ঙসি নিউ দিল্লিগী বিজ্ঞান ভাবনদা প্রধান মন্ত্রী শ্রী নরেন্দ্র মোদীনা ইন্তরনেসনেল অভিধম্ম দিবস অমসুং পালি ক্লাসিকিল লোল ওইনা শকখঙবগী হরাওবা ফোঙদোকপা থৌরমদা ৱা ঙাংখ্রে। অভিধম্ম তম্বীরবা মতুংদা লাইরৈবাক্তগী ভাগবান বুদ্ধ কুমথরকখিবা অদু নিংশিংবা ওইনা অভিধম্ম দিবস পাংথোকপনি। অভিধম্মদা ভাগবান বুদ্ধনা তাকপীখিবশিং অসি পালি লোলদা লৈরিবা মরম্না হন্দক পালি লোল ক্লাসিকেল লোল ওইনা শকখঙখিবা অসিনা চহি অসিগী অভিধম্ম দিবস হেন্না মশক থোকহল্লে।

থৌরম অদুদা ৱা ঙাংবদা, অভিধম্ম দিবসদা শরুক য়াবগীদমক প্রধান মন্ত্রীনা তৌবীমল খঙবা উৎখি অমসুং মহাক্না হায়খি মদুদি নুংশিবা অমসুং মীওইবগী অৱাবা খঙবগা লোয়ননা মালেম অসি হেন্না ফবা মফম অমা ওইহন্নবা থৌরম অসিনা মীয়ামদা অমুক নিংশিংহল্লে। অসিগুম্বা থৌরম অমা হৌখিবা চহিদা কুসিনগরদা শরুক য়াখ্রে অমসুং ভাগবান বুদ্ধগা শম্নবা খোঙচৎ অসি মহাক্কী পোক্নফম লমদমগা মরি লৈনৈ অমসুং ঙসি ফাওবা মখা চৎথরি। মতম অমদা বুদ্ধিজমগী মমিং চৎলবা মফম অমা ওইরম্বা গুজরাতকী ভাদনগরদা মহাক পোকখি অমসুং মসিনা ইথিল পীদুনা মহাক্না ভাগবান বুদ্ধগী ধম্ম অমসুং পাউতাকশিং খঙখি। হৌখিবা চহি ১০দা ভাগবান বুদ্ধগা মরী লৈনবা শেংলবা থৌরম কয়া শরুক য়াবগী খুদোংচাবা ভারত অমসুং মালেমগী লৈবাকশিংদা মহাক্না ফংখ্রে। নেপালদা ভাগবান বুদ্ধগী পোক্নফম লমদমদা চৎখ্রে, মোঙ্গোলিয়া অমসুং শ্রী লঙ্কাদা বাইসাখ সমরোহদা ভাগবান বুদ্ধগী মীতমশিংগী মাইখুম হাংদোকখ্রে। সঙ্গ অমসুং সাধাক পুনশিনবা অসি ভাগবান বুদ্ধগী থৌজালগী ফল অমনি হায়না থাজৈ অমসুং থৌরম অসিদা মীয়ামদা য়াইফ-পাউজেল পীজরি। ঙসি অসি শেংলবা শরত পুর্নিমা নুমিৎনি অমসুং মহার্যি বালমিকিগী মপোক নুমিৎনি। থৌরম অসিদা লৈবাক অসিগী মীয়ামদা য়াইফ-পাউজেল পীজরি।

প্রধান মন্ত্রীনা হায়খি ভগবান বুদ্ধনা মহাক্কী পাউজেল শন্দোকখিবা পালি লোল শকখঙবা মরম্না চহি অসিগী অভিধম্ম অসি অখন্নবনি অমসুং চৎলিবা থা অসিদা লোল অসি ভারত সরকারনা ক্লাসিকেল লোলগী থাক্তা পুখৎলে। মরম অদুনা ঙসিগী থৌরম অসি অমুক্কা হেন্না মরুওইরে। পালি লোল ক্লাসিকেল লোল অমা ওইনা ইকায়খুম্নবা উৎলিবা অসি ভগবান বুদ্ধগী পাউতাকশিং অমসুং নাত অমসুং চৎনবীশিংদা ইকায়খুম্নবা উৎপনি। ধম্মদা অভিধম্ম য়াওরি অমসুং ধম্মগী অশেংবা মহাও খঙনবা, পালি লোল খঙবা দরকার ওই।

