৭শবা রাস্ত্রিয়া পোশন মাহ ২০২৪গী লোইশিনবগী থৌরম ঙসি ঝার্খন্দগী রাঞ্চিদা শ্রী সন্তোশ কুয়াম্র গঙ্গাৱর, গবর্নর, ঝার্খন্দ; শ্রীমতি অন্নপুর্ন দেবী, কেন্দ্রগী নুপী অমসুং অঙাং য়াইফ থৌরাং মন্ত্রী; অমসুং নুপী অমসুং অঙাং য়াইফ থৌরাং মন্ত্রালয়, ভারত সরকারগী মকোক থোংবা ওফিসরশিং অমসুং ঝার্খন্দগী রাজ্য সরকার য়াওনা পঙথোকখি।

লৈবাক অসিদা থা অমা চুপ্না পাঙথোকপা পালন অসিগী মনুংদা পোশন মাহগী মীয়াম ভাপ তাহন্নবা থৌরাংশিংগী মতাংদা ফিল্ম অমসু মীয়ামদা উৎখি। মসিগী মতুংদা অঙাংশিংগী অন্নপ্রশন থৌরম অমসুং মীরোনবী নুপীশিংগী গোদ ভারাই থৌরমসু পাঙথোকখি।

মসিগী মতুংদা অঙাংশিং, ইনখৎলক্লিবা নুপীমচাশিং অমসুং মীরোনবী অমসুং চাজেনবীশিংদা মচি ওইবা চীঞ্জাকশিং ফংহনবা হেনগৎনবগী মতাংদা ঝার্খন্দনা লৌখৎপা থবশিং উৎলিবা শোর্ত ফিল্ম "আও তোদেনঃ কুপোশ চক্র" উৎখি। থৌরম অসিগী মরুওইবা শরুক্তি লৈবাক অসিগী রাজ্য ২০দা ঙসি ভর্চুএল ওইনা সকশম অঙ্গনৱাদি লিশিং ১১ লিংখৎখিবা অসিনি। মচি ওইবা চীঞ্জাক অমসুং পীক্লিবা অঙাংশিংগী চেকশিন থৌরাং অমসুং মহৈ মশিং হায়বসিদা সকশম অঙ্গনৱাদিশিংনা মতৌ করম্না ফগৎহনবগে হায়বগী মতাংদা উৎপা শোর্ত ফিল্ম অমসু উৎখি।

মসিগী মতুংদা, শ্রী সন্তোশ কুমার গঙ্গাৱর, গবর্নর, ঝার্খন্দ, শ্রীমতি অন্নপুর্ন দেবী, কেন্দ্রগী মন্ত্রী নুপী অমসুং অঙাং য়াইফ থৌরাং, ভারত সরকার অমসুং বিহারগী জমুই জিল্লা অমসুং ছতিশগরগী রাজনন্দগাও জিলাগী সকশম অঙ্গনৱাদি সেন্তরগী ৱার্করশিংগা ওনলাইনদা ৱারী ৱাতাই শানখি।

