்துச் செல்கின்றன.

தொண்ணூறுகளில் பெங்களூருவில் தோன்றிய தகவல் தொழில்நுட்பத் துறை மற்றும் புத்தொழில் நிறுவன சூழல் அமைப்பு போலவே, பேரளவிலான பொருளாதாரத்துக்கு நம்பிக்கை அடிப்படையிலான சமூகத்தை உருவாக்குவதையும் இந்த ஆய்வறிக்கை ஆராய்கிறது. இதன் மூலம், "2047-ம் ஆண்டுக்குள் இந்திய மக்கள் சவால்களைச் சமாளித்து, அவற்றை வளர்ச்சியடைந்த இந்தியாவுக்கான வழியில் வாய்ப்புகளாக மாற்றுவார்கள் என்பது ஒரு நல்ல நிலை" என்று ஆய்வறிக்கை கூறுகிறது.

வளரும், வளர்ந்த மற்றும் வளர்ந்து வரும் சந்தைப் பொருளாதாரங்களின் சூழலில், விரைவான உலக வர்த்தக வளர்ச்சியின் சகாப்தம் கடந்துவிட்டதாகவும், போட்டித்தன்மை வாய்ந்த மற்றும் புதுமையான பொருளாதாரமாக மாறுவதற்கு மேலும் உள்நாட்டு மற்றும் வெளிநாட்டு முதலீடுகளை ஈர்க்கவும், ஊக்குவிக்கவும், வசதி செய்யவும் இந்தியா முழு முயற்சியையும் எடுக்க வேண்டும் என்றும் ஆய்வறிக்கை வலியுறுத்துகிறது. உள்நாட்டு விநியோகச் சங்கிலித் திறனையும், மீள்தன்மையையும் வலுப்படுத்துவதில் தனியார் துறையின் உத்திசார் முதலீடுகள் நீண்ட காலத்திற்கு உதவும் என்றும் ஆய்வறிக்கை பரிந்துரைக்கிறது.

உலகளாவிய சவால்களின் யதார்த்தத்தைக் குறிப்பிட்டு, வரும் ஆண்டுகளில் உள்நாட்டு வளர்ச்சி ஒப்பீட்டளவில் முக்கியமானதாக இருக்கும் என்று ஆய்வறிக்கையின் முன்னுரை கூறுகிறது.

பருவநிலை மாற்றத்தின் பின்னணியில் போட்டித்தன்மையை மேம்படுத்துவதிலும் பராமரிப்பதிலும் எரிசக்தி பாதுகாப்பில் பொதுக் கொள்கையின் பங்குக்கு இந்த ஆய்வறிக்கை அதிக முக்கியத்துவம் அளிக்கிறது. ஏராளமான புதுப்பிக்கத்தக்க எரிசக்தி மற்றும் நிலக்கரி வளம் காரணமாக மின்சார வாகன இயக்கம் பொருளாதார அர்த்தமுள்ளதாக இருப்பதால், புதைபடிவ எரிபொருட்களிலிருந்து விலகி எரிசக்தி இடைமாற்றம் மற்றும் பல்வகைப்படுத்தலுக்கான தனது சொந்தப் பாதையை இந்தியா வரையறுப்பதாக ஆய்வறிக்கை வாதிடுகிறது. மிக முக்கியமாக, இந்தியாவின் விரிந்த பரப்பளவைக் கருத்தில் கொண்டால் பொதுப் போக்குவரத்து  சாத்தியமான மாற்றாக அமையும்  என்று ஆய்வறிக்கை வாதிடுகிறது.

இந்தியாவின் எரிசக்தி இடைமாற்றத் திட்டங்கள் புவியியல் பாதிப்புகளைக் கவனத்தில் கொள்ள வேண்டும் என்றும், முக்கியமான இறக்குமதிகளுக்கு வெளிப்புற ஆதாரங்களை இந்தியா சார்ந்திருப்பதை அதிகப்படுத்துவதைத் தவிர்க்க வேண்டும் என்றும் ஆய்வறிக்கை குறிப்பிடுகிறது. உமிழ்வைக் குறைப்பதை விட இணைவாக்கத்தில் இந்தியா கவனம் செலுத்த வேண்டும் என்று ஆய்வறிக்கை வாதிடுகிறது.

