ভারত সরকারগী তুরিজম মন্ত্রালয়না সেপ্তেম্বর 27, মালেমগী তুরিজম নুমিৎতা 'পর্য়তন মিত্রা অমসুং পর্য়তন দিদি' হায়না মিংথোনবা নেস্নেল রেস্পোন্সিবল তুরিজম ইনিসিএতিব অমা হৌদোকখ্রে।

প্রধান মন্ত্রীগী মীৎয়েংদা য়ুম্ফম ওইদুনা তুরিজম অসি খুন্নাইগী ওইবা ইনক্লুজন, থবক পীবা অমসুং শেন্মিৎলোনগী খুমাং চাউশিল্লকপগী খুৎলাই অমা ওইহন্নবা তুরিজম মন্ত্রালয়না ভারত শিনবা থুংনা তুরিস্ত দিস্তিনেসন 6 হায়বদি ওর্চা (মধ্যা প্রদেশ), গান্ধিকোতা (অন্ধ্র প্রদেশ), বোধ গয়া (বিহার), আইজোল (মিজোরাম), জোধপুর (রাজস্থান) অমসুং শ্রী বিজয়া পুরম (অন্দমান অমসুং নিকোবর আইলেন্দ) দা পর্য়তন মিত্রা অমসুং পর্য়তন দিদি পাইলোৎ তৌখি।

মসিগী থৌরাং অসিগী খুত্থাংদা, তুরিজম মন্ত্রালয়না তুরিস্তশিংদা মখোয়গী দেস্তিনেসনশিংগীদমক্তা চাউথোকচনীংঙাই ওইবা এম্বেসেদরশিং অমসুং স্তোরীতেল্লর ওইরিবা মীওইশিংগা থেংনদুনা তুরিস্তশিংগীদমক দেস্তিনেসনশিংদা লৈরিবা অপুনবা এক্সপরিয়েন্স অসি হেনগৎহন্নবা পান্দম থম্লি। মসি তুরিজমগা মরী লৈনবা ত্রেনিং অমসুং মীৎয়েং অমদা তুরিস্তশিংগা ৱারী শানরিবা মীওই খুদিংমক্তা এৱেরনেস পীদুনা পাংথোক্লি।

"অথিথি দেবো ভাবা"না শাহৌ পীদুনা কেব দ্রাইভরশিং, ওতো দ্রাইভরশিং, রেলৱে স্তেসনশিং, এয়রপোর্তশিং, বস স্তেসনশিংদা লৈরিবা স্তাফ, হোতেল স্তেফশিং, রেস্তোরেন্ত ৱার্করশিং, হোমস্তাইশিংগী মপুশিং, তুর গাইদশিং, পুলিস পর্সনেলশিং, লম্বীদা পোৎ য়োনবা মীওইশিং, দুকানশিং, মহৈরোয়শিং অমসুং অতোপ্পা মীওই কয়াদা তুরিজমগী মরুওইবা, জেনরেল ক্লীনলিনেস, সেফতী, সস্তেনেবিলিতী, অমসুং তুরিস্তশিংদা খ্বাইদগী ৱাংবা থাক্কী হোস্পিতালিতী অমসুং কেয়র ফংহনবগী মরুওইবগী মতাংদা ত্রেনিং অমসুং এৱেরনেস পীখি।

হায়রিবা মীওইশিং অসি লমদম অদুগী লোকেল ওইবা ৱারীশিং অদুগা লোয়ননা মদুগী হেন্না খঙদবা তুরিজমগী অঙকপশিং অদুসু খঙহনখি। মসিনা মরম ওইদুনা তুরিস্ত অমনা লমদম অদুদা থেংনরিবা মীওই খুদিংমক মফম অদুগী এম্বেসেদরশিং অমসুং স্তোরীতেল্লরশিং ওইরকখি। মখোয়না মওং পুম্নমক্তা পোজিতিব ওইবা তুরিস্ত এক্সপরিয়েন্স অমা শেম্নবা হোৎনখি।

