ঙসি, ঐখোয়-অস্ত্রেলিয়াগী প্রধান মন্ত্রী এন্থোনিক অলবানিস, ভারতকী প্রধান মন্ত্রী নরেন্দ্র মোদী, জপানগী প্রধান মন্ত্রী কিসিদা ফুমিও অমসুং য়ুনাইতেদ স্তেৎস ওফ অমেরিকাগী রাস্ত্রপতি জোসেফ আর.বাইদেন জুনিয়র-রাস্ত্রপি বাইদেন্না য়ুম্বু ওইদুনা ৱিলমিংতন, দেলৱায়রদা, হকথেংননা পাংথোকপা মরিশুবা ক্বাদ লুচিংবশিংগী মীফমদা উনরে।

ক্বাদ অসি লুচিংবা থাক্কী মওং অমদা পুখৎলকপা চহি মরি শুরকপদগী, ক্বাদ হান্নদগী হেন্না মরুওইরে অমসুং ইন্দো-পেসিফিক লমদমদা অশেংবা, অফবা অমসুং তুংকোইনা চৎনবা য়াবা কান্নবশিং মতম চুপ্পগী ওইনা ফংহন্নবা শাফু অমা ওইরে। লাক্কদৌরিবা চহি কয়া অসিদা ইন্দো-পেসিফিক মপাঙ্গল কনখৎহন্নবা, ক্বাদ লৈবাকশিংনা মরুওইবা অমসুং তুংকোইনা লৈহৌগদবা কাংলুপ অমা শেমগৎনবা, চহি মরি খর হেনবা অসিদা ঐখোয়না থবক কয়া পাংথোক্তুনা লাক্লি।

শরুক য়ামিন্নরিবা গুনশিংদা য়ুম্ফম ওইদুনা, আইনগী ওইবা লৈঙাক্তা য়ুম্ফম ওইদুনা মালেমগী চৎন-কাংলোনশিং ফিবম ফগৎনবা ঐখোয়না হোৎনরি। অপুনবা ওইনা, ঐখোয়গী লৈবাকশিংদা অপুনবা মীশিং বিল্লিয়ন অনি লৈরি অমসুং মালেমগী গ্রোস দোমেস্তিক প্রদক্কী শরুক অহুম থোকপগী শরুক অমা লৈরি। কাংলুপ খুদিংমক কোনশিনবা অমসুং অৱা-অনা মায়োক্নবা ঙম্বা অয়েৎপা লৈতবা অমসুং মনিংতম্বা ইন্দো-পেসিফিক অমগী ঐখোয়গী অচেৎপা থাজবা ঐখোয়না অমুক হন্না ৱারেপ লৌরে। ইন্দো-পেসিফিক্কী মীয়ামদা মশক থোকপা কান্নবশিং পীদুনা, লমদম অসিগী তুংকোইনা চাউখৎপা, তুংদু-লৈতাবা অমসুং নুংঙাই-য়াইফবা শৌগৎনবা, ঐখোয় মতেং পাংনদুনা, ক্বাদনা সরকারশিং, লনাই কাংবু অমসুং মীগা মীগা লৈনবা মরীশিংদগী ঐখোয়গী অপুনবা থৌনা অমসুং লন-থুমশিং খোমগৎলি।

ইন্দো-পেসিফিক লমদমদা মাঙজিল থাবা মেরিতাইম দেমোক্রেসিশিং ওইনা, মালেমগী সেকুরিতি অমসুং নুংঙাই-য়াইবগী থাদোক্নবা য়াদ্রবা মচাক অমা ওইনা, লমদম অসি শীনবা থুংনা শান্তি অমসুং তুংদু-লৈতাবা লৈহন্নবা ঐখোয়না অমতা ওইনা লেপ্লি। নমফুদা নত্ত্রগা কিহন্দুনা হৌজিক লৈরিবা ফিবম অসি হোংহন্নবা হোৎনরকপা থবক খুদিংমক্কী মায়োক্তা ঐখোয়না অকনবা মওংদা লেপ্লি। য়ু.এন সেকুরিতি কাউন্সিলগী ৱারেপশিং খোঙ্গাউনদুনা  হন্দক লমদম অসিদা আইন্না য়াদবা মিসাইল কাপখিবা অসি ঐখোয়না য়ানিংদবা ফোঙদোক্লি। হন্দক সমুদ্রগী শরুক্তা তমথিবা অমসুং অকনবা থবকশিং চৎথখিবা অদু ঐখোয়না অকনবা মওংদা নুঙনাংবা ফোঙদোক্লি। লৈবাক খুদিংমক কিহনবা লৈতবা অমসুং মখোয়গী তুংগী মরাইবক লেপ্নবা মখোয়গী এজেন্সিনা থবক পাংথোকপা ঙম্বা লৈবাক অমতনা নথমদবা অমসুং কনাগুম্বা অমগী মখাদা লৈবাক অমতা লৈতবা লমদম অমা ওইহন্নবা ঐখোয়না হোৎনরি। মীওইবগী হকশিং, নিংতম্বগী ফিদমশিং, আইনগী মতুংইন্নবা লৈবাক ঙাকপা, গনতন্ত্রগী গুনশিং, মনিংতম্বা অমসুং ঙমখৈগী অপুনবা শক্তম অমসুং য়ানদবশিং শান্তি ওইনা ৱারোইশিন পুরকপা অমসুং য়ু.এন চার্তর য়াওনা মালেমগী আইনগী মতুংইন্না কিহনবা নত্ত্রগা নমফু শীজিন্নবা থিংবা ক্বাদনা কন্না শৌগৎতুনা, তুংদু-লৈতাবা অমসুং মনিংতম্বা মালেমগী সিস্তেম অমা লৈহন্নবা ঐখোয়গী ৱারেপশিংগীদমক ঐখোয় অমতা ওইনা লেপ্লি। ২০২৩ ক্বাদ মীফমদা লুচিংবশিংনা থোকখিবা ভিজন স্তেৎমেন্তগী মমি তারদুনা, ঐখোয়না পাংথোক্কদবা থবকশিংদা ঐখোয় মখা তানা পাংথোক্কনি অমসুং অরোন-অথুপ লৈহল্লোই। এসোসিএসন ওফ সাউথ এসিয়ান নেসন্স(অসিয়ান), পেসিফিক আইলেন্দস ফোরম(পি আই এফ) অমসুং ইন্দিয়ান ওসিন রিম এসোসিএসন(আই ও আর এ) য়াওনা  রিজনেল ইন্সতিতুনশিংগী লুচিংবগী থবক ইকায়খুম্নবা উৎলি অমসুং ক্বাদগী থবকশিংদা মখা তানা মরুওইবা মফম কনগনি।

অফবা থবক্কী মালেমগী শক্তি অমা

হকশেলগী খুদোংচাবশিং ফংহনবা

ঐখোয়গী খুন্নাইশিংদা, ঐখোয়গী শেন্মিৎলোনশিংদা অমসুং ঐখোয়গী লমদমগী তুংদু-লৈতাবদা হকশেল অসি কয়া য়াম্না মরুওইবগে হায়বা কোবিদ-১৯ লাইচৎনা মালেমদা নিংশিংহল্লে। ইন্দো-পেসিফিক লৈবাকশিংদা অশোই-অঙাম লৈতবা অমসুং কান্নবা কোবিদ-১৯ ভেক্সিন দোজ মিল্লিন ৮০০ ফংহন্নবা ২০২১ অমসুং ২০২২ দা ক্বাদ পুনখি অমসুং চাউখৎত্রিবা অমসুং মিদল-ইনকম লৈবাকশিংদা ভেক্সিন পীনবগীদমক কোভেক্সতা য়ু.এস দোল্লার বিল্লিয়ন ৫.৬ পীখি। ২০২৩ দা, লাইচৎগী শেম-শানবা ত্রেনিং পীবা য়াওনা চৎনমিন্নরিবা লৈবাকশিংগা পুন্না থবক তৌমিন্ননবা ঐখোয়না ক্বাদ হেল্থ সেকুরিতি পার্তনরশিপ লাউথোকখি। হৌজিক ক্লেত ১ এমপোক্স অমসুং ক্লেদ ২ এমপোক্স লাইচৎ শন্দোরক্লিবা অসি লাকশিন্নবা, লায়রবা অমসুং মিদল ইনকম লৈবাকশিংদা ভেক্সিন পুথোকপা হেনগৎহনবা য়াওনা, অফবা, কান্নবা, মগুন লৈবা এমপোক্স ভেক্সিনশিং ফংহন্নবা ঐখোয় পুন্না থবক পায়খৎমিন্ননবা ঐখোয়না থৌরাং তৌরে।

ইন্দো-পেসিফিক লৈবাকশিংদা থৱায় কয়া কন্নবা অনৌবা পুন্না থবক তৌমিন্নবা অমা ওইনা, ঙসি ঐখোয়না ক্বাদ কেন্সর মুনসুত লাউথোকপদা চাউথোকচবা পোকই। কোবিদ-১৯ মনুংদা ক্বাদনা মাইপাক্না থবক তৌমিন্নখিবা অদুদা য়ুম্ফম ওইদুনা, লমদম অসিদা কেন্সর থেংন্নবা ঐখোয় পুন্না শেন থাদগনি, ঐখোয়গী সাইন্তিফিক অমসুং মেদিকেলগী তৌবা ঙম্বশিং অমসুং ঐখোয়গী লনাই কাংবু অমসুং নন-প্রোফিত কাংবুগী মতেং  লৌগনি অমসুং লমদম অসিদা কেন্সরগী পোৎলুম হন্থহন্নবা চৎমিন্নরিবা লৈবাকশিং মতেং পাংগনি।

