വാര്‍ത്താവിതരണ പ്രക്ഷേപണ മന്ത്രാലയം
'സ്പെഷ്യൽ ക്യാമ്പയിൻ 4.0'-ൽ പങ്കെടുക്കാൻ വാർത്താവിതരണ പ്രക്ഷേപണ മന്ത്രാലയം തയ്യാറെടുക്കുന്നു
Posted On:
19 SEP 2024 9:31AM by PIB Thiruvananthpuram
ന്യൂ ഡൽഹി: 19 സെപ്റ്റംബർ 2024
സ്വച്ഛത സ്ഥാപനവൽക്കരിക്കാനും സർക്കാരിലെ കാലതാമസം കുറയ്ക്കാനുമുള്ള പ്രധാനമന്ത്രി ശ്രീ. നരേന്ദ്ര മോദിയുടെ വീക്ഷണത്തിൽ നിന്ന് പ്രചോദനം ഉൾക്കൊണ്ട്, കേന്ദ്ര വാർത്താ വിതരണ പ്രക്ഷേപണ മന്ത്രാലയവും അതിൻ്റെ ഫീൽഡ് ഓഫീസുകളും 2024 ഒക്ടോബർ 2 മുതൽ ഒക്ടോബർ 31 വരെ 'സ്പെഷ്യൽ ക്യാമ്പയിൻ 4.0' ൽ പങ്കെടുക്കാൻ തയ്യാറെടുക്കുന്നു. സ്വച്ഛതയെ സ്ഥാപനവൽക്കരിക്കുന്നതിനായുള്ള നല്ല മാതൃകകൾ സ്വീകരിക്കുക, കെട്ടിക്കിടക്കുന്ന കാര്യങ്ങൾക്കു തീർപ്പുകൽപ്പിക്കുക, മികച്ച സ്ഥല ക്രമീകരണം, വിവിധ മാധ്യമങ്ങളിലൂടെ അവബോധം സൃഷ്ടിക്കുക തുടങ്ങിയ പ്രവർത്തനങ്ങൾക്കാണ് മന്ത്രാലയം ഊന്നൽ നൽകുക.
സ്പെഷ്യൽ ക്യാമ്പയിൻ 3.0
സ്പെഷ്യൽ ക്യാമ്പയിൻ 3.0-ൽ വാർത്താവിതരണ പ്രക്ഷേപണ മന്ത്രാലയം വൻ വിജയ കണ്ടത്. മൊത്തം 1013 ഔട്ട്‌ഡോർ ക്യാമ്പയിനുകൾ നടത്തുകയും 1972 സ്ഥലങ്ങൾ കണ്ടെത്തി വൃത്തിയാക്കുകയും ചെയ്തു. 28,574 ഫയലുകൾ തീർത്തു. 2.01 ലക്ഷം കിലോഗ്രാം സ്ക്രാപ്പുകൾ നീക്കം ചെയ്തു, 3.62 കോടി വരുമാനം നേടി. CPGRAMS-ന് കീഴിലുള്ള പൊതുജന പരാതികളും പരാതി അപ്പീലുകളും തീർപ്പാക്കുന്നതിൽ മന്ത്രാലയം 100% ലക്ഷ്യം കൈവരിച്ചു.
നവംബർ 2023 മുതൽ ഓഗസ്റ്റ് വരെയുള്ള നേട്ടങ്ങൾ
ഈ കാലയളവിൽ, സ്വച്ഛതയുടെ സ്ഥാപനവൽക്കരണത്തിൻ്റെയും തീർപ്പുകൽപ്പിക്കാത്ത കാര്യങ്ങളുടെ തീർപ്പിൻ്റെയും ഗതിവേഗത നിലനിർത്താൻ മന്ത്രാലയം തുടർച്ചയായി പരിശ്രമിച്ചു. പ്രധാനപ്പെട്ട നേട്ടങ്ങൾ ചുവടെ:
- സ്ക്രാപ്പ് നിർമാർജനത്തിലൂടെ 1.76 കോടി വരുമാനം നേടി
- 1.47 ലക്ഷം കിലോഗ്രാം സ്ക്രാപ്പ് നിർമാർജനം ചെയ്തു
- 18,520 ഫയലുകൾ നീക്കം ചെയ്തു
- 110 പഴയ വാഹനങ്ങൾ ഒഴിവാക്കി
- 2,422 സ്ഥലങ്ങൾ വൃത്തിയാക്കി
- 33,546 ചതുരശ്ര അടി സ്ഥലം ഉപയോഗ യോഗ്യം ആക്കി
- 1,345 ഔട്ട്‌ഡോർ പ്രചാരണങ്ങൾ നടത്തി
- 3,044 പൊതുജന പരാതികളും 737 അപ്പീലുകളും തീർപ്പാക്കി
(Release ID: 2056526)
Visitor Counter : 50
Read this release in:
English
,
Urdu
,
Marathi
,
Hindi
,
Manipuri
,
Bengali-TR
,
Assamese
,
Punjabi
,
Gujarati
,
Odia
,
Tamil
,
Telugu