কেন্দ্রগী গৃহ মন্ত্রী অমসুং কোওপরেসন মন্ত্রী, শ্রী অমিত সাহনা নই দিল্লীদা মহাক্কী য়ুমদা ছত্তিসগরদগী নক্সলাইত ইরাংগী অৱা অনা তারবা মীওইশিংগা ৱারী শানখ্রে‍। থৌরমদুদা বস্তর পীস কম্মিতীগী মীৎয়েঙ মখাদা ছত্তিসগরগী LWE-এফেক্তেদ এরিয়াশিংদগী নক্সলাইত ইরাংনা শোকহল্লবা মীওই ৫৫না শরুক য়াখি‍।

বস্তর পীস কম্মিতীনা ছত্তিসগরগী নক্সসলিজম্না শোকহল্লবা মীওইশিংগী অৱা-অনা উৎপা দোকুমেন্তরী অমসু উৎখি‍। ভিক্তিম খরনা গৃহ মন্ত্রীগী মফমদা মখোয়গী অৱাবা ৱাফমশিং পাউদমখি‍।

নক্সলাইত ইরাংনা শোকহল্লবা মীওইশিংগা ৱারী শানখিবা অদুদা, প্রধান মন্ত্রী শ্রী নরেন্দ্র মোদীগী লুচিং মখাদা, কেন্দ্র লৈঙাক্না মার্চ, ২০২৬ ফাওবদা নক্সলিজম মুত্থৎনবা খোঙফম চেৎনা লেপ্লি হায়না কেন্দ্রগী গৃহ মন্ত্রী শ্রী অমিত সাহনা হায়খি‍। মোদী লৈঙাক্কী খুজিল থৌরাংনা মরম ওইরগা, লেফ্ত ৱিং এক্সত্রিমিজম হৌজিক্তি ছত্তিসগরগী দিস্ত্রক্ত খরদগী হেন্দ্রে হায়না মহাক্না হায়খি‍। নক্সলিজম অসি মীওইবা খুন্নাই অমসুং লৈবাকসিগী ইন্তরনেল সিক্যুরিতী অনিমক্তা শিংনবা অমনি হায়নসু শ্রী সাহনা হায়খি‍।

শ্রী অমিত সাহনা মখা তারদুনা থা অহুমগী মনুংদা, মোদী লৈঙাক অমসুং ছত্তিসগর লৈঙাক্না LWE না শোকহল্লবা মীওইশিংগী মপুং ওইবা চাউখৎ থৌরাংগী মপুং ফাবা স্কীম অমা পুরক্লগনি হায়খি‍। থৌরাং অসিগী খুত্থাঙদা ছত্তিসগর য়াওনা লৈবাক পুম্বদা লেফ্ত ৱিং এক্সত্রিমিজম্না শোকহল্লবা মীওইশিংনা হেল্থকেয়র ফেসিলিতীশিং, থবক্কী খুদোংচাবা, অমসুং অতৈ য়াইফ-থৌরাংগী স্কীমশিংগী কান্নবা ফংগনি হায়না মহাক্না ফোঙদোকখি‍।

LWE-এফেক্তেদ মফমশিংদা চাউখৎ থৌরাংগী থবক কয়াগী খুত্থাঙদা, মোদী লৈঙাক্না নক্সলাইতশিংদা পীরিবা পাউজেলদি মী হাৎলিবা মীশক্তুদগী কল্লিবা মীশক্তুনা হেন্না মতিক লৈ হায়বসিনি হায়না কেন্দ্রগী গৃহ মন্ত্রীনা হায়খি‍। নক্সলাইতশিংগী হক্কীদমক ৱা ঙাংলিবা মীওইশিংদুনা নক্সলিজম্না মরম ওইরগা অৱাবা নংলিবা মীওইশিংদুগী হক্কী মতাঙদসু খনগদবনি হায়বা ৱাফমসু কেন্দ্রগী গৃহ মন্ত্রীনা থমখি‍।

কেন্দ্রগী গৃহ মন্ত্রীনা লেফ্ত ৱিং এক্সত্রিমিস্তশিংগী মফমদা হিংশাগী লম্বী থাদোক্নবা অমসুং খুন্নাইগী পুন্সি মরেলদা তিল্লনবা ৱাফম থমখি‍। মার্চ ২০২৬ ফাওবদা LWE মপুং ফানা মুত্থৎলবা মতুংদা, বস্তর অমুক হন্না ফজবা, ইং-তপ্পা, অমসুং চাওখৎপা মফম অমা ওইরক্লগনি হায়না মহাক্না থাজবা ফোঙদোকখি‍।

*****