কেন্দ্রগী য়ুম্লৈ-কৈরৈ অমসুং কোওপরেশন মন্ত্রী, শ্রী অমিত শাহনা নই দিল্লীদা ২০২৪গী নোবেম্বর ৭, শগোলশেল নুমিত্তা ‘এন্তি-তেরর কনফরেন্স-২০২৪’গী অহৌবগী সেসনদা ৱা ঙাংলগনি। নুমিৎ নিনিগী ওইবা কনফরেন্স অসি য়ুম্লৈ-কৈরৈ মন্ত্রালয়গী নেস্নেল ইনভেস্তিগেশন এজেন্সী (NIA)না শিল্লগনি।

প্রধান মন্ত্রী, শ্রী নরেন্দ্র মোদীগী লুচিং মখাদা, ভারত সরকারনা তেরোরিজমগী মায়োক্তা জিরো-তোলিরেন্স পোলিসী চত্তুনা মসিগী ফত্তবা থবক অসিবু মরু ফংনা মুত্থৎনবা অচেৎপা ফিরেপ লৌখ্রে।

এন্যুৱল কনফরেন্স অসিনা নেস্নেল সেক্যুরিতীদা অকাইবা পীবা ইশুশিং অমসুং তেরোরিজমদগী থোরকপা খুদোংথিবশিংগী মতাংদা খন্ন-নৈননবগীদমক্তা কাউন্তর তেরোরিজমদা শরুক য়ারিবা ওপরেস্নেল ফোর্সশিং; তেক্নিকেল, লিগেল অমসুং ফোরেন্সিক এক্সপর্তশিং অমসুং এজেন্সীশিংগীদমক্তা মীফম পুনফম অমা ওইনা ওইরক্লি।

কনফরেন্স অদুগী মরু ওইবা ৱাফম অদুদি ‘হোল ওফ গোবর্নমেন্ত এপ্রোচ’কী ৱাখল্লোনদা তেরোরিজম্না থোকহনবা অশোক-অপন, অমাং-অতাশিং অদুগী মায়োক্তা কোওর্দিনেতেদ এক্সন লৌখৎনবগীদমক্তা চেনেলশিং শেমদুনা মসিদা শরুক য়ারিবা স্তেকহোলদরশিং খুদিমক্কী মরক্তা ৱাখল মান্ননা খুৎশম্নদুনা থবক তৌমিন্নবগী অমসুং তুংলমচৎকী ওইবা পোলিসী শেম্নবগীদমক্তা মরু ওইবা ইনপুতশিং পীনবগী মতাংদা ওইখি।

নুমিৎ নিনিগী ওইবা কনফরেন্স অদুদা তাথোক-তাশিন তৌরিবা অমসুং খন্ন-নৈনবশিং অদুদা প্রোসেক্যুশন অমসুং কাউন্তর-তেরোরিজম ইনভেস্তিগেশনশিংদা হোংলক্লিবা লিগেল ফ্রেমৱার্ক য়াওনা মরু ওইবা ৱাফম কয়া অমগী মতাংদা মিৎয়েং থমগনি, এক্সপরিয়েন্সশিং অমসুং অফবা প্রক্তিসশিং মীয়ামদা শিয়র তৌবা, নৌনা থোরক্লিবা তেক্নোলোজীশিংগা মরি লৈনবা শিংনবশিং অমসুং খুদোংচাবশিং, ইন্তরনেস্নেল লিগেল কোওপরেশন অমসুং ভারত শিনথুংনা লৈরিবা কাউন্তর তেরোরিজম থিয়েতরশিংদা তেরর ইকোসিস্তেম থুগাইনবগী স্ত্রেতেজীশিং। কনফরেন্স অসিদা রাজ্যশিং/য়ু.তি.শিংদগী সেনিয়র পুলিস ওফিসরশিং, কাউন্তর তেরোরিজমগা মরি লৈনবা ইশুশিং য়েংশিল্লবা সেন্ত্রেল এজেন্সীশিং/দিপার্তমেন্তশিংদগী ওফিসরশীং অমসুং লো, ফোরেন্সিক্স, তেক্নোলোজীনচিংবা অসিগা মরি লৈনবা  হিরমশিং অসিদগী এক্সপর্তশিংনা শরুক য়ারগনি।

*****