سیاحت کی وزارت، حکومت ہند نے 27 ستمبر کو عالمی یوم سیاحت کے موقع پر ‘پریتن متر اور پریتن دیدی’ کے نام سے قومی سطح پر ایک ذمہ دار سیاحتی پہل شروع کی۔

سماجی شمولیت، روزگار اور اقتصادی ترقی کے لیے سیاحت کو ایک اہم آلے  کے طور پر فعال کرنے کے وزیر اعظم کے وژن کی بنیاد پر – وزارت سیاحت نے پریتن متر اور پریتن دیدی کو پورے ہندوستان میں 6 سیاحتی مقامات پر شروع  کیا، جس میں اورچھا (مدھیہ پردیش)، گندی کوٹا (آندھراپردیش) بودھ گیا (بہار)، آئیزول (میزورم)، جودھ پور (راجستھان)، اور سری وجئے پورم (انڈمان اور نکوبار جزائر) جیسے مقامات شامل ہیں۔

اس اقدام کے ذریعے سیاحت کی وزارت کا مقصد ‘سیاحوں کے لیے دوستانہ’ لوگوں سے ملاقات کر کے ان کے مجموعی تجربے کو بلند کرنا ہے جو اپنی منزل کے لیے فخریہ سفیر اور کہانی سنانے والے ہیں۔ یہ ان تمام افراد کو سیاحت سے متعلق تربیت اور بیداری فراہم کرکے کیا جا رہا ہے جو سیاحوں کے ساتھ بات چیت کرتے ہیں اور ان کے ساتھ کسی منزل میں مشغول ہوتے ہیں۔

‘اتیتھی دیو بھوا’مہم کے تحت، کیب ڈرائیورز، آٹو ڈرائیورز، ریلوے اسٹیشنوں، ہوائی اڈوں، بس اسٹیشنوں پر عملہ، ہوٹل کا عملہ، ریستوراں کے کارکنان، ہوم اسٹے کے مالکان، ٹور گائیڈز، پولیس اہلکار، خوانچہ فروش، دکاندار، طلباء، اور  سیاحت کی اہمیت سے متعلق بہت سے نکات، عمومی صفائی، حفاظت، پائیداری، اور سیاحوں کو مہمان نوازی اور دیکھ بھال کے اعلیٰ ترین معیار فراہم کرنے کی اہمیت کے بارے میں تربیت اور آگاہی فراہم کی گئی۔

ان افراد کو منزل کی مقامی کہانیوں کے ساتھ ساتھ اس کے غیر معروف سیاحتی عجائبات سے بھی آگاہ کیا گیا، تاکہ ہر وہ شخص جس کے ساتھ سیاح ان مقامات پر بات چیت کرتا ہے، وہ مقامی سفیر اور کہانی سنانے والے بن جائیں ، جو سیاحت سے متعلق ایک مثبت تجربہ پیدا  کرنے کی کوشش کریں۔

پریتن متر اور پریتن دیدی کے ذریعے خواتین اور نوجوانوں کی تربیت پر خصوصی زور دیا جا رہا ہے تاکہ وہ  منزل کی صلاحیت کی بنیاد پر نئی سیاحتی مصنوعات اور تجربات جیسے ہیریٹیج واک، فوڈ ٹور، کرافٹ ٹورز، نیچر ٹریکس، ہوم اسٹے کے تجربات اور دیگر جدید سیاحتی مصنوعات تیار کر سکیں۔  یہ بھی تصور کیا جاتا ہے کہ مقامی لوگ ان مہارتوں کو فائدہ مند روزگار حاصل کرنے کے لیے آگے بڑھتے ہوئے ہوم اسٹے کے مالکان، کھانے اور پکوان کا تجربہ فراہم کرنے والے، ثقافتی رہنما، قدرتی رہنما، ایڈونچر گائیڈ، اور سیاحت میں دیگر کردار ادا کرتے ہیں۔

سیاحت کے لیے مخصوص تربیت کے بعد ڈیجیٹل خواندگی اور ڈیجیٹل ٹولز کی عمومی تربیت کی جا رہی ہے تاکہ اس بات کو یقینی بنایا جا سکے کہ وہ جو تجربات تخلیق کرتے ہیں وہ قومی اور عالمی سطح پر سیاحوں کے لیے قابل دریافت اور نظر آتے ہیں۔ اس سال 15 اگست کو اس پروگرام کے پائلٹ کے بعد سے، تقریباً 3,000 لوگوں کو 6 پائلٹ مقامات پر سیاحوں کے لیے ایک مثبت تجربہ پیدا کرنے کی اہمیت کے بارے میں تربیت دی جا چکی ہے، اس طرح وہ ایک پریتن مترا ہیں۔

اثر

پریتن متراور پریتن دیدی کی کوششوں کی وجہ سے، مقامی لوگوں کی طرف سے سیاحتی تربیتی پروگراموں کا حصہ بننے اور سیاحت کے ماحولیاتی نظام کا حصہ بننے کے لیے جوش و خروش دیکھا گیا ہے۔

آگے بڑھتے ہوئے، وزارت پریتن متر اور پریتن دیدی کو ایک مخصوص بیج اور شناخت کے ساتھ منزلوں پر پہچانے گی، جس سے سیاحوں کو ایک ایسا طریقہ پیش کیا جائے گا کہ جب پریتن متر کے ساتھ ہو تو ایک ناقابل یقین تجربہ کا یقین دلایا جائے۔

سیاحت کے عالمی دن 2024 کے موقع پر، وزارت سیاحت نے ملک میں درج ذیل 50 سیاحتی مقامات پر پریتن متر اور پریتن دیدی کا آغاز کیا ہے:

پریتن متر اور پریتن دیدی کا تصور غیر معمولی  ہندوستانیوں کے ذریعہ ناقابل یقین ہندوستان کا تجربہ کرنے کے لئے  سب کا استقبال کرنا ہے، اس طرح ہندوستان میں سیاحوں کے لئے ایک زیادہ خوش آئند، مہمان نواز، اور یادگار تجربہ کی سہولیت فراہم کی جاسکے گی۔

************

ش ح۔ا م -

 (U:568)