ধম্মগী তোঙান-তোঙানবা ৱাহন্থোকশিং শন্দোক্না তাক্লদুনা, শ্রী মোদীনা হায়খি ধম্ম হায়বদি ভগবান বুদ্ধগী পাউজেল অমসুং অচুম্বশিং হায়বনি, মীওইবনা হিংবগা মরী লৈনবা ৱাহংশিংগী পাউখুমশিংনি, মীওইবা জাতিগী শান্তি পুরক্নবা লম্বীনি, বুদ্ধগী লোম্বা নাইদ্রবা পাউতাকশিংনি অমসুং অপুনবা মীওইবা খুন্নাই য়াইফনবা অচেৎপা থাজবা অমনি।

প্রধান মন্ত্রীনা হায়খি ভগবান বুদ্ধনা ঙাংলম্বা পালি লোল অসি মখা তানা মীয়াম্না ঙাংনখিদবা অসি লাইবক থিবনি। লোল অসি পাউ ফাওন্নবা পাম্বৈ অমা খক নত্তে, লোল অসি সভ্যতা অমসুং নাতকী থৱায়নি। মসি ফোঙদোক্নিংবশিংগা মরী লৈনৈ অমসুং ঙসিগী মতম অসিদা পালি হিংহন্দুনা থম্বা হায়বদি খুদিংমক্কী থৌদাংনি। হৌজিক পাল্লিবা সরকার অসিনা মসিগী থৌদাং অসি পাংথোকপা ঙম্বা অমসুং ভগবান বুদ্ধগী ভক্ত করোর কয়াগী অনিংবশিং থুংহনবা অসিদা অপেনবা ফাওই। খুন্নাই অমগী লোল, সাহিত্য, কলা অমসুং অধ্যতিক্কী নাত অমসুং চৎনবীশিংনা খুন্নাই অদু হিংলি হায়বা তাক্লি। লৈবাক অমনা পুৱারিগী অরিবা পোৎলমশিং নত্ত্রগা কলাগী পোৎলম অমা হেক্ত ফংবা মতমদা চাউথোকচবগা লোয়ননা মালেম শীনবা থুংনা উৎলে। লৈবাক খুদিংমক মখোয়গী হেরিতেচগা শক্তমগা শম্নরবশু, নিংতমদ্রিঙৈদা মীগী মখাদা লৈরুবা অমসুং নিংতম্বা ফংলবা মতুংদা মীনাইগী ৱাখল্লোন চেনবদগী ভারত মনিংদা লৈহৌখি।

প্রধান মন্ত্রীনা হায়খি মদুদি লৈবাক অসি অরানবা মাইকৈ অমদা পুনবা চৎনবী অমনা ভারত পায়শিনখ্রে। বুদ্ধনা অমুক হন্না ভারতকী থৱায় ওইখি অমসুং নিংতম্বা মতমদা মহাক্কী খুদমশিং শীজিন্নখি অমসুং মদু মতুং তারকপা চহি কয়াদা কাওথোকখ্রে। নিংতম্বা ফংলবা চহি ৭০গী মতুং ফাওবদা পালিনা মসিগী ফংফম থোকপা ফিদা ফংখিদে।

প্রধান মন্ত্রীনা হায়খি লৈবাক খুদিংমক মসিগী নাত অমসুং চৎনবীশিংনা লৈবাক অদুগী শক্তমগা শাগোন্নৈ, লাইবক থিবদি, ভারত মাইকৈ অসিদা য়াম্না লাপ্না লৈহৌরে, অদুবু লৈবাক অসি হৌজিক মশানা মশাবু থাজবদগী মাঙলোমদা চঙশিল্লি, অচৌবা ৱারেপশিং লৌরে। অমরোমদা পালি লোল ক্লাসিকেল লোল ওইনা শকখঙলে অমসুং মসিগা চপ মান্ননা মরাথি লোলশু ক্লাসিকেল লোল ওইরে। মরাথিনা মহাক্কী মমালোল ওইখিবা বাবা সাহেব অম্বেদকারশু বুদ্ধিজম শৌগৎপা মীওই অমনি অমসুং পালিদা মহাক্কী ধম্ম দিক্ষা পাংথোকখি। বেঙ্গালি, অসামিজ অমসুং প্রাকিত লোলশিংশু ক্লাসিকেল লোলগী থাক্তা পুখৎলে।