পর্য়তন মিত্রা অমসুং পর্য়তন দিদিগী খুত্থাংদা, নুপীশিং অমসুং নহারোলশিংবু ত্রেনিং পীবদা অখন্নবা মীৎয়েং থম্লি। মসিনা মখোয়বু হেরিতেজ ৱাক, ফুদ তুর, ক্রাফ তুর, নেচর ত্রেক, হোমস্তে এক্সপরিয়েন্স অমসুং দিস্তিনেসনগী পোতেন্সিএলদা য়ুম্ফম ওইবা অতোপ্পা ইন্নোভেতিব তুরিজম প্রদক্তশিংগুম্বা অনৌবা তুরিজম প্রদক্তশিং অমসুং এক্সপরিয়েন্সশিং শেমগৎপা ঙমহনগনি। লোকেলশিংনা হোমস্ত মপুশিং, ফুদ অমসুং কুজিন এক্সপরিয়েন্স প্রোভাইদরশিং, কলচরেল গাইদশিং, নেচরেল গাইদশিং, এদভেঞ্চর গাইদশিং অমসুং তুরিজমদা অতোপ্পা থৌদাংশিং লৌদুনা থবক ফংনবগীদমক্তা মসিগী স্কিলশিং অসি শীজিন্নবা য়াই হায়নসু পান্দম থম্লি।

তুরিজমগী অখন্নবা ত্রেনিংগী মতুংদা দিজিতেল লিতরেসী অমসুং দিজিতেল তুলশিংদা জেনরেল ত্রেনিং পীদুনা মখোয়না শেম্লিবা এক্সপরিয়েন্সশিং অসি তুরিস্তশিংনা নেস্নেল অমসুং গ্লোবেলগী থাক্তা থেংননবা অমসুং উবা ফংনবা হোৎনরি। চহি অসিগী ওগস্ত 15দা মসিগী প্রোগ্রাম অসি পাইলোৎ ওইনা পায়খৎপা হৌরকপদগী হৌরগা, মীওই 3,000 রোমনা পাইলোৎ দিস্তিনেসন 6দা তুরিস্তশিংগীদমক পোজিতিব এক্সপরিয়েন্স অমা শেমগৎপগী মরুওইবা অদুদা ত্রেনিং পীখ্রে।

কান্নবা

পর্য়তন মিত্রা অমসুং পর্য়তন দিদিগী হোৎনবশিংগী খোঙথাংশিংনা মরম ওইদুনা লোকেলশিংনা তুরিজম ত্রেনিং প্রোগ্রামশিংগী শরুক অমা ওইনবা অমসুং তুরিজম ইকোসিস্তেমগী শরুক অমা ওইনবা পুক্নিং থৌগৎপা উবা ফংলে।

মখা তানা, মন্ত্রালয়না পর্য়তন মিত্রাশিং অমসুং দিদিশিংবু দিস্তিনেসনশিংদা দেদিকেতেদ বেজ অমসুং আইদেন্তিতী অমগা লোয়ননা শকখঙগনি। মসিনা পর্য়তন মিত্রাগা চৎমিন্নবদা থোইদোক হেন্দোকপা এক্সপরিয়েন্স অমা ফংহন্নবা তুরিস্তশিংদা খুদোংচাবা পীগনি।

2024গী মালেমগী তুরিজম নুমিৎতা, তুরিজম মন্ত্রালয়না লৈবাক অসিগী মখাদা পীরিবা তুরিস্ত দিস্তিনেসন 60দা পর্য়তন মিত্রা অমসুং পর্য়তন দিদি হৌদোকখ্রে:

পর্য়তন মি্ত্রা অমসুং পর্য়তন দিদিগী ভিজন অসি ইনক্রেদিবল ইন্দিয়নশিংগী খুত্থাংদা ইনক্রেদিবল ইন্দিয়াগী এক্সপরিয়েন্স ফংনবগীদমক মীপুম খুদিংমকপু তরাম্না ওকপনি। মসিনা ভারত্তা লাকপা তুরিস্তশিংগীদমক্তা হেন্না তরাম্না ওকপা, হোস্পিতেবল ওইবা অমসুং নীংশিংনীংঙাই ওইবা এক্সপরিয়েন্স অমা শেমগনি।

****