প্রধানমন্ত্রীগী লোইশঙ
প্রধান মন্ত্রী শ্রী নরেন্দ্র মোদীনা লুপা করোর ১২,৮৫০ রোমগী হকশেলগা মরী লৈনবা তোঙান-তোঙানবা প্রোজেকশিং হৌদোকখ্রে, শঙ্গাখ্রে অমসুং উরেপ-উয়ুং তমখ্রে
অনা-লায়েংগী ইনফ্রাস্ত্রকচর ফগৎহনবা অসি ঐখোয়না মরুওইবা থবক্নি, ঙসি হৌদোক্লবা হিরম অসিগা মরী লৈনবা থবকশিং অসিনা মীয়ামদা খ্বাইদগী ফবা অমসুং মমল হোংবা খুদোংচাবশিং ফংহনগনি: প্রধান মন্ত্রী
ঙসি লৈবাক ১৫০ হেনবদা আয়ুর্বেদ নুমিৎ পাংথোক্লিবা অসি ঐখোয় পুম্নমক হরাওবগী মচাক অমনি: প্রধান মন্ত্রী
হকশেলগী থৌশিলগী সরকারনা য়ুম্বী মরি য়ুংখৎলে: প্রধান মন্ত্রী
হৌজিক লৈবাক অসিগী চহি ৭০ গী মথক্তা লৈরবা অহলশিং হোস্পিতালশিংদা লেম্না লায়েংবা য়ারগনি, অসিগুম্বা অহলশিংদা অয়ুস্মান বয়া বন্দনা কার্দ পীরগনি: প্রধান মন্ত্রী
শাথিবা লায়নাশিং মাঙজৌননা ঙাকথোক্নবা সরকারনা মিসন ইন্দ্রধনুস কেম্পেন পাংথোক্লি: প্রধান মন্ত্রী
হকশেলগী লমদা তেক্নোলোজি খ্বাইদগী য়াম্না শীজিন্নদুনা ঐখোয়গী সরকারনা মীয়ামগী শেন কনবা ঙম্লে: প্রধান মন্ত্রী
Posted On:
29 OCT 2024 3:09PM by PIB Imphal
ঙসি ধনৱান্তরী জয়েন্তি অমসুং ৯শুবা আয়ুর্বেদ নুমিৎ থৌরমদা, নিউ দিল্লিগী ওল ইন্দিয়া ইন্সতিতুৎ ওফ আয়ুর্বেদ (এ আই আই এ) দা প্রধান মন্ত্রী শ্রী নরেন্দ্র মোদীনা লুপা করোর ১২,৮৫০ রোমগী হকশেলগা মরী লৈনবা তোঙান-তোঙানবা প্রোজেকশিং হৌদোকখ্রে, শঙ্গাখ্রে অমসুং উরেপ-উয়ুং তমখ্রে।
থৌরম অদুদা তিনখিবা মীয়ামদা ৱা ঙাংবদা, প্রধান মন্ত্রীনা ধনৱান্তরী জয়েন্তি অমসুং ধান্তেরাস থৌরম পনখি অমসুং থৌরম অসি লাকপদা মহাক্না মীয়ামদা য়াইফ-পাউজেল পীখি। মহাক্না লৈবাক অসিগী ললোন-ইতিক তৌরিবা মীওইশিং অমসুং মখোয়গী য়ুমশিং করিগুম্বা অনৌবা পোৎশক অমা লৈনবা হোৎনরিবা মীয়ামদা মহাক্কী য়াইফ-পাউজেল পীখি অমসুং মাংজৌননা দিৱালিগী য়াইফ-পাউজেলশু পীখি।
প্রধান মন্ত্রীনা হায়খি মদুদি মমাঙদা অমুক্তা ওইখিদ্রিবা মওংদা অয়োধ্যাদা ভগবান শ্রী রামগী লাইশঙদা থাউমৈ লিশিং কয়া থান্দুনা হন্দক্কী দিৱালি অসি পুৱারি অমা ওইরগনি। চহি অসিগী দিৱালিদা ভগবানরাম অমুক হন্না মহাক্কী পোক্নফমদা হল্লক্লে। ঙাইরক্লিবা অসি চহি ১৪ গী মতুংদা ফংবা নত্তে মসি চহি ৫০০গী মতুংদা ফংবনি।
প্রধান মন্ত্রীনা হায়খি মদুদি চহি অসিগী ধান্তেরাসকী কুহ্মৈ অসি নুংঙাই-য়াইফবা অমসুং হকচাং ফবগা পুনশিনবা অমনি অমসুং ভারতকী নাত অমসুং পুন্সিগী ৱাঙুলোনগী খুদম অমনি। সাধুশিং অমসুং মুনিশিংগী ৱাহৈশিং পল্লদুনা, প্রধান মন্ত্রীনা হায়খি মদুদি খ্বাইদগী মমল য়াম্বা লন-থুমদি হকচাং ফবনি হায়না লৌনরি অমসুং মসিগী থায়নগী ৱাখল্লোন অসি য়োগগী মওংদা মালেম শীনবা থুংনা য়াবা উরে। ঙসি লৈবাক ১৫০ হেনবদা আয়ুর্বেদ নুমিৎ পাংথোক্লিবা অসি ঐখোয় পুম্নমক হরাওবগী মচাক অমনি অমসুং আয়ুর্বেদ পাম্নবা হেনগৎলকপা অমসুং লৈবাক অসিগী হৌখ্রবা অরিবা মতমদগী মালেম অসিদা ভারতনা মতেং পাংবগী খুদম অমনি।