প্রধান মন্ত্রীনা হায়খি ভারতকী তোঙান-তোঙানবা লোলশিং অসিনা ঐখোয়গী খেন্নবশিং য়োকখৎলি। ঐখোয়গী লোল অমমম্না লৈবাক অসি শেমগৎপদা মরুওইবা থৌদাং অমা লৌখি। ঙসি ভারতনা চৎনরিবা অনৌবা ইজুকেসন পোলিসি অসি হায়রিবা লোলশিং অসি ঙাক-শেন্দুনা থম্নবা পাম্বৈ অমা ওইরে। অনৌবা ইজুকেসন পোলিসিগী মখাদা, লৈবাক অসিগী নহারোলশিং মখোয়গী মমালোলদা লাইরিক তম্বদগী, লোলশিং হেন্না মপাঙ্গল কনখৎলে।

প্রধান মন্ত্রীনা হায়খি ৱাশকশিং থবক ওইনা পাংথোক্নবা ‘পঞ্চ প্রান’গী পান্দম লাল কিলাদগী সরকারনা মাঙলোমদা পুখৎলে। পঞ্চ প্রান হায়বদি বিকসিত ভারত অমা শেমগৎপা, মীনাইগী ৱাখল্লোন্দগী মনিংতমহনবা লৈবাক অসিগী অপুনবা শক্তম, ঐখোয়গী নাত অমসুং চৎনবীশিংগী থৌদাংশিং পাংথোকপা অমসুং চাউথোকচবা ফাওবা হায়বনি। মতম অমতদা য়াংনা চাউখৎপা অমসুং ইনাকখুনবা নাত অমসুং চৎনবীশিং লৈহন্নবা ৱারেপ অনিমক থবক ওইনা পাংথোক্নবা ঙসি ভারতনা থবক পায়খৎলে। ভগবান বুদ্ধগা মরী লৈনবা হেরিতেচ ঙাক-শেন্দুনা থম্বা অসি পঞ্চ প্রান খোঙজংগী মরুওইবনি।

ভারত অমসুং নেপালদা বুদ্ধগা মরী লৈনবা মফমশিং বুদ্ধ সর্কুইত অমা ওইনা শেমগৎলবা প্রোজেকশিংগী মমিং পল্লদুনা, শ্রী মোদীনা হায়খি মদুদি কুসিনগরদা ইন্তরনেসনেল এয়রপোর্ত অমা শেমগৎপা হৌরে, লুম্বীনিদা ইন্দিয়া ইন্তরনেসনেল সেন্তর ফোর বুদ্ধিস্ত কলচর এন্দ হেরিতেচ শাগৎলি, লুম্বিনিদা বুদ্ধিস্ত য়ুনিভর্সিতিদা বুদ্ধিস্ত স্তদিজগী দোক্তর বাবা সাহেব অম্বেদকার চিয়ার লিংখৎলে অমসুং বোধ গয়া, শ্রাভাস্তি, কপিলাবস্তু, সাঞ্চি অমসুং রেৱাগুম্বা মফমশিংদা চাউখৎ-থৌরাংগী থবকশিং পায়খৎলি। মহাক্না ওক্তোবর ২০,২০২৪ দা সরনাথ, বরানাসীদা চাউখৎ-থৌরাংগী থবক কয়া শঙ্গাগনি। অনৌবা শাগৎলিবশিং অসিগা লোয়ননা, ভারতকী ইনাকখুল্লবা হৌখ্রবা মতমগা মরী লৈনবশিং ঙাক-শেন্নবা থবকশিংশু সরকারনা পায়খৎলি। হৌখিবা চহি ১০ অসিদা সরকারনা ভারত্তা অরিবা হেরিতেচ, কলাগী পোৎলমশিং অমসুং রেলিকশিং ৬০০ হেন্না পুরক্লে। মখোয়গী মনুংদা বুদ্ধিজমগা মরী লৈনবা পোৎলম কয়া য়াওরি। বুদ্ধগী হেরিতেচ অমুক হিঙ্গৎলকপগা লোয়ননা, ভারতনা লৈবাক অসিগী নাত অমসুং সভ্যতা অনৌবা মওং অমদা উৎলি।

