লৈবাক অসিগী নহা ওইরিবা অমসুং অনৌবা ফিল্মমেকরশিং পুক্নিং থৌগৎনবা পান্দম অমগা লোয়ননা, ৫৫শুবা ইন্তরনেসনেল ফিল্ম ফেস্তিবেল ওফ ইন্দিয়া (ইফি) দা ‘ ভারতকী ফিচর ফিল্মগী খ্বাইদগী ফবা অহানবা দিরেক্তর’ কৌবা অনৌবা এৱাদ অমা থম্লে। মসিদা ভারত শীনবা থুংবগী অনৌবা ৱাখল্লোনশিং, মখল কয়াগী ৱারি লিবগী মওং অমসুং সেনিমাগী অনৌবা স্তাইলশিং উবা ফংগনি। নবেম্বর ২০-২৮,২০২৪ ফাওবা পাংথোক্কদৌরিবা ইফিদা ভারতকী ফিচর ফিল্ম কাংলুপকী অহানবা ওইনা দিরেক্সন পীবা খ্বাইদগী ফবা দিরেক্তরগী ওফিসিএল ওইনা খল্লবশিং লাউথোক্লে।

ওফিসিএল ওইনা খল্লবা ভারতকী ফিচর ফিল্মগী খ্বাইদগী ফবা অহানবা দিরেক্তর

হায়রিবা ফিল্ম অমমম অসি তোপ-তোপ্পা ৱারি খুৎলি অমনি অমসুং লমদম অমগী ৱাখল্লোনশিং মমি তারি অমসুং ভারতকী নাত অমসুং লোলগী খেন্নবশিং উৎলি।

লোইশিনবা থৌরমদা মনা লান্থোক্কনি

গৱাদা ৫৫শুবা ইফি মনুংদা খনগৎলবা ফিল্মশিং জুরি অমনা য়েংগনি অমসুং মাইপাক্লবা ভারতকী ফিচর ফিল্ম কাংলুপকী অহানবা ওইনা দিরেক্সন পীবা খ্বাইদগী ফবা দিরেক্তর অদু নবেম্বর ২৮.২০২৪ দা পাংথোক্কদবা লোশিনবা থৌরমদা লাউথোক্কনি।

প্রিভিয়ু কম্মিতিদা ভারতকী ফিল্মশিং অমসুং কলাগী শক্নাইরবা মীওইশিংনা য়াওখি অমসুং ফিল্ম ১১৭ ইন্ত্রি তৌরকপদা ফিল্ম মঙা অসি খনখিবনি।

ভারতকী ইনখৎলক্লিবা নহারোলশিংগী হৈথোই-শিংথোইবা উৎথোকপা

চহি অসিদা ইফিনা ভারতকী ফিল্ম ইন্দস্ত্রিদা অনৌবা মীৎয়েংশিং পুক্নিং থৌগৎনবা দিরেক্তর অমগী অহানবা ফিল্মশিংদা মীৎয়েং থম্লে অমসুং মহৌশাদগী চৎনরক্লবা ৱারি লৈবগী চৎনবীশিংদা অনৌবা ঙমখৈ অমা শেম্নবা পুক্নিং থৌগৎলি। মখোয়গী পু্ন্সিদা অহানবা ওইনা দিরেক্সন পীবা ফিল্মশিং ইকায়খুম্নবা উৎতুনা, ভারতকী সেনিমা মালেম শীনবা থুংনা পাম্নবা হেনগৎলক্নবা ইফিনা পান্দম থম্লি অমসুং জাতি অমসুং মালেমগী ভাবক অনিমক য়ৌবা ঙম্নবা ইনখৎলক্লিবা ফিল্মমেকরশিংদা ফিদা অমা পীনবা পান্দম থম্লি।

ফিচর ফিল্ম চাংদম্নগী কাংলুপ্তা ইন্তরনেসনেল ফেদেরেসন ওফ ফিল্ম প্রদুসরস এসোসিএসন্স (এফ আই এ পি এফ)না মালেমগী ওইনা শকখঙলবা ফিল্ম ফেস্তিবেল ১৪ গী মনুংদা য়াওরবা ফিল্ম ফেস্তিবেল অমা ওইনা, ভারতকী ফিল্মমেকরশিং মালেমদা শক তাক্নবা মরুওইবা মফম অমা ইফিনা পীরে।

অহেনবা পাউগীদমক, পাবীয়ু: https://pib.gov.in/PressReleaseIframePage.aspx?PRID=2054935

৫৫শুবা ইফিগী অহেনবা পাউগীদমক অমসুং ফিল্ম উৎকদবা মতমশিংগীদমক, চানবীদুনা ওফিসিএল ৱেবসাইত্তা চঙবীয়ু: www.iffigoa.org.

****