জল শক্তি মন্ত্রালয়গী দিপার্তমেন্ত ওফ ৱাতর রিসোর্সেস, রিভর দিবেলপমেন্ত অমসুং গঙ্গা রিজুভনেসন্না রাস্ত্রীয় পুরস্কার পোর্তেলদা 6শুবা নেস্নেল ৱাতর এৱার্দস (NWA), 2024 হৌদোকখ্রে। এপ্লিকেসন পুম্নমক অসি রাস্ত্রীয় পুরস্কার পোর্তেল (www.awards.gov.in) গী খুত্থাংদা ফংগনি। মীয়াম্না পোর্তেল অসিদা নত্রগা দিপার্তমেন্ত অসিগী ৱেবসাইৎ (www.jalshakti-dowr.gov.in) দা অহেনবা অকুপ্পা মরোলশিং ফংগনি। এপ্লিকেসন পীশিনবগী অরোইবা তাং অসি দিসেম্বর 31, 2024নি।

এৱার্দশিংগী ইজিলিবিলিতী:

ঈশিং য়োকশিনবা অমসুং মেনেজমেন্তকী লমদা মশক থোকপা থবকশিং পাংথোকখিবা রাজ্য, জিলা, খুঙ্গংগী পঞ্চায়ৎ, অর্বান লোকেল বোদী, স্কুল/কলেজ, ইন্সতিত্যুসন (স্কুল/কলেজ নত্তনা), ইন্দস্ত্রী, সিভিল সোসাইতী, নৎত্রগা ৱাতর য়ুজর এসোসিএসন অমহেক্তনা এপ্লাই তৌবা য়াগনি।

ত্রোফী অমসুং সাইতেসন:

কাংলুপশিং - "বেস্ত স্তেৎ" অমসুং "বেস্ত দিস্ত্রিক্ত"গীদমক, মায় পাক্লবশিংবু ত্রোফী অমসুং সাইতেসনগা লোয়ননা ইকায় খুম্নগনি। লেমহৌরিবা কেতেগোরিশিং- 'বেস্ত ভিলেজ পঞ্চায়ৎ', 'বেস্ত অর্বান লোকেল বোদী', 'বেস্ত স্কুল/ কোলেজ', 'বেস্ত ইন্সতিত্যুসন (স্কুল/ কোলেজ নত্তনা) ', 'বেস্ত ইন্দস্ত্রী', 'বেস্ত সিভিল সোসাইতী', 'বেস্ত ৱাতর য়ুজর এসোসিএসন' অমসুং 'বেস্ত ইন্দস্ত্রী'দা, মায় পাক্লবশিংবু ত্রোফী অমসুং সাইতেসনগা লোয়ননা শেলগী মনা পীগনি। অহানবা, অনিশুবা অমসুং অহুমশুবা রেঙ্ক ৱিন্নরশিংগীদমক শেলগী মনাশিং অসি মথংশিৎনা লুপা লাখ 2, লুপা লাখ 1.5 অমসুং লুপা লাখ 1নি।

সেলেক্সনগী প্রোসেস:

