ప్రధానమంత్రి శ్రీ నరేంద్రమోదీ, న్యూఢిల్లీలోని తమ నివాసంలో ఈ రోజు, చెస్ ఒలింపియాడ్ విజేతలతో  సంభాషించారు. ఈ పోటీలలో భారతదేశం తొలిసారిగా స్వర్ణపతకాలు సాధించిన విషయాన్ని షెఫ్ డి మిషన్, దివ్యేందు బారువా ప్రధానమంత్రి దృష్టికి తెచ్చారు. తొలిసారిగా బాలుర జట్టు 22 పాయింట్లకు 21 పాయింట్లు, బాలికల జట్టు 22 పాయింట్లకు 19 పాయింట్లు సాధించాయని, రెండు జట్లూ కలసి మొత్తం 44 పాయింట్లలో 40 పాయింట్లు సాధించాయని ఆయన ప్రధానమంత్రికి తెలిపారు.

ఆట సమయంలో అక్కడి పరిస్థితి గురించి ప్రధానమంత్రి క్రీడాకారులను అడిగి తెలుసుకున్నారు. భారత జట్లు విజయం సాధించడం పట్ల చెస్ క్రీడాకారిణి హారికా ద్రోణవల్లి సంతోషం వ్యక్తం చేశారు. తమ ప్రత్యర్థులు కూడా విజయోత్సవంలో ఉత్సాహంగా పాల్గొన్నారని ఆమె ప్రధానమంత్రికి తెలిపారు. భారత దేశంలో చెస్ ఆటకు నానాటికీ పెరుగుతున్న ఆదరణను విదిత్ గుజరాతి ప్రస్తావించారు. తమ జట్టుకు అద్భుతమైన మద్దతు లభించడం ఆనందంగా ఉందన్నారు. 180 దేశాలు ఈ పోటీలో పాల్గొన్నట్టు తానియా సచ్ దేవ్  ప్రధానమంత్రికి తెలిపారు. గత చెస్ ఒలింపియాడ్ పోటీలు చెన్నైలో జరిగిన విషయాన్ని ఆమె ఈ సందర్భంగా గుర్తు చేసుకున్నారు. ఆ పోటీలలో మన దేశానికి చెందిన రెండు జట్లూ కాంస్య పతకంతో సరిపెట్టుకోవలసి వచ్చిందని తెలిపారు. అమెరికా జట్టుపై బాలికల జట్టు  ఓడిపోవడంతో అప్పట్లో స్వర్ణపతకం చేజారిపోయిందని, అయితే ఈసారి పోటీలలో అమెరికాతో ఆడడం మంచి ప్రేరణనిచ్చిందని అన్నారు. మ్యాచ్ పోటా పోటీగా సాగి డ్రా అయినప్పటికీ స్వర్ణపతకం సాధించడం పట్ల ఆమె సంతోషం వ్యక్తం చేశారు.

ఈ పోటీలలో విజయం సాధించి తీరాలన్న క్రీడాకారుల పట్టుదల గర్వకారణమంటూ ప్రధానమంత్రి వారిని  ప్రశంసలతో ముంచెత్తారు. బాలుర జట్టు 21 పాయింట్లు, బాలికల జట్టు 19 పాయింట్లు సాధించడం పట్ల చెస్ పోటీ నిర్వాహకుల స్పందన గురించి ప్రదానమంత్రి వారిని అడిగి తెలుసుకున్నారు. తమ జట్టు సంతృప్తికరమైన విజయాన్ని సాధించిందని, ప్రత్యేకించి, ప్రారంభ టీమ్ విషయంలో ప్రత్యర్ధులు తమకు కనీసం దగ్గరగా కూడా రాలేకపోయారని తానియా తెలిపారు. తొలి ఏడు మ్యాచ్  ల  విజయం గురించి వివరిస్తూ ఆమె, మధ్యలో చిన్న ఎదురుదెబ్బ  తగిలినా రెట్టింపు ఉత్సాహంతో తిరిగి పుంజుకున్నామని తెలిపారు. ఈ పాటీలలో పాల్గొన్న ప్రతి ఒక్క క్రీడాకారుడు, క్రీడాకారిణి అద్భుతమైన ప్రతిభ కనబరచి, సమష్టి జట్టు స్ఫూర్తితో ఆడారని గుకేశ్ దొమ్మరాజు కొనియాడారు. 2022 ఒలింపియాడ్  లో స్వల్ప తేడాతో స్వర్ణం చేజారడం నుంచి క్రీడాకారులు గట్టి స్ఫూర్తి పొందారని  ఆయన అన్నారు. టోర్నమెంట్ ప్రారంభం నుంచీ జట్టు సభ్యులు ఎంతో ఉత్సాహంగా ఆడారని అన్నారు.

