প্রধান মন্ত্রী: লুনানবদগী করি-করি কান্নবা ফংবগে?

মহৈরোয়: সর, ঐখোয়না মসিদগী অনাবা অমত্তা নারকপা ঙম্লোই, ঐখোয়না মতম পুম্নমক্তা নান্না লৈগনি সর, অমসুং করিগুম্বা ঐখোয়গী লৈবাক অসি লুনান্না লৈরবদি মফম অসি লুনান্না থমগদবনি হায়বসি মীপুম খুদিংমক্না খঙলগনি।

প্রধান মন্ত্রী: তোইলেৎ লৈত্রবদি কমদৌগনি?

মহৈরোয়: সর লাইনা-তিন্না শন্দোরক্কনি।

প্রধান মন্ত্রী: লায়না শন্দোরকই... মমাংঙৈগী মতমশিংদা তোইলেৎ লৈতবা মতমশিং য়েংবিয়ু, মীওই 100গী মনুংদা 60না মখোয়গী য়ুমদা তোইলেৎ লৈরমদে। মরম অদুনা মখোয়না লমহাংদা খোঙ হাম্বা চৎনরম্মি অমসুং মসিনা লায়না পুম্নমক্কী মরম ওইরম্মি। অমসুং ইমাশিং অমসুং ইচে-ইচলশিং, ইচানুপীশিংনা মদুদা খ্বাইদগী অৱাবা মায়োক্নরমখি। ঐখোয়না স্বচ্ছ ভারত অভিয়ান অসি হৌদোক্লম্বা মতমদগী হৌনা, স্কুলশিংদা অহানবদা তোইলেৎশিং শঙ্গাখি, নুপীমচাশিংগীদমক তোঙানবা তোইলেৎশিং শঙ্গাখি অমসুং মসিগী মহৈদি ঙসিদি নুপীমচাশিংগী স্কুল তোকপগী চাং অসি য়াম্না হন্থরে, নুপীমচাশিংনা স্কুলশিংদা মহৈ তম্বা হৌরে। মরম অদুনা, লুনান্না লৈবা অসিনা কান্নবা ফংলব্রা নৎত্রগা ফংদব্রা?

মহৈরোয়: হোয় সর।

প্রধান মন্ত্রী: ঙসি অসি কনা-কনাগী মপোক নুমিৎনো?

মহৈরোয়: গান্ধীজীগী অমসুং লাল বহাদুর শাস্ত্রীজীগী।

প্রধান মন্ত্রী: নখোয়গী মরক্তগী কনাগুম্বনা য়োগ তৌবা য়াওব্রা... ওহ ৱা য়াম্না য়াম্মি। আসনশিংনা করি কান্নবা পীবগে?

মহৈরোয়: সর ঐখোয়গী হকচাংদা ফ্লেক্সিবিলিতী লৈহল্লি।

প্রধান মন্ত্রী: ফ্লেক্সিবিলিতী অমদি?

মহৈরোয়: সর, মসিনা লাইনা-লাইচৎশিংসু হন্থহল্লি সর, ব্লদ সর্ক্যুলেসন অসি য়াম্না ফৈ।

প্রধান মন্ত্রী: অদোম্না য়ুমদা করম্বা চিঞ্জাক অসি চাবা পাম্বিবগে? ইমা অদুনা নহাকপু মনা-মশিং অমসুং শঙ্গোম থক্নবা হায়রবদা, য়াদ্রিবা মীওইশিং অদু কনানো?

মহৈরোয়: মনা-মশিং পুম্নমক চাই।

প্রধান মন্ত্রী: নখোয় লোইনা মনা-মশিং চাব্রা, কারোৎ অখাবীসু চাব্রা।

মহৈরোয়: কারোৎ অখাবী খক্তা য়াওদনা।

প্রধান মন্ত্রী: ফরে কারোৎ অখাবী খক্তা চাদবা।

প্রধান মন্ত্রী: নখোয় সুকন্যা সমৃদ্ধি য়োজনা অসি করিনো খঙব্রা?

মহৈরোয়: হোয় সর।

প্রধান মন্ত্রী: করিনো?

