خزانہ اور کارپوریٹ امور کی مرکزی وزیر محترمہ نرملا سیتا رمن کے ذریعہ آج  پارلیمنٹ میں پیش کئے گئے اقتصادی جائزہ 25-2024 میں کہاگیا ہے کہ عالمی سطح پر اقتصادی اور تجارتی پالیسی کی غیر یقینی صورتحال کے  باوجود  ہندوستان کی برآمدات کا شعبہ پائیداری  کا مظاہرہ کر رہا ہے۔

ہندوستان کی تجارتی کارکردگی

اقتصادی جائزے میں کہا گیا ہے کہ مالی سال25-2024 کے پہلے نو مہینوں میں کل برآمدات (تجارتی سامان اور خدمات) میں 6 فیصد کا لگاتار اضافہ ریکارڈ کیا گیا ہے۔ پٹرولیم اور جواہرات و زیورات کو چھوڑ کر خدمات اور سامان کی برآمدات میں اضافہ 10.4 فیصد تھا۔ اس سے ظاہر ہوتا ہے کہ ہندوستانی مینوفیکچرنگ، زراعت اور خدمات کی برآمدات عالمی مسابقت کا مقابلہ کرنے کے قابل تھیں۔ اسی مدت کے دوران کل درآمدات میں 6.9 فیصد اضافہ ریکارڈ کیا گیا۔

بحیرہ احمر کے بحران، یوکرین کی جنگ اور پناما کنال میں حالیہ خشک سالی، بہت سے ممالک کی طرف سے دکھائے گئے عالمی تجارت میں رکاوٹوں، تحفظ پسندانہ رجحانات کے سبب غیر یقینی صورتحال پیدا کر دی ہے۔ بین الاقوامی تجارت کو محدود کرنے والے نان ٹیرف اقدامات (این ٹی ایم) کی تعداد میں بھی گزشتہ چند سالوں میں اضافہ ہوا ہے۔ تجارت میں تکنیکی رکاوٹیں (ٹی بی ٹی) مصنوعات کی 31.6 فیصد لائنوں کو متاثر کرتی ہیں، جو دسمبر 2024 تک عالمی تجارت کا 67.1 فیصد احاطہ کرتی ہے۔ این ٹی ایم سے سب سے زیادہ متاثر ہونے والے شعبوں میں زراعت، مینوفیکچرنگ اور قدرتی وسائل شامل ہیں۔

آزادانہ  تجارتی معاہدے

اقتصادی جائزے  میں کہا گیا ہے کہ ہندوستان کو صورتحال کا جائزہ لینے اور ایک آگے نظر آنے والے اسٹریٹجک تجارتی روڈ میپ تیار کرنے کی ضرورت ہے جو اپنی طاقتوں کو بروئے کار لائے۔ ہندوستان  دیگر ممالک اور تجارتی بلاکس کے ساتھ متعدد آزاد تجارتی معاہدوں پر بات چیت کے عمل  سے گزر رہا ہے۔ مثال کے طور پر، ٹیکسٹائل کے شعبے میں، یو اے ای-انڈیا جامع اقتصادی شراکت داری معاہدہ (سی ای پی اے) (2022) نے ایک اہم مارکیٹ کے ساتھ ہندوستان کے ٹیکسٹائل ٹیرف کو کم کرنے میں مدد کی ہے۔ ہندوستان یورپی یونین اور برطانیہ جیسے اعلیٰ درآمد کنندہ ممالک کے ساتھ  آزادانہ تجارتی معاہدوں پر بات چیت کے لیے سرگرم عمل ہے۔ اقتصادی جائزے میں کہا  گیا ہے کہ ہندوستان اپنی برآمدات کو متنوع بنانے اور نئی منڈیوں کو نشانہ بنانے کی حکمت عملی بھی اپنا رہا ہے۔

خدمات کی برآمدات

ہندوستان سے خدمات کی برآمدات نے کئی شعبوں میں قابل ذکر شراکت کے ساتھ عالمی برآمدات میں کثیر شعبہ جاتی موجودگی کو ظاہر کیا ہے۔ عالمی خدمات کی برآمدات میں ہندوستان کا حصہ دوگنا سے بھی زیادہ ہو گیا ہے، جو 2005 میں 1.9 فیصد سے 2023 میں تقریباً 4.3 فیصد تک پہنچ گیا ہے۔ ’ٹیلی  مواصلات، کمپیوٹر اور انفارمیشن سروسز‘ میں، ہندوستان عالمی برآمدات کی منڈی میں 10.2 فیصد کا کنٹرول رکھتا ہے (دنیا میں دوسرا سب سے بڑا برآمد کنندہ ملک)، آئی ٹی آؤٹ سورسنگ، سافٹ ویئر ڈیولپمنٹ اور ڈیجیٹل سروسز میں اپنی مضبوط پوزیشن کی عکاسی کرتا ہے۔ جیسا کہ ملک عالمی قابلیت کے سینٹرز کا مرکزبن گیا ہے اور جدت طرازی جاری رکھے ہوئے ہے، اس رفتار کو برقرار رکھنے کے لیے ہنر مندی کی ترقی اور اسٹریٹجک پالیسی اقدامات  پر توجہ مرکوز کرنا کلید ہوگا۔