প্রধান মন্ত্রীনা হায়খি মদুদি হৌখিবা চহি ১০ অসিদা, আয়ুর্বেদ অমসুং অনৌবা মেদিসিনগী লৌশিং পুনশিন্দুনা হকশেলগী লমদা অনৌবা যুগ অমা হৌদোকপা লৈবাক অসিনা উবা ফংলে। তাঙ্কক অসিদা ওল ইন্দিয়া ইন্সতিতুৎ ওফ আয়ুর্বেদনা ময়াইদা লৈরি। চহি তরেৎকী মমাঙদা আয়ুর্বেদ নুমিৎতা মহাক্না লৈবাক অসিদা ইন্সতিতুৎ অসিগী অহানবা তাঙ্কক লৈবাক অসিদা কৎথোকখি অমসুং ভগবান ধনৱান্ত্রীগী থৌজালগা লোয়ননা ঙসি মহাক্না ইন্সতিতুৎ অসিগী অনিশুবা তাঙ্কক শঙ্গারে। আয়ুর্বেদ অমসুং মেদিকেল সাইন্সকী হিরমশিংদা অৱাংবা থাক্কী থিজিনবগা লোয়ননা ইন্সতিতুৎ অসিদা অনৌবা তেক্নোলোজিগা লোয়ননা পঞ্চকর্মাগুম্বা থায়নগী তেক্নিকশিং উবা ফংলগনি। মাইইপাকপা অসিগীদমক ভারতকী মীয়ামদা হরাওবা ফোঙদোকচরি।
প্রধান মন্ত্রীনা হায়খি মদুদি লৈবাক অসি চাউখৎপগা লৈবাক অসিগী মীয়াম হকচাং ফবগা হকথেংননা মরী লৈনৈ। লৈবাক অসিগী মীয়ামগী হকশেলদা সরকার অসিনা মরুওইনা লৌরি অমসুং হকশেলগী থৌশিলগী সরকারনা য়ুম্বী মরি য়ুংখৎলে। য়ুম্বী মখোঙ মরি অদুদি মাঙজৌননা ঙাকথোক্নবা অনা-লায়েংগী থবক, অনাবশিং ঙল্লিঙৈদা খঙদোকপা, লেম্না অমসুং মমল হোংবা লায়েং অমসুং হিদাক-লাংথকশিং, অপীকপা সহরশিংদা দোক্তরশিং লৈহনবা অমসুং হকশেলগী থবকশিংদা তেক্নোলোজি শীজিন্নবা হেনগৎহনবা অসিনি। ভারতনা হকশেলগী হিরম অসি অচুম্বা হকশেল ওইনা উরি। ঙসিগী প্রোজেকশিং অসিনা হায়রিবা য়ুম্বী মরি অসিগী শক্তম অমা উৎলে।
লুপা করোর ১৩,০০০ হেনবগী প্রোজেকশিং শঙ্গাবা অমসুং উরেপ-উয়ুং তম্বগী মতাংদা প্রধান মন্ত্রীনা হায়খি অয়ুস হেল্থ স্কিমগী মখাদা সেন্তর ওফ এক্সলেন্স ৪ শেমগৎলে, এ.আই.আই.এম.এস রিসিকেসতা দ্রোনশিং অমসুং হেলিকোপ্তরশিং শীজিন্নদুনা হকশেলগী থবকশিং ফগৎহল্লে, এ.আই.আই.এম.এস নিউ দিল্লি অমসুং এ.আই.আই.এম.এস বিলাসপুরদা অনৌবা ইনফ্রাস্ত্রকচর শেমগৎলে, লৈবাক অসিদা অনৌবা এ.আই.আই.এম.এস মঙাগী থবক পাকথোক-চাউথোক্লে অমসুং মেদিকেল কলেজশিং লিংখৎলে, নর্শিং কলেজশিং অমসুং হকশেলগা মরি লৈনবা অতোপ্পা প্রোজেকশিং উরেপ-উয়ুং তম্লে। শিন্মীশিং লায়েংনবা হোস্পিতাল কয়া লিংখৎপা অসিদা হরাওবা ফাওই অমসুং মসিনা শিন্মীশিং লায়েংনবা মফম অমা ওইরগনি। ফার্মা য়ুনিতশিং শঙ্গাবা অসিনা অফবা মখলগী হিদাক-লাংথক অমসুং অফবা মগুন লৈবা স্তেন্তশিং অমসুং ইমপ্লান্তশিং শাবদা অমসুং ভারত চাউখৎহনবদা মরুওইবা থৌদাং অমা লৌরগনি।