ইন্দো-পেসিফিক লৈবাকশিংদা মীওই কয়া শিহল্লিবা মাঙজৌননা ঙাকথোকপা য়াবা সর্ভাইকেল কেন্সর লাকশিন্নবা ক্বাদ কেন্সর মুনসুতনা অহানবা মীৎয়েং চঙগনি অমসুং মতুংদা অতোপ্পা কেন্সরশিং থেংন্নবা থৌরাং তৌগনি। য়ু.এস নেভি মেদিকেল ত্রেনিংশিং অমসুং ২০২৫ দা লমদম অসিদা সর্ভাইকেল কেন্সর ঙাকথোক্নবা শীনফম অসিগী অখঙ-অহৈশিং চৎথোক-চৎশিন তৌনদুনা থবক অসিদা য়ু.এস.এনা মতেং পাংগনি। সর্ভাইকেল কেন্সর মাঙজৌননা ঙাকথোক্নবা, লাইওং খঙদোক্নবা অমসুং লায়েংনবা লনাই কাংবুগী থবকশিংদা য়ু.এস ইন্তরনেসনেল দিবলপমেন্ত ফাইনান্স কোর্পোরেসন(দি এফ সি)না শেন্থং পীগনি।

অস্ত্রেলিয়ান দোল্লর মিল্লিয়ন ২৯.৬ গী মতেং পীদুনা অস্ত্রেলিয়া সরকার অমসুং মিন্দেরু ফাউন্দেসনগী মতেংগা লোয়ননা ইলিমিনেসন পার্তনরশিপ ইন ইন্দো-পেসিফিক ফোর সর্ভাইকেল কেন্সর প্রোগ্রাম(ই পি আই সি সি) পাকথোক-চাউথোক্নবা অস্ত্রেলিয়ানা লাউথোক্লে। মসিনা কেন্সর মাঙজৌননা ঙাকথোকপা, লাইওং খঙদোকপা অমসুং লায়েংবদা মীৎয়েং চঙদুনা সর্ভাইকেল কেন্সর মুৎথৎনবা অমসুং অতোপ্পা থবকশিংদা মতেং পাংনবা ইন্দো-পেসিফিক্কী লৈবাক ১১ কোনশিনগনি। ইন্দো-পেসিফিক লমদমদা দোল্লার মিল্লিয়ন ৭.৫ রোমগী ঐচ.পি.ভি সেমপ্লিং কিতশিং, দিতেক্সন কিতশিং, সর্ভাইকেল কেন্সর ভেক্সিনশিং পীনবা ভারতনা থাজবা পীরে। দিজিতেল হেল্থগী মতাংদা ৱার্ল্দ হেল্থ ওর্গনাইজেসনগী মালেমগী থবকশিংদা ভারতনা দোল্লর মিল্লিয়ন ১০ পীনবা থাজবা পীখিবা মতুংইন্না, কেন্সর মশক খঙদোকপা অমসুং লায়েংবদা মতেং পাংনবা ইন্দো-পেসিফিক লমদমগী থৱায় য়াওবা লৈবাকশিংদা ভারতকী দিজিতেল পব্লিক ইনফ্রাস্ত্রকচর শীজিন্ননবা ভারতনা তেক্নিকেলগী মতেং পাংগনি। জপান্না কম্বোদিয়া, ভিয়েতনাম অমসুং তিমোর-লেস্তদা সি.তি অমসুং এম.আর.আই স্কেন্নরশিং য়াওনা দোল্লর মিল্লিয়ন ২৭ রোমগী মেদিকেল খুৎলায়শিং পীখ্রে অমসুং লৈবাক অসিনা গাবি ভেক্সিন এল্লাইন্সগুম্বা মালেমগী লুপশিংদা মতেং পাংলি। কেন্সরগী লমদা অৱাংবা থাক্কী রিছার্স অমসুং দিবলপমেন্ত ফগৎন্নবা মতেং পাংন্নবা অমসুং লমদম অসিদা সর্ভাইকেল কেন্সরগী পোৎলুম হন্থনবা লনাই কাংবু অমসুং সরকার নত্তবা কাংবুগী থবকশিংদা মতেং পাংনবা, মখোয় মখোয়গী লৈবাক মনুংদা থবক পায়খৎনবা ক্বাদ লৈবাকশিংগী অপাম্বা লৈরে। ইন্দো-পেসিফিক লৈবাকশিংগী দরকার ওইবগী অয়াবা মতুংইন্না, ঐচ.পি.ভি ভেক্সিন দোজ মিল্লিয়ন ৪০ ফাওবগী ওর্দরশিং মতেং পাংনবা, গাবিগা লোয়ননা পুন্না থবক তৌমিন্নদুনা, সেরম ইন্সতিতুৎ ওফ ইন্দিয়া য়াওনা সরকারগী নত্তবা ইন্সতিতুৎশিংনা পায়খৎলকপা অনৌবা থবকশিং ঐখোয়না তরাম্না ওক্লি। খা-নোংপোক এসিয়াদা  সর্ভাইকেল কেন্সর লাকশিন্নবা ৱুমেন্স হেল্থ এন্দ ইম্পৱারমেন্ত নেতৱার্ককী অনৌবা দোল্লার মিল্লিয়ন ১০০গী মতেংশু ঐখোয়না তরাম্না ওক্লি।

লাক্লিবা চহিশিংদা ক্বাদ কেন্সর মুনসুতনা থৱায় লিশিং কয়া কনগনি হায়না ঐখোয়গী সাইন্সকী অখঙ-অহৈশিংনা পানরি।

হুমেনিতরিয়ান এসিস্তেন্স এন্দ দিজাস্তর  রিলিফ (ঐচ এ দি আর)

২০০৪ দা ভারত মহাসাগরদা য়ুহা হাবা অমসুং সুনামি থোকপদগী চহি ২০ অসিদা, মীওইবগী মতেং পাংনবা অহানবা ওইনা ক্বাদ পুনশিন্নখি, ঐখোয়না মখা তানা ইন্দো-পেসিফিক লমদমদা মহৌশাগী ওইবা অমাং-অতা থোক্লকপদা ঐখোয়না মখা তানা মতেং পাংখি। ২০২২ দা ক্বাদনা, ইন্দো-পেসিফিক লমদমদা ক্বাদ পার্তনরসিপ ওন হুমেনিতরিয়ান এসিস্তেন্স এন্দ দিজাস্তর  রিলিফ লিংখৎখি অমসুং ইন্দো-পেসিফিক লমদমদা ক্বাদ পার্তনরসিপ ওন হুমেনিতরিয়ান এসিস্তেন্স এন্দ দিজাস্তর  রিলিফকী চৎন-কাংলোনশিং খুৎয়েক পীনরে, মসিনা মহৌশাগী ওইনা অমাং-অতা থোক্লকপা মতমদা থেংন্নবা ক্বাদ লৈবাকশিং য়াংনা মতেং পাংনবা ঙমহল্লে। মহৌশাগী ওইবা অমাং-অতা অমা থোক্লকপা মতমদা, হান্না থম্বা তঙাইফদবা তেংবাং পোৎলমশিং য়াওনা, খোঙলৈ থুনা মতেং পাংনবা থৌরাং তৌনবা ক্বাদ সরকারশিংনা থবক তৌরি; মসিগী থবক অসি ভারত মহাসাগর লমদমদগী হৌরগা খা-নোংপোক এসিয়াদগী পেসিফিক ফাওবা য়ৌরি।

মে ২০২৪ দা, পাপুৱা নিউ গিনিদা চীং নিংখায়বগী লাইবক থিবা থৌদোক অমা থোকখ্রবা মতুংদা, ক্বাদ লৈবাকশিংনা পুন্না দোল্লর মিল্লিয়ন ৫ মতেং পাংখি। নোংলৈ নুংশিৎ য়াগীনা শোকহল্লবা ভিয়েতনামগী মীয়ামগী মতেং পাংনবা ক্বাদ লৈবাকশিংনা দোল্লর মিল্লিয়ন ৪ গী মতেং পীখি। মখোয়গী মতম শাংনা চৎনগদবা অৱা-অনা মায়োক্ননবা থবকশিংদা ক্বাদনা মখা তানা লৈবাকশিংদা মতেং পাংলি।

মেরিতাইম সেকুরিতি

২০২২দা, লমদম অসিগী লৈবাকশিংদা খুদক্তা, অপুনবা অমসুং মমল হোংবা সমুদ্রগী মরমদা ই-পাউ পীনবা ঐখোয়না ইন্দো-পেসিফিক পার্তনরশিপ ফোর মেরিতাইম দোমেন এৱারনেস(আই পি এম দি এ) লাউথোক্লে। মতম অদুদগী হৌনা, লৈবাকশিং খন্নদুনা, খা-নোংপোক এসিয়াগী লৈবাকশিংগা লোয়ননা, পেসিফিক আইলেন্দস ফোরম ফিসরিস এজেন্সিগী খুৎথাংদা-ঐখোয়না ইন্দো-পেসিফিক লমদম শীনবা থুংনা থৌরম মাইপাক্না পাংথোক্লে। থবক অসিনা, দ্রাক ভেসেল মেরিতাইম দোমেন এৱারনেস দেতা ফংনবা লৈবাক ২৪ হেনবদা ক্বাদনা মতেং পাংলে, মসিদগী মখোয়না আইন্না য়াদবা থবকশিং য়াওনা মখোয়গী এক্সক্লুসিপ ইকোনোমি জোনশিংদা থবকশিং হেন্না নিংথিনা য়েংশিনবা ঙমহল্লে। সেতাল্লাইত দেতা, দেতা, ত্রেনিং অমসুং কেপাসিতি বিল্দিংগী খুৎথাংদা পেসিফিক্তা সমুদ্রগী থবকশিংগী মরমদা খঙবা হেনগৎনবা পেসিফিক আইলেন্দস ফোরম ফিসরিস এজেন্সিদা লৈবাক অসিনা মতেং পাংবা হেনগৎহন্নবা অস্ত্রেলিয়ানা থাজবা পীরে।