প্রধান মন্ত্রীনা হায়খি লৈবাক্কী কান্নবা খক্তগী নত্তনা মীওইবা খুন্নাইগী সেবা তৌনবগীদমক ভগবান বুদ্ধগী পাউতাকশিং য়োকখৎনবা ভারতনা থবক পায়খৎলে। বুদ্ধগী পাউতাকশিং ইল্লিবা লৈবাকশিং অমতা ওইনা পুনশিন্নবা মালেমগী ওইবা থবকশিং পায়খৎলে অমসুং ম্যান্মার, শ্রী লঙ্কা অমসুং থাইলেন্দগুম্বা লৈবাকশিংনা পালি লোলগী কমেন্তরিশিং থৱায় য়াওনা খোমজিল্লি। পালি চাউখৎনবা মমাঙঙৈগী থবকশিং অমসুং অনৌবা মতমগী থবকশিং হায়বদি ওনলাইন প্লেতফোর্মশিং, দিজিতেল আর্কাইবশিং অমসুং এপ্পশিং অনিমক সরকারনা শীজিন্নরি। ভগবান বুদ্ধ মশক খঙনবা থিজিনবা অসি য়াম্না মরুওই। বুদ্ধ অসি লৌশিং অমসুং ৱাহং অনিমক্নি। বুদ্ধগী পাউতাকশিং নুঙগী থিজিনবা অমসুং লাইরিক-লাইশুগী থিজিনবা অনিমক দরকার ওই। মিসন অসিদা নহারোলশিং শরুক য়ানবা বুদ্ধিস্ত ইন্সতিতুসনশিং অমসুং লম্বোইবশিংনা পীরিবা পাউতাকশিং অসিগীদমক থাগৎপা ফোঙদোকচরি।

প্রধান মন্ত্রীনা হায়খি মদুদি ২১শুবা চহিচা অসিদা মালেমগী তংদু-লৈতাদবা হেনগৎলক্লি। ঙসিগী মালেম অসিদা বুদ্ধগী পাউতাকশিং মরী চুনবা খক নত্তনা মসি য়াম্না তঙাইফদবনি। ভারতনা মালেমদা লাল পীখিদে, বুদ্ধ পীখি। মালেম্না ভগবান বুদ্ধদগী পাম্বৈশিং ফংগনি, লালদগী ফংলোই। মালেম্না বুদ্ধগী তমগদবনি, লাল তৌরোইদবনি অমসুং শান্তিগী লম্বী শেমগদবনি। ভগবান বুদ্ধগী ৱাহৈশিং পল্লদুনা, শ্রী মোদীনা হায়খি মদুদি শান্তিদগী হেনবা নুংঙাইবা অমা লৈতে; লমন খুম্ববনা লমন খুম্নিংবগী ইখৌ লাংবা কোকহনবা ঙম্লোই অমসুং মীওইবগী অৱাবা খঙবা অমসুং মীওইবগী খনবা খক্তনা য়েংথিনবা কোকহনবা ঙমগনি। ভগবান বুদ্ধগী পাউজেলদি মীওই খুদিংমক হরাওনা অমসুং নুংঙাই-য়াইফনা হিংবনি।

প্রধান মন্ত্রীনা হায়খি মদুদি ২০৪৭ ফাওবগী চহি ২৫ অসি অমৃত কাল হায়না ভারতনা লাউথোক্লে। অমৃত কালগী মতম অসি ভারতকী চাউখৎপগী মতম ওইগনি, ভারতনা লৈবাক অসি চাউখৎনবা লম্বী অমা শেম্বদা ভাগবান বুদ্ধগী পাউতাকশিংনা ঐখোয় লমজিংদুনা চাউখৎলবা ভারত অমা শেমগনবা মতম ওইগনি। মসি বুদ্ধগী লমদম অসি খক্তদা পাংথোকপা ঙমগনি মরমদি ঙসি মালেমদা মীশিং খ্বাইদগী য়াম্বা লৈবাক অসিনা লন-থুমশিং শীজিন্নবগী মতাংদা ৱাখল তারে। মালেম শীনবা থুংনা অইং-অশাগী খল হোংলকপগী অৱাবা মায়োক্নরি। ভারতনা থেংনরিবা খুদোংচাদবশিং পাম্বৈশিং থিবা খক নত্তনা, মসি মালেমগী লৈবাকশিংদা শরুক য়ারি। মালেমগী লৈবাক কয়াগা লোয়ননা ভারতনা মিসন লাইফ থবক পায়খৎপা হৌরে।

