ବିଶ୍ୱ ପର୍ଯ୍ୟଟନ ଦିବସ ସେପ୍ଟେମ୍ବର ୨୭ ତାରିଖରେ ଭାରତ ସରକାରଙ୍କ ପର୍ଯ୍ୟଟନ ମନ୍ତ୍ରଣାଳୟ 'ପର୍ଯ୍ୟଟନ ମିତ୍ର ଏବଂ ପର୍ଯ୍ୟଟନ ଦିଦି' ନାମରେ ଏକ ଜାତୀୟ ଦାୟିତ୍ୱସମ୍ପନ୍ନ ପର୍ଯ୍ୟଟନ କାର୍ଯ୍ୟକ୍ରମ ଆରମ୍ଭ କରିଛି ।

ସାମାଜିକ ଅନ୍ତର୍ଭୁକ୍ତିକରଣ, ନିଯୁକ୍ତି ଏବଂ ଅର୍ଥନୈତିକ ପ୍ରଗତିର ବାହକ ଭାବରେ ପର୍ଯ୍ୟଟନକୁ ସକ୍ଷମ କରିବା ପାଇଁ ପ୍ରଧାନମନ୍ତ୍ରୀଙ୍କ ଦୃଷ୍ଟିକୋଣ ଆଧାରରେ - ପର୍ଯ୍ୟଟନ ମନ୍ତ୍ରଣାଳୟ ଭାରତର ୬ଟି ପର୍ଯ୍ୟଟନ ସ୍ଥଳୀ ଯଥା- ଓରଛା (ମଧ୍ୟପ୍ରଦେଶ), ଗଣ୍ଡିକୋଟା (ଆନ୍ଧ୍ରପ୍ରଦେଶ), ବୋଧଗୟା (ବିହାର), ଆଇଜଲ (ମିଜୋରାମ), ଯୋଧପୁର (ରାଜସ୍ଥାନ) ଏବଂ ଶ୍ରୀ ବିଜୟପୁରମ୍ (ଆଣ୍ଡାମାନ ଓ ନିକୋବର ଦ୍ୱୀପପୁଞ୍ଜ)ରେ ପର୍ଯ୍ୟଟନ ମିତ୍ର ଏବଂ ପର୍ଯ୍ୟଟନ ଦିଦିର ସଂଚାଳନ କରିଥିଲେ ।

ଏହି ପଦକ୍ଷେପ ମାଧ୍ୟମରେ , ପର୍ଯ୍ୟଟନ ମନ୍ତ୍ରଣାଳୟ ଗନ୍ତବ୍ୟସ୍ଥଳ ଗୁଡ଼ିକରେ ପର୍ଯ୍ୟଟକମାନଙ୍କ ପାଇଁ ସାମଗ୍ରିକ ଅନୁଭୂତିକୁ ଉନ୍ନତ କରିବାକୁ ଲକ୍ଷ୍ୟ ରଖିଛି, ଯେଉଁମାନେ ସେମାନଙ୍କ ଗନ୍ତବ୍ୟସ୍ଥଳ ପାଇଁ ଗର୍ବିତ ରାଷ୍ଟ୍ରଦୂତ ଏବଂ କାହାଣୀକାର ଥିବା 'ପର୍ଯ୍ୟଟନ ଅନୁକୂଳ' ଲୋକଙ୍କୁ ଭେଟି ପାରିବେ । ଗନ୍ତବ୍ୟସ୍ଥଳରେ ପର୍ଯ୍ୟଟକଙ୍କ ସହ ଯୋଗାଯୋଗ କରୁଥିବା ଓ ଜଡିତ ହେଉଥିବା ସମସ୍ତ ବ୍ୟକ୍ତିଙ୍କୁ ପର୍ଯ୍ୟଟନ ସମ୍ବନ୍ଧୀୟ ପ୍ରଶିକ୍ଷଣ ଓ ସଚେତନତା ପ୍ରଦାନ କରି ଏହା କରାଯାଉଛି ।

'ଅତିଥି ଦେବୋ ଭବ' ଦ୍ୱାରା ପରିଚାଳିତ ହୋଇ କ୍ୟାବ ଡ୍ରାଇଭର, ଅଟୋ ଡ୍ରାଇଭର, ରେଳ ଷ୍ଟେସନ କର୍ମଚାରୀ, ବିମାନ ବନ୍ଦର, ବସ୍ ଷ୍ଟେସନ, ହୋଟେଲ କର୍ମଚାରୀ, ରେଷ୍ଟୁରାଣ୍ଟ କର୍ମଚାରୀ, ହୋମଷ୍ଟେ ମାଲିକ, ଟୁର୍ ଗାଇଡ୍‌, ପୁଲିସ କର୍ମଚାରୀ, ଷ୍ଟ୍ରିଟ୍ ଭେଣ୍ଡର, ଦୋକାନୀ, ଛାତ୍ରଛାତ୍ରୀ ଏବଂ ଆହୁରି ଅନେକଙ୍କୁ ପର୍ଯ୍ୟଟନର ଗୁରୁତ୍ୱ, ସାଧାରଣ ସ୍ୱଚ୍ଛତା, ନିରାପତ୍ତା, ସ୍ଥାୟୀତା ଏବଂ ପର୍ଯ୍ୟଟକମାନଙ୍କୁ ଆତିଥେୟତା ଏବଂ ଯତ୍ନର ସର୍ବୋଚ୍ଚ ମାନଦଣ୍ଡ ପ୍ରଦାନ ଉପରେ ପ୍ରଶିକ୍ଷଣ ଓ ସଚେତନତା ପ୍ରଦାନ କରାଯାଇଥିଲା ।

