প্ৰধানমন্ত্ৰীৰ কাৰ্যালয়
প্ৰধানমন্ত্ৰীয়ে জন্মদিনৰ শুভেচ্ছাৰ বাবে ৰাষ্ট্ৰপতি আৰু উপ-ৰাষ্ট্ৰপতিৰ প্ৰতি কৃতজ্ঞতা প্ৰকাশ কৰে
প্ৰধানমন্ত্ৰীয়ে তেখেতৰ জন্মদিনত শুভেচ্ছা জনোৱা প্ৰতিজন ব্যক্তিক কৃতজ্ঞতা জনায়
Posted On:
17 SEP 2024 8:59PM by PIB Guwahati
প্ৰধানমন্ত্ৰী শ্ৰী নৰেন্দ্ৰ মোদীয়ে ৰাষ্ট্ৰপতি আৰু উপ-ৰাষ্ট্ৰপতিলৈ তেখেতৰ জন্মদিন উপলক্ষে শুভেচ্ছা জ্ঞাপনৰ বাবে কৃতজ্ঞতা প্ৰকাশ কৰিছে।
ৰাষ্ট্ৰপতিলৈ সঁহাৰি জনাই প্ৰধানমন্ত্ৰীগৰাকীয়ে কয়;
“সন্মানীয় @rashtrapatibhvn ডাঙৰীয়াণী, আপোনাৰ শুভেচ্ছাৰ বাবে বহু-বহু ধন্যবাদ! এখনি আত্মনিৰ্ভৰ আৰু উন্নত ভাৰতৰ সংকল্প বাস্তৱায়িতকৰণৰ ক্ষেত্ৰত আপোনাৰ প্ৰেৰণাদায়ী মাৰ্গদৰ্শন অতিশয় উৎসাহজনক। দেশ আৰু দেশবাসীৰ প্ৰতি আমাৰ দায়িত্ব পালনৰ ক্ষেত্ৰত চেষ্টাৰ কোনো ক্ৰুটি নকৰোঁ।”
উপ-ৰাষ্ট্ৰপতিলৈ সঁহাৰি জনাই প্ৰধানমন্ত্ৰীগৰাকীয়ে কয়;
“উপ-ৰাষ্ট্ৰপতি জগদীপ ধনখড় ডাঙৰীয়া, আপোনাৰ শুভেচ্ছাৰ বাবে মই কৃতজ্ঞ। ভিন্ন বিষয়ত আপোনাৰ দিহা-পৰামৰ্শ আৰু চিন্তাই মোক সমৃদ্ধ কৰি আহিছে।”
প্ৰধানমন্ত্ৰী শ্ৰী নৰেন্দ্ৰ মোদীয়ে তেখেতৰ জন্মদিন উপলক্ষে শুভেচ্ছা জনোৱা প্ৰতিগৰাকী ব্যক্তিকে ধন্যবাদ জ্ঞাপন কৰে। শ্ৰী মোদীয়ে কয়, মোক জন্মদিনৰ শুভেচ্ছা জনোৱা প্ৰতিগৰাকী ব্যক্তিকে ধন্যবাদ জনাইছোঁ। এই স্নেহে মোক ৰাইজৰ বাবে অধিক কষ্ট কৰিবলৈ অসীম শক্তি প্ৰদান কৰে।
প্ৰধানমন্ত্ৰীগৰাকীয়ে এক্স প’ষ্টত কয়;
“জনতাপৰা ইমান শুভেচ্ছা লাভ কৰি ধন্য হৈছোঁ।
মোক জন্মদিনৰ শুভেচ্ছা জনোৱা প্ৰতিজন ব্যক্তিক ধন্যবাদ জনাইছোঁ। এই স্নেহে মোক ৰাইজৰ বাবে অধিক কষ্ট কৰিবলৈ অসীম শক্তি প্ৰদান কৰে।
এই সময়তে আমাৰ তৃতীয় কাৰ্য্যকালৰ ১০০ দিন সম্পূৰ্ণ হৈছে। মই আনন্দিত যে যোৱা ১০০ দিনত এলানি জন-কেন্দ্ৰিক আৰু উন্নয়নমুখী সিদ্ধান্ত গ্ৰহণ কৰা হৈছে, যিয়ে আমাৰ এখনি বিকশিত ভাৰত গঢ়াৰ অন্বেষণত বৰঙণি যোগাব।
আজি একাধিক লোকে সমাজ সেৱাৰ প্ৰচেষ্টাত অংশগ্ৰহণ কৰিছে। মই তেওঁলোকৰ এনে মনোভাৱক প্ৰণাম জনাইছোঁ আৰু এই প্ৰচেষ্টাসমূহৰ বাবে শলাগ লৈছোঁ।”
*****
MJPS/ST
(Release ID: 2056716)
Visitor Counter : 15
Read this release in:
English
,
Urdu
,
Hindi
,
Marathi
,
Manipuri
,
Punjabi
,
Odia
,
Tamil
,
Telugu
,
Kannada
,
Malayalam