প্রধানমন্ত্রীগী লোইশঙ
প্রধান মন্ত্রীনা য়ুক্রেনগী রাস্ত্রপতি উনখ্রে
Posted On:
24 SEP 2024 4:34AM by PIB Imphal
প্রধান মন্ত্রী শ্রী নরেন্দ্র মোদিনা সেপ্তেম্বর ২৩,২০২৪ দা য়ু.এন.জি.এদা সম্মিৎ ওফ ফ্যুচরগী নাকন্দা নিউ য়োর্কতা য়ুক্রেনগী রাস্ত্রপতি বোলোদিমিয়র জেলেন্সকি উনখ্রে।
হন্দক প্রধান মন্ত্রীনা য়ুক্রেন্দা চৎলুবা খোঙচৎ অদু লুচিংবা অনিনা নিংশংখি অমসুং লৈবাক অনিগী মরীশিং মখা তানা মপাঙ্গল কনখৎহনবদা মখোয়না অপেনবা ফোঙদোকখি। য়ুক্রেনগী ফিবম অমসুং শান্তিগী লম্বী অমদা লাক্নবা পায়খৎলিবা থবকশিংগী মতাংদা লুচিংবশিংনা মমুৎ তানা খন্নখি।
কুতনিতি অমসুং ৱারি শান্নদুনা অমসুং মরী লৈনবা খুদিংমক উনদুনা শান্তি ওইনা ৱারোইশিন অমা পুরক্নবগী ভারতকী নাখৈ শেংবা, চপ চাবা অমসুং অফবা থৌওং অদু প্রধান মন্ত্রীনা অমুক হন্না নিংশিংখি। মুক্নবা অসি তুংকোইবা অমসুং শান্তি ওইবা ৱারোইশিন অমা পুরক্নবা লৈবাক অসিনা ঙম্বা থাক্তা মতেং খুদিংমক পাংনবা ভারতনা থোং লাউনা হাংদোক্তুনা লৈরিবা অদু প্রধান মন্ত্রীনা ফোঙদোকখি।
ঙসি উনখিবা অসি থা অহুমগী মনুংদা লুচিংবা অনিগী মরক্তা উনবা অহুমলকশুবনি। মখা তানা পাউ ফাওনবা হায়না লুচিংবা অনিনা য়ানখ্রে।
***
(Release ID: 2058103)
Visitor Counter : 39
Read this release in:
English
,
Urdu
,
Marathi
,
Hindi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam