0 2

#IFFIWood, 24 ऑक्‍टोबर 2024

भारतीय आंतरराष्ट्रीय चित्रपट महोत्सवाचो एक मुखेल विभाग आशिल्ल्या इंडियन पॅनोरमात, इफ्फीच्या 55व्या आवृत्तींत 25 फिचर फिल्मां आनी 20 नॉन फीचर फिल्मांची निवड जाहीर करता. मुखेल प्रवाहांतल्या सिनेमांतली 5 चित्रपटांसयत 25 फीचर फिल्मांचें पॅकेज 384 समकालीन भारतीय फिचर फिल्मांच्या व्यापक श्रेणीतल्यान वेंचून काडल्यात. इंडियन पॅनोरमा 2024 च्या उक्तावण फिल्मा खातीर जूरीची निवड श्री. रणदीप हुड्डा हांणी दिग्दर्शीत केल्लो “स्वतंत्र्य वीर सावरकर (हिंदी)” हे फिल्म थारला.

इंडियन पॅनोरमांत 262 चित्रपटांच्या संचातल्यान वेंचून काडिल्ल्या 20 नॉन फीचर फिल्मांचें पॅकेज दाखयतले. नॉन फिचर फिल्म्साच्या पॅकेजींतल्यान नवोदित आनी प्रस्थापित फिल्म निर्मात्यांनी, समकालीन भारतीय मुल्यांचें दस्तावेजीकरण, सोद, मनरिजवण आनी प्रतिबिंबीत करपाची तांक दाखयल्या. नॉन फीचर विभागांत उक्तावणाचो चित्रपट म्हूण जूरीन श्री. हर्ष सांगनी हांणी दिग्दर्शीत केल्ल्या ‘घर जैसा कुछ (लद्दाखी)’ ह्या फिल्माची निवड केल्या.

फीचर फिल्म जूरीचें फुडारपण प्रशंसीत फिल्म दिग्दर्शक, अभिनेतो आनी पटकथा लेखक डॉ. चंद्र प्रकाश द्विवेदी हांणी केलें. फीचर फिल्म परीक्षकांमदी बारा वांगडी आशिल्ले, जे वैयक्तीक रितीन वेगवेगळ्या प्रशंसीत चित्रपटांचें प्रतिनिधित्व करतात आनी नामनेचे चित्रपट तज्ञ आसात, तेच बरोबर सामुहीकपणान विंगड विंगड भारतीय चित्रपट भावपणाचे प्रतिनिधित्व करतात.

द इंडियन पॅनोरमा फिचर फिल्म्स जूरी वांगडी:

1. मनोज जोशी, अभिनेते
2. सुस्मिता मुखर्जी, अभिनेत्री
3. हिमांसू सेखर खटुआ, फिल्म दिग्दर्शक
4. ओइनम गौतम सिंग, फिल्म दिग्दर्शक
5. आशू त्रिखा,  फिल्म दिग्दर्शक
6. एस.एम. पाटील, फिल्म दिग्दर्शक आनी लेखक
7. नीलाभ कौल, सिनेमाटोग्राफर आनी फिल्म दिग्दर्शक
8. सुसंत मिसरा, फिल्म दिग्दर्शक
9. अरुण कुमार बोस, प्रसाद इन्स्टिट्यूटचे आदले एचओडी आनी साउंड इंजिनियर
10. रत्नोत्तमा सेनगुप्ता, लेखक आनी संपादक
11. समीर हंचाटे, फिल्म दिग्दर्शक
12. प्रिया कृष्णस्वामी, फिल्म दिग्दर्शक

इंडियन पॅनोरमा 2024 खातीर निवड जाल्ले 25 फीचर चित्रपट:

नॉन फिचर फिल्म जूरीत (निवड समिती) 6 वांगडी आशिल्ले. नामनेचे माहितीपट आनी वन्यजीव चित्रपट दिग्दर्शक तशेच व्ही. शांताराम लायफटायम अचीवमेंट पुरस्कार विजेते, सुब्बिया नल्लामुथू हांणी ह्या पंगडाचे फुडारपण केलें.  