প্রধান মন্ত্রীনা হায়খি মদুদি অনাবনা ইমুং অমদা ব্রজ তাবগুম থোকহনবা ফিবম অমদগী ঐখোয় অয়াম্বা লাকপনি অমসুং করিগুম্বা লায়রবা ইমুং অমদা মীওই অমা অরুবা লায়না অমা মায়োক্নরবদি, ইমুং অদুগী মীওই খুদিংমক শাথিনা শোকহল্লি। লায়েংনবা মীয়াম্না মখোয়না য়ুমশিং, লমশিং, সনা-লুপা, লৈজবা খুদিংমক য়োনবা মতম অমা লৈরমখি অমসুং য়াম্লবা শেনফম পুথোকপা ঙমখিদে অমসুং লায়রবা মীওইনা অনা-লায়েং অমসুং অতোপ্পা ইমুং-মনুংগী মরুওইবা থবকশিংগী মরক্তা অমা খনবা তাখি।
শ্রী মোদীনা হায়খি লায়রবশিং নিংবা কাইবা ফহন্নবা, ঐখোয়গী সরকারনা অয়ুস্মান ভারত য়োজনা হৌদোক্লে অমসুং লায়বশিং লুপা লাখ ৫ ফাওবা লেম্না লায়েংনবগী খুদোংচাবা পীরে। লৈবাক অসিগী লায়রবা করোর ৪ রোম অয়ুস্মান ভারত য়োজনাগী কান্নবা ফংদুনা লুপা অমা ফাওবা তিংদনা লায়েংবা ফংলে। লৈবাক অসিগী তোঙান-তোঙানবা রাজ্যশিংদা অয়ুস্মান য়োজনাগী কান্নবা ফংলবা মীওইশিংগা মহাক্কা উনবা মতমদা, য়োজনা অসিগা লোয়নবা মীওই খুদিংমক, দোক্তর ওইবা য়াই নত্ত্রগা পেরামেদিকেল স্তাফ অমা ওইবা য়াই, য়োজনা অসি থৌজাল অমা ওইবদা মহাক অপেনবা ফাওই।
অয়ুস্মান ভারত পাকথোক-চাউথোকপদা অপেনবা ফোঙদোক্লদুনা, প্রধান মন্ত্রীনা হায়খি মদুদি অহল খুদিংমক মসিদা থাজবা থম্লি অমসুং মীখলদা থাজবা পীখি, করিগুম্বা অহুমশুবা তার্ম মাইপাক্লবদি, চহি ৭০গী মথক্তা লৈবা অহল খুদিমক অয়ুস্মান ভারত য়োজনাগী মখাদা কোনশিনগনি হায়খিবা অদু থবক ওইনা পাংথোক্লে। অয়ুস্মান বয়া বন্দনা কার্দ অমা পায়রগা লৈবাক অসিগী চহি ৭০ গী মথক্তা লৈরবা অহল খুদিংমক হোস্পিতালদা লেম্না লায়েংবা ফংলগনি। কার্দ অসি মীয়ামগীনি অমসুং মসিদা শেন্থোক, লায়রবা নত্ত্রগা মিদল ক্লাস নত্ত্রগা অপ্পর ক্লাসকী অথিংবা লৈতে। য়োজনা অসিনা মীওই খুদিংমক কোনশিনবা অসি মসিগী অচৌবা মাইপাকপা অমনি। ইমুং অমগী অহল অমগী অয়ুস্মান বয়া বন্দনা কার্দ অমা লৈবা অসিনা শেন চৎপা য়াম্না হন্থহনগনি। স্কিম অসিগীদমক লৈবাক অসিগী মীয়ামদা হরাওবা ফোঙদোকচরি অমসুং স্কিম অসি দিল্লি অমসুং নোংচুপ বেঙ্গলদা চৎনদ্রি।
লায়রবা নত্ত্রগা মিদল ক্লাস ওইগেরা, লায়েংবদা চঙবা শেনফম হন্থনবা সরকারনা মরুওইনা লৌরিবা অসি অমুক পল্লদুনা, প্রধান মন্ত্রীনা হায়খি মদুদি লৈবাক শীনবা থুংনা পি.এম জন ঔসাধি কেন্দ্র ১৪,০০০ হেন্না লিংখৎতুনা হিদাক-লাংথকশিং মমল চাদা ৮০ তানা ফংহল্লে। মমল হোংবা হিদাক-লাংথকশিং ফংবদগী লায়রবা অমসুং মিদল ক্লাস লুপা করোর ৩০,০০০ কনবা ঙম্লে। স্তেন্তশিং অমসুং নি ইমপ্লান্তগুম্বা খুৎলায়শিংগী মমল হন্থরে, মরম অদুনা, মীচম মীয়ামগী লুপা করোর ৮০,০০০ হেন্না চাদিং তৌখিগদবদগী কনবা ঙম্লে। হৌজিক লেম্না দাইলাইসিস তৌনবা স্কিম লৈরে অমসুং শাথিবা লায়নাশিং ঙাকথোক্নবা মিসন ইন্দ্রধনুস অভিয়ান পায়খৎলে অমসুং মীরোনবীশিং অমসুং পোকপতা ঙাইরিবা অঙাংশিংগী থৱায়শিং কনবা ঙম্লে। লৈবাক অসিগী লায়রবা অমসুং মিদল ক্লাস শেন য়াম্না চঙবা লায়েংগী অৱাবা কোকত্রি ফাওবা মহাক পোথারোই।
প্রধান মন্ত্রীনা হায়খি মদুদি অনাবশিংগা মরী লৈনবা খুদোংথিবশিং অমসুং অৱাবশিং হন্থহন্নবা মতম চানা লায়না খঙদোকপা অসি য়াম্না মরুওই। ঙল্লিঙৈদা লায়না খঙদোক্নবা অমসুং লায়েংনবা লৈবাক শীনবা থুংনা অয়ুস্মান অরোগ্যা মন্দির লাখ অনি হেন্না লিংখৎলে। হায়রিবা অরোগ্যা মন্দিরশিং অসিনা মীওই করোর কয়া কেন্সর, হায়পরতেন্সন অমসুং দাইবেতিসগুম্বা লায়নাশিং লায়না চেক তৌরে। মতম চানা লায়না মশক খঙদোকপা অসিনা ফজনা লায়েংবা ঙমহল্লে অমসুং অনাবা মীওইশিংগী শেন কনবা ঙম্লে।
প্রধান মন্ত্রীনা হায়খি মদুদি সরকারনা অনা-লায়েংগী থবকশিংদা তেক্নোলোজি শীজিন্নবা হেনগৎহল্লে অমসুং ই-সঞ্জিবানি স্কিমগী মখাদা মীওই করোর ৩০ রোম ওনলাইন্দা দোক্তর তানদুনা মীয়ামগী শেন কনবা ঙম্লে। দোক্তরশিং লেম্না অমসুং ফজনা ৱা তানবা অসিনা অনা-লায়েংগী শেনফমশিং শিংথাবা য়ানা হন্থহল্লে। য়ু-ৱিন প্লেতফোর্ম হৌদোকপা অসিনা হকশেলগী লমদা ভারত্তা তেক্নোলোজিগী খুমাঙচাউশিনবা অমা পুরক্লে। লাইচৎ মনুংদা ঐখোয়গী কো-ৱিন প্লেতফোর্মগী মাইপাকপা মালেম্না উরে অমসুং য়ু.পি.আই পেমেন্ত সিস্তেম মাইপাকপা অসি মালেমগী ৱারি অমা ওইরে। দিজিতেল পব্লিক ইনফ্রাস্ত্রকচরগী খুৎথাংদা মসিগী মাইপাকপা অসি হকশেলগী লমদা অমুক পাংথোক্নবা ভারতনা পান্দম থম্লি।
প্রধান মন্ত্রীনা হায়খি মদুদি হৌখিবা চহি ১০ অসিদা ভারতকী হকশেলগী লমদা মমাঙদা অমুক্তা ওইখিদ্রিবা মওংদা মাইপাক্লে অমসুং হৌখিবা চহি ৬০-৭০দা লৈখিবা মাইপাকপশিং অদু অকক্নবা ওইখি। হৌখিবা চহি ১০ দা, অনৌবা এ.আই.আই.এম.এসশিং অমসুং মেদিকেল কলেজশিং মশিং য়াম্না লিংখৎপা ঐখোয়না উরে। ঙসিগী থৌরম অসিদা কর্নাতকা, উত্তর প্রদেস, মধ্য প্রদেস অমসুং অন্ধ্র প্রদেসতা হোস্পিতালশিং শঙ্গারে। কর্নাতকাগী নরসাপুর অমসুং বোম্মাসান্দ্রা, মধ্য প্রদেসকী পিতম্পুর, অন্ধ্র প্রদেসকী অচিতাপুরম অমসুং হরিয়ানাগী ফরিদবাদতা অনৌবা মেদিকেল কলেজশিং শানবা উরেপ-উয়ুং তম্লে। উত্তর প্রদেসকী মেরুত্তা অনৌবা ই.এস.আই.সি হোস্পিতাল শানবা থবক হৌরে অমসুং ইন্দোরদা অনৌবা হোস্পিতাল অমসু শঙ্গারে। হোস্পিতাল মশিং হেনগৎলক্লিবা অসিগা লোয়ননা মেদিকেল সিত মশিংশু হেনগৎলে। দোক্তর অমা ওইনিংবা লায়রবা অঙাং অমগী মঙলান কাইহল্লরোই অমসুং ভারত্তা খুদোংচাবশিং ৱাৎপা মরমদগী মিদল-ক্লাস মহৈরোয় অমতা নমদুনা মপান লৈবাকশিংদা লাইরিক তমহল্লোই। হৌখিবা চহি ১০দা অনৌবা এম.বি.বি.এস অমসুং এম.দি সিত লাখ ১ হাপখৎলে অমসুং মথং চহি ৫ দা অনৌবা সিত ৭৫,০০০ হাপগৎলগনি।