’دیگر کاروباری خدمات کا شعبہ‘ بھی ایک اہم کردار ادا کرتا ہے، جس میں ہندوستان کے پاس  پیشہ ورانہ اور مشاورتی خدمات میں اس کی مہارت کی وجہ سےدنیا کا 7.2 فیصد حصہ ہے (دنیا کا تیسرا سب سے بڑا برآمد کنندہ)۔ بین الاقوامی سیاحت اور عالمی ٹرانسپورٹ نیٹ ورکس میں ترقی کے مواقع موجود ہیں۔ ہندوستان کی ای کامرس کی برآمد میں بھی نمایاں اضافہ  اور ملک کے جی ڈی پی میں کلیدی شراکت دار بننے کی بے پناہ صلاحیت ہے۔ یہ مختلف عوامل جیسے ٹیکنالوجی سے چلنے والی ترقی،  آن لائن ادائیگیوں، مقامی ترسیل کی خدمات، صارفین کے ساتھ ڈیٹا پر مبنی تعاملات اور ڈیجیٹل مارکیٹنگ کے ذریعے کارفرما ہے۔

برآمدات کو مضبوط بنانے کے اقدامات

لاجسٹکس کے مراکز کی ترقی، بنیادی ڈھانچے میں سرمایہ کاری اور سپلائی چین کی کارکردگی کو بہتر بنانے کے لیے پالیسی اصلاحات ایسے اقدامات ہیں جو ہندوستانی برآمدات کے شعبے کو آگے بڑھائیں گے۔ غیر ملکی تجارت سے متعلق ڈائریکٹوریٹ جنرل (ڈی جی ایف ٹی) نے’ٹریڈ کنکٹ ای پلیٹ فارم‘ کا آغاز کیا ہے، جو کہ برآمد  کاروں کو نئی منڈیوں کو شامل کرنے کے لیے ایک واحد ونڈو قدم ہے۔ ای-پلیٹ فارم کا مقصد ہندوستانی برآمد کاروں، خاص طور پر ایم ایس ایم ای کے لیے بین الاقوامی تجارتی منظر نامے کو تبدیل کرنا ہے۔ یہ پلیٹ فارم، وزارت ایم ایس ایم ای، ایکزیم بینک، محکمہ برائے مالیاتی خدمات اور وزارت خارجہ سمیت کلیدی شراکت داروں کے تعاون سے تیار کیا گیا ہے، برآمد کاروں  کو جامع مدد، وسائل اور بر وقت رسائی کی پیشکش کرتے ہوئے تجارت سے متعلق تمام معلومات  فراہم  کرے گا۔

براہ راست غیر ملکی سرمایہ کاری

مالی سال 2025 کے پہلے آٹھ مہینوں میں ایف ڈی آئی میں تبدیلی دیکھنے میں آئی حالانکہ آمد میں کمی کی وجہ سے اپریل تا نومبر 2023 کے مقابلے کل  ایف ڈی آئی میں کمی واقع ہوئی ہے۔ اقتصادی جائزہ میں کہا گیا ہے کہ کل براہ راست غیر ملکی سرمایہ کاری مالی سال 24 کے پہلے آٹھ مہینوں میں 47.2 بلین ڈالر سے بڑھ کر مالی سال 25 کی اسی مدت میں 55.6 بلین ڈالر تک پہنچ گئی، جس میں سال بہ سال 17.2 فیصد اضافہ ریکارڈ کیا گیا۔ جائزہ میں اپریل 2000 اور ستمبر 2024 تک ہندوستان میں طویل مدتی ایف ڈی آئی کی آمد 1 ٹریلین امریکی ڈالر سے تجاوز کرنے کی بھی پیش گوئی کی گئی ہے، جو ملک کی محفوظ اور اہم عالمی سرمایہ کاری کی صلاحیت کی عکاسی کرتی ہے۔

جائزے سے یہ بات سامنے آئی کہ جہاں خدمات کے شعبے میں سب سے زیادہ ایف ڈی آئی کی آمد دیکھنے میں آئی جو کہ  مالی سال 2025 ایچ ایک میں کل سیکیورٹیز کی سرمایہ کاری کا 19.1 فیصد ہے، دیگر قابل ذکر شعبوں میں کمپیوٹر سافٹ ویئر (14.1 فیصد)، ٹریڈنگ (9.1 فیصد)، غیر روایتی توانائی (7 فیصد) اور سیمنٹ اور جپسم مصنوعات (6.1 فیصد) نے غیر ملکی سرمایہ کاری کو راغب کیا۔ جائزہ میں کہا گیا ہے کہ قلیل مدتی اضافے کے باوجود، ترقی یافتہ معیشتوں میں بڑھتی ہوئی شرح سود اور جغرافیائی سیاسی حالات جیسے کئی عوامل ہندوستان میں طویل مدتی ایف ڈی آئی کے نقطہ نظر کے حق میں ہیں۔ جائزہ میں پتا چلا ہے کہ ہندوستان کی مضبوط اقتصادی بنیادیں، جاری مینوفیکچرنگ اصلاحات اور بڑھتی ہوئی صارف مارکیٹ نے غیر ملکی سرمایہ کاری کو راغب کیا ہے۔