মখোয়গী ঈশিংগী শরুক য়েংশিন্নবা, মখোয়গী আইনশিং চৎনহন্নবা অমসুং আইন্না য়াদবা থবকশিং থিংনবা, আই.পি.এম.দি.এ অমসুং অতোপ্পা ক্বাদ লৈবাকশিংগী থবকশিংগী খুৎথাংদা ঐখোয়গী মরুপ লৈবাকশিং মখোয়গী খুৎলায়শিং মপুংফানা শীজিন্নবা ঙম্নবা ঐখোয়না ঙসি অনৌবা রিজনেল মেরিতাইম ইনিসিয়েতিপ ফোর ত্রেনিং ইন ইন্দো-পেসিফিক(মাইত্রি) লাউথোক্লে। ভারতনা ২০২৫ তা অহানবা মাইত্রি ৱার্কশোপ পাংথোক্নবা ঐখোয়না থাজবা থম্লি। ইন্দো-পেসিফিক লমদমদা নিয়মশিংদা য়ুম্ফম ওইবা মেরিতাইম ওর্দর অমা থম্নবা থবকশিং শৌগৎনবা ক্বাদ মেরিতাইম লিগেল দাইলোগ অমা হৌদোকপদা ঐখোয়না তরাম্না ওক্লি। মসিগী মথক্তা, লমদম অসিদা মখা তানা অৱাংবা থাক্কী থবক অমসুং ই-পাউ ফংহন্নবা, ক্বাদ লৈবাকশিংনা আই.পি.এম.দি.এদা অনৌবা তেক্নোলোজি অমসুং দেতা হাপচিনবা ক্বাদ লৈবাকশিংনা পাম্লি। ইন্তরওপরেবিলিতি অমসুং অৱাংবা থাক্কী সমুদ্রগী অশোই-অঙাম থোকহন্দবা ফগৎনবা অমসুং ইন্দো-পেসিফিক শীনবা থুংনা তুংদা মিসনশিং পাংথোক্নবা, ২০২৫ দা অহানবা ক্বাদ-এত-সি সিপ ওবজার্বর মিসন হৌদোক্নবা য়ু.এস কোস্ত কার্দ, জপান কোস্ত কার্দ, অস্ত্রেলিয়া বোর্দর ফোর্স অমসুং ইন্দিয়ান কোস্ত গার্দনা থৌরাং তৌরে হায়না ঙসি ঐখোয়না লাউথোক্লি।

ইন্দো-পেসিফিক লমদা মহৌশাগী ওইবা অমাং-অতা লাকপদা মতমদা য়াংনা অমসুং নিংথিনা মীয়াম্না পায়খৎপা থবকশিং মতেং পাংনবা, ঐখোয়গী লৈবাকশিংগী মরক্তা এয়রলিফ কেপাসিতি হেনগৎনবা অমসুং ঐখোয়গী অপুনবা লোজিস্তিক্সগী মপাঙ্গলশিং শীজিন্ননবা, ক্বাদ ইন্দো-পেসিফিক লোজিস্তিক্স নেতৱার্ক পাইলোত প্রোজেক অমা হৌদোক্লে হায়না ঙসি ঐখোয়না লাউথোক্লে।

ক্বালিতি ইনফ্রাস্ত্রকচর

অফবা অমসুং অৱা-অনা মায়োক্নবা ঙম্বা ইনফ্রাস্ত্রকচর শেমগৎতুনা লমদম অসিগী চৎথোক-চৎশিন ফগৎহন্নবা ক্বাদনা থাজবা পীরে।

লৈবাকশিং মতেং পাংনদুনা, ইন্দো-পেসিফিক লমদম শীনবা থুংনা তুংকোইনা চৎনবা য়াবা অমসুং খুদোংথিবা মায়োক্নবা ঙম্বা পোর্ত ইনফ্রাস্ত্রকচর শেমগৎনবা ক্বাদগী হৈশিংবা শীজিন্ননবা ঐখোয়না ক্বাদ পোর্তস ওফ ফ্যুচর পার্তনরশিপ লাউথোক্লে। ২০২৫ দা ভারতনা য়ুম্বু ওইদুনা মুম্বাইদা ক্বাদ রিজনেল পোর্তস অমসুং ত্রান্সপোর্তেসন কনফরেন্স অমা পাংথোক্নবা ঐখোয়না পান্দম থম্লি। অনৌবা থবক অসিগী মখাদা, ইন্দো-পেসিফিক লমদম শীনবা থুংনা অফবা হিথাংফমশিং শেমগৎনবা সরকার অমসুং লনাইগী শেন থাদনবা অমসুং লৈবাকশিংগী মরক্তা পুন্না থবক তৌমিন্নবা, ই-পাউ পীথোক-পীশিন তৌনবা অমসুং খ্বাইদগী ফবা থবকশিং শরুক য়ামিন্নবা লৈবাক লৈবাকশিংনা পাম্লি।

অখঙ-অহৈ ২,২০০ হেনবদা ক্বাদ ইনফ্রাস্ত্রকচর ফেল্লোসিপ পীবদা ঐখোয়না থাগৎলি অমসুং হৌখিবা চহিগী মীফমদা লাউথোকখিবদগী ক্বাদ লৈবাকশিংনা ফেল্লোসিপ ১,৩০০ হেন্না পীখ্রে। পৱার সেক্তর রেসিলিয়েন্ত মপাঙ্গল কনখৎহন্নবা ইন্দো-পেসিফিক শীনবা থুংনা লৈবাকশিং শক্তি পীনবা, কোলিএসন ফোর দিজাস্তর রেসিলিয়েন্ত ইনফ্রাস্ত্রকচরনা শীন্দুনা ভারত্তা পাংথোকখিবা ৱার্কশোপ ঐখোয়না থাগৎলি।

কেবল শম্নবগীদমক ক্বাদ লৈবাকশিং মতেং পাংনবগী খুৎথাংদা, ইন্দো-পেসিফিক্তা মগুন লৈবা সমুদ্র মনুংগী কেবল নেতৱার্কশিং মপাঙ্গল কনখৎহন্নবা ঐখোয়না মখা তানা শৌগৎলি অমসুং কেপাসিতি, মতম কুইনা চৎনবা য়াবা অমসুং মথৌ ফজনা পাংথোকপা অসি মালেম অমসুং লমদম অসিগী সেকুরিতি অমসুং নুংঙাই-য়াইফবগা নক্নবা মরী লৈনৈ। হায়রিবা থবকশিং অসিনা শৌগৎতুনা, অস্ত্রেলিয়ানা জুলাইদা কেবল কন্নেক্তিবিতি এন্দ রেসিলিয়েন্ত সেন্তর হৌদোকখ্রে, মসিনা লমদম অসি শীনবা থুংবদগী হায়জরকপদগী ৱার্কশোপশিং পাংথোকখ্রে অমসুং থৌশিল অমসুং চৎন-কাংলোনগী মতেং পাংখ্রে। নাউরু অমসুং কিরিবাতিদা সমুদ্র মনুংগী কেবল অমগী মীয়ামগী আই.সি.তি ইনফ্রাস্ত্রকচর মেনেজমেন্ত কেপাসিতি হেনগৎহন্নবা জপান্না তেক্নিকেলগী মতেং পাংগনি। ইন্দো-পেসিফিক লমদমদা লৈবাক ২৫ রোমগী তেলিকম্মুনিকেসন ওফিসিএলশিং অমসুং ইজুক্যুতিপশিংগীদমক য়ু.এসনা কেপাসিতি বিল্দিং ত্রেনিং ১,৩০০ হেন্না পাংথোকখ্রে; য়ু.এসনা কংগ্রেসকা থবক তৌমিন্নদুনা, হায়রিবা ত্রেনিং প্রোগ্রাম অসি পাকথোক-চাউথোক্নবা অহেনবা দোল্লর মিল্লিয়ন ৩.৪ গী শেনফম অমা থাদনবা ঙসি লাউথোক্লে।

কেবল প্রোজেকশিংদা ক্বাদ লৈবাকশিংনা শেন থাদবা অসিনা পেসিফিক ইথৎ লৈবাকশিংদা ২০২৫ ফাওবদা মরুওইবা তেলিকম্মুনিকেসন কেবল তিংবা ঙম্নবা মতেং পাংগনি। হৌখিবা চহিগী ক্বাদ লুচিংবশিংগী মীফমদগী, পেসিফিক্তা সমুদ্র মনুংগী কেবল তিংনবা ক্বাদ লৈবাকশিংনা দোল্লর মিল্লিয়ন ১৪০ থাদখ্রে। অনৌবা সমুদ্র মনুংগী কেবলশিংদা শেন থাদবা অসি মতেং পাংবা ওইনা, ইন্দো-পেসিফিক লমদমদা সমুদ্র মনুংগী কেবল শেমজিনবগী থবক পাকথোক-চাউথোক্নবগী ওইথোকপা য়াবশিং থিজিনবা ভারতনা হৌরে।

ইনফ্রাস্ত্রকচরদা পেসিফিক্কী খোল্লাউ অমা ওইরিবা, পেসিফিক ক্বালিতি ইনফ্রাস্ত্রকচর প্রিন্সিপালশিংদা ঐখোয়না শৌগৎপা অমুক হন্না থাজবা পীরি।

ইন্দো-পেসিফিক লমদম শীনবা থুংনা চাউখৎনবা খুদিংমক কোনশিনবা, মনিংতম্বা, তুংকোইনা চৎনবা য়াবা, অচুম্বা, অশোই-অঙাম লৈতবা, মতিক চাবা দিজিতেল ফ্যুচর অমা লৈহন্নবা ঐখোয়না থবক পায়খৎলে। হিরম অসিগী মতাংদা, দিজিতেল পব্লিক ইনফ্রাস্ত্রকচর শেমগৎনবা অমসুং শীজিন্ননবা ক্বাদ প্রিন্সিপালশিং ঐখোয়না তরাম্না ওক্লে।

মরুওইবা অমসুং নৌনা থোক্লকপা তেক্নোলোজিশিং

ইন্দো-পেসিফিক লমদমদা থাজবা য়ারবা তেক্নোলোজিশিং ফংহন্নবা ঐখোয়গী মতেং পাংনবগী থবক পাকথোক-চাউথোক্নবা লাউথোকপদা ঙসি ঐখোয় চাউথোকচবা ফাওরে।

অমগা অমগা শম্নবা তেলিকম্মুনিকেসন ইকোসিস্তেম অমা শৌগৎনবা, হৌখিবা চহিদা, পালাউদা অহানবা ওপন রেদিও এসেস নেতৱার্ক(রান) থম্নবা শিংথানিঙাই ওইবা থবক অমা ক্বাদ লৈবাকশিংনা হৌদোকখ্রে। হায়রিবা থবক অসিগীদমক দোল্লর মিল্লিয়ন ২০ পীনবা ক্বাদনা থাজবা পীখি।