প্রধান মন্ত্রীনা হায়খি মদুদি ভারতকী অনা-লায়েংগী থবক্তা রেজিস্তার তৌরা অয়ুস প্রাক্তিসন্নর লাখ ৭.৫ না মতেং পাংলি। মসিগী মশিং অসি মখা তানা হেনগৎলক্লি অমসুং ভারত্তা মেদিকেল অমসুং ৱেলনেস তুরিজম পাম্নবা হেনগৎলক্লে। প্রিভেন্তিপ কার্দিওলোজি, আয়ুর্বেদিক ওর্থোপেদিক্স অমসুং আয়ুর্বেদিক রিহেবিলিতেসন সেন্তরশিংদা, ভারত অমসুং মপান লৈবাক অনিমক্তা থবক তৌনবা নহারোলশিং অমসুং অয়ুস প্রাক্তিসন্নরশিং থৌরাং তৌবা দরকার ওইরে। অয়ুস প্রাক্তিসন্নরশিংগী খুদোংচাবা কয়া শেমগৎলে। হায়রিবা খুদোংচাবশিং অসিগী খুৎথাংদা ঐখোয়গী নহারোলশিং মখোয় মশামক চাউখৎপা খক নত্তনা মীওইবা খুন্নাইদা অচৌবা থবক অমা পাংথোক্কনি। হান্না লায়েংবা ঙমদবা লায়নাশিং লায়েংদুনা ২১শুবা চহিচাদা মেদিসিন য়াংনা চাউখৎলে। মালেম অসিনা হকচাং ফনা লৈবা অমসুং লায়েংবা অনিমক মরুওইনা লৌবগা লোয়ননা, হিরম অসিদা ভারতকী চহি লিশিং কয়াগী লৌশিং লৈরি। আয়ুর্বেদগী অফবশিং শীজিন্নদুনা অচুম্বা পুন্সি মহিং দিজাইন তৌনবা অমসুং লনাই মীওইশিংগী খুদোংথিবা নৈন্নবা প্রাকৃতি পরিক্ষন অভিয়ান হৌদোক্লে। মসিগী থবক অসিনা মালেমদা অনা-লায়েংগী থবকশিং অমুক হন্না মশক তাক্লগনি অমসুং মালেম শীনবা থুংবগী অনৌবা মীৎয়েং অমা পীরগনি।
প্রধান মন্ত্রীনা হায়খি মদুদি অৱাংবা থাক্তা সাইন্তিফিক ওইনা থিজিন্দুনা অশ্বাগন্ধা, য়াইঙং অমসুং ব্লেক পেপ্পরগুম্বা মমাংঙৈগী হিদাক ওইনা শীজিন্নবা পাম্বীশিংগী কান্নবা খঙদোকপা অসি য়াম্না মরুওই। ঐখোয়গী অরিবা অনা-লায়েংগী কাংলোনশিং লেবতা গুন খঙদোকপা অসিনা হায়রিবা পাম্বীশিং অসিগী মগুন হেনগৎহনবা খক নত্তনা অফবা য়োনফম অমসু পীগনি। অশ্বাগন্ধা পাম্নবা হেনগৎলকপদগী, চৎলিবা দিকেত অসি লোইরকপদা দোল্লর বিল্লিয়ন ২.৫ ফাওবগী পোৎথোক য়োল্লবা য়ারি। অয়ুস মাইপাকপা অসিনা হকশেলগী লম খক নত্তনা ইকোনোমিদশু অওনবা পুরক্লে। ২০১৪ দা অয়ুস মেনুফেকচরিং সেক্তর দোল্লর বিল্লিয়ন ৩ ওইরম্বদগী ঙসি দোল্লর বিল্লিয়ন ২৪ য়ৌরে, চহি ১০ অসিদা শরুক ৮ হেনগৎলে। হৌজিক ভারত্তা অয়ুস স্তার্দ-অপ ৯০০ হেন্না থবক তৌদুনা, নহারোলশিংদা অনৌবা খুদোংচাবশিং পীরে। লৈবাক ১৫০ হেনবদা অয়ুসকী পোৎথোকশিং য়োন্দুনা, লমদম অসিগী পাম্বীশিং অমসুং চীঞ্জাকশিং মালেম্না পাম্নবা পোৎলমশিং ওইদুনা ভারতকী লৌমীশিং কান্নবা ফংলে। নমামি গঙ্গে প্রোজেকগুম্বা থবকশিংনা গঙ্গা তুরেল পরিংদা মহৌশাগী লৌউ মখল অমসুং হিদাক কান্নবা পাম্বীশিং থাবা পুক্নিং থৌগৎলে।