ଏହି ବ୍ୟକ୍ତିମାନଙ୍କୁ ଗନ୍ତବ୍ୟସ୍ଥଳର ସ୍ଥାନୀୟ କାହାଣୀ ସହିତ ଏହାର ସ୍ୱଳ୍ପ ଜ୍ଞାତ ଭ୍ରମଣଗତ ଚମତ୍କାରିତା ବିଷୟରେ ମଧ୍ୟ ସଚେତନ କରାଯାଇଥିଲା, ଯାହାଦ୍ୱାରା ଜଣେ ପର୍ଯ୍ୟଟକ ଏହି ଗନ୍ତବ୍ୟ ସ୍ଥଳଗୁଡ଼ିକରେ ପ୍ରତ୍ୟେକ ବ୍ୟକ୍ତି, ଯିଏକି ଜଣେ ସ୍ଥାନୀୟ ରାଷ୍ଟ୍ରଦୂତ ଏବଂ କଥାକାର ହୋଇଥାନ୍ତି, ସେମାନଙ୍କ ସହିତ କଥାବାର୍ତ୍ତା କରି ପାରିଥାନ୍ତି, ଯେଉଁମାନେ କି ପ୍ରତ୍ୟେକ ଦୃଷ୍ଟିରୁ ଏକ ସକାରାତ୍ମକ ପର୍ଯ୍ୟଟନ ଅନୁଭୂତି ସୃଷ୍ଟି କରିବାକୁ ଚେଷ୍ଟା କରିଥାନ୍ତି ।

ପର୍ଯ୍ୟଟନ ମିତ୍ର ଓ ପର୍ଯ୍ୟଟନ ଦିଦିଙ୍କ ଜରିଆରେ ମହିଳା ଓ ଯୁବକମାନଙ୍କୁ ଐତିହ୍ୟ ପଦଯାତ୍ରା, ଫୁଡ୍ ଟୁର,  କ୍ରାଫ୍ଟ ଟୁର,  ନେଚର୍ ଟ୍ରେକ୍‌, ହୋମଷ୍ଟେ ଅନୁଭୂତି ଏବଂ ଅନ୍ୟାନ୍ୟ ଅଭିନବ ପର୍ଯ୍ୟଟନ ଉତ୍ପାଦ ଭଳି ନୂତନ ପର୍ଯ୍ୟଟନ ଉତ୍ପାଦ ଓ ଅନୁଭୂତି ବିକଶିତ କରିବା ନିମନ୍ତେ ସକ୍ଷମ କରିବା ପାଇଁ ପ୍ରଶିକ୍ଷଣ ଉପରେ ବିଶେଷ ଗୁରୁତ୍ୱ ଦିଆଯାଉଛି । ଏହା ମଧ୍ୟ କଳ୍ପନା କରାଯାଏ ଯେ ହୋମଷ୍ଟେ ମାଲିକ, ଖାଦ୍ୟ ଏବଂ ଖାଦ୍ୟ ଅଭିଜ୍ଞତା ପ୍ରଦାନକାରୀ, ସାଂସ୍କୃତିକ ମାର୍ଗଦର୍ଶକ, ପ୍ରାକୃତିକ ମାର୍ଗଦର୍ଶକ, ଦୁଃସାହସିକ ମାର୍ଗଦର୍ଶକ ଏବଂ ପର୍ଯ୍ୟଟନରେ ଅନ୍ୟାନ୍ୟ ଭୂମିକା ଗ୍ରହଣ କରିବା ପାଇଁ ସ୍ଥାନୀୟ ଲୋକମାନେ ଏହି ଦକ୍ଷତାକୁ ଉପଯୋଗ କରିବେ ।