খা-নোংপোক এসিয়াদা অহেনবা ওপন রান প্রোজেকশিং থিদোক্নবা খুদোংচাবা ক্বাদ লৈবাকশিংনা তরাম্ন ওকখি। য়ু.এস অমসুং জপানগী দোল্লর মিল্লিয়ন ৮ গী মতেংগা লোয়ননা ফিলিপ্পিন্সতা শেমগৎলিবা এসিয়া ওপন রান একাদেমি(এ ও আর এ) অমসুং হৌজিক পাংথোক্লিবা ওপন রান ফিল্দ ত্রাইয়েলশিং মতেং পাংবা হেনগৎনবা ঐখোয়না থৌরাং তৌরে। ভারতকী ইন্সতিতুসনশিংগী মতেংগা লোয়ননা, খা-নোংপোক এসিয়াদা মখল অসিগী অহানবা ওইনা ওপন রান ৱার্কফোর্স ত্রেনিং ইনিসিয়েতিপকী খুৎথাং য়াওনা মালেমগী ওইনা এ.ও.আর.এ পাকথোক-চাউথোক্নবা দোল্লর মিল্লিয়ন ৭ হেন্না থাদনবা য়ু.এসনা থৌরাং তৌরে। লৈবাক অদুদা পাক-শন্না ফাইব-জি শীজিন্ননবা থৌরাং তৌনবা তুবালু তেলিকম্মুনিকেসন্স কোর্পোরেসনগা লোয়ননা ক্বাদ লৈবাকশিংনা থবক তৌমিন্নগনি।

ক্বাদগী সেমিকন্দক্তর সপ্লাই চেনশিং ফগৎহন্দুনা অমসুং মখল কয়াগী অমসুং লাম্বা তৌনবা কৈথেল অমা শেমগৎনবা ঐখোয় অমনা অমগী মতেং পাংনদুনা সেমিকন্দক্তরদা ঐখোয় মতেং পীনবা হেন্না ফগৎহন্নবা ঐখোয় থাজবা পীনরে। সেমিকন্দক্তর সপ্লাই চেন্স কন্তিঞ্জেন্সি নেতৱার্কগীদমক ক্বাদ লৈবাকশিংগী মরক্তা মেমোরেন্দম ওফ কোওপরেসন লৈনবা ঐখোয়না তরাম্না ওক্লি।

হৌখিবা চহিগী মীফমদা লাউথোকখিবা এদভান্সিং ইন্নোবেসন্স ফোর ইম্পাৱারিং নেক্সজেন এগ্রিকলচর(এ.আই-ইনগেঞ্জ) থবক্কী খুৎথাংদা, আর্তিফিসিএল ইন্তিলিজেন্স, রোবোতিক্সকী কান্নবা লৌনবা ঐখোয়গী সরকারশিংনা অৱাংবা থাক্কী পুন্না থিজিনবগী থবকশিং ফগৎহল্লে অমসুং লৌউ-শিংউগী থবকশিং অওনবা পুরক্নবা অমসুং ইন্দো-পেসিফিক শীনবা থুংনা লৌমীশিংগী ফিবম ফগৎনবা থবকশিং পায়খৎলে। অপুনবা থিজিনবগীদমক দোল্লর মিল্লিয়ন ৭.৫ থাদনবা লাউথোকপা ঐখোয় অপেনবা ফাওরে অমসুং ঐখোয়গী থিজিল্লোয়শিং অমসুং অৱাংবা থাক্কী রিছার্স প্রিন্সিপালশিং শম্ননবা হন্দক ঐখোয়গী সাইন্স এজেন্সিশিংগী মরক্তা মেমোরেন্দম ওফ কোওপরেসন অমা লৈনবদা তরাম্না ওক্লি।

ক্বাদ বাইওএক্সপ্লোর ইনিসিয়েতিপ হৌদোক্নবা য়ু.এস, অস্ত্রেলিয়া, ভারত অমসুং জপান্না থাজবা থম্লি অমসুং মসিনা লৈবাক মরি শীনবা থুংনা নন-হুমেন বাইওলোজিকেল দেতা মখল কয়া এ.আইনা থিদোকপদা শৌগৎকনি।

হায়রিবা প্রোজেক অসি মরুওইবা অমসুং নৌনা থোক্লকপা তেক্নোলোজিশিংগী ক্বাদ প্রিন্সিপালস ফোর রিছার্স এন্দ দিবলপমেন্ত কোল্লাবোরেসন্না শৌগৎকনি।

অইং-অশা অমসুং মৈখু চেন্দবা ইনর্জি

অইং-অশাগী খল হোংলকপদগী শেন-থুম, খুন্নাই অমসুং মহৌশাগী অকোয়বগী ফিবমদা পীরিবা শাথিরবা চৈথেং ঐখোয় খঙলে, অইং-অশা অমসুং মৈখু থাংদবা ইনর্জিদা মতেং পীনবা হেনগৎহন্নবা অমসুং চুশিন্নবা ঙম্নবা, ক্বাদ ক্লাইমেত চেঞ্জ এদাপতেসন এন্দ মিতিগেসন পেকেজ (ক্বিউ-চেম্প)গী খুৎথাংদা ইন্দো-পেসিফিক লৈবাকশিংগা লোয়ননা ঐখোয়না মখা তানা থবক তৌমিন্নগনি। ঐখোয়গী মীয়ামগীদমক ঐখোয়গী গ্রহগী, অমসুং ঐখোয় পুন্না নুংঙাইনা হিংনবা মৈখু থাংদবা ইনর্জি ইকোনোমি অমদা ওল্লকপগী কান্নবশিং ঐখোয়না খঙলে।

মগুন য়াম্না লৈবা, মখল কয়াগী মৈখু চেন্দবা ইনর্জি সপ্লাই চেনশিং শেমগৎবা থৌশিলশিং, মতেংশিং, থাকশিং অমসুং শেন থাদবদা ঐখোয় মতেং পাংনবা হেনগৎহনবা ঐখোয়গী লৈবাকশিংনা পাম্লি। মসিনা ইন্দো-পেসিফিক লমদম শীনবা থুংনা ঐখোয়গী ইনর্জি সেকুরিতি হেনগৎহনগনি, অনৌবা শেন-থুমগী খুদোংচাবশিং শেমগনি অমসুং মালেম শীনবা থুংবগী মীওইশিং অমসুং মফম অমগী শিন্মীশিংদা কান্নবা পীগনি।

মৈখু চেন্দবা ইনর্জি সপ্লাই চেনশিং অমসুং মসিগা মরী লৈনবশিংদা লনাই কাংবু শেন থাদনবা ঐখোয়না পীখিবা থাজবশিং থবক ওইনা পাংথোক্নবা থৌশিল অমসুং সরকারনা শেন থাদবগী খুৎথাংদা, ঐখোয় পুন্না থবক তৌমিন্নগনি। অস্ত্রেলিয়ানা নবেম্বরদা ক্বাদ ক্লিন ইনর্জি সপ্লাই চেন্স দাইভরফিকেসন প্রোগ্রামগী এপ্লিকেসনশিং হাংদোক্কনি অমসুং ইন্দো-পেসিফিক লমদমদা সোলার পেনেল, হায়দ্রোজেন ইলেক্ত্রোলাইজর অমসুং বেত্তরি সপ্লাই চেনশিং শেমগৎনবা প্রোজেকশিং মতেং পাংনবা অস্ত্রেলিয়া দোল্লর মিল্লিন ৫০ পীরে।

ফিজি, কোমোরোস, মাদাগাস্কার অমসুং সিচিলিসতা অনৌবা সোলার প্রোজেকশিংগীদমক দোল্লর মিল্লিয়ন ২ থাদনবা ভারতনা থাজবা পীরে। জপান্না ইন্দো-পেসিফিক লৈবাকশিংদা রিন্যুএবল ইনর্জি প্রোজেকশিংগী দোল্লর মিল্লিয়ন ১২২ গ্রান্তশিং অমসুং লোনশিং ওইনা পীনবা থাজবা পীরে। সোলার, নুংশিৎ, কুলিং, বেত্তরিশিং অমসুং মরুওইবা মিনরেলশিং পাকথোক-চাউথোক্নবা অমসুং সপ্লাই চেনশিং মখল কয়া থোকহন্নবা লনাই কাংবু শেন থাদনবা, দি.এফ.সিগী খুৎথাংদা, য়ু.এসনা খুদোংচাবশিং মশক খঙদোক্কনি। অইং-অশাগী খল হোংলকপদা খুদোংথিনিঙাই ওইরবা ফুরুপশিং শাবা হেনগৎলকপদা চুশিন্নবা ঙম্নবা অমসুং ইলেক্ত্রিসিতিদা চৈথেং পীবা হন্থহন্নবা অফবা মমল হোংবা ইংহন্নবা সিস্তেমশিং শীজিন্নবা অমসুং শাবা য়াওনা, ইনর্জি লিক্না শীজিন্নবা হেনগৎহন্নবা ক্বাদনা মীৎয়েং চঙবা থবক অমা লাউথোক্নবা ঐখোয়না হোৎনরি।

অইং-অশাগী খল হোংলকপনা পীরিবা চৈথেংশিং থেংন্নবা ঐখোয়না অপুনবা ওইনা ঐখোয়গী থাজবা পীরে অমসুং অৱাবা মায়োক্নবা ঙম্বা অমসুং তুংকোইনা চৎনগদবা পোর্ত ইনফ্রাস্ত্রকচর শেমগৎনবা হোৎনগনি। কোলিএসন ফোর দিজাস্তর রেসিলিয়েন্ত ইনফ্রাস্ত্রকচর(সি দি আর আই) গী খুৎথাং য়াওনা, তুংকোইনা চৎনবা য়াবা অমসুং অৱাবা মায়োক্নবা ঙম্বা পোর্ত ইনফ্রাস্ত্রকর শেমগৎনবা লম্বী অমা শেম্নবা ক্বাদ লৈবাকশিং ঐখোয়না খঙবা অমসুং হৈবশিং শীজিন্নগনি।

