مرکزی وزیر داخلہ اور امداد باہی کے وزیر جناب امت شاہ11جنوری بروز ہفتہ نئی دہلی میں‘‘منشیات کی اسمگلنگ اور قومی سلامتی’’ کے موضوع پر ایک علاقائی کانفرنس کی صدارت کریں گے۔ نارکوٹکس کنٹرول بیورو(این سی بی)کے زیر اہتمام منعقدہ اس کانفرنس کا مقصد منشیات کی اسمگلنگ کی بڑھتی ہوئی تشویش اور قومی سلامتی پر اس کے اثرات کو دور کرنا ہے، جس میں شمالی ہندوستان کی آٹھ ریاستوں اور مرکز کے زیر انتظام علاقوں پر خصوصی توجہ دی جائے گی۔

اس تقریب کے دوران جناب امت شاہ منشیات کو ٹھکانے لگانے کے پکھواڑے کا آغاز کریں گے، این سی بی کے بھوپال زونل یونٹ کے نئے آفس کمپلیکس اورتمام 36 ریاستوں اور مرکز کے زیر انتظام علاقوں تک مانس -2 ہیلپ لائن کی توسیع کا افتتاح کریں گے۔

یہ کانفرنس ریاستوں اور مرکز کے زیر انتظام علاقوں کی انسداد منشیات ٹاسک فورس (اے این ٹی ایف)کے ساتھ نیشنل نارکوٹکس ہیلپ لائن‘مانس’ پورٹل سے حقیقی وقت کی معلومات کے اشتراک پر توجہ مرکوز کرے گی، منشیات کی اسمگلنگ سے نمٹنے میں ریاستوں کی پیش رفت کا جائزہ لے گی اور نارکوٹکس کوآرڈینیشن میکانزم(این سی او آر ڈی) کی تاثیر کا جائزہ لے گی۔ یہ ریاستی فارنسک سائنس لیبارٹریز(ایس ایف ایس ایل)کی فعالیت کو مضبوط بنانے اور بڑھانے پر بھی توجہ دے گی، منشیات کی اسمگلنگ کے خلاف کوششوں کو تقویت دینے کے لیے نِدان ڈیٹا بیس کے استعمال، نشہ آور ادویات اور سائیکو ٹراپک مواد (پی آئی ٹی-این ڈی پی ایس)ایکٹ میں غیر قانونی اسمگلنگ کی روک تھام کی دفعات کو نافذ کرنے، منشیات سے متعلق مقدمات کی جلد سماعت کے لیے خصوصی این ڈی پی ایس عدالتوں کا قیام اور منشیات کی اسمگلنگ اورغلط استعمال سے مؤثر طریقے سے نمٹنے کے لیے تمام ایجنسیوں کے درمیان جامع تعاون کو یقینی بنانے کے لیے پوری حکومت کے نقطہ نظر کو فروغ دینے پر خصوصی توجہ مرکوز کرے گی۔ کل (11 جنوری 2025 سے 25 جنوری 2025) تک شروع ہونے والے منشیات کو ٹھکانے لگانے کے پکھواڑے کے دوران، کل 44,792 کلو گرام ضبط شدہ منشیات، جن کی بین الاقوامی بازار کی قیمت2411 کروڑ روپے ہے، کو ٹھکانے لگایا جائے گا۔

وزیر اعظم جناب نریندر مودی کی قیادت میں حکومت ہند نے منشیات کی اسمگلنگ کے خلاف صفر برداشت اپنائی ہے۔ وزارت داخلہ(ایم ایچ اے) 2047 تک منشیات سے پاک ہندوستان کے حصول کے لیے سہ جہتی حکمت عملی پرعمل پیراہے۔ اس میں ادارہ جاتی فریم ورک کو مضبوط کرنا، منشیات سے متعلق ایجنسیوں کے درمیان تال میل کو بڑھانا اور بڑے پیمانے پر عوامی بیداری مہم شروع کرنا شامل ہے۔

اس کانفرنس میں8 شریک ریاستوں اور مرکز کے زیر انتظام علاقوں کے گورنرز، لیفٹیننٹ گورنرز، وزرائے اعلیٰ اور سینئر افسران شرکت کریں گے۔ کانفرنس میں مختلف وزارتوں، محکموں اور قانون نافذ کرنے والے اداروں کے سینئر افسران بھی شرکت کریں گے۔

********

ش ح۔ا ک۔ن ع

U-5069