য়োর এক্সিলেন্সী, প্রধান মন্ত্রী সোনসায় সিফান্দোন,

য়োর মেজেস্তী,

এক্সিলেন্সীশিং,

খুরুমজরি।

ঙসি ASEANগী ইমুং-মনুংগা লোয়ননা তরামাথোইরক শুবা মীফম অসিদা শরুক য়াবা ফংজবদা ঐহাক্না চাউথোকচবা পোকই।

চহি তরাগী মমাংদা, ঐহাক্না ভারতকী "এক্ত ইস্ত" পোলিসী লাউথোকখি। হৌখিবা চহি তরা অসিদা, খোঙথাং অসিনা ভারত অমসুং ASEAN লৈবাকশিংগী মরক্তা পুৱারী ওইরবা মরীশিং অসি অমুক হন্না মপাঙ্গল কনখৎহল্লে, মখোয়দা অনৌবা ইনর্জী, মাইকৈ অমসুং খোঙজেল অমা  পীরি।

ASEANগী সেন্ত্রেলিতীদা মরুওইবা পীরদুনা ঐখোয়না 2019দা ইন্দো-পেসিফিক ওসিন ইনিসিএতিব হৌদোকখি। মসিগী খোঙথাং অসিনা "ASEAN আউৎলুক ওন দি ইন্দো-পেসিফিক"পু মপুং ফাহল্লি।

হৌখিবা চহিদা, ঐখোয়না রিজনেল সেক্যুরিতী অমসুং স্তেবিলিতী হেনগৎহন্নবা সমুদ্রগী এক্সর্সাইজশিং হৌদোকখি।

হৌখিবা চহি 10দা, ASEAN লমদমগা লোBননা ঐখোয়গী ললোন-ইতিক অসি শরুক অনিগী ময়া ওইহন্দুনা দোল্লর বিল্লিয়ন 130 হেনখ্রে।

ঙসিদি, ভারতনা ASEANগী লৈবাক তরেৎকা হকথেংননা ফ্লাইৎ কন্নেক্তিবিতী লৈরে, অমসুং অথুবা মতমদা, ব্রুনাইদসু হকথেংননা ফ্লাইৎশিং হৌরগনি।

মসিগী মথক্তা, ঐখোয়না তিমোর-লেস্তেদা অনৌবা এম্বেসেদরী অমা হাংদোক্লে।

ASEAN লমদমদা, সিঙ্গাপুর অসি ঐখোয়না ফিনতেক কন্নেক্তিবিতী লিংখৎখিবা অহানবা লৈবাক ওইখি, অমসুং মসিগী মায়পাকপা অসি হৌজিক অতোপ্পা লৈবাকশিংদা মতৌ তম্মি।

ঐখোয়গী দিবেলপমেন্ত পার্তনরশিপ অসি পিপল-সেন্ত্রিক এপ্রোচ অমদা য়ুম্ফম ওইরি। ASEANগী মহৈরোয় 300 হেনবনা নালন্দা য়ুনিভর্সিতীদা স্কোলারশিপকী কান্নবা ফংখ্রে। য়ুনিভর্সিতীশিংগী নেৎৱার্ক অমা হৌদোকখ্রে।

ঐখোয়না লাওস, কম্বোদিয়া, ভিয়েতনাম, ম্যান্মার অমসুং ইন্দোনেসিয়াদা ঐখোয়গী মান্নবা হেরিতেজ অমসুং লেগেসী ঙাক্নবা হোৎনরি।

কোবিদ লাইচৎকী মতমদা ওইরবসু নৎত্রগা মহৌশাগী অৱা-অনাগী মতমদা ওইরবসু, ঐখোয়না অমনা অমগী মতেং পাংলি অমসুং ঐখোয়গী মীওইবগী ওইবা থৌদাংশিং অদু পাংথোক্লি।

সাইন্স অমসুং তেক্নোলোজী ফন্দ, দিজিতেল ফন্দ, অমসুং গ্রীন ফন্দ য়াওনা তোঙান তোঙানবা সেক্তরশিংদা তেংবাং পীনবগীদমক ফন্দশিং লিংখৎখ্রে। ভারতনা মসিগী খোঙথাংশিং অসিদা দোল্লর মিলিয়ন 30 হেন্না কন্ত্রিব্যুত তৌখ্রে। মসিনা মরম ওইদুনা, হৌজিক ঐখোয়গী কোওপরেসন অসি অন্দরৱাতর প্রোজেক্তশিংদগী হৌরগা স্পেস এক্সপ্লোরেসন ফাওবা শন্দোক্লি। অতোপ্পা ৱাহৈ অমদা হায়রবদা, ঐখোয়গী পার্তনরশিপ অসি হৌখিবা চহি তরা অসিদা হীরম খুদিংমক্তা য়াম্না পাক চাউথোক্লে।

অমসুং, মসি য়াম্না নুংঙাইবা ৱাফম অমনি মদুদি 2022দা ঐখোয়না মসিবু 'কম্প্রিহেন্সিব স্ত্রেতেজিক পার্তনরশিপ'কী থাক্তা পুখৎলে।

মরুপশিং,

ঐখোয়না য়ুম্লোন্নবশিং, গ্লোবেল সাউথকী পার্তনরশিং, অমসুং মালেমগী য়াম্না থুনা চাউখৎলক্লিবা লমদম অমা ওইদুনা ঐখোয় অসি অমনা অমগী নেস্নেল ইন্তিগ্রিতী অমসুং সোভরিনিতী ইকাই খুম্নরিবা শান্তি পাম্বা লৈবাকশিংনি, অমসুং ঐখোয়না ঐখোয়গী নহারোলশিংগীদমক অফবা তুংলমচৎ অমা লৈহন্নবা হোৎনরি।

ঐহাক্না থাজৈ মদুদি 21শুবা চহিচা অসি "এসিয়ন সেঞ্চুরি"নি, ভারত অমসুং ASEAN লৈবাকশিংগী চহিচা অমনি। ঙসি, মালেমগী মফম কয়াদা চয়েৎনবা অমসুং অৱাবা লৈরকপা মতমদা, ভারত অমসুং ASEANগী মরক্তা মরুপ-মপাং ওইবগী মরী, কোওর্দিনেসন, দাইলোগ অমসুং কোওপরেসন অসি খ্বাইদগী মরু ওইরি।

ঐহাক্না লাওস P.D.R.গী প্রধান মন্ত্রী সোনসায় সিফান্দোনবু মায় পাক্না ASEANগী চিয়রমেন ওইবগীদমক থম্মোয় শেংনা নুংঙাইবা ফোংদোকচরি।

ঙসিগী মীফম অসিনা ইন্দিয়া- ASEAN পার্তনরশিপতা অনৌবা মায়োল অমা  পীরগনি হায়না ঐনা থাজবা থম্লি।

হন্না-হন্না থাগৎচরি।

খঙহঞ্জবা - মসি প্রধান মন্ত্রীগী ৱাফমশিংগী চাউরাকপা ৱাহন্থোক্নি। তশেংবা ৱারোলদা হিন্দীদা পীখি।

***