بھارت سرکار کی وزارت اطلاعات و نشریات نے آج پریاگ راج کے تریوینی مارگ پر نمائش کمپلیکس میں ’عوامی شرکت کے ذریعے عوامی بہبود‘ کے موضوع پر اور گذشتہ دہائی میں بھارت سرکار کی کامیابیوں، پروگراموں، پالیسیوں اور اسکیموں پر مبنی ایک ڈیجیٹل نمائش کا افتتاح کیا۔

افتتاح کے دن ہی ہزاروں افراد نمائش میں جمع ہوئے اور نمائش کا مشاہدہ کیا۔

تروینی پاتھ نمائش کے احاطے میں منعقد ہونے والی نمائش 13 جنوری سے 26 فروری 2025 تک عوامی مشاہدے کے لیے مفت کھلی رہے گی۔ ڈیجیٹل نمائش میں عوامی بہبود کی مختلف اسکیموں کے بارے میں معلومات ایک اینامورفک وال، ایل ای ڈی ٹی وی سکرین، ایل ای ڈی وال، ہولوگرافک سلنڈر کے ذریعے آویزاں کی جا رہی ہیں۔

نمائش کی جھلکیاں: اہم سرکاری فلاحی اسکیمیں نمائش پر

اس نمائش کے ذریعے عام لوگوں کو بھارت سرکار کی مختلف عوامی فلاحی اسکیموں جیسے وزیر اعظم جن آروگیہ یوجنا، نمو ڈرون دیدی، لکھپتی دیدی، ویوز، وزیر اعظم انٹرن شپ اسکیم، مدرا اسکیم، وزیر اعظم کراپ انشورنس اسکیم، ڈیجیٹل انڈیا، وزیر اعظم ہاؤسنگ اسکیم، ودیانجلی، آتم نربھر بھارت، اسکل انڈیا، ایک بھارت شریشٹھ بھارت، کے بارے میں جانکاری فراہم کی جا رہی ہے۔ وزیر اعظم اجولا اسکیم، واٹر ٹو ایوری ہوم اسکیم، وزیر اعظم اسکل ڈیولپمنٹ مشن، سووچھ بھارت مشن، وزیر اعظم اسٹریٹ وینڈر آتم نربھر ندھی، آزاد بھارت کے تین نئے فوجداری قوانین، وزیر اعظم کسان سمان ندھی کے ساتھ ساتھ خواتین کو بااختیار بنانے کی اسکیمیں اور کئی دیگر اسکیمیں بھی شامل ہیں۔

ثقافتی مرکز توجہ: اتر پردیش بھر میں متنوع لوک اور کلاسیکی پروگرام

وزارت اطلاعات و نشریات کے ذریعہ ڈیجیٹل نمائش کے علاوہ ، اترپردیش کے مختلف علاقوں سے 200 سے زیادہ لوک اور کلاسیکی پروگراموں کو بھی پرکشش ثقافتی پروگراموں کی ایک سیریز کے ذریعہ مختلف مقامات پر پیش کیا جارہا ہے۔ یہ پروگرام عام لوگوں کے درمیان گذشتہ 10 سالوں میں بھارت سرکار کی کامیابیوں ، منصوبوں ، پروگراموں اور پالیسیوں کو بھی پیش کریں گے۔ مہاکمبھ میلے کی پوری مدت کے دوران 13 جنوری سے 26 فروری تک ان ثقافتی پروگراموں کا انعقاد کیا جائے گا۔

ہر ثقافتی پروگرام ایک منفرد کہانی بیان کرتا ہے اور اپنے علاقے کے مقامی رسم و رواج ، رسومات اور روحانیت کو ظاہر کرتا ہے ، جو مہاکمبھ میں آنے والے عام لوگوں کے لیے ایک شاندار بصری اور فنکارانہ تجربہ تخلیق کرے گا۔ ان ثقافتی پروگراموں میں سینکڑوں باصلاحیت فنکار حصہ لے رہے ہیں جو مختلف علاقائی رقص اور گانے کے انداز کی نمائندگی کرتے ہیں۔

***

(ش ح – ع ا)

 U. No. 5178