ভগবান বুদ্ধগী পাউতাক অমা থিরদুনা, শ্রী মোদীনা হায়খি মখল অমা হেক্তগী অফবা থবক অমা ঐখোয় ইশাদগী পাংথোকপা হৌগদবনি হায়বসি মিসন লাইফকী ৱাখল্লোনগী ময়োলনি। ভাগবান বুদ্ধগী পাউতাকশিংনা মিসন লাইফকী ময়াইদা লৈরি, মীওই খুদিংমক্কী তুংকোইনা চৎনবা য়াবা পুন্সি মহিংনা তুংকোইনা লৈহৌগদবা তুংলমচৎ অমগী লম্বী শেমগনি। লৈবাক অসিনা জি-২০গী প্রসিদেন্ত ওইবা মনুংদা ইন্তরনেসনেল সোলার এল্লাইন্স, গ্লোবেল বাইওফুয়েল এল্লাইন্স শেম্বদা ভারতনা অচৌবা থৌদাং লৌখি। এল্লাইন্স অসিগী পান্দমদি নুমিৎ অমা, মালেম অমা, গ্রিদ অমা হায়বনি। মখোয় পুম্নমক ভগবান বুদ্ধগী ৱাখল্লোনশিংগী মমি তারে। তুংকোইনা চৎনবা য়াগদবা মালেমগী তুংলমচৎ অমা শেমগৎনবা মাইকৈদা ভারতনা থবক পায়খৎলি। ইন্দিয়া-মিদল ইস্ত,ইস্ত-য়ুরোপ ইকোনোমিক কোরিদোর, ভারতকী গ্রিন হায়দ্রোজেন মিসন, ২০৩০ ফাওবদা ভারত রেলৱেজ নেত জিরো ওইহন্নবা পান্দম, পেত্রোলদা ইথানোল য়ানশিনবা চাদা ২০ ফাওবা য়ৌহনবা, হায়রিবা থবক খুদিংমক অসিদা ভারতনা মালেম অসি ঙাক-শেন্নিংবগী অকনবা ৱাখল্লোন অদু উৎলে।

প্রধান মন্ত্রীনা হায়খি মদুদি বুদ্ধ, ধম্ম অমসুং সঙ্ঘনা সরকারগী ৱারেপ কয়া ইথিল পীখি অমসুং মালেমগী অৱাবা তারকপা মতমদা অহানবা মতেং পাংবা লৈবাক ভারতনা ওইখি। মালেমগী ওইবা অৱা-অনাশিং হায়বদি তর্কিদা য়ুহা-হাবা, শ্রী লঙ্কাদা শেন-থুমগী অৱাবা মায়োক্নবা অমসুং কোবিদ-১৯ লাইচত্তা লৈবাক অসিনা য়াম্না য়াংনা থবকশিং পায়খৎখি। মসি মীওইবগী অৱাবা খঙবা হায়বা বু্দ্ধগী ফিদমগী মমি তারে। বিশ্ব বন্ধু(মালেমগী মরুপ অমা ওইনা, ভারতনা মসি মফম খুদিমক্তা লোয়ন্নরি। য়োগ, মিল্লেতশিং, অয়ুর্বেদা অমসুং মহৌশাগী লৌউগী থবকশিং অসি ভগবান বুদ্ধগী পাউতাকশিংনা ইথিল পীবনি। 

লোইশিল্লকপগী ৱারোলদা, শ্রী মোদীনা হায়খি, ভারত চাউখৎপগী মাইকৈদা চঙশিল্লি অমসুং লৈবাক অসিগী মরাশিংশু কনখৎলক্লে, ভারতনা নহারোলশিংনা সাইন্স অমসুং তেক্নোলোজিদা মালেম অসি লমজিংবা খক নত্তনা মখোয়গী নাত অমসুং গুনশিংগীশু চাউথোকচগদবনি। হায়রিবা থবকশিং অসিদা বুদ্ধিজমগী পাউতাকশিং অসিনা ঐখোয়গী খ্বাইদগী চাউবা লমজিংবনি অমসুং ভগবান বুদ্ধগী পাউতাকশিংগা লোয়ননা ভারত মখা তানা চাউখৎকনি হায়না থাজবা থম্লি।

থৌরম অদুদা শরুক য়াখিবশিংগী মনুংদা কলচরগী য়ুনিয়ন মিনিস্তর শ্রী গাজেন্দ্র সিংহ সেখাৱাত অমসুং পর্লিয়ামেন্তরি এফেয়ার্স অমসুং মাইনোরিতি এফেয়ার্সকী য়ুনিয়ন মিনিস্তর শ্রী কিরেন রিজিজু য়াওখি।

নুঙগীৱারোল

ইন্তরনেসনেল অভিধম্ম দিবস অসি ভারত সরকার অমসুং ইন্তরনেসনেল বুদ্ধিস্ত কনফিদেরেসন্না শীনবনি অমসুং মসদিআ লৈবাক ১৪গী অখঙ-অহৈশিং অমসুং লম্বোইবশিং অমসুং ভারত শীনবা থুংবগী তোঙান-তোঙানবা য়ুনিভর্সিতিশিংদগী বুদ্ধ ধম্মগী নহা ওইরিবা অখঙ-অহৈ কয়া শরুক য়ারি।

Addressing the International Abhidhamma Divas programme. https://t.co/QoE4enyNLP

— Narendra Modi (@narendramodi) October 17, 2024

***