இந்திய இளைஞர்கள் செயற்கை நுண்ணறிவு போன்ற தொழில்நுட்ப முன்னேற்றங்களைப் பயன்படுத்திக் கொள்ள, திறன் மேம்பாடு மற்றும் கல்வி ஆகியன முன்னேற்றத்தைவிடஒரு படி மேலே இருக்க வேண்டும். இதனால் வேலைவாய்ப்பு மீதான பாதகமான தாக்கத்தைக் குறைக்க அல்லது நீக்க முடியும். மேலும் வேலைவாய்ப்பை அதிகரிக்கவும் இது உதவும் என்று ஆய்வறிக்கை கூறுகிறது. தனியார் துறையில் கண்டுபிடிப்புகள் மற்றும்  புதிதாக உருவாகிவரும் தொழிலில் ஆராய்ச்சி மற்றும் அபிவிருத்தியை ஊக்குவிக்க ரூ. 1 லட்சம் கோடி நிதி திரட்டலுடன் இந்தியா முழுவதும் உள்ள உயர் கல்வி நிறுவனங்களில் செயற்கை நுண்ணறிவு மையங்களை நிறுவவும் இந்த ஆய்வறிக்கை பரிந்துரைக்கிறது.

செயற்கை நுண்ணறிவு பற்றிய சமநிலையான பார்வையை எடுத்துக் கொண்டால், செயற்கை நுண்ணறிவு அனைவருக்கும் ஒரே தீர்வாகப் பொருந்தாது என்றும், அது அனைத்து நாடுகளுக்கும் பொருந்தாது என்றும், குறிப்பாக இந்தியா போன்ற உழைப்பு நிறைந்த நாட்டிற்கு இது பொருந்தாது என்றும் ஆய்வறிக்கை வாதிடுகிறது.

இந்தியாவில் அதிக அளவில் பதப்படுத்தப்பட்ட உணவுகள் (கொழுப்பு, உப்பு மற்றும் சர்க்கரை) நுகர்வு அதிகரித்து வரும் பின்னணியில், இந்திய இளைஞர்களின் மனம், உணர்ச்சி மற்றும் உடல் தேவைகளைப் போஷிப்பதற்கு உணவுப் பொருட்களை பேக்கேஜிங் செய்வதற்கும், லேபிளிங் செய்வதற்கும் கடுமையான விதிகளை அமல்படுத்துவதன் மூலம் அவர்களின் பரந்த திறனை செயல்படுத்த  வெளிப்படுத்துவதை இந்த ஆய்வறிக்கை ஆதரிக்கிறது.

பெண்கள், விவசாயிகள், இளைஞர்கள் மற்றும் ஏழைகளின் மேம்பட்ட பங்கேற்பை பொருளாதார நடவடிக்கைகளில் எளிதாக்குவது உள்ளடக்கிய வளர்ச்சிக் கொள்கைகளின் லிட்மஸ் சோதனை என்று ஆய்வறிக்கை கூறுகிறது. இளைஞர்களைப் பொறுத்தவரை, கல்வி, திறன், உடல் நலம், மனநலம் ஆகியவை தொடர்பான முதலீட்டில் கவனம் செலுத்த வேண்டும் என்று ஆய்வறிக்கை வாதிடுகிறது. பெண்களை பொறுத்தவரை மத்திய, மாநில அரசுகள், அவர்களுக்கு இடையூறாக இருக்கும் தடைகளை அகற்ற நடவடிக்கை எடுக்க வேண்டுமென்று ஆய்வறிக்கை வலியுறுத்துகிறது.

எளிதாக வர்த்தகம் புரிவதற்கான அளவுகோல்களை மாநிலங்கள் தங்களுக்கு இடையில் ஆக்கப்பூர்வமாக வகுத்துக் கொள்ள வேண்டும் என்றும், முன்னேற விரும்பும் மாநிலங்கள் தங்களது தொழில்மயமாக்கத்தை அதிகரிக்க வேண்டும் என்றும் ஆய்வறிக்கை வலியுறுத்துகிறது.

இந்தியாவின் ஏற்றுமதி குறைந்து நடப்பு கணக்கு பற்றாக்குறையை அதிகரிக்கக் கூடிய தாக்கத்தை ஏற்படுத்தும் வர்த்தக கட்டுப்பாட்டுக் கொள்கைகளை வருங்காலத்தில் இந்தியா எதிர்நோக்க வேண்டியிருக்கும் என  ஆய்வறிக்கை  எச்சரிக்கிறது.

***

TS/PKV/RR/DL