নেস্নেল ৱাতর এৱার্দশিংগীদমক্তা ফংবা এপ্লিকেসন পুম্নমক অসি DoWR, RD & GRগী স্ক্রিনিং কম্মিতী অমনা চেকশিন্না য়েংশিল্লি। শোর্তলিস্ত তৌরবা এপ্লিকেসনশিং অসি রিতায়র তৌরবা সেক্রেতরী লেভেল ওফিসর অমনা লুচিংবা জুরি কম্মিতী অমদা পীগনি। মসিগী মতুংদা, শোর্তলিস্ত তৌরবা এপ্লিকেসনশিংগী গ্রাউন্দ থ্রুথিং অসি দিপার্তমেন্ত ওফ ৱাতর রিসোর্স, RD অমসুং GR হায়বদি সেন্ত্রেল ৱাতর কম্মিসন (CWC) অমসুং সেন্ত্রেল গ্রাউন্দ ৱাতর বোর্দ (CGWB) গী ওর্গনাইজেসনশিংনা পাংথোকই। জুরী কম্মিতিনা গ্রাউন্দ ত্রুথিং রিপোর্তশিংগী মতুং ইন্না এপ্লিকেসনশিং অদু য়েংশিল্লি অমসুং মায় পাক্লবশিংবু রোমন্দেসন তৌই। কম্মিতী অসিনা পীরিবা রিকমেন্দেসনশিং অসি জল শক্তিগী কেন্দ্র মন্ত্রীদা এপ্রুব তৌনবগীদমক্তা থাগৎলি। মায় পাক্লবশিংগী মমিংশিং অসি মতিক চাবা তাং অমদা লাউথোক্কনি অমসুং মনা য়েন্থোকপগী থৌরম অমা পাংথোক্কনি। মনা ফংলবশিং অসি ভারতকী রাস্ত্রপতি নত্ত্রগা ভারতকী উপ রাস্ত্রপতিনা মনাশিং অদু পীগনি।

এৱার্দশিংগী অকুপ্পা ৱারোলশিং:

নেস্নেল ৱাতর এৱার্দ (NWA)শিং অসি সরকারগী 'জল সমৃদ্ধ ভারত'কী মঙলান অসি মপুং ফাহন্নবগীদমক লৈবাক শিনবা থুংনা লৈরিবা রাজ্যশিং, জিলাশিং, মীওইশিং, ওর্গনাইজেসনশিং অসিনচিংবশিংনা হোৎনরিবা থবকশিং অমসুং হোৎনরিবশিংবু মশক খঙনবা অমসুং পুক্নিং থৌগৎনবা হৌদোকখিবনি। মসিনা মীয়ামদা ঈশিংগী মরুওইবা অদু খঙহন্নবা অমসুং ঈশিং শীজিন্নবগী খ্বাইদগী ফবা থৌওংশিং শীজিন্ননবা পুক্নিং থৌগৎনবা পান্দম থম্লি। তোঙান-তোঙানবা কাংলুপশিংদা মনা ফংলবশিংদা সাইতেসন, ত্রোফী অমসুং শেলগী মনা পীগনি। নেস্নেল ৱাতর এৱার্দকী পান্দমদি লৈবাক অসিদা ঈশিংগী রিসোর্স মেনেজমেন্তকী মায়কৈদা হোলিস্তিক এপ্রোচ অমা লৌখৎনবা স্তেকহোল্দরশিংবু পুক্নিং থৌগৎপনি মরমদি লৈমায়গী ঈশিং অমসুং গ্রাউন্দৱাতরনা ৱাতর সাইকলদা মরুওইবা থৌদাং অমা লৌরি। পান্দমশিং অসি ফংনবগীদমক্তা দিপার্তমেন্তনা নেস্নেল ৱাতর এৱার্দকী অহানবা ইদিসন অসি 2018দা হৌদোকখি। অহানবা নেস্নেল ৱাতর এৱার্দ, 2018দা কাংলুপ 14দা ৱিন্নর 82 না মনা ফংখি। মসিগী মতুং তারকপদা, 2শুবা নেস্নেল ৱাতর এৱার্দ, 2019 অসি কাংলুপ 16দা ৱিন্নর 98দা পীখি। 3শুবা নেস্নেল ৱাতর এৱার্দ, 2020 অসি কাংলুপ 11গী মখাদা ৱিন্নর 57দা পীখি। 4শুবা নেস্নেল ৱাতর এৱার্দ, 2022অসি কাংলুপ 11গী মখাদা ৱিন্নর 41দা পীখি। অমসুং 5শুবা নেস্নেল ৱাতর এৱার্দ, 2023 অসি কাংলুপ 9দা ৱিন্নর 38দা পীখি। কোবিদ লাইচৎনা মরম ওইদুনা 2021গী নেস্নেল ৱাতর এৱার্দ অসি পাংথোকখিদে।

*****