COUNTDOWN

2 2

DAYS LEFT

#IFFIWood, 24 નવેમ્બર, 2024

ઇન્ટરનેશનલ ફિલ્મ ફેસ્ટિવલ ઑફ ઇન્ડિયા (IFFI)નો મુખ્ય વિભાગ ઇન્ડિયન પેનોરમા ઇફ્ફીની 55મી એડિશનમાં પ્રદર્શિત થનારી 25 ફિચર ફિલ્મો અને 20 નોન-ફિચર ફિલ્મ્સની પસંદગીની જાહેરાત કરે છે. મુખ્ય પ્રવાહના સિનેમાની ૫ ફિલ્મો સહિત ૨૫ ફીચર ફિલ્મ્સના પેકેજની પસંદગી 384 સમકાલીન ભારતીય ફિચર ફિલ્મોના વિસ્તૃત સ્પેક્ટ્રમમાંથી કરવામાં આવી છે. ભારતીય પેનોરમા 2024ની ઓપનિંગ ફિલ્મ માટે જ્યુરીની પસંદગી "સ્વતંત્ર વીર સાવરકર (હિન્દી)" છે, જેનું નિર્દેશન શ્રી રણદીપ હૂડાએ કર્યું છે.

આ ઉપરાંત, 262 ફિલ્મોના સ્પેક્ટ્રમમાંથી પસંદ કરવામાં આવેલી ભારતીય પેનોરમામાં 20 નોન-ફિચર ફિલ્મોનું પેકેજ દર્શાવવામાં આવશે. નોન-ફિચર ફિલ્મ્સનું પેકેજ ઉભરતા અને સ્થાપિત ફિલ્મ નિર્માતાઓની દસ્તાવેજીકરણ, તપાસ, મનોરંજન અને સમકાલીન ભારતીય મૂલ્યોને પ્રતિબિંબિત કરવાની ક્ષમતાનું ઉદાહરણ પૂરું પાડે છે. નોન-ફિચર કેટેગરીમાં ઓપનિંગ ફિલ્મ માટે જ્યુરીની પસંદગી 'ઘર જૈસા કુછ (લદ્દાખી)' છે, જેનું  નિર્દેશન શ્રી હર્ષ સંગાનીએ કર્યું છે.

ફિચર ફિલ્મ જ્યુરીનું નેતૃત્વ જાણીતા ફિલ્મ દિગ્દર્શક, અભિનેતા અને પટકથા લેખક ડૉ. ચંદ્રપ્રકાશ દ્વિવેદીએ કર્યું હતું. ફિચર જ્યુરીએ 12 સભ્યોની રચના કરી હતી, જેઓ વ્યક્તિગત રીતે વિવિધ પ્રશંસનીય ફિલ્મોનું પ્રતિનિધિત્વ કરે છે અને જાણીતા ફિલ્મ વ્યાવસાયિકો છે, જ્યારે સંયુક્તપણે વિવિધ ભારતીય ફિલ્મ સમુદાયનું પ્રતિનિધિત્વ કરે છે.

ઇન્ડિયન પેનોરમામાં ફિલ્મોના જ્યુરી મેમ્બર્સ છેઃ

1. શ્રી. મનોજ જોશી, અભિનેતા
2. સુસ્મિતા મુખર્જી, અભિનેતા
3. શ્રી. હિમાંશુ શેખર ખાતુવા, ફિલ્મ દિગ્દર્શક
4. શ્રી. ઓયનમ ગૌતમ સિંહ, ફિલ્મ દિગ્દર્શક
5. શ્રી. આશુ ત્રિખા, ફિલ્મ દિગ્દર્શક
6. શ્રી. એસ.એમ.પાટીલ, ફિલ્મ દિગ્દર્શક અને લેખક
7. શ્રી. નીલાભ કૌલ, સિનેમેટોગ્રાફર અને ફિલ્મ ડાયરેક્ટર
8. શ્રી. સુસાન્ત મિશ્રા, ફિલ્મ દિગ્દર્શક
9. શ્રી. અરુણ કુમાર બોઝ, પ્રસાદ ઇન્સ્ટિટ્યૂટના ભૂતપૂર્વ એચઓડી અને સાઉન્ડ એન્જિનિયર
10. શ્રીમતી રત્નોત્તમા સેનગુપ્તા, લેખક અને સંપાદક
11. શ્રી. સમીર હેંચેટે, ફિલ્મ દિગ્દર્શક
12. સુશ્રી પ્રિયા ક્રિષ્નસ્વામી, ફિલ્મ દિગ્દર્શક

ભારતીય પેનોરમા 2024માં પસંદ થયેલી 25 ફિચર ફિલ્મ્સ:

મુખ્ય પ્રવાહનો સિનેમા વિભાગ:

છ સભ્યોની બનેલી આ નોન-ફિચર ફિલ્મ જ્યુરીનું નેતૃત્વ જાણીતા ડોક્યુમેન્ટરી અને વાઇલ્ડલાઇફ ફિલ્મ ડાયરેક્ટર તથા વી. શાંતરામ લાઇફટાઇમ એચિવમેન્ટ એવોર્ડ વિજેતા શ્રી સુબ્બૈયા નલ્લામુથુએ કર્યું હતું..