इंडियन पॅनोरमा नॉन फिचर फिल्म्स जूरी वांगडी:

1.  रजनीकांत आचार्य, निर्माता आणि फिल्म दिग्दर्शक

2.  रोनेल हाओबाम, फिल्म दिग्दर्शक

3.  उषा देशपांडे, फिल्म दिग्दर्शिका आणि निर्माती

4.  वंदना कोहली, फिल्म दिग्दर्शक आणि लेखिका

5.  मिथुनचंद्र चौधरी, फिल्म दिग्दर्शक

6.  शालिनी शहा, फिल्म दिग्दर्शिका

इंडियन पॅनोरमा 2024तली 20 नॉन फीचर फिल्मा :

इंडियन पॅनोरमा विशीं :

सिनेमा कलेच्या आदारान भारताची गिरेस्त संस्कृताय आनी दायज हांचे वांगडा, भारतीय चित्रपटांचो प्रचार करपा खातीर इफ्फीचो एक भाग म्हूण 1978 वर्सा इंडियन पॅनोरमा सुरू केलो. इंडियन पॅनोरमा सुरवाती सावन वर्साचे उत्कृश्ट भारतीय चित्रपट दाखोवपा खातीर पुरायपणान समर्पित आसा. इंडियन पॅनोरमा विभागाखातीर वेंचून काडिल्ले चित्रपट, फिल्म कलेच्या प्रचाराच्या हेतान, भारतांत आनी परदेशांतल्या आंतरराष्ट्रीय चित्रपट महोत्सवांनी, द्विपक्षीय सांस्कृतीक विनिमय कार्यावळीखाला आनी खाशेल्या भारतीय चित्रपट महोत्सवाखाला जावपी भारतीय चित्रपट सप्तकांत, नफा विरयत प्रदर्शित करतात.

निवड जाल्ले जूरींत भारतभरांतल्या नामनेच्या सिने व्यक्तींचो आस्पाव आशिल्लो. फीचर फिल्मां खातीर वट्ट बारा जूरी वांगड्यांनी आनी नॉन फीचर फिल्मां खातीर स जूरी वांगड्यांनी,  त्या त्या जूरी अध्यक्षांच्या फुडारपणा खाला इंडियन पॅनारोमा फिल्मांची निवड 55व्या इफ्फीखातीर केल्या. फीचर आनी नॉन फिचर ह्या दोनूय प्रकारच्या नामनेच्या जूरी पॅनलांनी, आपली वैयक्तीक तज्ञताय वापरून दोनूय वर्गांतल्या इंडियन पॅनोरमा फिल्मांची निवड करपाक, एकमतांन एकसारकें योगदान दिलां.

भारतीय पॅनोरमाच्या थारायिल्ल्या नेमांतल्या अटी आनी कार्यपद्दती प्रमाण, चित्रपट कलेचो प्रसार करपाखातीर सिनेमा, संकल्पनात्मक आनी सौंदर्यशास्त्रीय उत्कृश्टतायेचे फिचर आनी नॉन फीचर फिल्म वेचुन काडप, हो इंडियन पॅनोरमाचो मुखेल हेत आसता.

इफ्फी विशीं :

राष्ट्रीय चित्रपट विकास म्हामंडळ, केंद्रीय म्हायती आनी प्रसारण मंत्रालयान, गोंय राज्य सरकाराच्या सहकार्यान 20 - 28 नोव्हेंबर 2024 मेरेन गोंयांतल्या पणजी शारांत इफ्फी घडोवन हाडटा.

* * *

PIB Mumbai | NM/M.Prabhugaonkar/D.Rane

सोशल मिडियावर आम्हाला फॉलो करा:@PIBMumbai    /PIBMumbai    /pibmumbai  pibmumbai[at]gmail[dot]com  /PIBMumbai    /pibmumbai