ପର୍ଯ୍ୟଟନ- ନିର୍ଦ୍ଦିଷ୍ଟ ପ୍ରଶିକ୍ଷଣ ପରେ ଡିଜିଟାଲ ସାକ୍ଷରତା ଏବଂ ଡିଜିଟାଲ ଉପକରଣରେ ସାଧାରଣ ପ୍ରଶିକ୍ଷଣ ଦିଆଯାଉଛି ଯାହା ଦ୍ୱାରା ସେମାନେ ସୃଷ୍ଟି କରିଥିବା ଅନୁଭୂତି ଜାତୀୟ ଏବଂ ବିଶ୍ୱସ୍ତରରେ ପର୍ଯ୍ୟଟକଙ୍କ ପାଇଁ ଉପଲବ୍ଧ ଏବଂ ଦୃଶ୍ୟମାନ ହେବ । ଚଳିତ ବର୍ଷ ଅଗଷ୍ଟ ୧୫ ତାରିଖରେ ଏହି କାର୍ଯ୍ୟକ୍ରମର ପାଇଲଟ୍ କାର୍ଯ୍ୟ ଆରମ୍ଭ ହେବା ପରଠାରୁ ୬ଟି ପାଇଲଟ୍ ଗନ୍ତବ୍ୟସ୍ଥଳରେ ପ୍ରାୟ ୩,୦୦୦ ଲୋକଙ୍କୁ ପର୍ଯ୍ୟଟକଙ୍କ ପାଇଁ ଏକ ସକାରାତ୍ମକ ଅନୁଭୂତି ସୃଷ୍ଟି କରିବାର ଗୁରୁତ୍ୱ ଉପରେ ପ୍ରଶିକ୍ଷଣ ଦିଆଯାଇଛି, ଯାହା ଦ୍ୱାରା ଜଣେ ପର୍ଯ୍ୟଟନ ମିତ୍ର ହୋଇପାରିବ ।

ପ୍ରଭାବ

ପର୍ଯ୍ୟଟନ ମିତ୍ର ଓ ପର୍ଯ୍ୟଟନ ଦିଦିଙ୍କ ପ୍ରୟାସ ଯୋଗୁଁ ପର୍ଯ୍ୟଟନ ପ୍ରଶିକ୍ଷଣ କାର୍ଯ୍ୟକ୍ରମରେ ସାମିଲ ହୋଇ ପର୍ଯ୍ୟଟନ ପାରିବେଶିକ ବ୍ୟବସ୍ଥାର ଏକ ଅଂଶ ହେବା ପାଇଁ ସ୍ଥାନୀୟ ଲୋକଙ୍କ ମଧ୍ୟରେ ଉତ୍ସାହ ଦେଖିବାକୁ ମିଳିଛି ।

ଆଗକୁ ମନ୍ତ୍ରଣାଳୟ ଏକ ଉତ୍ସର୍ଗୀକୃତ ବ୍ୟାଜ୍ ଏବଂ ପରିଚୟ ସହିତ ପର୍ଯ୍ୟଟନ ମିତ୍ର ଏବଂ ପର୍ଯ୍ୟଟନ ଦିଦିଙ୍କ ଗନ୍ତବ୍ୟସ୍ଥଳୀକୁ ସ୍ୱୀକୃତି ଦେବ ଏବଂ ପର୍ଯ୍ୟଟକଙ୍କୁ ଜଣେ ପର୍ଯ୍ୟଟନ ମିତ୍ରଙ୍କ ସହିତ ଏକ ଅବିଶ୍ୱସନୀୟ ଅନୁଭୂତି ନିଶ୍ଚିତ କରିବାର ଏକ ଉପାୟ ପ୍ରଦାନ କରିବ ।

ବିଶ୍ୱ ପର୍ଯ୍ୟଟନ ଦିବସ ୨୦୨୪ ଅବସରରେ ପର୍ଯ୍ୟଟନ ମନ୍ତ୍ରଣାଳୟ ଦେଶର ନିମ୍ନଲିଖିତ ୫୦ଟି ପର୍ଯ୍ୟଟନ ସ୍ଥଳୀରେ ପର୍ଯ୍ୟଟନ ମିତ୍ର ଏବଂ ପର୍ଯ୍ୟଟନ ଦିଦିର ଶୁଭାରମ୍ଭ କରିଛି :

ପର୍ଯ୍ୟଟନ ମିତ୍ର ଏବଂ ପର୍ଯ୍ୟଟନ ଦିଦିଙ୍କ ଲକ୍ଷ୍ୟ ହେଉଛି ଅତୁଳନୀୟ ଭାରତୀୟଙ୍କ ମାଧ୍ୟମରେ ଅତୁଳନୀୟ ଭାରତକୁ ଅନୁଭବ କରିବା ପାଇଁ ସମସ୍ତଙ୍କୁ ସ୍ୱାଗତ କରିବା, ଯାହା ଦ୍ୱାରା ଭାରତରେ ଥିବା ସମୟରେ ପର୍ଯ୍ୟଟକମାନଙ୍କ ପାଇଁ ଏକ ଅଧିକ ସ୍ୱାଗତଯୋଗ୍ୟ, ଆତିଥ୍ୟପୂର୍ଣ୍ଣ ଏବଂ ସ୍ମରଣୀୟ ଅନୁଭୂତି ସୃଷ୍ଟି କରିବା ।

****

SSP