ધ ઇન્ડિયન પેનોરમા નોન ફિચર ફિલ્મ્સના નિર્ણાયક સભ્યોઃ

1. શ્રી. રજનીકાંત આચાર્ય, નિર્માતા અને ફિલ્મ નિર્દેશક
2. શ્રી. રોનેલ હાઓબામ, ફિલ્મ ડાયરેક્ટર
3. સુશ્રી ઉષા દેશપાંડે, ફિલ્મ દિગ્દર્શક અને નિર્માતા
4. સુશ્રી વંદના કોહલી, ફિલ્મ દિગ્દર્શક અને લેખક
5. શ્રી. મિથુનચંદ્ર ચૌધરી, ફિલ્મ દિગ્દર્શક
6. સુશ્રી શાલિની શાહ, ફિલ્મ દિગ્દર્શક

ભારતીય પેનોરમા 2024માં પસંદ થયેલી 20 નોન ફિચર ફિલ્મ્સ:

ભારતીય પેનોરમા વિશે

સિનેમેટિક કલાની મદદથી ભારતની સમૃદ્ધ સંસ્કૃતિ અને વારસાની સાથે ભારતીય ફિલ્મોને પ્રોત્સાહન આપવા માટે ભારતીય પેનોરમાને ઇફ્ફીની છત્રછાયાના ભાગરૂપે 1978માં રજૂ કરવામાં આવી હતી. તેની શરૂઆતથી જ, ભારતીય પેનોરમા સંપૂર્ણપણે આ વર્ષની શ્રેષ્ઠ ભારતીય ફિલ્મોના પ્રદર્શન માટે સમર્પિત છે. ફિલ્મ કલાને પ્રોત્સાહન આપવાના ઉદ્દેશ સાથે ભારતીય પેનોરમા વિભાગ માટે પસંદ કરવામાં આવેલી ફિલ્મો, ભારત અને વિદેશમાં આંતરરાષ્ટ્રીય ફિલ્મ મહોત્સવોમાં બિન-નફાકારક સ્ક્રિનિંગ માટે, દ્વિપક્ષીય સાંસ્કૃતિક આદાન-પ્રદાન કાર્યક્રમો હેઠળ આયોજિત ભારતીય ફિલ્મ સપ્તાહો અને સાંસ્કૃતિક આદાન-પ્રદાન પ્રોટોકોલની બહાર વિશેષ ભારતીય ફિલ્મ મહોત્સવો અને ભારતમાં ખાસ ભારતીય પેનોરમા મહોત્સવોમાં બિન-નફાકારક સ્ક્રીનિંગ માટે પણ પ્રદર્શિત કરવામાં આવશે.

પસંદગી નિર્ણાયક મંડળમાં ભારતભરની પ્રખ્યાત સિને હસ્તીઓનો સમાવેશ થાય છે. ફીચર ફિલ્મો માટે જ્યુરીના કુલ 12 સભ્યો અને સંબંધિત જ્યુરી ચેરપર્સનની આગેવાની હેઠળ નોન-ફિચર ફિલ્મો માટે છ જ્યુરી સભ્યોએ 55મી IFFI માટે ભારતીય પનારોમા ફિલ્મ્સની પસંદગી કરી છે. ફિચર અને નોન-ફિચર એમ બંને પ્રકારની જાણીતી જ્યુરી પેનલ્સે તેમની વ્યક્તિગત કુશળતાનો ઉપયોગ કરીને સર્વસંમતિમાં સમાન ફાળો આપ્યો છે, જેના કારણે બંને કેટેગરીની ભારતીય પેનોરમા ફિલ્મોની પસંદગી થઈ હતી.

ભારતીય પેનોરમાનો મુખ્ય ઉદ્દેશ ભારતીય પેનોરમાના નિર્ધારિત નિયમોની શરતો અને પ્રક્રિયાઓ અનુસાર ફિલ્મ કલાના પ્રચાર માટે સિનેમેટિક, થિમેટિક અને સૌંદર્યલક્ષી ઉત્કૃષ્ટતાની ફિચર અને નોન-ફિચર ફિલ્મોની પસંદગી કરવાનો છે.

IFFI વિશે

રાષ્ટ્રીય ફિલ્મ વિકાસ નિગમ, કેન્દ્રીય માહિતી અને પ્રસારણ મંત્રાલય દ્વારા ગોવાની રાજ્ય સરકારના સહયોગથી 20 થી 28 નવેમ્બર, 2024 સુધી ગોવાના પણજીમાં આઈએફએફઆઈનું આયોજન કરવામાં આવ્યું છે.

AP/GP/JD