প্ৰধানমন্ত্ৰী শ্ৰী নৰেন্দ্ৰ মোদীৰ অধ্যক্ষতাত অৰ্থনৈতিক পৰিক্ৰমা কেবিনেট কমিটিয়ে (CCEA) ২০২৫-২৬ বিপণন বৰ্ষৰ বাবে কেঁচা মৰাপাটৰ ন্যূনতম সমৰ্থন মূল্য (MSP)ত অনুমোদন জনাইছে।

২০২৫-২৬ বৰ্ষৰ বাবে কেঁচা মৰাপাটৰ (টিডি-৩ গ্ৰেড) এমএছপি প্ৰতি কুইন্টলত ৫,৬৫০/- টকা নিৰ্ধাৰণ কৰা হৈছে। ইয়াৰ জৰিয়তে সৰ্বভাৰতীয় ওজনযুক্ত গড় উৎপাদন ব্যয়ৰ তুলনাত ৬৬.৮ শতাংশ লাভ নিশ্চিত হ’ব। ২০২৫-২৬ বিপণন বৰ্ষৰ বাবে কেঁচা মৰাপাটৰ অনুমোদিত এমএছপি চৰকাৰে ২০১৮-১৯ৰ বাজেটত ঘোষণা কৰা অনুসৰি সমগ্ৰ ভাৰতৰ ওজনযুক্ত গড় উৎপাদন ব্যয়ৰ কমেও ১.৫ গুণৰ স্তৰত এমএছপি নিৰ্ধাৰণৰ নীতিৰে সামঞ্জস্যপূৰ্ণ।

২০২৫-২৬ বিপণন বৰ্ষৰ বাবে কেঁচা মৰাপাটৰ এমএছপি পূৰ্বৰ ২০২৪-২৫ বিপণন বৰ্ষৰ তুলনাত প্ৰতি কুইন্টলত ৩১৫/- টকা বৃদ্ধি। ভাৰত চৰকাৰে ২০১৪-১৫ত কেঁচা মৰাপাটৰ এমএছপি প্ৰতি কুইন্টলত ২৪০০/- টকাপৰা ২০২৫-২৬ত প্ৰতি কুইন্টলত ৫,৬৫০/- টকালৈ বৃদ্ধি কৰে। এয়া প্ৰতি কুইন্টলত ৩২৫০/- টকা (২.৩৫ গুণ) বৃদ্ধি।

২০১৪-১৫ৰ পৰা ২০২৪-২৫লৈকে মৰাপাটৰ কৃষকসকলক প্ৰদান কৰা এমএছপি পৰিমাণ ১৩০০ কোটি টকাৰ বিপৰীতে ২০০৪-০৫ৰ পৰা ২০১৩-১৪লৈকে প্ৰদান কৰা ধনৰাশিৰ পৰিমাণ আছিল মাত্ৰ ৪৪১ কোটি টকা।

উল্লেখযোগ্য যে ৪০ লাখ কৃষক পৰিয়ালৰ জীৱিকা প্ৰত্যক্ষ বা পৰোক্ষভাৱে মৰাপাট উদ্যোগটোৰ ওপৰত নিৰ্ভৰশীল। প্ৰায় ৪ লাখ শ্ৰমিকে জুট মিলত প্ৰত্যক্ষ কৰ্মসংস্থাপন লাভ কৰিছে। যোৱা বছৰ ১ লাখ ৭০ হাজাৰ কৃষকৰপৰা মৰাপাট ক্ৰয় কৰা হৈছিল। ইয়াৰে ৮২% মৰাপাট খেতিয়ক হৈছে পশ্চিমবংগৰ। একেদৰে অসম আৰু বিহাৰৰ ৯%কৈ আছিল।

ভাৰতীয় মৰাপাট নিগমে (JCI) কেন্দ্ৰীয় চৰকাৰৰ ন’ডেল এজেন্সী হিচাপে মূল্য সহায়ক কাৰ্য্যকলাপ গ্ৰহণ কৰি থাকিব আৰু এনে কাৰ্য্যকলাপত লোকচান হ’লে কেন্দ্ৰীয় চৰকাৰে সম্পূৰ্ণৰূপে পৰিশোধ কৰিব।

***

MJPS/SKS/SB