ఆటలో పొరపాట్లను సరిదిద్దడంలో, లేదా ప్రత్యర్థుల ఎత్తుగడలను అర్ధం చేసుకోవడంలో కృత్రిమ మేథ ఉపయోగం గురించి ప్రధానమంత్రి వారిని అడిగి తెలుసుకున్నారు. ఇందుకు సమాధానమిస్తూ రమేష్ ప్రజ్ఞానంద... కృత్రిమ మేథతో చెస్ ఆట గురించి చెబుతూ, నూతన సాంకేతికతలు, మెరుగైన కంప్యూటర్లు, చెస్ లో ఎన్నో కొత్త ఆలోచనలకు అవకాశం కల్పిస్తాయని అన్నారు. నానాటికీ అభివృద్ధి  చెందుతున్న నూతన సాంకతికత నుంచి నేర్చుకోవలసింది ఎంతో ఉందన్నారు. పోటీకి సన్నద్ధం కావడానికి కృత్రిమ మేథను ఉపయోగిస్తున్నారని, ఇది ప్రతి ఒక్కరికీ అందుబాటులో ఉందని చెప్పారు.

తుది దశ పోటీకి చేరడానికి జట్టు సభ్యులందరి అంకిత భావం, శ్రమ అద్భుతమని దివ్య దేశ్ ముఖ్  తెలిపారు. అనంతరం సంభాషణ క్రీడాకారుల కుటుంబ నేపథ్యంపైకి మళ్లింది. చాలామంది క్రీడాకారుల తల్లిదండ్రులు డాక్టర్లు కదా అంటూ ప్రధానమంత్రి గుర్తుచేశారు. తమ సోదరి కూడా డాక్టర్ అని విదిత్ గుజరాతి అన్నారు. దేశంలోని ప్రతి ఒక్క క్రీడాకారుడికి అందిస్తున్న అద్భుత మద్దతుకు తానియా సచ్ దేవ్  ప్రధానమంత్రి కి ప్రత్యేక కృతజ్ఞతలు తెలిపారు. క్రీడలతో తన అనుబంధం గురించి చెప్పాల్సిందిగా ఆమె ప్రధానిని కోరారు. క్రీడల విషయంలో తన అభిప్రాయం గురించి ప్రస్తావిస్తూ ప్రధానమంత్రి,  కేవలం సంపద, పరిశ్రమలు,జిడిపితో మాత్రమే దేశం, అభివృద్ధి చెందిన దేశంగా మారదని, ప్రతి ఒక్క రంగంలో అంటే  సినిమా లేదా శాస్త్ర సాంకేతికరంగం, క్రీడల వంటి వాటన్నింటిలో ప్రావీణ్యం అవసరమని ఆయన అన్నారు. గుజరాత్ ముఖ్యమంత్రిగా తాను పనిచేసిన రోజులను గుర్తుచేసుకుంటూ ప్రధానమంత్రి, క్రీడా మహా కుంభ్  ను నిర్వహిస్తూ వచ్చానని, ఇందులో లక్షలాది మంది పిల్లలు పాల్గొనేవారని  ఆయన అన్నారు. ఆ పిల్లలలోని ప్రతిభ వెలికి వస్తున్నందుకు  సంతోషంగా ఉందని ప్రధానమంత్రి తెలిపారు.

మన దేశ యువతకు అపారమైన సామర్ధ్యం ఉందన్న విశ్వాసాన్ని ప్రధానమంత్రి వ్యక్తం చేశారు. క్రీడాస్ఫూర్తిని కేవలం క్రీడలలోనే కాకుండా, సామాజిక జీవనంలోనూ దీనిని ఒక సంస్కృతిగా అలవరచుకుని, తద్వారా దేశ సామాజిక జీవనం బాగుండేట్టు చూడాలని నరేంద్ర మోదీ పిలుపునిచ్చారు.