শ্রীমতি অন্নপুর্ন দেবী, কেন্দ্রগী মন্ত্রী, নুপী অমসুং অঙাং য়াইফ থৌরাংনা মহাক্কী অখন্নবা ৱারোলদা হায়খি, "পোশন মাহগী মনুংদা তেকহোল্দর খুদিংমক্না থৱাই হকচাং য়াওনা শরুক য়াবা উবদা অদুক্কী মতীক নুংঙাইবা পোকই। পোশন মাহগী মনুংদা তোঙান-তোঙানবা মচি ওইবা চীঞ্জাক্কা মরী লৈনবা থিমশিংদা AWC লাখ ১৩.৯৫ তা সেন্সিতাইজেসনগী থবক থৌরম অপুনবা ওইনা করোর ১২.৮৬ পায়খৎখি। লৈবাক শীনবা থুংববু ভাপ তাহন্নবা হোৎনবদা অচৌবা থৌদাং লৌরিবা অসিগুম্বা তোঙান-তোঙানবা মচি ওইবা চীঞ্জাক্কী জন অন্দোলন অসিগী মথক্তা, এক পেদ মা কে নামগী খুত্থাংদা তুং কোইনা চৎপা য়াবা অকোইবগী ফিভমগী মতাংদা অখন্নবা কেম্পেন অমসু পাঙথোকখি। পোশন মাহগী মনুংদা এক পেদ কে নামগা মরী লৈনবা থবক থৌরম লাখ ৮৬ অপুনবা ওইনা পাঙথোকখি। মহাক্না মসিমসু হায়খি "রাজ্য খরদি মাহগী মনুংদা কান্নবা ফংগদবশিং অমসুং মীয়ামদা ভাপ তাহন্না থবকশিং পায়খৎনখি। অসমদা, হেমোগ্লোবিনগী চাং ৱাংনা য়াওবা ইনখৎলক্লিবী নুপীমচাশিংবু 'হেমোগ্লোবিন ক্বিন্স' হায়না শকখঙবীখি। হায়রিবসিনা ইনখৎলক্লিবী নুপীমচাশিংদা ভাপ তাহনবদা নত্তনা, খুনাইবুসু ভাপ তাহনবীরি।" মহাক্কী ৱারোল লোইশিনলদুনা হায়খি, "ঐহাক্না সকশম অঙ্গনৱাদিগী খুত্থাংদা হেন্না ফরবা চাউখৎ থৌরাং কয়ানা ভারতপু সুপোশিত রাস্ত্র অমা ওইহন্নবা মীয়ামদা পোশন ২.০ গী থৌরাংশিংদা শরুক য়ানবা পুক্নিং চিংশিনবা উবা ফংই।"

শ্রী সন্তোশ গঙ্গাৱর গবর্নর, ঝার্খন্দনা মহাক্কী মরুওইবা ৱারোল পীবদা মীয়াম্বু দিপার্ত্মেন্ত খুদিংমক অমসুং স্তেকহোল্দর খুদিংমক পুনশিন্নদুনা মচি ওইবা চীঞ্জাক নীংথিনা ফংবা ভারৎ অমা ওইহন্নবগী পুক্নিং চিংশিনখি। মখা তানা, অঙ্গনৱাদি ৱার্করশিংগী থৌদাংগী মতাংদা পল্লদুনা মহাক্না ফোংদোকখি, "অসিগুম্বা ফ্রন্তলাইন ৱার্করশিং অসিগী মতেংগা লোইননা, সকশম অঙ্গনৱাদি অমসুং পোশন ভি পরাই ভিগী ৱাখল্লোনগা লোইননা, ঐখোয়না মপাঙ্গল কনবা অমসুং ইরোমদোম লেপচবা ঙম্বা লৈবাক অমগী মায়কৈদা চঙশিল্লি।" মহাক্না মখা তানা ফোঙদোকখি মদুদি ঐখোয়না অশংবা মনা মশীং, হোল গ্রেন অমসুং মিলেতশিং ঐখোয়গী নোংমগী চাক্লেন্দা য়াওহনগদবনি।

তোঙান-তোঙানবা স্তোলশিংগা লোইননা পোশন ভি পরাই ভি, ECCE, পলনা গ্রি, তেক হোম রাসন/ফুদ অমসুং ন্যুত্রিসন, হেল্থ কেম্প অমসুং এনেমিয়া তেস্তিং, চাইল্দ প্রোতেক্সন, শেল্ফ হেল্প গ্রুপ, সোসিএল সেক্যুরিতী স্কিম, CMAM প্রোতোকোলসু মফম অদুদা পাঙথোকখি। পোশন ধরা মেগাজিনগী অহুমশুবা ইদিসনসু থৌরম অদুগী মনুংদা ফোংখি।

থা অমা চুপ্না চত্থবা পোশন মাহগী মনুংদা সেন্সিতাইজেসন এক্তিবিতী করোর ১২.৮৬ হেনবা রাজ্য ৩৬ তা পাঙথোকখি। তোঙান-তোঙানবা থিমশিংগী মতাংদাদ অখন্নবা থবক থৌরম করোর ২.৪ পাঙথোকখি।

পোশন মাহ ২০২৪ না তোঙান-তোঙানবা স্তেকহোল্দরশিংগা লোইননা মশা মউ ফবা ভারত অমা ওইহন্নবা হোৎনরি। মসিনা শরুক য়ারিবা রাজ্যশিংতা নত্তনা জন অন্দোলনশিংগা লোইননা সকশম অঙ্গনৱাদি সেন্তরশিংগী খুত্থাংদা মপাঙ্গল কনখৎহন্নবা হোৎনরি। 

***************