ہندوستان میں ایف ڈی آئی کی آمد میں کمی پر تشویش کا اظہار کرتے ہوئے، جائزہ میں کہا گیا ہے کہ جامع تجزیے سے یہ بات سامنے آئی ہے کہ اقتصادی غیر یقینی صورتحال، جغرافیائی سیاسی خدشات اور قرضوں کے بڑھتے ہوئے اخراجات نے ایف ڈی آئی کے بہاؤ کو متاثر کیا ہے۔

کرنٹ اکاؤنٹ خسارہ

جائزہ میں کہا گیا ہے کہ ہندوستان میں کرنٹ اکاؤنٹ خسارہ ہے اور اس کی معیشت کے حجم کو دیکھتے ہوئے اسے بڑی سرمایہ کاری کی ضرورت ہے۔ جائزہ میں بڑی غیر ملکی بچتوں اور ملکی بچتوں کی حمایت کرتے ہوئے سرمایہ بڑھانے کی تجویز پیش کی گئی۔ جائزہ میں کہا گیا کہ ترقی یافتہ ممالک بھی سرمایہ کاری کو راغب کر رہے ہیں اور اکیلے دیگر ابھرتی ہوئی معیشتوں کے ساتھ مقابلہ نہیں کر رہے ہیں۔ جائزہ میں سفارش کی گئی ہے کہ ہندوستان کو تمام شعبوں میں ایف ڈی آئی کو راغب کرنا چاہئے اور خود کو پرکشش اور غیر ملکی سرمایہ کاروں کے لئے کھلا بنانا چاہئے اور کاروبار کرنے میں آسانی اور ڈی ریگولیشن کے ذریعہ ہندوستان کی سرمایہ کاری کی کارکردگی کو بہتر بنانا چاہئے۔

غیر ملکی پورٹ فولیو سرمایہ کاری ( ایف پی آئی)

ایف پی آئی پر اقتصادی جائزہ نے نوٹ کیا کہ یہ مالی سال 2025 میں اب تک ملا جلا رجحان ظاہر کرتا ہے۔ جائزہ میں کہا گیا ہے کہ کمائی کی سست رفتاری، بڑھتی افراط زر، بڑھتے ہوئے جغرافیائی سیاسی خدشات اور چین میں حالیہ  ایف پی آئی کی حمایت یافتہ نمو نے ہندوستانی سیکورٹیز سے اہم فنڈ کا اخراج کیا ہے۔ مزید، اس بات کی نشاندہی کی گئی کہ ہندوستان کے مضبوط معاشی بنیادی اصول، کاروبار کرنے کے لیے سازگار ماحول اور مضبوط اقتصادی ترقی نے سرمایہ کاروں کو باہر نکلنے کے رجحانات کو ریورس کرنے پر اکسایا ہے۔

زرمبادلہ کے ذخائر

ہندوستان کے زرمبادلہ کے ذخائر کے بارے میں معلومات دیتے ہوئے، اقتصادی جائزہ میں  کہا  گیا ہےکہ دسمبر 2024 کے آخر تک یہ 640.3 بلین امریکی ڈالر تھا۔ اس  میں مزید کہا گیا ہے کہ یہ ذخائر ستمبر 2024 تک ہندوستان کے 711.8 بلین امریکی ڈالر کے بیرونی قرضوں کے تقریباً 90 فیصد کو پورا کرنے کے لیے کافی تھے۔

غیر ملکی قرض

یہ نوٹ کرتے ہوئے کہ ہندوستان کا بیرونی قرض پچھلے کچھ سالوں میں مستحکم رہا ہے، اقتصادی جائزہ نے کہا کہ اس نے بیرونی شعبے میں استحکام کو برقرار رکھنے میں مدد کی ہے جب باقی دنیا جغرافیائی سیاسی بحران کا شکار تھی۔ جائزہ میں کہا گیا ہے کہ بیرونی قرضوں کا جی ڈی پی کا تناسب جون 2024 میں 18.8 فیصد سے بڑھ کر ستمبر 2024 میں 19.4 فیصد ہو گیا، جب کہ غیر ملکی زرمبادلہ کے ذخائر کا تناسب جون 2024 میں 20.3 فیصد سے کم ہو کر ستمبر 2024 میں 18.9 فیصد ہو گیا۔

۔۔۔۔۔۔۔۔۔۔۔

ش ح۔م ع۔ ع و۔ ن  م۔ ش ب ن۔

U- 5857