প্রধান মন্ত্রী, শ্রী নরেন্দ্র মোদীনা ওক্তোবরগী ৩০-৩১দা গুজরাত্তা চৎকদৌরি। ওক্তোবর ৩০দা, মহাক্না কেৱাদিয়াগী এক্তা নাগরদা চৎলগনি অমসুং নুমিদাংৱাইরমগী পুং ৫.৩০ তাবা মতমদা, মহাক্না এক্তা নাগরদা লুপা করোর ২৮০গী মথক্তা ওইবা ইনফ্রাস্ত্রকচর অমসুং চাউখৎ-থৌরাংগী প্রোজেক্ত কয়া অমা হৌদোক্লগনি অমসুং উরেপ-উয়ুং তম্লগনি। মসিগী মতুং তারকপদা, নুমিদাংৱাইরমগী পুং ৬ তাবা মতমদা, মহাক্না আরম্ভ ৬.০দা ৯৯শুবা কমন ফাউন্দেশন কোর্সগি ওফিসর ত্রেনিশিংদা ৱা ঙাংগনি। ওক্তোবরগী ৩১দা, অয়ুক্কী পুং ৭.১৫ চ৭পা মতমদা, প্রধান মন্ত্রীনা স্তেচু ওফ য়ুনিতীদা হৈকৎ-লৈকৎ তম্লগনি, মসিগী মতুংদা রাস্ত্রিয়া এক্তা দিৱস সেলেব্রেশন পাংথোক্লগনি।

প্রধান মন্ত্রীনা এক্তা নাগরদা ইনফ্রাস্ত্রকচর অমসুং চাউখৎ-থৌরাংগী প্রোজেক্ত কয়া অমা হৌদোক্লগনি অমসুং উরেপ-উয়ুং তম্লগনি। মসিগী প্রোজেক্তশিং অসিনা তুরিস্তই এক্সপরিয়েন্স হেনগৎহন্নবা, এক্সেসিবিলিতী ফগৎহন্নবা অমসুং মফম অসিদা সস্তেনেবিলিতীগী অনৌবা থৌরাংশিং সপোর্ত তৌনবা পান্দম থম্লি।

প্রধান মন্ত্রীনা আরম্ভ ৬.০দা রাস্ত্রিয়া এক্তা দিৱসকী হেক নোংমা মমাংদা ৯৯শুবা কমন ফাউন্দেশন কোর্সকী ওফিসর ত্রেনীশিংদা ৱা ঙাংলগনি। হন্দক্কী চহি অসিগী প্রোগ্রামগী থীম অসি “রোদমেপ ফোর আত্মানির্ভর এন্দ ভিক্সিত ভারত” নি। ৯৯শুবা কমন ফাউন্দেশন কোর্স- আরম্ভ ৬.০- অসিদা ভারতকী সিভিল সর্বিস ১৬ অমসুং ভুতানগি সিভিল সর্বিস ৩দগী ত্রেনী ওফিসর ৬৫৩ য়াওরি।

ওক্তোবর ৩১দা, প্রধান মন্ত্রীনা রাস্ত্রিয়া এক্তা দিৱস সেলেব্রেশনদা শরুক বারগনি অমসুং সর্সর বাল্লবভাই পতেলদা হৈকৎ-লৈকৎ তম্লগনি। মহাক্না এক্তা দিৱসকী ৱাশক লৌরগনি অমসুং এক্তা দিৱস পেরেদ য়েংলগনি, মসিদা রাজ্য ৯দগী অমসুং য়ু.তি. পুলিসতগী ১, সেন্ত্রেল আর্মদ পুলিস ফোর্সতগী ৪, NCC অমসুং মার্চিং বেন্দ অমা য়াওনা মার্চিং কন্তিঞ্জেন্ত ১৬ য়াওগনি। মদুদা অখন্নবা থৌরম ওইনা NSGগী হেল মার্চ কন্তিঞ্জেন্ত, BSF অমসুং CRPFকি নুপী অমসুং নুপা বাইকরশিংগী দেয়রদেভিল শো, BSFনা উৎপা ভারতকী মার্সেল আর্তকী কম্বাইনেশন শো, স্কুলগীমহৈরোইশিংগি পাইপদ বেন্দ শো, অদুগা অতোপ্পা কয়া অমগি মনুংদা ইন্দিয়ন এয়র ফোর্সকী ‘সুর্য়া কিরন’ ফ্লাইপাস্তশু য়াওগনি।

***