সাইবর

লৈবাক অমনা শৌগৎপা মীওইশিং, সাইবরক্রিমিনেলশিং অমসুং অতোপ্পা ফত্তবা মীওইশিংনা চৎথরকপা মান্নবা শিংনবশিং ঙাকথোক্নবা ঐখোয়গী সাইবরসেকুরিতিগী মতেং পাংনবা হেনগৎহনবা ক্বাদ লৈবাকশিংনা পাম্লে। হেন্না কিহল্লকপগী ই-পাউ পীনদুনা অমসুং কেপাসিতি বিল্দিংগী খুৎথাংদা ঐখোয়গী অপুনবা নেতৱাক দিফেন্স অমসুং তেক্নিকেলগী তৌবা ঙম্বশিং হেনগৎহন্নবা চপ চাবা থবকশিং পায়খৎনবা ঐখোয়গী লৈবাকশিংনা থবক পায়খৎলে। খুদোংথিনিঙাই ওইবশিং মশক খঙদোক্নবা, লৈবাক্কী সেকুরিতি নেতৱার্কশিং অমসুং মরুওইবা ইনফ্রাস্ত্রকচর নেতৱাকশিং ঙাক-শেন্নবা অমসুং সাইবরসেকুরিতিগী থৌদোকশিং থেংন্নবা থৌশিলশিংদা হেন্না মতেং পাংনবা অপুনবা থবকশিং পায়খৎনবা ঐখোয় থৌরাং তৌরে।

ক্বাদকী ২০২৩ সেক্যুর সোফৱায়ার জোইন্ত প্রিন্সিপালশিংদা ফোঙদোকখিবা মতুংইন্না, অশোই-অঙাম লৈতবা সোফৱায়র শেমগৎনবা থবকশিং অমসুং সর্তিফিকেসনগী ঐখোয়না পীখিবা থাজবশিং থবক ওইনা পাংথোক্নবা ক্বাদ লৈবাকশিংনা সোফৱায়ার পুথোক্লিবশিং, উদ্যোগ ললোন-ইতিক কাংবু অমসুং রিছার্স সেন্তরশিংগা ক্বাদগা থবক তৌমিন্নরি। সোফৱায়ার শেমগৎপা, লৈবা অমসুং শীজিন্নবদা সরকারগী নেতৱার্ক শেন্না অশোই-অঙাম থোকহন্দবা খক নত্তনা ঐখোয়গী সপ্লাই চেনশিং, দিজিতেল ইকোনোমিশিং অমসুং খুন্নাই অপুনবা ওইনা ফিবম ফগৎনবা সাইবরগী শিংনরকপশিং ঙাকথোক্নবা ঐখোয়না থবক তৌগনি।

থবক অসিগী মখা তারকপা ওইনা, সাইবর সেকুরিতিগী মরমদা মীয়াম ৱাখল তাহন্নবা অমসুং সাইবরসেকুরিতিগী থবকশিং ফগৎহন্নবা, চহিগী ওইনা ক্বাদ সাইবর চেলেঞ্জ পাংথোক্নবা ক্বাদ লৈবাকশিংনা থৌরাং তৌরে। ক্বাদ সেনিয়র সাইবর গ্রুপনা শেমগৎপা শেন তান্নবা সমুদ্র মনুংগী তেলিকম্মুনিকেসন কেবলশিং ঙাক-শেন্নবা ক্বাদ এক্সন প্লানগী মতাংদা ঐখোয়না থবক পায়খৎলে। মালেমগী তেলিকম্মুনিকেসনগী ইনফ্রাস্ত্রকচর ঙাক-শেনবা এক্সন প্লান অসিনা লুচিংদুনা ঐখোয়গী তুংগী দিজিতেল কন্নেক্তিবিতি, মালেমগী ললোন-ইতিক অমসুং নুংঙাই-য়াইফবগী পান্দমশিং চাউখৎহনগনি।

স্পেস

ইন্দো-পেসিফিক লমদমদা স্পেসকা মরী লৈনবা এপ্লিকেসনশিং অমসুং তেক্নোলোজিশিংনা লৌরিবা থৌদাং ঐখোয়না খঙলে। মাঙজৌননা অইং-অশাগী ফিবমশিং খঙহন্নবা থবকশিং ফগৎহন্নবা অমসুং অকনবা নোংজু-নুংশাগী থৌদোকশিংগী চৈথেং নিংথিনা থেংন্নবা ইন্দো-পেসিফিক লৈবাকশিংদা মখা তানা আর্থ ওবজার্বেসন দেতা অমসুং অতোপ্পা স্পেসকা মরী লৈনবা এপ্লিকেসনশিং পীনবা ঐখোয় লৈবাক মরিনা য়ানরে। হিরম অসিদা, অকনবা নোংজু-নুংশাগী থৌদোকশিং স্পেসতগী য়েংশিন্নবগীদমক ওপন সাইন্সকী ৱাখল্লোন শৌগৎনবা মাউরিসিয়সকীদমক স্পেস-বেজ ৱেব পোর্তেল অমা ভারতনা হাংদোকপা অসিদা ঐখোয়না তরাম্না ওক্লি।

ক্বাদ ইনভেস্তরস নেতৱার্ক(কুইন)

ক্লিন ইনর্জি, সেমিকন্দক্তরশিং, ক্রিতিকেল মিনিরেলশিং অমসুং ক্বান্তম য়াওনা মরুওইবা তেক্নোলোজিশিংদা শেন থাদবা হেনগৎনবা ক্বাদ ইনভেস্তরস নেতৱার্ক(কুইন) য়াওনা লনাই কাংবুগী থবকশিং ঐখোয়না তরাম্না ওক্লি। সপ্লাই চেন য়োকখৎনবা, অৱাংবা থাক্কী অপুনবা রিছার্স অমসুং দিবলপমেন্ত, অনৌবা তেক্নোলোজিশিং য়োনবা অমসুং ঐখোয়গী তুংগী শিন্মীশিংদা শেন থাদবা হেনগৎহন্নবা কুইন্না শেনফম কয়া থাদরি।

মীগা-মীগা লৈনবা মরীশিং

ঐখোয়গী মীয়াম মরক্তা অমসুং ঐখোয়গী লৈবাকশিংগী মরক্তা অচেৎপা অমসুং তুংকোইবা মরীশিং হেন্না মপাঙ্গল কনখৎহন্নবা ক্বাদনা থবক পায়খৎলে। ক্বাদ ফেল্লোসিপকী মখাদা, ঐখোয়না তুংগী মীরোলগী সাইন্স, তেক্নোলোজি অমসুং থৌশিলগী লুচিংবশিংগী নেতৱার্ক অমা শেমগৎলে। ক্বাদ ফেল্লোসিপ পায়খৎনবা লুচিংলিবা, ইন্সতিতুৎ ওফ ইন্তরনেসনেল ইজুকেসনগা লোয়ননা, ক্বাদ সরকারশিংনা ক্বাদ ফেল্লোসিপকী অনিশুবা কাংবু তরাম্না ওক্লি অমসুং অহানবা ওইনা অসিয়ান লৈবাকশিংগী মহৈরোয়শিং য়াওহন্নবা থৌরম অসি পাকথোক-চাউথোকহনবদা তরাম্না ওক্লি। ক্বাদ ফেল্লোশিং জপান্দা লাইরিক তম্নবা জপান সরকারনা থৌরম অসি শৌগৎলি। গুগল, প্রাত ফাউন্দেসন অমসুং ৱেস্তর্ন দিজিতেল য়াওনা প্রাইভেত সেক্তরশিংনা মথংগী ফেল্লোশিং শৌগৎপদা ক্বাদনা তরাম্না ওক্লি। ভারত সরকারগী তেক্নিকেল ইন্সতিতুসন অমদা চহি  ৪গী অন্দরগ্রেজুয়েত ইঞ্জিনিয়ারিং প্রোগ্রাম অমা তম্নবা ইন্দো-পেসিফিক লৈবাকশিংগী মহৈরোয়শিংদা দোল্লর ৫০,০০০ রোমগী ক্বাদ স্কোলারশিপ ৫০ পীনবা ভারতনা লাউথোক্লে।

লমদম অমগী অমসুং মালেমগী ৱাথোকশিং লোইশিন্নবা পুন্না থবক তৌমিন্নবা

অসিয়ান্না ময়াইদা লৈবা অমসুং অপুনবা চিংনবা লৈতনা শৌগৎনবা ঙসি ঐখোয়না অমুক হন্না ৱারেপ লৌরে। ঐখোয়না মখা তানা অসিয়ান আউতলুক ওন ইন্দো-পেসিফিক(এ ও আই পি)দা শৌগৎকনি অমসুং ক্বাদকী থবকশিং অসিয়ানগী ফিদমশিং অমসুং মরুওইবশিংগা লোয়ননা চৎমিন্নগনি।

লমদম অসিগী মরুওইবা ৱারি শান্নবা মাংজিল থাবা ফোরম অমা ওইরিবা ইস্ত এসিয়া সম্মিৎ অমসুং অসিয়ান রিজনেল ফোরম য়াওনা, অসিয়ান্না লৌরিবা লুচিংবগী থৌদাং ঐখোয়না খঙলে। অসিয়ানগী মরুওইবা মরুপ ওইরিবা লৈবাকশিং ওইনা, ঐখোয় লৈবাক মরিনা মখা তানা ঐখোয়গী অসিয়ানগা লৈনবা মরীশিং মপাঙ্গল কনখৎহনগনি অমসুং এ.ও.আই.পি শৌগৎনবা ক্বাদকা হেন্না পুন্না থবক তৌমিন্ননবা খুদোংচাবশিং থিগনি।

অনিংবশিং ফংনবা অমসুং খুদোংচাদবশিং থেংন্নবা পেসিফিক ইথৎ লৈবাকশিংগা থবক তৌমিন্ননবা ঐখোয়না ৱারেপ লৌরে। চহি কয়া লমদম অসিগী থবক তৌদুনা লাক্লবা পেসিফিক রিজনেল ইন্সতিতুসনশিং ঐখোয়না মতেং পাংনবা ঐখোয়না অমুক হন্না ৱারেপ লৌরে। ২০২৪-২৫ তা তোঙ্গানা হৌজিক পি.আই.এফ চিয়ার ওইবদা তরাম্না ওক্লি। ব্লু পেসিফিক কন্তিঞ্জেন্তগী ২০৫০ স্ত্রাতেজিগী পান্দমশিং ঐখোয়না মখা তানা শৌগৎলি। ক্লাইমেত এক্সন, ওসিন হেল্থ, রিসিলিয়েন্ত ইনফ্রাস্ত্রকচর, মেরিতাইম সেকুরিতি অমসুং ফাইনান্সিএল ইন্তিগ্রেতি য়াওনা পেসিফিক্কী মরুওইবশিং ঐখোয় অমসুং ঐখোয়গী লৈবাকশিংনা মখা তানা তাগনি অমসুং খোঙথাং খুদিং লমজিংগনি। পেসিফিক্কী মীয়ামগী হিংনবগী লম্বীশিং, সেকুরিতি অমসুং নুংঙাই-য়াইফবদা অইং-অশাগী খল হোংলকপনা অচৌবা শিংনবা অমা ওইরিবা অসি ঐখোয়না খঙলে অমসুং ক্লাইমেত এক্সন্দা পেসিফিক ইথৎ লৈবাকশিংনা মালেমগী লুচিংবা ওইরক্লিবা অসিদা থাগৎপা ফোঙদোক্লি।