মহৈরোয়: সর, মসি অদোম্না হৌদোকখিবা স্কিম অমনি অমসুং মসিনা নুপীমচা কয়াদা কান্নবা ফংহল্লি। অদুনা ঐখোয়না অঙাং পোকপা মতমদা অমসুং ঐখোয়না চহি 10গী ওইনা মসি হাংদোকপা ঙম্লবদি, সর, ঐখোয়না চহি 18গী শুরকপা মতমদা, মসিনা ঐখোয়গী মহৈ তম্বদা য়াম্না মতেং পাংই। শেল-থুমগী প্রোব্লেম অমত্তা লৈত্রবদি, ঐখোয়না মসিদগী শেল লৌথোকপা য়াই।

প্রধান মন্ত্রী: নুপীমচা অমা পোকপা মতমদা সুকন্যা সমৃদ্ধি একাউন্ত হাংবা য়াগনি। নুপীমচা অদুগী মমা-মপাশিংনা চহি খুদিংগী বেঙ্কতা লুপা 1000 দিপোজিৎ তৌবা য়াই। চহি খুদিংগী লুপা 1000 হায়বদি থা অমদা লুপা 80-90 ওইগনি। করিগুম্বা চহি 18গী মতুংদা মহাক্না অফবা মহৈ-মশিং তম্বগীদমক শেল মথৌ তারবদি, শেল অদুগী তংখাইদি লৌথোকপা য়াই। অদুগা করিগুম্বা মহাক্না চহি 21গী মতুংদা লুহোংগবা অমসুং মদুগীদমক্তা শেল লৌথোক্কদবনি হায়না খল্লবদি, করিগুম্বা নহাক্না লুপা 1000 থম্লবদি, নহাক্না মদু লৌথোকপা মতমদা, নহাক্না লুপা 50,000, নহাক্না লুপা 30-35,000গী শেন্দোই ফংই। অমসুং মহৌশাগী ওইবা শেন্দোইগী চাং অদুদি, বেঙ্কনা নুপীমচাশিংদা চাদা 8.2গী শেন্দোই হেন্না পীরি।

মহৈরোয়: ঐখোয়না স্কুল অসি শেংদোক্কদবনি হায়না মেপ অমা থমখ্রে অমসুং মসিদা অঙাংশিংনা শেংদোকপগী থবক উৎলি। অঙাংশীংনা শেংদোকপা উৎলি।

প্রধান মন্ত্রী: নুমিৎ অমা ঐহাক গুজরাত্তা লৈরিঙৈদা। স্কুল অমদা ওজা অমা লৈরম্মি, মহাক্না অচৌবা থবক অমা তৌখি। সমুদ্রগী মনাক্তা লৈবা লমদম অমা লৈরম্মি, ঈশিং অদু থুমহী চেল্লি, লমদম অদুসু উশিং অমসুং পাম্বীশিং হৌরমদে। অশঙ-অমানগী ওইবা মওং অমত্তা লৈরমদে। মহাক্না অঙাংশিংদা করি হায়রম্বগে, মহাক্না মীপুম খুদিংমক্তা অহাংবা বিসলেরি বোতল অমা পীখি, হায়রিবা অসি ওইল কেন বেতলশিংনি, মহাক্না মখোয়শিং অদু চামথোকখি অমসুং শেংদোকখি অমসুং অঙাং খুদিংমক্তা পীখি, অমসুং মখোয়দা হায়খি মদুদি মখোয়গী মমা অদুনা চাক চারবা মতুংদা কোন ফেংবা মতমদা, মহাক্না ঈশিং অদু খোমজিল্লু, বোতল অসিবু থলহল্লু অমসুং ঈশিং অদু নুমিৎ খুদিংগী স্কুলদা পুরকউ। অমসুং মহাক্না মীপুম খুদিংমক্তা হায়রিবা উ অসি মখোয়গীনি হায়খি। মখোয়না মখোয়গী য়ুমদগী বোতল অমদা পুরকপা ঈশিং অদু মখোয়না উ অদুদা চাইগনি। হৌজিক ঐহাক চহি 5-6গী মতুংদা স্কুল অদুদা চৎলবা মতমদা... স্কুল পুম্নমক অসি মদুদগী হেন্না চাউই।

মহৈরোয়: মসি দ্রাই ৱেস্তনি। করিগুম্বা ঐখোয়না মসিদা দ্রাই অমসুং ৱেত গর্বেজ অমগা হাপচিল্লবদি, করিগুম্বা ঐখোয়না মসি তৌরবদি কম্পোস্ত শেম্মী।

প্রধান মন্ত্রী: অদোম্না মসি য়ুমদা করম্না তৌবগে?

প্রধান মন্ত্রী: মমা অমনা মনা মশিং লৈবা চৎলি অমসুং খুৎ হাংনা চৎলি, অদুগা মহাক্না প্লাস্তিক্কী বেগ অমদা পুরকপা মতমদা, অদোম পুম্নমক্না মমা অদুগা ৱারী শানদুনা হায়বিয়ু, মমা, য়ুমদগী বেগ অমা পুবিয়ু, করিগীদমক্তা নহাক্না প্লাস্তিক অসি পুরক্লিবনো, করিগীদমক্তা নহাক্না য়ুমদা অমোৎপা পুরক্লিবনো, মখোয়দা ঐখোয়না হায়বিয়ু... মখোয়দা হায়দব্রা।

মহৈরোয়: সর ফীগী খাও।

প্রধান মন্ত্রী: হায়ব্রা?

মহৈরোয়: হোয় সর।

প্রধান মন্ত্রী : ফৈ।

প্রধান মন্ত্রী: মসি করিনো? গান্ধীজীগী গ্লাসশিং অমসুং গান্ধীজীনা উবরা? নহাক্না শেংদোক-শেংজিন তৌরি নত্ত্রগা তৌদ্রি। গান্ধীজীনা মহাক্কী পুন্সি চুপ্পদা স্বচ্ছতাগীদমক হোৎনখিবা অদু অদোম্না নীংশিংগনি। গান্ধীজীনা কনানা শেংদোকপা অমসুং কনানা শেংদববু মতম পুম্নমক্তা য়েংশিল্লি। মরমদি গান্ধীজীনা মহাক্কী পুন্সি চুপ্পা ক্লিননেসকীদমক থবক তৌখি। মহাক্না হায়রম্মি মদুদি করিগুম্বা ঐহাক্না নীংতম্বা অমসুং ক্লিননেসকী মরক্তা করিগুম্বা অমা খনগদবা ওইরবদি, ঐহাক্না ক্লিননেস খনগনি। হায়বদি, মহাক্না নীংতম্বাদগীদি মশা-মউ ফবা ওইবদা হেন্না মরুওইবা পীরম্মি। হৌজিক ঐঙোন্দা হায়জগে, ঐখোয়গী ক্লিনলিনেস কেম্পেন অসি মাংলোমদা চংশিনগদ্রা নৎত্রগা চংশিল্লোইদ্রা?

মহৈরোয়: সর মাংদা চংশিনগদবনি।

প্রধান মন্ত্রী: ফরে, নহাক্না শেংদোকপা হায়বসি প্রোগ্রাম অমা ওইগদবনি নৎত্রগা মসি হৈনবী ওইগদবনি হায়না খল্লি।

মহৈরোয়: হৈনবী ওইগদবনি।

প্রধান মন্ত্রী: য়াম্না ফৈ। মীয়াম্না মসিগী স্বচ্ছতা দ্রাইব অসি মোদীজীগী প্রোগ্রামনি হায়না খল্লি। অদুবু তশেংবদি শেংদোকপা হায়বসি নোংমগী থবক নত্তে, শেংদোকপা হায়বসি মীওই অমগী থবক নত্তে, শেংদোকপা হায়বসি ইমুং অমগী থবক নত্তে। মসি পুন্সি চুপ্পগী ওইনা, নুমিৎ 365 অমসুং নুমিৎ খুদিংগী নহাক হিংলিবা চহি কয়াগী ওইনা পাংথোক্কদবা থবক অমনি। অমসুং মদুগীদমক্তা করি মথৌ তাবগে? ৱাখলদা মন্ত্র অমা মথৌ তাই। করিগুম্বা লৈবাক অসিগী নাগরিক খুদিংমক্না ঐহাক্না অশোই-অঙাম থোকহন্দনবা ৱারেপ লৌরবদি করি ওইগনি?

মহৈরোয়: অদুদি লুনানবা ঙম্লগনি।

প্রধান মন্ত্রী: ঐঙোন্দা হায়বিয়ু। অদুনা হৌজিক ঐহাক্না করম্বা হৈনবী লৈহনগনি? ঐহাক্না অমোৎ-অকাই হুন্দোক্লোই, মসি অহানবা হৈনবী ওইগদবনি। শুকশোই শোইদনা তৌগদবনি।

মহৈরোয়: হোয় সর।

*****