0 3

#IFFIWood, 21 नोव्‍हेंबर 2024 

“राष्ट्रीय प्रसारक म्हूण निवळ कुटुंबीक मनरिजवण समाजाच्या सगळ्या वर्गांत पावोवप हें आमचें कर्तव्य आसा,” अशें प्रसार भारतीचे अध्यक्ष श्री नवनीत कुमार सहगल हांणी आयज हांगा गोंयांत आयएफएफीच्या 55व्या आवृत्तींत वेव्स ओटीटी आनी ताच्या अर्पणां विशीं पत्रकार परिशदेत  उलयतना सांगलें. प्रसार भारताची ओटीटी प्लॅटफॉर्म आसपाची स्पश्ट गरज जाणवली आनी ताका लागून WAVES सुरू जालो. खबरो, खेळ, सध्याच्या कार्यावळीं वांगडाय नागरिकांक पुरवण करची पडटली अशें तांणी सांगलें. ह्या मंचाचेर भारताचें गिरेस्त सांस्कृतीक दायज आनी इतिहास दाखयतले अशेंय श्री सहगल हांणी सांगलें. फकत कांय प्रिमियर सामुग्री सोडल्यार WAVES ओटीटी डावनलोड करून तातूंतल्यो कार्यावळी पळोवपाक शुल्क ना, अशी म्हायती तांणी दिली.

प्रसार भारतीचे सीईओ श्री गौरव द्विवेदी हांणी म्हणलें, “आमच्या व्हडल्या देशांतल्या सगळ्या प्रेक्षकांक म्हायती उपलब्ध करून दिवपाक जाय म्हणून भौशीक प्रसारक सगळ्या प्लॅटफॉर्मांचेर हाजीर रावपाची गरज आसा.” सगळ्या भारतीयां खातीर आशिल्लें हें माध्यम आपल्या मुळां पासून पयस गेल्ल्या, पूण स्वताच्या संस्कृताये कडेन जोडून रावपाक सोदपी लोकांक अफाट उपेगी थारतलें अशें तांणी सांगलें. 

‘फौजी 2.0’ WAVES ओटीटीचेर उपलब्ध जातलें

‘फौजी 2.0,’ हें 1980 च्या दशकांतल्या शाहरुख खानच्या प्रतिकात्मक शो फौजीचें आधुनीक रुपांतर. निर्माते संदीप सिंग, मुखेल कलाकार गौहर खान, विकी जैन आनी कलाकार आनी तंत्रज्ञांनी  पत्रकार परिशदेंत वांटो घेतिल्लो. ह्या नव्या प्रकल्पा विशीं उलयतना अभिनेतो गौहर खानान म्हणलें, ‘फौजी 2 भारताचें प्रतिनिधित्व करपी आनी राखण करपी लोकांचें जिवीत दाखयता”. दूरदर्शना विशीं उलयतना अभिनेतो विकी जैन हांणी डीडीचे सगळे शो स्वता खातीर ब्रँड आसात अशें मत मांडलें. आमच्यांतल्या जायत्या जाणांनी महामारीच्या काळांत कुटुंबासयत रामायण आनी महाभारत पळयलां अशें तांणी सांगलें. ताणें सांगलें, केबल टीव्ही मेळनात अशा प्रेक्षकांक डीडी कव्हर करता. मेरी कोम, अलीगढ, सरबजीत सारकिले सिनेमा तयार करपा खातीर नामना मेळिल्ल्या संदीप सिंगान डीडीच्या प्लॅटफॉर्माचेर आपलो कार्यक्रम दाखोवप हो भोवमान अशें मत मांडलें.

‘ककभूशुंडी रामायण’, डीडी नॅशनलाचेर सुरू जाल्लो एक नवो मूळ शो WAVES ओटीटी चेरूय मेळटलो

नामनेचो चित्रपट दिग्दर्शक आनी निर्मातो रामानंद सागर हाचो नातू श्री शिव सागर हांणीय ह्या पत्रकार परीषदेक  हाजीर रावून ही महाकाव्य मालिका तरणाट्या प्रेक्षकांक कशी मोहित करतली हाचेर आपले मत मांडले. संवसारभरांतल्या ३५० परस चड रामायणांच्या आवृत्त्यांचेर संशोधन करून ‘ककभूशंडी रामायण’ कशे  तयार जाले  तें ताणें सांगलां. उत्कृश्ट कथा घेवन नव्या पद्दतीन चित्रीत केल्यात अशें तांणी सांगलें. WAVES ओटीटी विशीं उलयतना श्री शिवसागर हांणी सांगलें, भारताच्या गिरेस्त इतिहासाक एक योग्य मंच मेळटलो.

WAVES ओटीटी प्लॅटफॉर्म

काल गोंयांत जाल्ल्या 55व्या आंतरराष्ट्रीय चित्रपट महोत्सवाच्या उक्तावण सुवाळ्यांत गोंयचे मुख्यमंत्री डॉ. प्रमोद सावंत हाणी  प्लॅटफॉर्म सुरू जाल्ल्यान भारताची प्रतिकात्मक भौशीक प्रसारक दूरदर्शनान डिजिटल स्ट्रीमिंग सेवां खातीर वाडत वचपी मागणी पुराय केल्ल्यां खातीर तोखणाय केल्या. पोन्न्यो कार्यावळी आनी समकालीन कार्यावळींची गिरेस्त भरसण दिवन आधुनीक डिजिटल ट्रेंडांक आपोवणे दितनाच स्मरण रंजन  परतून जिवीत करपाचो ह्या प्लॅटफॉर्मचो हेत आसा.

‘वेव्स’ आंतरराष्ट्रीय नदरेन भारतीय संस्कृतायेक आस्पावन घेवपी इन्क्लूसिव्ह भारतीय  कथां सयत एकठांय करपी व्हड ओटीटी म्हणून प्रवेश करता, 12+ भाशांनी - हिंदी, इंग्लीश, बंगाली, मराठी, कन्नड, मलयाळम, तेलुगू, तमिळ, गुजराती, पंजाबी, आसामी हें . इन्फोटेनमेंटाच्या 10+ प्रकारांनी तो पातळटलो. तातूंत मागणीचेर व्हिडियो, फुकट खेळपाक गेमींग, रेडिओ प्रवाह, लायव्ह टीव्ही प्रवाह, 65 लायव्ह चॅनल, व्हिडियो आनी गेमींग सामुग्री खातीर जायते अॅप इन अॅप एकठांय करप, आनी ओपन नेटवर्क फॉर डिजिटल कॉमर्स (ओएनडीसी) समर्थीत ई -वाणिज्य मंचाचो आसपाव आसा.

For more information on WAVES, please read: https://pib.gov.in/PressReleaseIframePage.aspx?PRID=2075273

* * *

PIB IFFI CAST AND CREW | Subhash/Manali/Darshana | IFFI 55

सोशल मिडियावर आम्हाला फॉलो करा:@PIBPanaji    /PIBPanaji    /pib_goa   pibgoa[at]gmail[dot]com  /PIBGoa