ఎన్నో కీలక నిర్ణయాలు తీసుకుంటుండడం  అదే సమయంలో, ఒత్తిడిని జయించడం గురించి విదిత్ గుజరాతి, తానియా సచ్ దేవ్ అడిగిన ప్రశ్నకు బదులిస్తూ ప్రధానమంత్రి, శారీరకంగా దృఢంగా ఉండడంతోపాటు పనితీరును మెరుగు పరుచుకునేందుకు ఉపయోగపడే అలవాట్లు చేసుకోవాలని అన్నారు. ‘మంచి నిర్ణయాలు తీసుకోవడానికి,

ఆ అంశం పై అనుకూల, వ్యతిరేకతలకు సంబంధించి ఎంతో సమాచారం అవసరం. కానీ మనకు సంతోషం కలిగించేది మాత్రమే వినాలనకోవడం మానవ నైజం. ఇది తప్పడు నిర్ణయాలకు దారితీస్తుంది” అని ఆయన అన్నారు. అన్ని రకాల సమాచారాన్ని విశ్లేషించి, దానికి గల వివిధ దృష్టికోణాలను అవగాహన చేసుకుని, నిపుణులతో సంప్రదించి తొందరపాటు లేకుండా నిర్ణయాలు తీసుకోవాలని ఆయన సూచించారు.

“మీరు సవాళ్లను ఎదుర్కోవడం సులభం, కొన్ని అనుభవాలనిస్తాయి. నేను ఇంతకు ముందే చెప్పిన్టటు యోగా, ధ్యానం రెండింటికీ అపారమైన శక్తి ఉంది’’ అని ఆయన అన్నారు. ఒక వ్యక్తి ఎప్పుడూ దేనితోనూ సంతృప్తి చెందకూడదని, అది ఆత్మసంతృప్తికి దారితీస్తుందని అన్నారు. "ఏదైనా కొత్తది చేయాలన్న,  మరింత ఎక్కువగా చేయాలన్న తపన, మనలో ఎప్పుడూ ఉండాల" ని ఆయన అన్నారు.

ప్రధానమంత్రి శ్రీ నరేంద్ర మోదీ అందించిన మద్దతుకు, మనదేశం రెండు చారిత్రిక స్వర్ణపతకాలు సాధించినట్టు ప్రకటించినందుకు దివ్యేందు బారువా ఆయనకు కృతజ్ఞతలు తెలిపారు. తాము బస్సులో తిరిగివస్తూ ప్రధానమంత్రి ప్రసంగాన్ని చూసినట్టు ఆయన తెలిపారు. 1998లో జరిగిన తొలి చెస్ ఒలింపియాడ్ ను గుర్తు చేసుకుంటూ ఆయన, గ్యారీ కాస్పరోవ్, కార్పోవ్ ఆటోగ్రాఫ్స్ కోసం ఎదురుచూశారని, ఇప్పుడు గుకేశ్, బ్రహ్మానంద, అర్జున్,దివ్‌య, హారిక, ఇతరులు ఈ ఎడిషన్ ఆటోగ్రాఫ్స్ ఇస్తుండడం ఎంతో సంతోషంగా ఉందన్నారు. కొత్త తరం క్రీడాకారుల విశ్వాసం పెంపొందడానికి ప్రధానమంత్రి దార్శనికత కారణమని ఆయన అన్నారు.

ప్రతి క్రీడాకారుడికి తాను విలువ ఇస్తానని, వీరు ఇతర చెస్ క్రీడాకారులకు గొప్ప ప్రేరణగా నిలుస్తారని ఆయన విశ్వాసం వ్యక్తం చేశారు. తాను గుజరాత్ ముఖ్యమంత్రిగా ఉన్నప్పుడు భారీ చెస్ ఈవెంట్లను నిర్వహించానని, అందులో 20 వేల మంది చెస్ ఆటగాళ్లు పాల్గొన్నారని ఆయన తెలిపారు. ఒక్కోసారి ఇతరుల విజయం కూడా ప్రేరణగా నిలుస్తుందన్నారు. చెస్ క్రీడాకారిణి వంటికా అగర్వాల్ మాట్లాడుతూ... ప్రధానమంత్రి ఇచ్చిన ప్రోత్సాహం ఇండియాకు మరిన్ని పతకాలు సాధించడానికి దోహదపడిందన్నారు. ఆమె ప్రధానమంత్రికి ఒక ఫోటో బహుకరించారు. అందులో ప్రధానమంత్రి తనకు బహుమతి ప్రదానం చేస్తున్న దృశ్యం ఉంది. చివరగా, అందరికీ ఉజ్వల భవిష్యత్ ఉండాలని ఆకాంక్షిస్తూ ప్రధానమంత్రి క్రీడాకారులతో తన సంభాషణ కార్యక్రమాన్ని ముగించారు.

***