وزیراعظم کا دفتر
وزیر اعظم مودی نے کویت کے وزیر خارجہ کا استقبال کیا
وزیر اعظم نے نیویارک میں ستمبر میں کویت کے ولی عہد کے ساتھ اپنی ملاقات کو یاد کیا اور دو طرفہ تعلقات میں تیز رفتار پیش رفت پر اطمینان کا اظہار کیا
انہوں نے تجارت، سرمایہ کاری، توانائی، ٹیکنالوجی، ثقافت اور عوام سے عوام کے تعلقات کے میدان میں تعاون میں اضافے پر تبادلہ خیال کیا
وزیر اعظم نے ہندوستانی برادری کا خیال رکھنے پر کویت کی قیادت کا شکریہ ادا کیا
وزیر اعظم نے ہندوستان اور خلیج تعاون کونسل کے درمیان قریبی تال میل پر زور دیا
Posted On:
04 DEC 2024 9:44PM by PIB Delhi
کویت کے وزیر خارجہ عزت مآب عبداللہ علی ال یحییٰ نے آج وزیر اعظم جناب نریندر مودی سے ملاقات کی۔
ستمبر میں نیویارک میں کویت کے ولی عہد شیخ صباح خالد الحمد الصباح سے اپنی ملاقات کو یاد کرتے ہوئے، وزیراعظم نے دو طرفہ تعلقات میں بڑھتی ہوئی رفتار پر اطمینان کا اظہار کیا۔
انہوں نے تجارت، سرمایہ کاری، توانائی، ٹیکنالوجی، ثقافت اور عوام سے مضبوط تعلقات میں تعاون بڑھانے کے اقدامات پر تبادلہ خیال کیا۔
وزیر اعظم نے کویت میں مقیم دس لاکھ لوگوں پر مشتمل مستحکم ہندوستانی برادری کا خیال رکھنے پر کویت کی قیادت کا شکریہ ادا کیا۔
وزیر اعظم نے اس یقین کا اظہار کیا کہ ہندوستان اور خلیج تعاون کونسل کے درمیان قریبی تال میل کو کویت کی جی سی سی کی موجودہ صدارت کے تحت مزید مضبوط کیا جائے گا۔ انہوں نے مغربی ایشیا کی صورتحال پر تبادلہ خیال کیا اور خطے میں امن، سلامتی اور استحکام کی جلد واپسی کی حمایت کا اظہار کیا۔
وزیر اعظم نے کویت کی قیادت کی جانب سے جلد از جلد ملک کا دورہ کرنے کی دعوت قبول کی ۔
۔۔۔۔۔۔۔۔۔۔۔
ش ح۔ اس ۔رض
U-3466
(Release ID: 2080932)
Visitor Counter : 28
Read this release in:
English
,
Marathi
,
Hindi
,
Bengali
,
Manipuri
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam