0 2

#IFFIWood, 16 नोव्‍हेंबर 2024

20 ते 28 नोव्हेंबर, 2024 मेरेन जावपी 55व्या आंतरराष्ट्रीय चित्रपट महोत्सवांत, परिवर्तनकारी क्रिएटिव्ह माइंड्स ऑफ टुमॉरो (सीएमओटी) उपक्रमान  भारतीय सिनेमाचो फुडार हायलायट जाता. म्हायती आनी वितरावण  मंत्रालयान "आजादी का अमृत महोत्सव" खाला  सुरू केल्लो "क्रिएटिव्ह माइंड्स ऑफ टुमॉरो" प्लॅटफॉर्म भारतांतल्या फिल्म निर्मितींतल्या हुशार प्रतिभावंत तरणाट्यांचो  सोद घेवपाक आनी तांकां मुखार हाडपाक एक  मार्गदर्शक जाला.

उदयाक येवपी निर्माते आनी फ़िल्म उद्देगातल्या दिग्गजां मदीं परस्परसंवाद, सहभाग आनी शिकपाक चालना दिवपी "क्रिएटिव्ह माइंड्स ऑफ टुमॉरो" हो सगळ्यांत व्यापक प्लॅटफॉर्म आसा.

अंदूंच्या "क्रिएटिव्ह माइंड्स ऑफ टुमॉरो" कार्यावळींत 13 चित्रपट निर्मिती वेवसायांतल्या 100 तरणाट्या प्रतिभेक येवकार दिवन लक्षणीय विस्तार जाला. फाटल्या आवृत्त्यांनी 10 फ़िल्म विशयावेल्या 75 प्रतिभेचो आस्पाव आशिल्लो.

द क्रिएटिव्ह माइंड्स ऑफ टुमॉरो स्केल अप केला आनी हे खेपे तातूंत 100 नवोदित फिल्म निर्माते आपली कुशळटाय दाखयतले, देशभरांतल्या नव्या प्रतिभेक प्रोत्साहन दिवपा खातीर सुरू केल्लो नवो पुरस्कार, ‘बेस्ट इंडियन डेब्यू डायरेक्टर अवॉर्ड’

▪️The Creative Minds of Tomorrow has been scaled up and this time it is going to have 100 budding filmmakers showcasing their skills

▪️A new award, the 'Best Indian Debut Director Award' introduced to encourage fresh voices and talent across the country

▪️This year IFFI has… pic.twitter.com/PO81mDRu8m

— PIB India (@PIB_India) November 11, 2024

उद्देगीक क्षेत्राचो प्रभाव

नवोदित म्हण सुरुवात करून  संवसारिक नामना मेरेन, "क्रिएटिव्ह माइंड्स ऑफ टुमॉरो"च्या माजी विद्यार्थ्यांनी बरयल्ल्या यशस्वी कथांक मर्यादा खबर ना.    

ड्यून, निमोना आणि मेग 2 सारकिल्या बहु-मिलियन डॉलराच्या हॉलीवूड ब्लॉकबस्टर फिल्मांक योगदान दिवप आसूं वा कान, टोरोंटो, बर्लिन आनी आंतरराष्ट्रीय एमी पुरस्कारांत पुरस्कार मेळोवप आसूं, ह्या प्रतिभांनी सृजनशीलतेचेर अमिट छाप सोडल्या आनी संवसारीक माचयेर तांच्या अस्तित्वाची जाण करून दिल्या.

अंदूं इफ्फीत पांच उत्कृश्ट "क्रिएटिव्ह माइंड्स ऑफ टुमॉरो" चॅम्पियनांचो भोवमान करतले, जांचो प्रवासा निर्धार, सृजनशीलता आनी उत्कृश्टतायेचें उदाहरण आसा. 

• चिदानंद एस. नाईक – कान पुरस्कार जैतिवंत
• सुबर्ण दास – टीआयएफएफ, एसएक्स एसडब्ल्यू आणि बर्लिनेलात  चित्रपटांचो प्रीमियर
• अक्षिता वोहरा - पुरस्कार फावो जाल्ल्या प्रकल्पां खातीर तोखणाय
• अखिल दामोदर लोटलीकार – वेगवेगळ्या आंतरराश्ट्रीय चित्रपट महोत्सवांनी वेंचून आयिल्लो
• कृष्ण दुसाणे - आंतरराश्ट्रीय यशाचो एक भाग

हे मार्गदर्शक आयएफएफआयंतल्या लघुपट तयार करपाच्या आव्हाना वेळार पांच "क्रिएटिव्ह माइंड्स ऑफ टुमॉरो" पंगडांक मार्गदर्शन करतले, तांच्या प्रेरणादायक प्रवासांतले अणभव मांडटलें.

उदयाक येवपी सृजनशील कलाकारां खातीर एक मंच

सुरवाती सावन ह्या म्हत्वाच्या उपक्रमाक लागून ईशान्य भारतीय राज्यां आनी जम्मू-काश्मीर सयत भारताच्या सगळ्या कोनशांतल्यान 225 तरणाटय सृजनशील प्रतिभेक आकर्शीत केल्यात. संवसारीक पांवड्यार असो सार्वत्रिक आदार आशिल्लो हो मंच सिनेमांच्या माध्यमातल्यान  फुडले पिळगेंतल्या कथाकारांक आकार दिवपाची भारताची वचनबद्धताय आसा.

100 क्रिएटिव्ह माइंड्सची निवड

अंदूं ओरिसा, अरुणाचल प्रदेश, त्रिपुरा, झारखंड, मेघालय, मिजोरम आनी पांडिचेरी, लक्षद्वीप आनी अंडमान आनी निकोबार सारक्या संघराज्यां सयत भारताच्या सगळ्या कोनशांतल्यान 13 वेगवेगळ्या चित्रपट प्रकारांतल्यान सुमार 1,070 प्रवेशकांसयत "क्रिएटिव्ह माइंड्स ऑफ टुमॉरो"क अपूर्व प्रतिसाद मेळ्ळो. सगळ्यांत चड नोंदणी दिग्दर्शन विभागांतल्यान आयली, जाल्यार  केशभूषा आनी मेकअप आनी छायाचित्रणाखातिरय  नोंदणी आयल्यो.

निवड प्रक्रियेंत दोन टप्प्यांचें मुल्यांकन आशिल्लें:

1. निवड परिक्षक: चित्रपट उद्देगांतल्या पुरस्कार फावो जाल्ल्या वेवसायिकांनी लघुपट, शो रील, पोर्टफोलियो आनी संगीत फायली सयत सगळ्या नोंदींचो नियाळ घेतलो, तातूंतल्या सुमार 300 नोंदींची वेगवेगळ्या वर्गांत निवड जाली.
2. ग्रँड जूरी: चित्रपट उद्देगांतले दिग्गज आनी ज्येष्ठ चित्रपट निर्माते आशिल्ले ग्रँड ज्युरीन सगळ्या चित्रपट प्रकारांतल्यान निमाणे 100 प्रवेशिका वेंचून काडपा खातीर चवकशी केल्ल्या अर्जांची बारीकसाणेन तपासणी केली.

विस्तारीत चित्रपट निर्मितीचे प्रकार :

आपलो आवांठ आनीक वाडोवन, सीएमओटी 2024 हांणी नव्यान आस्पाव केल्ल्या, व्हॉयस ओव्हर/डबिंग वर्ग तशेंच वेगवेगळे केशभूषा आनी मेकअप विभागासयत 13 खाशेल्या फिल्म निर्मिती वर्गांचेर लक्ष केंद्रीत करून, आपले मळभ आनीक रूंद केला. आतां ह्या कार्यावळींत सकयल दिल्ल्या गजालींचो आस्पाव जाता:

