ইকাইখুম্নজরিবা প্রধান মন্ত্রী শ্রী নরেন্দ্র মোদীগী স্বচ্ছতা ইন্সতিত্যুসনেলাইজ তৌনবা অমসুং লৈঙাক্তা তাংবা হন্থনবগী মঙলান্না ইনোৎ পীরদুনা ইনফোর্মেসন অমসুং ব্রোদকাস্তিং মন্ত্রালয়না মখোয়গী ফীল্দ ওফিসশিংগী লোইননা স্পেসিএল কেম্পেন ৪.০ ওক্তোবর ২ দগীনা ওক্তোবর ৩১, ২০২৪ ফাওবদা স্বচ্ছতা ইন্সতিত্যুসনেলাইজ তৌবা, দিপেন্দেন্সী দিস্পোজেল, অহাংবা নীংথিনা শীজিন্নবা অমসুং তোঙান-তোঙানবা ঈ পাউ ফাওননবগী পাম্বৈশিংগী খুত্থাংদা ভাপ তাহনবা হেনগৎনবগী থবকশিং পায়খৎনবগী মীৎয়েংদা শরুক য়ানবা শেম শারে।

শ্রী সঞ্জয় জাজু, মন্ত্রালয় অসিগী সেক্রেতরীনা সেপ্তেম্বর ৬, ২০২৪দা ভারত পুম্বদা লৈঙাক্না লৌখৎলিবা তোঙান-তোঙানবা থবক থৌরমশিং মীয়ামদা খঙহনবা য়াওনা লোইশিন্দ্রিবা থবকশিং লোইশিন্নবা অমসুং স্বচ্ছতাগীদমক স্পেসিএল কেম্পেন ৪.০ চলাইনবা শেম শাবগী মতাংদা মীদিয়া হেদশিংগা হন্না য়েংশিনবগী মীফম অমা ফমখি।

স্পেসিএল কেম্পেন ৩.০

আই অমসুং বি মন্ত্রালয়না স্পেসিএল কেম্পেন ৩.০ মায় পাক্না পায়খৎখি। অপুনবা ওইনা আউৎদোর কেম্পেন ১০১৩ পাঙথোকখি অমসুং মফম ১৯৭২ খঙদোক্তুনা শেংদোকখি। ফাইল ২৮,৫৭৪ সু শুবা লোইশিনখি। স্ক্রেপ কিলোগ্রাম লাখ ২.০১ সু দিস্পোজ তৌখি অমসুং রেভিন্যু ওইনা লুপা করোর ৩.৬২ তানখি। মন্ত্রালয় অসিনা পব্লিক গ্রিভান্সেসকী ১০০% লোইশিনবা ঙমখি, সি.পি.জি.আর.এ.এম.এস.কী মখাদা লৈবা পব্লিক গ্রিভান্স আপিলশিং লোইশিনখি।

নবেম্বর ২০২৩ দগী ওগস্ত ২০২৪ ফাওবগী মনুংদা লোইশিনখিবশিং

মতম অসিগী মনুংদা, মন্ত্রালয় অসিনা মখা তানা স্বচ্ছতা ইন্সতিত্যুসনেলাইজ তৌনবা অমসুং লোইশিন্দনা লৈবা হীরমশিং লোইশিনবগী চাং ঙাক্না থম্বা ঙমখি।

মতম অসিগী মনুংদা পাঙথোকখিবা মরুওইবা থবকশিং:

• স্ক্রেপ্তগী রেভিন্যু ওইনা লুপা করোর ১.৬ তানখি
• স্ক্রেপ কিলোগ্রাম লাখ ১.৪৭ সু দিস্পোজ তৌখি
• ফাইল ১৮,৫২০ সু শুবা লোইশিনখি
• মফম ২,৪২২ শেংদোকখি
• মফম ৩৩,৫৪৬ হাংহনখি
• পব্লিক গ্রিভান্সেস ৩,০৪ লোইশিনবা ঙমখি অমসুং আপিল ৭৩৭ লোইশিনখি

***