ভারত মহাসাগর লমদমদা মতেং পাংনবা হেনগৎহন্নবা ঐখোয়না মখা তানা থাজবা পীরি। লমদম অসিগী খুদোংচাদবশিং কোকহন্নবা ভারত মহাসাগর লমদমগী মরুওইবা ফোরম ওইরিবা আই.ও.আর.এ ঐখোয়না কন্না শৌগৎলি। আই.ও.আর.এ আউতলুক ওন ইন্দো-পেসিফিক(আই ও আই পি) গী থবক লোইশিন্নবা ভারতনা মাঙজিল থারিবা অসি ঐখোয়না ইকায়খুম্নবা উৎলি অমসুং মসি থবক ওইনা পাংথোকপদা ঐখোয়না শৌগৎপা ফোঙদোক্লি। চহি অসিদা আই.ই.আর.এগী চিয়ার ওইদুনা মখা তানা লমজিংবগীদমক ঐখোয়না শ্রী লঙ্কা থাগৎলি অমসুং ২০২৫ তা ভারতনা আই.ও.আর.এগী চিয়ার ওইগদৌরিবা অসিদা থাজবা থম্লি। লুচিংবশিং ওইনা, মনিংতম্বা অমসুং ঙমখৈগী অপুনবা শক্তম ইকায়খুম্নবা, সমুদ্রগী শরুক্তা শান্তি, অশোই-অঙাম থোকহন্দবা, সেকুরিতি অমসুং তুংদু-লৈতাবা থম্বা য়াওনা মালেমগী আইন্দা ঐখোয়না থাজবা থম্লি। মসিনা ইন্দো-পেসিফিক লৈবাকশিংদা তুংকোইনা চাউখৎপা অমসুং নুংঙাই-য়াইফবা পুরক্কনি। মালেমগী ওইনা সমুদ্রগী নিয়মদা য়ুম্ফম ওইবা ওর্দরদা শিংনরকপশিং থেংন্নবা, য়ুনাইতেদ নেসন্স কনভেন্সন ওন লো ও সি(য়ু এন সি এল ও সি) য়াওনা মালেমগী আইন ঙাক্না চৎপগী মরুওইবা ঐখোয়না লুম্না লৌরি।

ইস্ত অমসুং সাউথ চাইনা সিদা ওইরিবা ফিবমদা ঐখোয় হকচিন্না লৌরি। সাউথ চাইনা সিদা য়ান্দ্রিবা মফমশিংদা লান্মী থমজিল্লকপা অমসুং কিহনবা অমসুং মুক্নবগী থবকশিং লাকপদা ঐখোয়না মখা তানা নুঙনাংবা ফোঙদোক্লি। কোস্ত গার্দ অমসুং মেরিতাইম মিলিসিয়া ভেসেলশিং খুদোংথিনিঙাই ওইনা শীজিন্নবদা ঐখোয়না য়ানিংদবা ফোঙদোক্লি। অতোপ্পা লৈবাকশিংগী সমুদ্র মপান্দা লন-থুম থিবগী থবকশিংদা অপনবা পীবগী থবকশিং ঐখোয়না য়ানিংদে। সমুদ্রগী য়ানদবশিং মালেমগী আইনশিংগী মতুংইন্না শান্তি ওইনা য়াশিন্নবা পুরক্নবা ঐখোয়না অমুক হন্না ফোঙদোক্লি। নেভিগেসন অমসুং ওভরফ্লাইতগী মনিংতম্বা, আইন্না য়াবা মওংদা সমুদ্র শীজিন্নবা, মালেমগী আইন মতুংইন্না ললোন-ইতিক্কী থবক পাংথোকপা ঙাক্না চৎপগী মরুওইবা অদু ঐখোয়না অমুক হন্না তকশিল্লি। য়ুনাইতেদ নেসন্স কনভেন্সন ওন লো ও সি (য়ু এন সি এল ও সি)গী অপুনবা অমসুং তোপ-তোপ্পা মশক ঐখোয়না অমুক হন্না ফোঙদোক্লি অমসুং সমুদ্রশিংদা মখল খুদিংমক্কী থবকশিং পাংথোকপদা য়ুনাইতেদ নেসন্স কনভেন্সন ওন লো ও সি (য়ু এন সি এল ও সি)গী আইনগী ঙাক্লৌ মনুংদা পাংথোক্নবা ঐখোয়না অমুক হন্না ফোঙদোক্লি। সাউথ চাইনা সিদা ২০১৬ আর্বিতেল এৱার্দ পীখিবা অসি ঐখোয়না মরুওইনা লৌরি অমসুং মসিনা লৈবাকশিংগী মরক্তা য়ানদবশিং শান্তি ওইনা ৱারোইশিন পুরক্নবা য়ুম্ফম ওইরি।

অপুনবা ওইনা, ঐখোয়গী মরুপশিংগা লোয়ননা, মালেমগী শান্তি, নুংঙাই-য়াইফবা অমসুং তুংকোইনা চাউখৎপা পুরক্কদবা থবকশিং অমসুং মালেমগী ইন্সতিতুসনশিং ঐখোয়না মখা তানা শৌগৎকনি। ঐখোয়না অমুক হন্না য়ু.এন চার্তর অমসুং য়ু.এনগী য়ুম্বী মখোঙ অহুম শৌগৎলি। য়ু.এনগী অপুনবা শক্তম মসিগী চার্তর অমসুং মসিগী এজেন্সিশিং মাংহন্নবা হোৎনরকপশিং থেংন্নবা ঐখোয়না অমতা ওইনা থবক তৌগনি। য়ু.এনদা হেন্না শরুক য়ানবা, লৈবাক খুদিংমক কোনশিন্নবা, অরোন-অথুপ লৈহন্দনবা, মতিক চানা থবক তৌনবা, গনতন্ত্রিক ওইনবা অমসুং মরম চানা থবক তৌনবা  ঐখোয়না য়ু.এন সেকুরিতি কাউন্সিল শেমদোক্কনি। মসি য়ু.এন সেকুরিতি কাউন্সিলগী লেংদবা অমসুং নন-পর্মনেন্ত কাংলুপশিংগী মেম্বর ওইবা পাকথোক-চাউথোহন্দুনা পাংথোক্কনি। নৌনা শেমদোক্লবা সেকুরিতি কাউন্সিলদা লেংদবা সিতশিং পীগদবশিংগী মনুংদা অফ্রিকা, এসিয়া, লেতিন অমেরিকা অমসুং করিব্বিয়ান লৈবাকশিং য়াওরি।

ঙমখৈগী অপুনবা শক্তম, লৈবাকশিংগী মনিংতম্বা ইকায়খুম্নবা অমসুং ৱাথোকশিং শান্তি ওইনা ৱারোইশিন পুরকপা য়াওনা মালেমগী আইন অমসুং য়ু.এন চার্তরগী প্রিন্সিপালশিং ইকায়খুম্নবা উৎনবা ঐখোয়না লেপ্লি। য়ুক্রেনদা লাল  চৎথরিবা অসিদা ঐখোয়না য়াম্না কন্না নুংনাংবা ফোঙদোক্লি। লাল হেক হৌবদগী, ঐখোয় খুদিংমক য়ুক্রেনদা চৎলুরে অমসুং লাল অসি হকথেংন্না উরে অমসুং মনিংতম্বা অমসুং ঙমখৈগী অপুনবা শক্তম ইকায়খুম্নবা য়াওনা, য়ু.এন চার্তর য়াওনা মালেমগী আইনশিংগী পরিংদা খুদক্তা অমসুং তুংকোইনা চৎনবা য়াগদবা শান্তি পুরক্নবগী তঙাইফদবা অদু ঐখোয়না অমুক হন্না পল্লি। য়ুক্রেনগী লাল অসিনা মালেমগী চীঞ্জাক অমসুং ইনর্জি ফংবদা পীরিবা চৈথেং, মরুওইনা চাউখৎলক্লিবা অমসুং চাউখৎত্রিবা লৈবাকশিংনা থেংনরিবা অৱাবশিংগী ঐখোয়না খঙলে। লাল অসিগী মতাংদা, ন্যুক্লিয়ার খুৎলায়শিং শীজিন্নগনি নত্ত্রগা শীজিন্নগনি হায়না কিহনবা অসি য়ারোই। য়ু.এন চার্তরগী মতুংইন্না মালেমগী আইন ঙাকপগী মরুওইবা অদু ঐখোয়না খঙই। লৈবাক অমগী ঙমখৈগী অপুনবা শক্তম অমসুং মনিংতম্বা নত্ত্রগা রাজনিতিগী মনিংতম্বগী মায়োক্তা ফোর্স অমতনা কিহন্দনবা ঐখোয় লৈবাকশিংনা অমুক হন্না ফোঙদোক্লি।