• दिग्दर्शन
• अभिनय
• सिनेमॅटोग्राफी
• संपादन आनी उपशीर्षक
• पटकथा लेखन
• पार्श्वगायन
• संगीत रचना
• वेशभूषा
• कला दिग्दर्शन
• एनिमेशन, व्हिज्युअल इफेक्ट्स (व्हीएफएक्स), ऑगमेंटेड रियलिटी (एआर), आनी व्हर्च्युअल रियलिटी (व्हीआर)
• केशभूषा आनी मेकअप
• ध्वनी रेकॉर्डिंग
• व्हॉइस ओव्हर/डबिंग

रोमांचक कार्यावळी आनी संदी :

सीएमओटी 2024 हो भाग घेवप्यांखातीर एक रोमांचक आनी आकर्शक अणभव आसतलो. 100 सीएमओटी 20 ते 28 नोव्हेंबर 2024 मेरेन, गोंयांत समृध्द करपी प्रवासाक सुरवात करतले, आनी एक व्यापक कार्यावळींत वांटो घेतले, जातूंत ह्या गजालींचो आस्पाव आसा:

दिग्गजां वांगडा मास्टरक्लासेस: अंदूंच्या सीएमओटी कार्यावळींत उद्देगीक दिग्गज आनी आंतरराष्ट्रीय तज्ञांच्या फुडारपणा खाला मास्टरक्लास जातले. ह्या सत्रांनी अभिनय, पिचिंग, लेखन आनी पोस्ट-प्रोडक्शन ह्या सारक्या चित्रपट निर्मितीच्या वेगवेगळ्या आंगांचो आस्पाव जाता. हातूंत आस्पावतात :

• अभिनय कलेचेर प्रभुत्व मेळोवप: भारताचे मुखेल कास्टिंग दिग्दर्शक मुकेश छाबरा हांचे अस्सल कला सादरीकरणाविशी मार्गदर्शन
• द आर्ट ऑफ पिचिंग: द स्टोरी इंकचे संस्थापक सिद्धार्थ जैन हांचे निर्माते, वितरक आणि गुंतवणूकदारांखातीर परफेक्ट पीच विशी मार्गदर्शन
• सिनेमॅटिक हार्मोनियम तयार करप: ब्रिज पोस्टवर्क्स (ऑनलाइन) हातूंतले प्रख्यात कलरिस्ट पृथ्वी बुद्धवरपू हांचे डीआय आणि कलर ग्रेडिंगविशी मार्गदर्शन
• लेखकाची प्रक्रिया: प्रख्यात पटकथालेखक चारुदत्त आचार्य हांचे संशोधन ते दृश्य लेखन हेविशीं मार्गदर्शन
• जागतीक मान्यताय मेळोवपाचो मार्ग : अ लिटिल अनार्की फिल्म्सचे संस्थापक कोवल भाटिया हांचो स्वतंत्र चित्रपट निर्मात्यांखातीर आंतरराष्ट्रीय बाजारपेठ आनी लॅब सोद हांचेर मार्गदर्शन
• रियल टू रील: वायआरएफ स्टुडिओजचे चित्रपट निर्माते सैफ अख्तर हांचे माहितीपट निर्मितीची कला आणि व्याप्ती हेविशीं मार्गदर्शन

48 वरांचें चित्रपट निर्मितीचे आव्हान: भाग घेवप्यांक 20 वांगड्याच्या पांच पंगडांनी विभागतले, जे 48 वरां भितर “तंत्रज्ञानाच्या युगांतले नाते संबंद” हे संकल्पनेचेर एक लघुपट तयार करतले. ही सर्त 21 ते 23 नोव्हेंबर 2024 मेरेन पणजेच्या 4 किमी अंतराचेर 12 सुवातींनी जातली.

उत्कृश्ट चित्रपट, महोत्सवाच्या सुवातेर दाखयतले आनी ग्रेट ग्रॅण्ड ज्युरी कडल्यान तांचे मूल्यमापन करतले, वेगवेगळ्या वर्गांत पुरस्कार भेटयतले.

ब्रिटनांतल्या शॉर्ट्स इंटरनॅशनल कंपनीच्या सहकार्यान फिल्ममेकिंग चॅलेंजचें आयोजन केलां. कठीण मुजती खाला सृजनशीलताय, संघटनात्मक वावर आनी कथा सांगपाची ही एक आगळीच संद आसा.

टॅलेंट कॅम्प: हातूंत सहभागी व्यक्तींक रॉय कपूर फिल्म्स, ब्रिज पोस्टवर्क्स, वी आर युवा, मुकेश छाबरा कास्टिंग कंपनी, द स्टोरी इंक ह्या सारक्या 11 वयर मुखेल माध्यम आनी मनरिजवण कंपनींच्या प्रतिनिधीं कडेन संवाद सादपाची आनी आपली कुशळटाय दाखोवपाची एक आगळी संद मेळटली. ही म्हत्वाची कार्यावळ अर्थपूर्ण संवाद आनी संभाव्य सहकार्याक वाट उक्ती करता, उद्देगांत वांटेकार जावपी लोकांचो फुडार उजवाडाक हाडटा.  उल्लेखनीय म्हणल्यार, 100  क्रिएटिव्ह माइंड्स सोडून 225 प्रतिभावान आदले विध्यार्थी आनी चित्रपट निर्मात्यांक ह्या उद्देगांतल्या नामनेच्या भागीदारांकडेन जोडपाची संद मेळटली.

इफ्फी आनी फिल्म बझारचो दौरो : 55व्या इफ्फी च्या उक्तावण सुवाळ्याक, सहभागी हाजीर रावतले आनी भारतांतल्या प्रिमियर सिने मार्केटप्लेस फिल्म बाजाराक भेट दितले. 24 नोव्हेंबर 2024 दिसा फिल्म बाजाराच्या मार्गदर्शनाखाला भोंवडी आसतली, जी  सिनेमा उद्देगाची म्हायती दितली, आनी पुराय महोत्सवांत वेगवेगळे चित्रपट प्रदर्शित जातले.

निश्कर्श:

चवथे आवृत्तींत सीएमओटी तरणाटे कलाकार, फिल्म निर्माते आनी सृजनशील निर्माते हांच्या प्रतिभेची आनी महत्वाकांक्षा मनयपी माची म्हूण आपली नामना घटमूट करपाचें, काम चालूच दवरता. भारतीय आनी आंतरराष्ट्रीय चित्रपट उद्देगांतल्या मुखेल दिग्गजां कडल्यान शिकपाची आनी तांचे कडेन  संवाद सादपाची एक आगळी संद दिवन, सीएमओटी या भाग घेवप्यांक तांची कुशळटाय वाडोवपाक, तांच्यो संदि वाडोवपाक आनी जागतीक चित्रपट उद्देगांत, दीर्घकाळाचे संबंद दवरपाक सक्षम करता.  हो उपक्रम तांची तांक उक्ती करताच, पूण तांचीं सपनां साकार करपा खातीर गरजेचीं साधनां आनी मार्गदर्शन दिवन तांकां सशक्त करता आनी संवसारीक पांवड्यार कथा सांगपाच्या फुडाराक आकार दिता.

संदर्भ:

• https://pib.gov.in/PressReleseDetail.aspx?PRID=2072918&reg=3&lang=1
• https://iffigoa.org/cmot/about-cmot
• https://pib.gov.in/PressReleaseIframePage.aspx?PRID=2052589#:~:text=Best%20Debut%20Director%20Award%3A%20A,talent%20in%20the%20film%20industry
• https://pib.gov.in/PressReleaseIframePage.aspx?PRID=2071321

* * *

PIB IFFI CAST AND CREW | Subhash/Utkarsha/Darshana | IFFI 55 - 

सोशल मिडियावर आम्हाला फॉलो करा:@PIBPanaji    /PIBPanaji    /pib_goa   pibgoa[at]gmail[dot]com  /PIBGoa