প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা নেস্নেল সেন্তর ওফ এক্সেলেন্স (NCoE) ফোর এনিমেসন, ভিজুএল ইফেক্তস, গেমিং, কোমিক্স অমসুং এক্সতেন্দ রিয়েলিতি (AVCG-XR) অসি কম্পেনী এক্ত, 2013গী মখাদা সেক্সন 8 কম্পেনী অমা ওইনা ভারত্তা ভারত সরকারগা পার্তনর ওইনা ইন্দস্ত্রীগী বোদীশিংগী মহুৎ শিন্দুনা ফেদরেসন ওফ ইন্দিয়ন চেম্বর্স ওফ কম্মর্স এন্দ ইন্দস্ত্রী অমসুং কনফেদরেসন ওফ ইন্দিয়ন ইন্দস্ত্রীগা লোয়ননা লিংখৎনবা অয়াবা পীখ্রে। NCoE অসি মহারাস্ত্রাগী মুম্বাইদা লিংখৎকনি অমসুং মসিনা লৈবাক অসিদা এ.ভি.জি.সি.গী তাস্ক ফোর্স অমা লিংখৎনবগীদমক 2022-23গীদমক কেন্দ্রগী শেল-থুম অমসুং কোর্পোরেৎ এফিয়র্সকী মন্ত্রীনা বজেত্তা লাউথোকখিবা অদুগী মতুং ইন্না ওইগনি।

ঙসিদি AVCG-XR সেক্তরনা ফিল্ম মেকিং, ওভর দি তোপ (ও.তি.তি.) প্লেৎফোর্মশিং, গেমিং, এদভর্টাইজমেন্ত অমসুং অতোপ্পা হিরম কয়াদা হেল্থ, এজুকেসন অমসুং অতোপ্পা সোসিএল সেক্তরশিং য়াওনা মীদিয়া অমসুং এন্তর্তেন্মেন্তকী লমদম পুম্বদা তঙাইফদবা থৌদাং অমা লৌরি। মসিনা লৈবাক অসিগী চাউখৎপগী ৱারীগী অপুনবা মওং-মতৌ অসি শম্নহল্লি। তেক্নোলোজী য়াম্না থুনা চাউখৎলকপা অমসুং লৈবাক শিনবা থুংনা ইন্তরনেত পেনিত্রেসন হেনগৎলকপা, খ্বাইদগী মমল হোংবা দেতা রেৎ অমা লৈরকপগা লোয়ননা, মালেম শিনবা থুংনা AVCG-XR শীজিন্নবা অসি য়াম্না থুনা হেনগৎলক্লি।

AVCG-XR সেক্তরদা চাউখৎপা পুরকপা

মসিগুম্বা অয়াঙবা খোঙজেল অসিগা মান্ননা চৎমিন্নবা ঙম্নবগীদমক্তা, নেস্নেল সেন্তর ওফ এক্সেলেন্স অসি লৈবাক অসিদা AVCG-XR ইকোসিস্তেম্বু লমজিংহন্নবগীদমক্তা মকোক থোংবা ইন্সতিত্যুসন অমা ওইনা থবক তৌনবা লিংখৎলি। AVCG-XR তেক্নোলোজীশিংগী খ্বাইদগী নৌবা স্কিল সেৎশিং অসিবু এমেচর অমসুং প্রোফেস্নেলশিংদা লৈহন্নবা অখন্নবা ত্রেনিং-কম-লর্নিং প্রোগ্রামশিং পীবগী মথক্তা, NCoEনা রিসর্স অমসুং দিবেলপমেন্তসু পুক্নিং থৌগৎকনি অমসুং AVCG-XRগী লমদা অচৌবা খুমাং চাওশিনবা পুরকপা ঙম্নবা কম্প্যুতর সাইন্স, ইঞ্জিনীয়রিং, দিজাইন অমসুং আর্তকুম্বা তোঙান তোঙানবা লমশিংগী এক্সপর্তশিং পুন্সিনগনি। নেস্নেল সেন্তর ওফ এক্সিলেন্স অসিনা দোমেস্তিক কঞ্জ্যুমর অমসুং গ্লোবেল আউতরিচ অনিমক্কীদমক ভারতকী আই.পি. শেমগৎপদা পাক-শন্না মীৎয়েং থমগনি। মসিনা ভারতকী শিংথানীংঙাই ওইরবা পুৱারী অমসুং কলচরেল হেরিতেজদা য়ুম্ফম ওইবা কন্তেন্ত শেমগৎপদা মপুং ওইনা মতেং পাংগনি। মসিগী মথক্তা, NCoEনা AVCG-XR ফিল্দদা স্তার্ত-অপশিং অমসুং অঙনবা স্তেজগী কম্পেনীশিং শেমগৎনবা রিসোর্সশিং পীদুনা ইনক্যুবেসন সেন্তর অমা ওইনা মথৌ তৌগনি। মসিগা লোয়ননা NCoEনা একাদেমিক এক্সিলেতর অমা ওইনা নত্তনা প্রদক্সন/ইন্দস্ত্রী এক্সিলেতর অমা ওইনা মথৌ তৌগনি।

মসিগী NCoE অসি AVCG-XR ইন্দস্ত্রীগী চাউখৎপগী থৌনা পীবা পথাপ অমা ওইহন্দুনা মসিনা লৈবাক অসিগী মফম পুম্নমক্তগী নহারোলশিংগীদমক থবক ফংহন্নবগী খ্বাইদগী চাউবা সোর্স অমা ওইগনি। মসিনা ক্রিএতিব আর্ত অমসুং দিজাইন সেক্তরদা চাউনা ইনোৎ পীরগনি অমসুং আত্মনির্ভর ভারত ইনিসিয়েতিবকী পান্দমশিং ফংহন্নবা AVCG-XRগী থবক থৌরমশিংগীদমক ভারত অসি হব ওইহল্লগনি।

AVCG-XRগীদমক NCoEনা ভারতপু কন্তেন্ত হব অমা ওইনা স্তেত-ওফ-দি-আর্ত কন্তেন্ত পীনবগীদমক থমগনি। মসিনা মালেমগী ওইনা ভারতকী সোফ পাৱর হেঙ্গৎহল্লগনি অমসুং মীদিয়া অমসুং এন্তর্তেন্মেন্ত সেক্তরদা মপানগী শেন থাদোকপা পুক্নিং চিংশিনহল্লগনি।

***