হকচাং ফবা অমসুং নুংঙাইনা হিংবদা ভারতনা পায়খৎলিবা থবকশিংগী মতাংদা, শ্রী মোদীনা হায়খি মদুদি মসি ভারতকী জাতিগী লমচৎ-শাজৎনি অমসুং খুন্নাইগী শক্তমনি। হৌখিবা চহি ১০ অসিদা সরকারনা লৈবাক্কী থৌশিলশিং অসি ‘সবকা সাথ, সবকা বিকাস’ গী ৱাঙুলোনগা চৎমিন্নরি। মথং চহি ২৫ দা, হায়রিবা থবকশিং অসিনা চাউখৎলবা অমসুং মশা ফবা ভারত অমগী অকনবা য়ুম্ফম থোনগনি।
থৌরম অদুদা শরুক য়াখিবশিংগী মনুংদা হেল্থ অমসুং ফেমিলি ৱেলফিয়ার অমসুং কেমিকেলস অমসুং ফর্তিলাইজরসকী য়ুনিয়ন মিনিস্তর শ্রী জে.পি নদা অমসুং লেবর অমসুং ইমপ্লোইমেন্ত অমসুং য়ুথ এফেয়ার্স অমসুং স্পোর্তসকী য়ুনিয়ন মিনিস্তর দোক্তর মনসুখ মন্দাবিয়া য়াওখি।
নুঙগীৱারোল
ফ্লেগসিপ স্কিম অয়ুস্মান ভারত প্রধান মন্ত্রী জন অরোগ্য য়োজনা (পি.এম-জে.এ.ৱাই) দা হাপচিল্লকপা অচৌবা থৌশিল অমা ওইনা, প্রধান মন্ত্রীনা চহি ৭০ অমসুং মসিগী মথক্তা লৈবা সেনিয়র সিতিজনশিং কোনশিন্দুনা হেল্থ কভরেজ পাকথোক চাউথোকহনবগী থৌরাং হৌদোকখ্রে। মসিনা সেনিয়র সিতিজন পুম্নমক্তা মখোয়গী শেন্থোক্কী য়েংদনা হকশেলগী কভরেজ ফংহনবদা মতেঙ ওইরগনি।
লৈবাক শিন্বা থুংনা মতিং লৈবা হেল্থকেয়র ফংহনবা হায়বসি প্রধান মন্ত্রীনা লেপ্পা লৈতনা হোৎনরকপা থৌরাং অমনি। হেল্থকেয়র ইনফ্রাস্ত্রকচরদা অচৌবা ইনোৎ পীগদবা খোঙথাং অমদা প্রধান মন্ত্রীনা মশিং য়াম্লবা হেল্থকেয়র ইন্সতিত্যুসনশিং শঙ্গাখ্রে অমসুং উরেপ উয়ুং তমখ্রে।
প্রধান মন্ত্রীনা ভারতকী অহান্বা ওল ইন্দিয়া ইন্সতিত্যুৎ ওফ অয়ুর্বেদকী ফেজ-২ শঙ্গাখ্রে। মসিদা পঞ্চকর্মা হোস্পিতাল অমা, দ্রগ মেনুফেকচরিংগী অয়ুর্বেদিক ফার্মাসী অমা, স্পোর্তস মেদিসিন য়ুনিত অমা, সেন্ত্রেল লাইব্রেরী অমা, আই.তি অমসুং স্তার্ত-অপ ইনক্যুবেসন সেন্তর অমা, অমসুং সীত ৫০০গী ওদিতোরিয়ম অমগা লোয়ননা অতৈ কয়া য়াওরি। মহাক্না মধ্য প্রদেশকী মন্দসৌর, নীমুচ, অমসুং সিওনীদা মেদিকেল কলেজ অহুমশু শঙ্গাখ্রে। মখা তানা, মহাক্না হিমাচল প্রদেশকী বিলাসপুর, ৱেস্ত বেঙ্গলগী কল্য়ানী, বিহারগী পত্না, উত্তর প্রদেশকী গোরখপুর, মধ্য প্রদেশকী ভোপাল, অসামগী গুৱাহাতী অমসুং নিউ দিল্লীদা জন ঔসধী কেন্দ্র অমমম য়াওবা তোঙান তোঙানবা এ.আই.আই.এম.এসকী ফেসিলিতী অমসুং সর্ভিস এক্সতেন্সনশিংসু শঙ্গাখ্রে। প্রধান মন্ত্রীনা ছত্তিসগরগী গভর্নমেন্ত মেদিকেল কলেজতা সুপর স্পিসিএল্তী ব্লোক অমা অমসুং ওরিসাগী বর্গরদা ক্রিতিকেল কেয়র ব্লোক অমসু শঙ্গাখ্রে।
