0 2

Ka Indian Panorama, ka bynta ba kyrpang jong ka International Film Festival of India (IFFI), ka la pynbna ka jingjied 25 tylli ki Feature Film bad 20 tylli ki Non-Feature Film ban pyni ha ka bynta ba 55 jong ka IFFI. Ka bynta jong 25 tylli ki Feature Film ka kynthup 5 tylli ki phlim na ki kam pynmih phlim ba la jied na ki phlim kiba bun jong 384 tylli ki phlim ba mynta jong ka India. Ka jingjied jong ki Nongbishar na ka bynta ka phlim ban pyni ha ka sngi plie jong ka Indian Panorama 2024 kadei ka “Swatantrya Veer Savarkar (Hindi)”, ba la shna da u Randeep Hooda.

Shuh shuh, ka bynta jong 20 tylli ki non-feature film ban pyni ha ka Indian Panorama ba la jied na ka spectrum jong 262 tylli ki phlim. Ka bynta jong ki Non-Feature Film ka pyni ia ka jinglah ki nongshna phlim ban wad jingtip, pynbyrnia bad pyni ruh ia ki jingngeit ba mynta ha ka India. Ka jingjied jong ki Nongbishar ia ka phlim ban pyni ha ka sngi plie ha ka thup non-feature kadei ka Ghar Jaisa Kuch (Ladakhi)’, ba la shna da u Harsh Sangani.

Ia ka kynhun Nongbishar na ka bynta ka Feature Film la khlieh da u Film Director ba pawnam, u Actor bad Screenwriter Dr. Chandra Prakash Dwivedi. Ka kynhun Nongbishar ia ki phlim feature ka kynthup khatar ngut ki dkhot, kiba mihkhmat na ki phlim ba pawnam bad kiba pawkhmat bha ha ki kam ba iadei bad ki phlim, kiba mihkhmat lang ban pyni ia ka jingiar ki kam phlim jong ka India.

Ki Dkhot Nongbishar jong ki Feature Film ha ka Indian Panorama:

1. U Manoj Joshi, Actor
2. Ka Susmita Mukherjee, Actor
3. U Himansu Sekhar Khatua, Film Director
4. U Oinam Gautam Singh, Film Director
5. U Ashuu Trikha, Film Director
6. U S.M. Patil, Film Director bad Writer
7. U Neelaabh Kaul, Cinematographer bad Film Director
8. U Susant Misra, Film Director
9. U Arun Kumar Bose, HOD barim jong ka Prasad Institute and Sound Engineer
10. Ka Ratnottama Sengupta, Writer bad Editor
11. U Sameer Hanchate, Film Director
12. Ka Priya Krishnaswamy, Film Director

Ki 25 tylli ki Feature Film ba la jied ha ka Indian Panorama 2024:

Ka Bynta jong ki phlim ba pynmih na ki kam shna phlim.

Ka Kynhun Nongbishar na ka bynta ka Non-Feature Film ka kynthup hynriew ngut ki dkhot, ba la khlieh da u Documentary bad Wildlife Film Director bad Nongjop jong ka Khusnam V. Shantram Lifetime Achievement Award, Subbiah Nallamuthu

Ki dkhot jong ka kynhun Nongbishar na ka bynta ki Non Feature Film ha ka India Panorama:

1. U Rajnikant Acharya, Producer bad Film Director
2. U Ronel Haobam, Film Director
3. Ka Usha Deshpande, Film Director bad Producer
4. Ka Vandana Kohli, Film Director bad Writer
5. U Mithunchandra Chaudhari, Film Director
6. Ka Shalini Shah, Film Director

Ki 20 tylli ki Non Feature Film ba la jied ha ka Indian Panorama 2024:

Shaphang ka Indian Panorama

La sdang ia ka Indian Panorama ha u snem 1978 kum shi bynta ka IFFI ban kyntiew ia ki phlim jong ka ri ryngkat bad ka jingriewspah ka deiriti bad ka hiar pateng jong ka India lyngba ka jingiarap jong ki kam shna phlim. Naduh ba la sdang ia ka, ka Indian Panorama ka la trei borbah ban pyni ia ki phlim ba biang tam jong u snem. Ka jingjied ia ki phlim na ka bynta ka Indian Panorama, da ka jingthmu ban kyntiew ia ka kam shna phlim, ki dei ki ban pyni ha ka jingpyni bym thew ia ka jingiohnong ha ki international film festival ha India bad shabar ka ri, ki Indian Film Week ba pynlong hapoh ki Bilateral Cultural Exchange Programme bad ki Specialized Indian Film Festival ha ryngkat ki jingiapyni ia ka deiriti bad ki Indian Panorama festival ba kyrpang ha India.

Ka kynhun nongbishar ki ban jied ki kynthup ia ki riewpawkhmat na ki kam phlim na kylleng ka ri. Baroh khatar ngut ki dkhot nongbishar jong ki Feature Film bad hynriew ngut ki dkhot nongbishar jong ki Non Feature Film hapoh ka jingialam jong ki Jury Chairperson ki la jied ia ki phlim Indian Panorama na ka bynta ka IFFI kaba 55. Ka kynhun ki Nongbishar ba pawkhmat, ha ka Feature bad Non- Feature, lyngba ka jingshemphang jong ki, ki la nohsynniang sha ka jingmynjur kaba ialam sha ka jingjied ia ki phlim Indian Panorama ha baroh artylli ki thup.

Ka jing thmu ba kongsan jong ka Indian Panorama kalong ban jied ia ki feature bad ki non-feature film kiba bha ban kyntiew ia ka kam shna phlim katkum ki kyndon bad ki sienjam ba la buh da ka Indian Panorama.

Shaphang ka IFFI

La pynlong ia ka IFFI da ka National Film Development Corporation, Tnad Information and Broadcasting jong ka sorkar pdeng ha ka jingiatreilang bad ka sorkar jong ka jylla Goa naduh ka 20 haduh 28 tarik Naiwieng, 2024 ha Panaji, Goa.

***