য়ু.এন সেকুরিতি কাউন্সিল রিজোলুসনশিং খোঙ্গোইনদুনা নোর্থ কোরিয়ানা বেল্লিস্তিক মিসাইলশিং কাপখৎপা অমসুং লৈবাক অসিগী ন্যুক্লিয়ার খুৎলায়শিং মখা তানা শেমগৎপদা ঐখোয়না য়ানিংদবা ফোঙদোক্লি। থাগৎলিবশিং অসিনা মালেমগী শান্তি অমসুং তুংদু-লৈতাবদা অচৌবা শিংনবা অমা ওইহল্লে। লৈবাক অদুগী থবক খুদিংমক য়ু.এন সেকুরিতি কাউন্সিল রিজোলুসনশিংগী মতুংইন্না পাংথোক্নবা ঐখোয়না নোর্থ কোরিয়াদা তকশিল্লি অমসুং মখা তানা কাইহৌদনবা অমসুং ৱারি শান্নবগী থবক চৎথনবা হায়রি। মরী লৈনবা য়ু.এন সেকুরিতি কাউন্সিল রিজোলুসনশিং ঙাক্না কোরিয়ান পেনিন্সুলা মপুংফানা ন্যুক্লিয়ার খুৎলায়শিং থাদোক্নবা ঐখোয়না অমুক হন্না তকশিল্লি অমসুং লৈবাক খুদিংমক য়ু.এন সেকুরিতি কাউন্সিল রিজোলুসনশিং মপুংফানা ইন্নবা হায়রি। নোর্থ কোরিয়াদা লৈরিবা ন্যুক্লিয়ার অমসুং মিসাইল তেক্নোলোজিশিং লমদম অসিগী ৱাংমদা শন্দোকখিবা মাঙজৌননা থিংবগী তঙাইফদবা অদু ঐখোয়না তকশিল্লি। লৈবাক অসিগী আইন্না য়াদবা খুৎলায়শিং অমসুং বেল্লিসতিক্স মিসাইল প্রোগ্রামশিংদা শেন থাদনবা নোর্থ কোরিয়ানা নেতৱার্কশিং লান্না শীজিন্নবা, ফত্তবা সাইবরগী থবকশিং পাংথোকপা অমসুং মপান্দা লৈবা লৈবাক অসিগী মীওইশিংগী থবকশিং অসি ঐখোয়গী য়াম্না নুংনাংবা ওইরি। হিরম অসিগী মতাংদা, নোর্থ কোরিয়াদগী খুৎলায়শিং পীবা নত্ত্রগা খুৎলায়শিং অমসুং মরী লৈনবা পোৎলমশিং লৈবা থিংবা য়াওনা মরী লৈনবা য়ু.এন সেকুরিতি কাউন্সিল রিজোলুসনশিং ঙাক্না চৎনবা ঐখোয়না য়ু.এন মেম্বর লৈবাকশিংদা তকশিল্লি।

মালেমগী য়ানখিবা ৱাফমশিং হকথেংন্না খোঙ্গোইনদুনা, লৈবাকশিংনা নোর্থ কোরিয়াগা লোয়ননা মিলিতরিগী মতেং পাংনবদা ঐখোয়না নুংনাংবা ফোঙদোক্লি। নোর্থ কোরিয়াগা মরী লৈনবা য়ু.এন সেকুরিতি কাউন্সিল রিজোলুসনশিং সেঙ্কসনশিং ঙাক্তবা য়েংশিন্নবা লৈরিবা য়ু.এন পেনেলগী ৱারেপশিং নৌনা লৌদ্রি, মখা তানা মরী লৈনবা য়ু.এন সেকুরিতি কাউন্সিল রিজোলুসনশিং মপুংফানা চৎনহন্নবা ঐখোয়না অমুক হন্না ফোঙদোক্লি। রাখিনে স্তেৎ য়াওনা ম্যান্মারদা রাজনিতি, সেকুরিতি অমসুং মীওইবগী ফিবম শোকচিনবা হেঞ্জিল্লকপদা ঐখোয়না নুংনাংবা ফোঙদোক্লি। খুদক্তা হাৎনবা লেপ্নবা, লান্না অমসুং মীচং-মীখাই নাইনা ফাজিনখিবশিং থাদোক্নবা, মীওইবগী অৱাবা মতেং পাংবগী থবক্তা অপনবা পীদনবা, মরী লৈনবশিং ৱারি শান্নদুনা ৱারোইশিন পুরক্নবা অমসুং কাংলুপ খুদিংমক কোনশিনবা গনতন্ত্রগী লম্বীদা লাক্নবা অমুক হন্না তকশিল্লি। ম্যান্মারদা অসিয়ান চিয়ার অমসুং অসিয়ান চিয়ারগী থবক য়াওনা অসিয়ান্না লমজিংবা থবকশিং ঐখোয়না য়াম্না কন্না শৌগৎলি।  অসিয়ান-ফাইব পোইন্তসগী মখাদা থাজবা পীনখিবা খুদিংমক থবক ওইনা পাংথোক্নবা ঐখোয়না তকশিল্লি। হৌজিক চৎথরিবা মুক্নবা অসিনা লমদম অসিদা অচৌবা চৈথেং অমা পীরে, মসিনা লৈবাক লান্না সাইবরক্রাইম চৎথবা,  আইন্না য়াদনা দ্রগ ললোনবা অমসুং মীওইবা ললোনবা হেনগৎলক্লে।

খুৎলায়শিং অমসুং জেত ফুএল য়াওনা হিরম অনিমক্তা শীজিন্নবা য়াবা পোৎলমশিং পীবা থিংনবা লৈবাক খুদিংমক্তা ঐখোয়না অমুক হন্না হায়জরি। ঐখোয়না ম্যান্মারগী মীয়াম শৌগৎপা অমসুং মীয়ামগী মীয়াম্না লুচিংদুনা তুংকোইনা চৎনবা য়াবা ৱারোইশিন অমা পুরক্নবা থবক তৌনবা অমসুং ম্যান্মারদা গনতন্ত্র অমুক হল্লক্নবা ম্যান্মারগী মীয়াম ঐখোয়না শৌগৎনবা ঐখোয়না অমুক হন্না ৱারেপ লৌরে।

শান্তি ওইনা, দাইত্ব লৈনা অমসুং তুংকোইনা চৎনবা য়ানবা স্পেস শীজিন্ননবা লৈবাক খুদিংমক্তা ঐখোয়না হায়জরি। লৈবাক খুদিংমক্কী আউতর স্পেসগী সেকুরিতি হেনগৎহন্নবা অমসুং মালেমগী মতেং পাংনবা অমসুং অরোনবা লৈতবা  হেনগৎহন্নবা অমসুং থাজবা লৈহন্নবা থবকশিং ফগৎনবা ঐখোয়না মখা তানা থবক পায়খৎলি। আউতর স্পেস ত্রিতি য়াওনা, স্পেসকী থবকশিংগী হৌজিক লৈনরিবা মালেমগী আইনগী ঙাক্লৌশিং ঙাকপগী মরুওইবা অদু ঐখোয়না অমুক হন্না ফোঙদোক্লি। পৃথিবীগী ওর্বিতগী অকোয়বদা ন্যুক্লিয়ার খুৎলায়শিং পুবা পোৎলমশিং নত্ত্রগা মখল অমতগী খুৎলায়শিং থমদনবা, স্পেস স্তেসনশিংদা অসিগুম্বা খুৎলায়শিং থমদনবা ত্রিতিগী কাংলোনশিং ঙাক্নবা ঐখোয়না লৈবাকশিংদা হায়জরি।

মালেমগী লৈবাকশিংগী মরক্তা থাজনদবা অমসুং য়ানদবা লৈহন্নবা অরানবা পাউ শন্দোকপা য়াওনা, মেদিয়াগী মনিংতম্বা শৌগৎনবা অমসুং মপান লৈবাকশিংদগী অরানবা পাউ শন্দোকপা থিংনবা থবকশিং হেন্না মপাঙ্গল কনখৎহন্নবা ক্বাদনা অমুক হন্না ৱারেপশিং লৌরে। হায়রিবা থবকশিং অসি লৈবাক মনুং অমসুং মালেমগী অপাম্বশিংগী মায়োক্তা অপনবা পীনবা থবকশিংনি হায়বা ঐখোয়না খঙলে। মসি ঐখোয়না অপুনবা ওইনা থেংননবা ঐখোয়না ৱারেপ লৌরে। মালেমগী মীওইবগী হকশিংগী আইনশিং ইকায়খুম্নবা উৎনবা, সিবিল সোসাইতি মপাঙ্গল কনখৎহন্নবা, মেদিয়াগী মনিংতম্বা শৌগৎনবা, ওনলাইন্দা অরানবা তৌবা থেংনবা, তেক্নোলোজি শীজিন্নদুনা নুপীশিংদা হিংসাগী থবক চৎথবা অমসুং আইন্না য়াদবা থবকশিং থেংনবগী থবকশিংদা ঐখোয়গী থাজবা অমুক হন্না পীরি। লৈবাক লান্না পাংথোকপা তেরোরিজম য়াওনা মখল খুদিংমক্কী তেরোরিজম ঐখোয়না অমতা ওইনা য়ানিংদবা ফোঙদোক্লি। তেরোরিজমগী অকিবশিং ঙাকথোক্নবা, মশক খঙদোক্নবা অমসুং পাউখুম পীনবা মখোয়গী থৌনা অমসুং তৌবা ঙম্বা হেনগৎহন্নবা মালেমগী ওইনা মতেং পাংন্নবা অমসুং ঐখোয়গী রিজনেল পার্তনরশিংগা থবক তৌমিন্ননবা ঐখোয়না থবক পায়খৎলে। কিহনবগী থবকশিং পাংথোক্নবা অনৌবা তেক্নোলোজিশিং শীজিন্নরকপগী অকিবশিং থেংন্নবা মালেমগী আইনশিং শীজিন্নগনি।

