ইনফোর্মেসন অমসুং ব্রোদকাস্তিং মন্ত্রালয়
‘ক্রিএত ইন ইন্দিয়া’ চেলেঞ্জগী খুত্থাঙদা অদোমগী ক্রিএতিবিতী পুথোকপিয়ু
ভারতকী প্রধান মন্ত্রীনা তেলেন্ত অমসুং ক্রিএতিবিভী য়োকখৎনবা ২৫ ‘ক্রিএত ইন ইন্দিয়া’ চেলেঞ্জ ফোর WAVESতা শরুক য়ানবা পুক্নিং থৌগৎখ্রে: মন কী বাতকী ১১৪শুবা ইদিসন
ঈশৈ-নোংমাই, মহৈ মশিং, অমসুং এন্তি-পাইরেসীনচিংবা সেক্তরশিং কোনশিল্লিবা চেলেঞ্জশিংগী খুত্থাঙদা গেমিং, এনিমেসন, রীল অমসুং ফিল্ম মেকিংগী ক্রিএতরশিংগী অচৌবা মফম লৈ: শ্রী নরেন্দ্র মোদী
ভারতকী মীদিয়া অমসুং এন্তরতেনমেন্ত ইন্দস্ত্রীদা খোঙজেল হাপ্নবা অমসুং ক্রিএতর ইকনমীদা ইনোৎ হাপ্নবা ফেব্রুৱারী ৫-৯, ২০২৫সা ৱর্ল্দ ওদিও ভিজুএল এন্দ এন্তরতেনমেন্ত সম্মিত পাঙথোক্কদৌরি
Posted On:
29 SEP 2024 2:41PM by PIB Imphal
ভারতকী প্রধান মন্ত্রী, শ্রী নরেন্দ্র মোদীনা মহাক্কী ১১৪শুবা মন কী বাতকী ৱারোলদা থবক্কী থুনা হোংলক্লিবা মওং মতৌশিং অমসুং গেমিং, ফিল্মমেকিংনচিংবা ক্রিএতিব সেক্তরশিংদা হেনগৎলক্লিবা খুদোংচাবশিংগী মরমদা ৱাফম কয়া ফোঙদোকখি। প্রধান মন্ত্রীনা ভারতকী ক্রিএতিব তেলেন্তশিংগী য়াম্লবা মতিংবু শিংথাখি অমসুং ইনফোর্মেসন অমসুং ব্রোদকাস্তিং মন্ত্রালয়না ‘ক্রিএত ইন ইন্দিয়া’ হায়বা থীমগী মখাদা পাঙথোক্কদৌরিবা ২৫ চেলেঞ্জ অসিদা ক্রিএতরশিংনা শরুক য়ানবা ৱাফম থমখি।
নৌনা থোক্লক্লিবা ক্রিএতিব সেক্তরনা জোব মার্কেৎকী মশক মওং হোংদোক্লগনি
মহাক্কী ৱারোলদা প্রধান মন্ত্রীনা জোব মার্কেৎকী মশক মওং লেপ্লিবা নৌনা থোক্লক্লিবা সেক্তরশিংগী মরমদা পল্লদুনা, “অহোংবনা থল্লবা মতমসিদা, থবক্কী মওং মতৌসু হোংলক্লি, অমসুং গেমিং, এনিমেসন, রীল মেকিং, ফিল্ম মেকিং নৎত্রগা পোস্তর মেকিংনচিংবা অনৌবা সেক্তরশিং থোরক্লি। করিগুম্বা অদোম্না হায়রিবা স্কিলশিংসিগী মরক্তা অমা হেক্তদা নীংথিনা পর্ফোর্ম তৌবা ঙম্লবদি, অদোমগী হৈথোই শিংথোইবদু অচৌবা ফম্পাক অমা ফংবা য়াই,” হায়খি। বেন্দ, কম্ম্যুনিতী রেদিও এন্থুজিয়াস্ত, অমসুং ক্রিএতিব প্রোফেস্নেলশিংগী হেনগৎলক্লিবা মফমবুসু মহাক্না মখা তানা পনখি।
হায়রিবা মতিং অসিবু লোকশিন্নবা অমসুং মখোঙ শোম্বিনবা, ইনফোর্মেসন অমসুং ব্রোদকাস্তিং মন্ত্রালয়না ঈশৈ-নোংমাই, মহৈ মশিং, অমসুং এন্তি-পাইরেসী য়াওনা তোঙান তোঙানবা হীরমশিংদা তেলেন্ত অমসুং ক্রিএতিবিতী য়োকখৎনবা পান্দমদা ২৫ চেলেঞ্জ হৌদোকখিবনি। প্রধান মন্ত্রীনা ক্রিএতরশিংদা ৱেবসাইত wavesindia.org দা চঙদুনা হায়রিবা চেলেঞ্জশিং অসিদা শরুক য়ানবা পুক্নিং থৌগৎখি। “ঐনা অখন্ননা লৈবাকসিগী ক্রিএতরশিংগী মফমদা শোয়দনা শরুক য়ানবা অমসুং মখোয়গী ক্রিএতিবিতী মীয়াম মাঙদা পুথোরক্নবা ৱাফম থমজরি,” হায়না মহাক্না হায়খি।
ক্রিএত ইন ইন্দিয়া চেলেয়্জ – সীজন ৱন
ওগস্ত ২২, ২০২৪দা, ইনফোর্মেসন অমসুং ব্রোদকাস্তিং, রেলৱেজ, ইলেক্ত্রোনিক্স অমসুং ইনফোর্মেসন তেক্নোলোজীগী কেন্দ্র মন্ত্রী শ্রী অস্বিনি বৈষ্ণবনা নই দিল্লীদা ক্রিএত ইন ইন্দিয়া চেলেঞ্জ – সীজন ৱন মায়খুম হাংদোকখি। চেলেঞ্জশিং অসিনা ৭৮শুবা নিংতম নুমিৎকী ৱারোলদা ফোঙদোকখিবা “দিজাইন ইন ইন্দিয়া, দিজাইন ফোর দি ৱর্ল্দ” হায়রিবা প্রধান মন্ত্রী নরেন্দ্র মোদীগী মঙলান পরিংগা চুননা, লাক্কদৌরিবা ৱর্ল্দ ওদিও ভিজুএল এন্দ এন্তরতেনমেন্ত সম্মিত (WAVES)কী মাঙওইননা পাঙথোকপা থৌরম ওইগনি।
*****
(Release ID: 2060090)
Visitor Counter : 44
Read this release in:
Tamil
,
Hindi
,
Bengali
,
Punjabi
,
Odia
,
Telugu
,
Kannada
,
English
,
Urdu
,
Marathi
,
Gujarati
,
Malayalam