প্রধান মন্ত্রীনা মধ্য প্রদেশকী সিবপুরী, রত্লম, খন্দৱা, রাজগর অমসুং মন্দসৌরদা নর্সিং কলেজ মঙা; হিমাচল প্রদেশ, কর্নতকা, মনিপুর, তামিল নাদু অমসুং রাজস্থান্দা অয়ুস্মান ভারত হেল্থ ইনফ্রাস্ত্রকচর মিসনগী মখাদা ক্রিতিকেল কেয়র ব্লোক ২১, অমসুং নিউ দিল্লী অমসুং হিমাচল প্রদেশকী বিলাসপুরদা লৈবা এ.আই.আই.এম.এসকী তোঙান তোঙানবা ফেসিলিতী অমসুং সর্ভিস এক্সতেন্সনশিংসু উরেপ উয়ুং তমখ্রে।
প্রধান মন্ত্রীনা মধ্য প্রদেশকী ইন্দোরদা ই.এস.আই.সি হোস্পিতালসু শঙ্গাখ্রে, অমসুং হরিয়ানাগী ফরিদবাদ, কর্নাতকাগী বোম্মসন্দ্রা অমসুং নরসপুর, মধ্য প্রদেশকী ইন্দোর, উত্তর প্রদেশকী মীরুত, অমসুং অন্ধ্র প্রদেশকী অতচুতপুরমদা ই.এস.আই.সি হোস্পিতালশিংগী উরেপ উয়ুংসু তমখ্রে। প্রোজেক্তশিং অসিনা ই.এস.আই বেনিফিসরী লাখ ৫৫ রোমদা হকশেলগী কান্নবা পীগনি।
প্রধান মন্ত্রীনা মতম পুম্বদা সেক্তর পুম্বদা সর্ভিস দেলিভরীগী ফীভম ফগৎহন্নবা তেক্নোলোজী শীজিন্নবগী চাং পাকথোক চাউথোকহন্নবা কন্না হোৎনদুনা লাক্লি। হেল্থকেয়রবু হেন্না এসেসিবল ওইহন্নবা সর্ভিস দেলিভরী ফগৎহন্নবা দ্রোন তেক্নোলোজী ইনোভেতিব ওইনা শীজিন্ননবা, প্রধান মন্ত্রীনা তর্সরী হেল্থকেয়র ইন্সতিত্যুসন ১১দা দ্রোন সর্ভিস হৌদোকখ্রে। হায়রিবশিং অসি উত্রাখন্দগী এ.আই.আই.এম.এস রিসিকেস, তেলঙ্গনাগী এ.আই.আই.এম.এস বিবিনগর, অসামগী এ.আই.আই.এম.এস গুৱাহাতী, মধ্য প্রদেশকী এ.আই.আই.এম.এস ভোপাল, রাজসস্থানগী এ.আই.আই.এম.এস জোধপুর, বিহারগী এ.আই.আই.এম.এস পত্না, হিমাচল প্রদেশকী এ.আই.আই.এম.এস বিলাসপুর, উত্তর প্রদেশকী এ.আই.আই.এম.এস রাইবরেলি, ছত্তিসগরগী এ.আই.আই.এম.এস রাইপুর, অন্ধ্র প্রদেশকী এ.আই.আই.এম.এস মঙ্গলগিরি অমসুং মনিপুরগী রিমস ইম্ফালনি। মহাক্না খোঙজেল য়াঙবা মেদিকেল কেয়র ফংহন্নবা এ.আই.আই.এম.এস রিসিকেসতা হেলিকোপ্তর ইমর্জেন্সী সর্ভিসসু হৌদোকখ্রে।
প্রধান মন্ত্রীনা য়ু-ৱিন পোর্তেল হৌদোকখ্রে। মসিনা মীরোন্বী নুপীশিং অমসুং অঙাং মচাশিংদা ভেক্সিনেসনগী প্রোসেস মপুং ফানা দিজিতেলাইজ তৌদুনা কান্নবা ফংহনগনি। মসিনা মীরোন্বী নুপীঈশিং অমসুং অঙাংশিংদা (পোকপদগী চহি ১৬ ফাওবা) ভেক্সন্না ঙাকথোকপা ঙম্বা লায়না ১২গী মায়োক্তা মতম চানা পুন্সি কন্বা ঙম্বা ভেক্সিন ফংহনগনি। মখা তানা, প্রধান মন্ত্রীনা এলাইদ অমসুং হেল্থকেয়র প্রোফেস্নেল অমসুং ইন্সতিত্যুৎশিংগী পোর্তেল অমসু হৌদোকখ্রে। মসিনা হৌজিক লৈরিবা হেল্থকেয়র প্রোফেস্নেল অমসুং ইন্সতিত্যুৎশিংগী সেন্ত্রেলাইজ দেতাবেজ অমা ওইনা লৈগনি।
প্রধান মন্ত্রীনা লৈবাকসিগী হেল্থকেয়র ইকোসিস্তেমগী ফীভম ফগৎহন্নবগীদমকা আর অমসুং দি অমসুং তেস্তিং ইনফ্রাস্ত্রকচর মপাঙ্গল কনখৎহন্নবা তোঙান তোঙানবা ইনিসিএতিবশিংসু শঙ্গাখ্রে। প্রধান মন্ত্রীনা ওরিসাগী ভুবনেস্বরগী গোথাপত্নাদা সেন্ত্রেল দ্রগস তেস্তিং লেবোরেতরী অমা শঙ্গাখ্রে।
মহাক্না ওরিসাগী খোর্ধা অমসুং ছত্তিসগরগী রাইপুরদা য়োগ অমসুং নেচরোপেথীগী সেন্ত্রেল রীছর্চ ইন্সতিত্যুৎ অনিগী উরেপ উয়ুং তমখ্রে। মহাক্না গুজরাতকী নিপর অহমদবাদতা মেদিকেল দিভাইসকী, তেলঙ্গনাগী নিপর হায়দবাদতা বল্ক দ্রগ্সকী, অসামগী নিপর গুৱাহাতীদা ফাইতোফার্মাসিউতিকেল্সকী, অমসুং পঞ্জাবকী নিপর মোহালীদা এন্তি-বেক্তরিএল এন্তি-ভাইরেল দ্রগ দিস্কভরী অমসুং দিভেলপমেন্তকী সেন্তর ওফ এক্সেলেন্স মরিগী উরেপ উয়ুংসু তমখ্রে।
প্রধান মন্ত্রীনা অয়ুস সেন্তর ওফ এক্সেলেন্স মরি, মমিং ওইনা ইন্দিয়ন ইন্সতিত্যুৎ ওফ সাইন্স, বেঙ্গলুরুদা সেন্তর ওফ এক্সেলেন্স ফোর দাইবেতিস এন্দ মেতাবোলিক দিসওর্দর্স; আই.আই.তি দিল্লীদা সেন্তর ওফ এক্সেলেন্স ইন অয়ুস ফোর এদভান্স তেক্নোলোজিকেল সোলুসন্স, স্তার্ত-অপ সপ্পোর্ত এন্ত নেত জিরো সস্তেনেবল সোলুসন্স ফোর রসৌদধিস; সেন্ত্রেল দ্রগ রীছর্চ ইন্সতিত্যুৎ, লখনৌদা সেন্তর ওফ এক্সেলেন্স ফোর ফন্দামেন্তেল এন্দ ত্রান্সলেস্নেল রীছর্চ ইন অয়ুর্বেদ; অমসুং জ.এন.য়ু, নিউ দিল্লীদা সেন্তর ওফ এক্সেলেন্স ওন অয়ুর্বেদ এন্দ সিস্তেম মেদিসিন হৌদোকখ্রে।
হেল্থকেয়র সেক্তরদা মেক ইন ইন্দিয়া থৌশিলদা চাউনা ইনোৎ হাপ্পা ওইনা, প্রধান মন্ত্রীনা গুজরাতকী বাপী, তেলঙ্গনাগী হায়দরবাদ, কর্নতকাগীঈ বেঙ্গলুরু, অন্ধ্র প্রদেশকী কাকিনদা, অমসুং হিমাচল প্রদেশকী নলগরদা প্রদক্সন লিঙ্ক ইন্সেন্তিব (পি এল আই) স্কীমগী মখাদা মেদিকেল দিভাইস অমসুং দ্রগ্সকী প্রোজেক্ত মঙা শঙ্গাখ্রে। য়ুনিৎশিং অসিনা মরুওইবা বল্ক দ্রগশিংগা লোয়ননা বোদী ইমপ্লান্ত অমসুং ক্রিতিকেল কেয়র ইকুইপমেন্তনচিংবা হায়-এন্দ মেদিকেল দিভাইসশিং পুথোক্কনি।
প্রধান মন্ত্রীনা মীয়ামগী মরক্তা হেল্থ এৱ্যারনেস হেনগৎহন্নবা পান্দম থম্লিবা “দেশ কা প্রকৃতি পরিক্ষন অভিয়ান” কৌবা লৈবাক পুম্বগী কেম্পেনসু হৌদোকখ্রে। ক্লাইমেত রেজিলিএন্ত হেল্থকেয়র সর্ভিসেস শেমগৎপগী লমদা এদাপ্তেসন স্ত্রেতেগী থমগদবা স্তেত অমসুং য়ু.তি খুদিংগী স্তেত স্পেসিফিক এক্সন প্লান ওন ক্লাইমেত চেঞ্জ এন্দ হ্যুমেন হেল্থসু হৌদোকখ্রে।
****
(Release ID: 2069421)
Visitor Counter : 3
Read this release in:
Odia
,
English
,
Urdu
,
Hindi
,
Assamese
,
Bengali
,
Punjabi
,
Gujarati
,
Tamil
,
Telugu
,
Kannada
,
Malayalam