অসিগুম্বা তেরোরিস্তগী থবকশিং চৎথরকপা মীওইশিংদা মরম চাবা থবক লৌগৎনবা পুন্না থবক তৌমিন্নবা ঐখোয়না ৱারেপ লৌরে। মুম্বাইদা ১৬/১১ অমসুং পাথানকোত এক্তেকশিং য়াওনা তেরোরিস্তকী এত্তেকশিং ঐখোয়না অমুক হন্না য়ানিংদবা ফোঙদোক্লি। য়ু.এন সেকুরিতি কাউন্সিল ১২৬৭ সেঙ্কসনস কম্মিতিনা পীবা চুনবা থবকশিং পায়খৎনবা ঐখোয়না থবক পায়খৎলে। তেরোরিজম থেংন্না অহানবা ক্বাদ ৱার্কিং গ্রুপতা খন্নখিবা ৱাফমশিং অমসুং হৌখিবা চহিদা হোনোলুলুদা মরিশুবা তেবলতোপ এক্সরসাইজগী লৌখিবা ৱারেপশিং ঐখোয়না তরাম্না ওক্লি অমসুং  নবেম্বর ২০২৪ দা জপান্দা মথংগী মীফম অমসুং তেবলতোপ এক্সরসাইজ পাংথোক্কদৌরিবা অসিদা থাজবা থম্লি। মিদল ইস্ততা শান্তি পুরক্নবা ঐখোয়গী অপাম্বা লৈরি। ওক্তোবর ৭,২০২৩ দা চৎথখিবা তেরর এক্তেক অদু ঐখোয়না অমতা ওইনা য়ানিংদবা ফোঙদোক্লি। গাজাদা মীওই কয়া শিখিবা অমসুং অৱাবা নংলিবা অসি য়ানিংদে। হামাসনা ফাজিল্লিবা মীওইশিং থাদোক্নবা অমসুং গাজাদা মতম শাংনবা চৎনবা য়াবা নোংমৈ কাপ্না লেপ্পগী থবক লৈহন্নবা ঐখোয়না তকশিল্লি। গাজা ফাউদুনা মীওইবগী মতেং পাংনবা শীজিন্নবা থৱায় কন্নবা পোৎলমশিং ফংহনবা হেনগৎহন্নবা অমসুং লমদম অসিদা উংখৎনবা থিংবগী মরুওইবা অদু ঐখোয়না খন্নরে। মালেমগী আইনশিং ঙাক্না চৎনবা লৈবাকশিংদা ঐখোয়না তকশিল্লি। ঐখোয়না য়ু.এন.এস.সি.আর এস/আর.ই.এস/২৭৩৫(২০২৪) তরাম্না ওক্লি অমসুং ফাজিন্দুনা থম্লিবা মীওইশিং থাদোক্নবা অমসুং খুদক্তা নোংমৈ কাপ্নবা লেপ্নবা মরী লৈনবশিংদা অকনবা মওংদা তকশিল্লি। মীচম মীয়ামগী পুন্সিশিং য়াওনা মতেং পাংলিবা মীওইশিংগী পুন্সি ঙাক-শেন্নবা ঐখোয়না নাকল অনিমক্তা তকশিল্লি। হকথেংন্না মীওইবগী অৱাবদা মতেং পাংবা দরকার ওইরিবশিং ফংহন্নবা মখোয়না মতেং পাংবা হেনগৎনবা, ইন্দো-পেসিফিক লৈবাকশিং য়াওনা, অতোপ্পা লৈবাকশিং ঐখোয়না পুক্নিং থৌগৎলি। মতুং তারকপদা গাজা অমুক হন্না শেমগৎ-শাগৎপগী থবকশিংদা মালেমগী লৈবাকশিংনা শৌগৎনবা ঐখোয়না ফোঙদোক্লি।

ইজরেলমচাশিং অমসুং পেলেস্তিনমচাশিং খুদক্তা, তুংকোইনা শান্তি ওইনা হিংনবা লৈবাক অনি থোক্না শেম্বগী পাম্বৈগী শরুক অমা ওইনা, ইজরেলগী ৱাফমশিংগী মতুংইন্না মনিংতম্বা পেলেস্তিন লৈবাক অমা শেম্নবা ঐখোয়না থাজবা মখা তানা থম্লি। ইজরেলনা লম লৌশিনবা অমসুং  নাকল অনিমক্কী হিংশাগী থবকশিং লোইশিন্নবা, লৈবাক অনি থোক্না শেম্বগী থবকশিং অমতা ওইনা শৌগৎকদবনি। লমদম অসিদা মুক্নবা হেনগৎলকপা থিংবগী দরকার ওইবা অদু ঐখোয়না ফোঙদোক্লি। রেদ সি অমসুং গল্ফ ওফ অদেন ফাউদুনা চৎলিবা মালেমগী অমসুং ললোন-ইতিক্কী জহাজশিংদা হন্দক হাওথিশিং অমসুং মখোয় শৌগৎপশিংনা লান্দারকখিবা অদু ঐখোয়না য়ানিংদে। মসিনা লমদম অসি তংদু-লৈতাবা লৈহন্দ্রে অমসুং নিংতম্না জহাজ হোনবা অমসুং ললোন-ইতিক পাংথোকপদা অপনবা পীরে অমসুং হিরোইশিং য়াওনা জহাজ তোংলিবা মীওশিংগী পুন্সিদা চৈথেং পীরে।

স্তেনেবল দিবলপমেন্ত গোলস(এস দি জি) ২০৩০গী পান্দমশিং থবক ওইনা পাংথোক্নবা অমসুং মসিগী পান্দমশিং ফংনবা ঐখোয়না অমুক হন্না থাজবা পীরি। অপুনবা থৌওং অমদা এস.দি.জিশিং ফংবগী মরুওইবা অদু ঐখোয়না পল্লি অমসুং লৈবাকশিংনা এজেন্দাশিং থবক ওইনা পাংথোকপদা য়ু.এন্না মরুওইবা থৌদাং অমা লৌরিবা অদু অমুক হন্না থম্লি। স্তেনেবল দিবলপমেন্ত গোলস(এস দি জি) ২০৩০গী পান্দমশিং থবক ওইনা পাংথোক্নবা ঐখোয়গী মতম চহি ৬ খক্তা ঙাইরে  অমসুং শেন-থুম, খুন্নাই অমসুং মহৌশাগী অকোয়বা ফিবমগী হিরম অহুম অসি অপুনবা ওইনা থোং মান্ননা চাউখৎহনগদবনি। মালেমগী হকশেল, তুংকোইনা চৎনবা য়াবা মওংদা চাউখৎপা  অমসুং অইং-অশাগী খল হোংলকপগী অৱাবশিং থেংননবা মালেমগী মীয়মদা খুদোংচাবশিং চপ মান্না ফংহনগদবনি। ৱুমেন, পিছ এন্দ সেকুরিতি(দব্লিউ পি এস) থবক ওইনা পাংথোক্নবা অমসুং মতেং পাংনবা ঐখোয়না থাজবা পীরি অমসুং মসিনা নুপীশিং অমসুং নুপীমচাশিংদা থোং মান্নবা অমসুং শক্তি পীগনি।

সম্মিৎ  ওফ ফ্যুচরদা য়াওনা, তুংকোইনা চৎনবা য়াবা চাউখৎ-থৌরাংগী মতাংদা খন্ননবা অকনবা থবক পায়খৎনবা ঐখোয়না থাজবা থম্লি। এস.দি.জিগী “কনাগুম্বা অমতা নাথৈরমদবা” হায়বা মরুওইবা পান্দমদা য়ুম্ফম ওইদুনা, মীওইবগী হকশিং অমসুং মীওইবগী ইকায়খুম্নবা লৈবা মালেম অমা ওইহন্নবা ক্বাদনা মখা তানা থবক ওইনা পাংথোক্কনি।

ঐখোয়, ক্বাদ লুচিংবশিং, ঐখোয়গী তুংলমচৎ শেম্নবা অমসুং ঐখোয় খুদিংমক্না হিংবা পাম্লিবা লমদম ওইহন্নবা ইন্দো-পেসিফিক লৈবাকশিংগা পুন্না থবক তৌমিন্ননবা মখা তানা কৎথোক্কনি।

ইন্দো-পেসিফিক্কীদমক তুংকোইবা মরুপশিং

হৌখিবা চহি তরুক, ভর্চুএল ওইনা অনিরক য়াওনা, ক্বাদ লুচিংবশিং তরুকলক উনখ্রে অমসুং হৌখিবা চহি ৮দা ক্বাদ ফোরেন মিনিস্তরশিং নিপাল্লক উনখ্রে। ক্বাদ লৈবাকশিংগী মীহুৎশিং চাংনাইনা উনরি অমসুং লৈবাক মরিগী এম্বেসেদরশিংগী মরক্তা অকনবা দিপ্লোমেতিক নেতৱার্কশিং লৈরি অমসুং লৈবাক অমগা অমগা মরুওইবা ৱাফমশিং খন্নরি অমসুং ইন্দো-পেসিফিক লৈবাকশিং শীনবা থুংআন কান্নবশিং পীনরি।

লাক্লিবা থা খর অসিদা অহানবা ওইনা ঐখোয়গী কম্মর্স অমসুং ইন্দস্ত্রি মিনিস্তরশিং মীফম পাংথোক্নবা থৌরাং তৌরিবা অসিদা ঐখোয়না তরাম্না ওক্লি। ইন্দো-পেসিফিক লৈবাকশিংদা লৈবাক মরিনা তুংদা শেন থাদনবগী ওইথোকপশিং মশক খঙদোক্নবা মীফম পাংথোক্নবা ঐখোয়গী দিলপমেন্ত ফাইনান্স ইন্সতিতুসন অমসুং এজেন্সিশিংগী লুচিংবশিংনা ৱারেপ লৌবদা ঐখোয়না তরাম্না ওক্লি। মমাঙদা অমুক্তা ওইখিদ্রিবা ফিবম অমদা ঐখোয়গী লৈবাক মরি মতেং পাংনরি।

ইন্দো-পেসিফিক লৈবাকশিংদা শেন থাদবা ঙম্নবা ঐখোয় ঐখোয়গী লৈবাকশিংগী বজেতশিংগী থবকশিংগী খুৎথাংদা থবক পাংথোক্নবা ঐখোয়গী সরকারশিংনা ৱারেপ লৌরে। ক্বাদ লৈবাকশিংগা অকনবা থবকশিং পায়খৎনবা অতোপ্পা মরীলৈনবশিং পুক্নিং থৌগৎনবা হিরম কয়াদা পীথোক-পীশিন তৌনবা হেনগৎহন্নবা ঐখোয়গী লেজিসলেচরশিংগা লোয়ননা থবক তৌমিন্ননবা ঐখোয়গী অপাম্বা লৈরে।

য়ু.এসনা য়ুম্বু ওইদুনা ২০২৫দা পাংথোক্কদৌরিবা মথংগী ক্বাদ ফোরেন মিনিস্তরশিংগী মীফমদা অমসুং ভারতনা শীন্দুনা ২০২৫ দা পাংথোক্কদৌরিবা মথংগী ক্বাদ লুচিংবশিংগী মীফমদা ঐখোয়না থাজবা থম্লি। ক্বাদ মখা তানা লৈখিগনি।

 ****